Elə indi Malayziyaya səyahət etməyiniz üçün 13 səbəb

Malayziya kimi multietnik və çox dinli ölkə tapmaq çətindir. Bu rəngarəng cəmiyyətin ölkənin ən güclü tərəfi olduğunu deyə bilərik. Statistika göstərir ki, 2019-cu ildə 26,1 milyon turist Malayziyanı ziyarət edib. Hökumət 2020-ci ildə ziyarətçi sayını daha da artırmağı planlaşdırırdı, lakin COVID-19 bütün planları pozdu. Bəlkə 2020-ci ildə bunu edə bilmədilər, amma sonrakı illərdə hədəfə çatacaqlarına şübhə yoxdur. Getdikcə peyvəndlə bağlı müsbət xəbərlər alırıq və ümid edirəm ki, pandemiya yaxın bir neçə ayda bitəcək və 2021-ci ildə belə bir problemlə qarşılaşmayacağıq. Mövzuya geri dönsək, bu gün sizə Malayziyaya səyahət etmək üçün 13 səbəb vermək istəyirəm. Bu bloqda Malayziyada haraya səyahət etməli olduğunuzu, Malayziyada hansı dildə danışıldığını, Malayziyaya səyahət etmək üçün ən yaxşı vaxtın nə olduğunu, Malaysia Airlines-dən istifadənin təhlükəsizliyini, və s. öyrənəcəksiniz.

1. Cənub-Şərqi Asiyanın ulduzu

Malayziya haradadır? Malayziya Bruney, İndoneziya və Tayland ilə qonşu olan Cənub-Şərqi Asiya ölkəsidir. Bunu da qeyd etməliyik ki, Cənub-Şərqi Asiya bölgəsinin özü Asiyada ən çox ziyarət edilən yerlərdən biridir. Son bir il ərzində ziyarətçi sayı 130 milyonu keçib və Malayziya bu bölgədə ən çox ziyarət edilən ikinci ölkədir. Malayziyaya səyahət etmək üçün hər kəsin müxtəlif səbəbləri var. Bəziləri buraya ləzzətli mətbəx üçün səyahət edərkən, bir qrup insan da təbiətə görə edir və s.

2. Ləzzətli mətbəx

Yuxarıda qeyd etdiyim kimi, Malayziyada bir çox müxtəlif millətlər birlikdə yaşayır və beləcə multikulturalizmin təsirləri bütün sahələrdə müşahidə olunur. Malayziya mətbəxinin də Hindistan, Çin, Orta Şərq, İndoneziya və bir sıra Avropa ölkələrinin qarışığı olduğunu deyə bilərəm. Yerli mətbəxdə ən çox istifadə olunan inqredientlərə limon otu bitkisi, sarıkök kökü, köri tozu, qurudulmuş qırmızı çili bibəri, xurma şəkəri və s. aiddir. Malayziya mətbəxində seçilən yeməklər hansılardır? Əksər insanlar Nasi lemakın ölkənin milli yeməyi olduğunu qəbul edirlər. İkan bakar, Nasi kandar, Roti canai, Curry laksa, Char kuay teow və s. kimi digər ləzzətli yeməkləri sınamağı məsləhət görürəm.

3. Etnik müxtəliflik

Müxtəlif millətlərdən, inanclardan və irqlərdən olan insanlarla tanış olmağı sevirsinizsə, səyahət edə biləcəyiniz ən yaxşı yerlərdən biri Malayziyadır. Ölkədə üç əsas etnik qrup var: malaylar, çinlilər və Cənubi Asiya yarımadasının xalqları. Malaylar dedikdə, təxminən 40 yerli qəbiləni nəzərdə tuturam və onlar hamısı birlikdə əhalinin təxminən 58%-ni təşkil edir. Malaylardan sonra ikinci yeri 24% ilə çinlilər tutur. Malaylar daha çox kənd yerlərində, çinlilər isə şəhər və mədən bölgələrində yaşayırlar. Üstəlik, yarımadada Orang Asli adlanan, malay olmayan və təxminən 50.000 nəfərdən ibarət olan yerli xalq da yaşayır.

4. Multilinqualizm

İnsanlar Malayziyada çoxlu müxtəlif etnik qrupların yaşadığını öyrəndikdə ağıllarında bir sual yaranır: Malayziyada hansı dildə danışılır? Ölkədə ən çox istifadə edilən dil Malayziyanın rəsmi dili olan malay dilidir. İngilis dilindən nə xəbər? Ölkədə ən çox istifadə edilən ikinci dil ingilis dilidir. Hətta yerli sakinlər belə gündəlik danışıqlarında ingilis və malay dilini qarışdırırlar. Malayziyada kifayət qədər çinli yaşadığı üçün geniş yayılmış bir başqa dil də Çin dilidir. Hokkien, bölgədə danışılan Kanton, Hakka, Teochew, Fuzhou, Hainanese dialektləri ilə müqayisədə ən çox yayılan Çin ləhcəsidir. Qısaca, Malayziyaya səyahətiniz zamanı bir çox fərqli dil eşidəcəksiniz və bu ölkədə uzun müddət qalmaq istəyirsinizsə, onlardan bəzilərini öyrənməyə başlaya bilərsiniz.

5. Münasib qiymətlər

Büdcə planlaması səyahətdən öncə ediləcək əsas şeylərdən biri büdcədir. Sizin üçün əla xəbərim var. Malayziyada pul probleminiz olmayacaq! Malayziya büdcəyə uyğun turistik yer kimi tanınır. Xüsusən də Tayland, Vyetnam və ya Kamboca kimi ölkələri ziyarət etmisinizsə, fərqi hiss edəcəksiniz. Bu üç ölkədən fərqli olaraq Malayziya münasib qiymətlərlə yemək və qonaqlama yerləri təklif edir. Ölkənin demək olar ki, bütün şəhərlərində əlverişli qiymətlərlə qonaqlama yerləri tapa bilərsiniz. Ancaq yenə də ölkənin paytaxtı digər şəhərlərə nisbətən biraz bahadır. Nəticə olaraq, maliyyə problemləri barəsində narahat olmayın və diqqətinizi Malayziyada həyəcan verici vaxt keçirməyə yönəldin.

6. Tropik iqlim

Dondurucu temperaturdan qaçmaq istəyirsiniz? Cavabınız “bəli” olarsa, dərhal Malayziyaya səyahət etmək üçün bilet alın. Malayziya turistlər üçün əla bir atmosfer yaradan xoş tropik iqlimə malikdir. Temperatur 20-25 Selsi arasında dəyişir və təxmin etdiyiniz kimi, ölkənin digər ölkələrin əksəriyyətində olduğu kimi dörd fəsli yoxdur. Malayziyaya səyahət üçün ən yaxşı vaxt nədir? Ümumi olaraq belə hesab olunur ki, Malayziyaya səyahət etmək üçün ən yaxşı vaxt dekabr-aprel ayları arasıdır. Bu dövrdə hava isti və nəmli olur, həmçinin yağış da nadir hallarda müşahidə edilir.

7. Müxtəlif dinlər və bir ölkə

Malayziya müsəlmanların, xristianların, buddistlərin və s. evidir. Əhalinin əksəriyyəti İslama inansa da, digər dinlərə qarşı böyük hörmət var. Malayziyanın federarativ konstitusiyası din və etiqad azadlığını qoruyur. Təəssüf ki, dünyanın digər yerlərində olduğu kimi Malayziyada da bəzi dini problemlər yaşanıb, lakin bu, geniş yayılmayıb. İndiki zamanda əhalinin 60%-i müsəlman, 24% -i isə xristiandır. Ölkənin dini tikililərinə Buddist Maha Vihara, Camek məscidi, Putra Məscidi, Federativ Bölgə məscidi, Müqəddəs Francis Xavier kilsəsi, Müqəddəs Paul kilsəsi, Müqəddəs Pyotr kilsəsi və s. aiddir.

8. Möhtəşəm hikinq parkurları

Prioritetlər insanlardan asılı olaraq dəyişir. Bəzi insanlar hündürmərtəbəli binaları və canlı gecə həyatı olan izdihamlı şəhərlərə, digər bir qrup isə təbiəti araşdırmağa üstünlük verir. Əgər siz ikinci qrupa aidsinizsə, Malayziyada xoş vaxt keçirəcəksiniz. Malayziyada hara səyahət etmək olar? Bu ölkə sizə Bukit Gasing Forest Park, Broga Hill, Cameron Highlands, Rainbow Falls, Penang Hill, Mount Kinabalu, Bukit Tabur, Saga Hill kimi sonsuz hikinq parkurları təklif edir. Zəngin biomüxtəliflik və valehedici təbiət mənzərəsi sizə nağıldaymış kimi hiss etdirəcəkdir.

9. YUNESKO-nun Ümumdünya irsi obyektləri

Malayziya son illərdə sürətli bir iqtisadi artım göstərdi. Bunun əsas səbəbi Malayziyada iş qurmaq istəyən xarici investorlardır. Bu tendensiya hələ 1800-cü illərdən sonra başlasa da, son illərdə inanılmaz bir şəkildə trend oldu. Bu maraqdan dolayı ölkədə çox şey dəyişdi, ancaq Pinanq və Malakka kimi bəzi yerlər özünəməxsusluğunu qorudu. Malayziyada haranı ziyarət etməli? Ziyarət ediləcək çox yer var, ancaq məhz YUNESKO-nun Ümumdünya irsi obyektlərini ziyarət etmək istəsəniz, Malayziyada onlardan dördü var: Lenggong vadisinin arxeolojik irsi, Gunung Mulu Milli Parkı, Kinabalu Park və Malakka və Corctaun.

10. Multikultural incəsənət

"Sənət özümüzü tapmağımıza və eyni zamanda özümüzü itirməyimizə imkan verir." - Tomas Merton. Sənət malaylar üçün olduqca vacibdir. Çin və malay mədəniyyətinin harmoniyası heyranedici gözəlliklər yaratdı. İndoneziya və Bali mədəniyyətini özündə cəmləşdirən peranakanlar bu milli sənətin incisidir. Qarışıq mədəniyyətin cazibədar təsirləri memarlıqda da nəzərə çarpır. Çin dizaynlarını malay motivləri ilə qarışdıran tikililər görülməyə dəyər.

11. Festivallar və bayramlar

Malayziyada keçirdiyiniz vaxt cansıxıcı ola bilməz, çünki burada hər zaman festival var. Bu festivallar zamanı fərqli irq mənsubları bir araya gəlir. Ramazanda müsəlmanlar dostlarını və qonşularını (inanclarından asılı olmayaraq) birlikdə yemək yeməyə dəvət edirlər. Çin Yeni ilində hindlilər, çinlilər, malaylar və digər xalqlar küçələrə toplaşaraq qeyri-adi bir ab-hava yaradırlar. Digər festivallara misal olaraq Thaipusam, Vesak günü, Kaamatan, "Rainforest World Music Festival" və s. qeyd edə bilərik.

12. Adalar

Malayziyada 878 ada var, lakin onların əksəriyyətində insanlar yaşamır. Ziyarət edə biləcəyiniz məşhur adalar: Lanqkavi adaları, Perhentian adaları, Redang adası, Pangkor adası və s. Bu adaların büllur kimi şəffaf suyu və ağ qumlu çimərlikləri sizi gözləyir. Hikinq, çimərlik voleybolu oynamaq, qayıq gəzintiləri, üzgüçülük və dalış zövq ala biləcəyiniz fəaliyyətlərdəndir. Bu adalarda dadlı mətbəxi sınamaq şansınız da olacaq. Unudulmaz bir bal ayı keçirmək istəyən cütlüklər, burada sizin üçün çoxlu ideal otellər var.

13. Cinayət nisbəti

Malayziyaya səyahət təhlükəsizdirmi? Malayziya cinayət nisbəti aşağı olan ölkələrdən biridir. Bu ölkədə adam oğurluğu, soyğunçuluq və digər cinayətlərə çox nadir hallarda rast gəlinir. Yəni Malayziyada istədiyiniz zaman sərbəst şəkildə küçələrdə gəzə bilərsiniz. Əlbəttə ki, bu, ehtiyatı əldən verməniz demək deyil, üstəlik, dünya miqyasında pandemiya dövrünü yaşayarkən. Özünüzlə maska, antibakterial təmizləyici maddə və s. götürün və insanlarla məsafənizi qoruyun.

Əlavə informasiya

Malayziya bayrağının mənası nədir? Malayziya bayrağında dörd rəng var: göy, sarı, ağ və qırmızı. Malayziya bayrağındakı aypara İslamı təmsil edir. Mavi hissə Malayziya xalqının birliyini göstərərkən, sarı rəng Malayziya hökmdarlarının kralliyyət rəngini simvollaşdırır. Malaysia Airlines-dən istifadə etmək təhlükəsizdirmi? Malaysia Airlines təhlükəsizlik baxımından etibarlı bir keçmişə sahibdir. Tarixlərində yalnız bir qəza halı baş verib.