Palikirdə 12 İnstaqramlıq yer

Bir çox səyyah yeni turistik yerlər araşdırarkən instaqramlıq yerləri necə tapacağını düşünür. Sakit okeanın tropik ada ölkələri həm istirahət, həm də fotosessiya etmək məqsədilə səyahət etmək üçün ən yaxşı yerlərdən biridir. Mikroneziya Federativ Ştatlarının paytaxtı Palikir heyranedici instaqramlıq yerlərə ev sahibliyi edir. Palikir şimal-qərbdən Yaponiya, qərbdən Filippinlə su sərhəddinə sahibdir. Axipelaq ölkələri öz təbii xüsusiyyətləri ilə hər kəsi heyran etməyi bacarır və Mikroneziya Federativ Ştatları da bir neçə füsunkar adadan ibarət arxipelaq dövlətidir. Paytaxt Palikir mənzərəli təbiəti, möhtəşəm çimərlikləri, sörfinq yerləri və isti tropik havası ilə dünyanın dörd bir tərəfindən qonaq gələn tursitləri heyran edir. Bura ən çox bəyənilən İnstaqram şəklininizi çəkə biləcəyiniz yerdir. Odur ki, gəlin, Palikirə səyahət zamanı qaçırmamanız gərəkən məkanlarla tanış olaq.

1. Kepirohi Şəlaləsi

Eko-turizmi və eko-macəranı sevənlər Kepirohi şəlaləsini ziyarət etməkdən zövq alacaqlar. Ekzotik bazalt qayalar, yaşıl torpaq və inanılmaz dərəcədə yumşaq su səsi tropik çöl atmosferini ən yaxşı şəkildə hiss etdirəcəkdir. Palma ağaclarının yarpaqları İnstaqram filtrlərinə mükəmməlcəsinə uyum göstərən tünd yaşıl rəngə malikdir. Şəlalənin töküldüyü yerdə saysız-hesabsız rəngli balıq və ekzotik yosun növlərini görə bilərsiniz. Həmçinin şəlalə ətrafında müxtəlif otellər də var. Palikirdən Kepirohi şəlaləsinə getmək yalnız bir neçə saat çəkir.

2. Nan Madol

Nan Madol xarabaları olaraq da bilinən bu arxeoloji sahə, əsas ada hesab olunan - Ponpei adasının şərq hissəsində yerləşir. Min illər əvvəl yerli mikroneziyalılar daş, bazalt və mərcan kimi müxtəlif materiallardan onlarla kiçik ada düzəltdilər. Bəzi adalar arxeoloqların öyrənməsi üçün bir qədər çətin olan çox mürəkkəb quruluşa malikdir. Bu kiçik adalar və adacıqlar dini və inzibati yerlər meydana gətirdi. Sahil eroziyası yüzlərlə il ərzində adacıqların daşlarını tədricən aşındırıb. Lakin onların əsas quruluşları hələ də möhkəmdir. Nan Madol bir çox əcnəbinin diqqətini çəkən əfsanəvi tarixi məkandır. Bir çox insan Nan Madol xarabalarını görmək və kameraya almaq məqsədilə Palikirə səyahət edir. Dağılmış binalar arasındakı vulkanik daşların tünd rəngi və hündür palma ağacları İnstaqram filtrlərində heyrətləndirici dərəcədə qeyri-adi görünür. Bu tarixi məkanı ziyarət etməkdən və keçmişin izləri arasında instaqramlıq yerlər axtarmaqdan zövq alacaqsınız.

3. Ant Atollu

Ant atollu Mikroneziya Federativ Ştatlarının digər kiçik adaları ilə əlaqəli ürək şəklində bir rifdir. Palikirə səyahətiniz zamanı Ant atollu mütləq ziyarət edilməldir. Ağ qum, tropik meşələr və yumşaq torpaq səthi atol üçün tipikdir. Atol ətrafında gəmi turu zamanı mükəmməl mənzərələrin şahidi olacaqsınız. Bu, həqiqətən də bənzərsiz bir təcrübədir. Qeyd edək ki, Ant atollunda heç kim yaşamır və rif yalnız tropik flora və faunaya ev sahibliyi edir. Qara anous Ant atollu ətrafında məskunlaşan məşhur yerli dəniz quşudur. Atolun rəngli heyvanlar aləmi İnstaqramda post etmək üçün idealdır. Burada dalğıclıq və şnorkellinq təcrübələri zamanı da instaqramlıq şəkillər və videolar çəkə bilərsiniz. Yerli turizm agentlikləri atolla qrup səfərləri təşkil edirlər.

4. Sokehs Qayası

Paipalap olaraq da bilinən Sokehs qayası Mikroneziya Federativ Ştatlarının ən cazibədar topoqrafik gözəlliklərindən biridir. Sokehs qayası təbii qoruq olduğundan və şəhərdən çox uzaqda yerləşdiyindən oraya tək səyahət edə bilməzsiniz. Yerli turizm agentlikləri sizi digər turistlərlə birlikdə, qrup şəklində Paipalapa aparacaq. Mikroneziyanın digər adaları kimi, Sokehs qayasının da uzaqdan şəkillərini çəkməkdən zövq alacaqsınız. Əgər qayanı yağışlı və ya dumanlı bir gündə ziyarət etsəniz, Sakit okeandan yüksələn qayanın heyrətləndirici dərəcədə gözəl görüntülərini lentə alacaqsınız. Qayaya yaxınlaşdıqca o, daha sehrli görünür. Ən yaxşı instaqramlıq yerlərdən biri olmasının yanı sıra, Pailapap yabanı ananas və digər endemik tropik bitkilərə də ev sahibliyi edir.

5. Mt. Pwusehn Malek

Palikirin bütün mənzərəsini vulkanik qayalarının zirvəsindən görmək istərdinizmi? Elə isə Ponpei adasındakı bu kiçik dağı ziyarət edin. Bir çox səyahətçi Pwusehn Malekə dırmaşmanın çətin olduğunu iddia edir. Dar vadilərdən keçib sürüşkən vulkanik səthlərlə irəliləməlisiniz. Bununla birlikdə, Pwusehn Malekin zirvəsinə qalxmaq adanın instaqramlıq panoramik görünüşündən zövq almağa və fotolarını çəkməyə imkan verən inanılmaz bir təcrübə olacaq.

6. Pohnpaip Petroqlifləri

Pohnpaip petroqlifləri Mikroneziya ərazisindəki ən qeyri-adi və qədim yerdir. Min illər əvvəl yerli mikroneziyalılar vulkanik qayaların üzərində günümüzə qədər gəlib çatmış sadə şəkillər oyublar. Qədim insanlar insan bədəninin şəklini qollar, ayaqlar, baş, ayaqlar və s. kimi detallarla çəkməyə çalışıblar. Kanoe avarlarının şəkilləri Palikirdə keçmiş dövrlərdən bəri mövcud olmuş dəniz həyatı tarixini göstərir. Tropik yağışlar qayaüstü cizgiləri aşındırsa da, onlar hələ də görünür. Diqqətlə baxsanız, oymaların məzmununu təyin edə bilərsiniz. Kim bilir, bəlkə də ən çox bəyəni alan İnstaqram şəkliniz qədim vulkanik qayalardakı qədim oymalardan bəhs edəcək.

7. Qərbi Kitti

Qərbi Kitti Mikroneziya Federativ Ştatlarının ən məşhur instaqramlıq yerlərindən biridir. Bura yerli mikroneziyalıların qədim həyat tərzini və köhnə vərdişlərini yaşatdığı nadir yerlərdən biridir. Qərbi Kittidə ənənələr və dini qaydalar gündəlik həyatın dinamikasını təyin edir. Yerli sakinlər misilsiz bir Mikroneziya ləhcəsi ilə danışırlar. Yam becərmə, maral ovu və ənənəvi oyunlar yerli xalqın əsas fəaliyyətləridir. Füsunkar şəlalələr şəkil çəkmək üçün ən yaxşı məkanlardan hesab edilir.

8. Dausokele Estuarisi

Meşələrdən keçən tropik çay Mikroneziyanın ən instaqramlıq yeri olmağa əsas namizəd ola bilər. Dausokele estuarisi Palikirdən çox da uzaq deyil. Yerli turizm agentlikləri tərəfindən təşkil edilən qayıq və ya kanoe turu sizi oraya aparacaq. Suda üzən gənclər və söhbətdən, piknikdən və barbeküdən zövq alan insanlar sayəsində hövzə enerjili bir atmosferə sahibdir. Estuaridə güclü küləklər müşahidə edilmir, odur ki, burada narahatçılığa əsas olmadan üzə bilərsiniz. Ancaq bu zaman maraqlı İnstaqram hekayələri çəkməyi ehmal etməyin!

9. Nan Kiepw Kaskadı

Nan Kiepw kaskadı bir digər heyrətamiz məkandır. Ərazidə bir neçə kiçik nohura da rast gəlinir. Təəssüf ki, kaskadda üzmək qadağandır. Turizm agentlikləri turistlərin sevdiyi və mənzərəli tropik mənzərələrə heyran qaldıqları bu yerə müxtəlif səfərlər təşkil edirlər. Kaskad bölgəsində şəkil çəkmək üçün kifayət qədər yer mövcuddur. Pterocarpus santalinus, tropik qoz ağacları və göbələklər ətrafda bitən unikal yerli bitkilərdir. Tropik yarpaqların tünd yaşıl rəngi sayəsində heç bir İnstaqram filtrinə və rəng tənzimləmələrinə ehtiyac qalmayacaq.

10. İkinci Dünya Müharibəsi Obyektləri

Mikroneziya Federativ Ştatlarının ərazisi İkinci dünya müharibəsi dövrünə aid toplara, silahlara, nəqliyyat vasitələrinə və s. ev sahibliyi edir. Bu obyektlərin köhnə tərzi ölkəyə gələn əcnəbilərin diqqətini cəlb edir. İkinci dünya müharibəsi obyektləri, paytaxt Palikirin də yerləşdiyi Ponpei adasının ən məşhur turistik yerlərindən biridir.

11. Dau Reirei Adası

Dahu Reirei əsasən piknikçilər və kamperlər üçün tikilmiş bir neçə daxmadan ibarət rif üzərində inşa edilmiş, kiçik, süni bir adacıqdır. Bu yer həftə sonları və bayram  günlərində çox izdihamlı ola bilər, lakin digər vaxtlarda sadəcə möhtəşəmdir. Dahu Reireinin ən yaxşı attraksionlarından biri adaşıdır - çoxsaylı mərcan və balıq sürülərinə ev olan büllur kimi təmiz kanal. Kanal üzmək üçün idealdır.

12. Lepin Dau Adası

Lepin Dau adasında vəhşi təbiəti ən yaxşı şəkildə yaşayacaqsınız. Mikroneziyanın vəhşi heyvanları səfəriniz zamanı sizi müşayiət edəcək. Ancaq qorxmayın, onlar çox mehribandır və turistlərdən qorxmurlar. Adanın təbiəti də heyrətamizdir. Tropik meşələrin və çayın kombinasiyası sosial mediada yayımlamaq üçün ən mükəmməl fotoları çəkmənizə yardımçı olacaq.

Nəyi gözləyisiniz? Elə indi səyahətinizi planlayın, əşyalarınızı hazırlayın və Palikirə səyahət edin!