Neşvilldə 12 İnstaqramlıq yer

Çoxunuz Neşvilli musiqi həvəskarları üçün ən əlamətdar yerlərdən biri kimi tanıyırsınız. Əksər kantri sevərlər məşhur sənətçilərin bir zamanlar vaxt keçirdiyi klassik məkanları və yerləri görmək, həmçinin təcrübə etmək üçün Neşvillə səyahət edirlər. Bir çox insan bu şəhərdə hələ də mövcud olan musiqi səhnəsi canlılığını və çeşid müxtəlifliyini tərifləyir. Ancaq bir şey deyim, Neşvilldə musiqi xaricində də, bilinməsi və edilməsi gərəkən kifayət qədər şeylər var, məsələn instaqramlıq yerlər. Niyə İnstaqramda ən çox bəyəni alan şəkliniz buradan olmasın ki?

1. Honky Tonk Highway

Neşvillə səyahət etmiş bir çox şəxsin burada şəkli var, ona görə də siyahımızda olması vacibdir. Rəngarəng reklam lövhələri, yanıb-sönən işıqlar və küçənin tipik mənzərəsi. Həqiqətən də Neşvilldə görməniz gərəkən ən yaxşı yerlərdən biridir! Çoxları bura gecə vaxtı üz tuturlar, çünki partiçilər küçələri daha canlı hala gətirir. Yeni insanlarla tanış olmaq və musiqi barlarını ziyarət etmək istəyirsinizsə, buyurun! İnanın, Neşvilldən burada instaqramlıq şəkillər çəkdirmədən qayıtsanız, peşman olacaqsınız.

2. Bobby Hotel Rooftop Lounge

Çatı mənzərələri insanların xoşuna gələn bir şeydir. Normaldan daha çox görmə həcminə sahib olmaq bütün dünyada cəlbedici konsepsiyadır. Bəlkə də ona görədir ki, bura Neşvilldə ən yaxşı yerlərdən biridir. Ancaq içəridə sizə mohtəşəm İnstaqram şəkli çəkdirmənizdə kömək edəcək xüsusi bir yer var: çatı iqlularla doludur! Sevdiyiniz insanla birgə burada əla vaxt keçirə bilərsiniz.

3. Divar Rəsmləri

Necə oldu bilmirəm, ancaq divar rəsmləri Neşvillə gələn hər kəsin şəkillərini paylaşdığı şeylərdən biri oldu. Amma inanın ki, bu rəngli divarları görəndə siz də eynisini edəcəksiniz. Tam anlamıyla instaqramlıq yerlər! Yerli sənətçilər diqqət çəkməyə can atırlar və İnstaqram bunun üçün ən yaxşı yoldur. Neşvilldə özünüzə biraz vaxt ayırın və #WhatLiftsYouWings kimi bir çox divar rəsmlərini kəşf edin.

4. Nissan Stadionu

Bu yer olduqca epikdir. İnsanlarla doludur. Səsli-küylüdür və hamı çox həyəcanlıdır. İdmandan zövq alırsınızsa, Neşvilldə gəzməli yerlərdən biri olan stadion tam sizin üçündür! Pilləkənləri qalxın və stadionu arxanıza alaraq inanılmaz bir şəkil çəkdirin. Şəklin yüzlərlə bəlkə də minlərlə bəyəni alacağından əmin ola bilərsiniz. Stadionda hər hansı bir idman oyununa baxası olsanız, ehtiraslı bir fanat olmağı da yaddan çıxartmayın!

5. Tootsies Orchid Lounge

Neşvillə səyahət edirsinizsə, təcrübəli melomaniak olma ehtimalınız böyükdür. Və ya daha da yaxşısı - bir kantri musiqisi fanatı. Bu, sadəcə bir çox dünya şöhrətli sənətkarın kəşf edildiyi və ya səhnəyə çıxdığı əfsanəvi barları görmək istədiyiniz anlamına gələ bilər. Tootsies Orchid Lounge, Neşvilldə ikən keçmişə səyahət edə biləcəyiniz yerlərdən biridir. Əfsanəvi bar bu il 60 yaşını qeyd etdi! Möhtəşəm səhnə şouları üçün məkanı mütləq ziyarət edin.

6. Grimey's New & Preloved Music

Köhnə kitablar, köhnə vinillər və gələcəyin istedadlarına ev sahibliyi edən kiçik bir səhnə. Bütün bunlar rəngli divar kağızları ilə örtülmüş bu zərif instaqramlıq məkanda tapılır. Burada çəkilmiş şəkillər bütün musiqisevər izləyicilərinizi heyrətləndirəcək.

7. Nashville Farmers' Market

Yerli fermerlərdən yerli mallar. İnstaqram səhifənizin daha cəlbedici görünməsi üçün Neşvilldə nə edəcəyinizdən əmin deyilsinizsə, sadəcə bu fermer bazarına gedin və nəhəng balqabaqlardan (və ya mövsümdə mövcud olan başqa bir tərəvəzlə) biri ilə instaqramlıq selfi çəkin. Rəngarəng yeməklər sosial mediada çox yaxşı görünür! Şəhərin sevimli fotogenik məkanları barədə bəzi bilinməyən məlumatları əldə etmək üçün yerli sakinlərlə söhbət edə bilərsiniz.

8. Parthenon

Yox-yox, düzgün eşidirsiniz. Neşvill möhtəşəm yunan arxitekturasının yerli kopyasına sahibdir! Parthenon Centennial Park-da yerləşir. Bu kimi instaqramlıq yerlərin üstünlüyünün nə olduğunu bilirsiniz? Keçmişə səyahət! Parthenon mədəni və tarixi baxımdan valehedici bir yerdir, buna görə də Neşvilldə gəziləcək və buraxılmaması gərəkən yerlər arasındadır. Əlavətən burada ilahə Afinanın da heykəli var.

9. John Seigenthaler Pedestrian Bridge

Neşvilldə çəkilmiş ən çox bəyənilən İnstaqram şəkillərindən bəziləri məhz burada çəkilib və bunun səbəbini görmək asandır: möhkəm polad konstruksiyaların, axan çayın və şəhər mənzərəsinin harmoniyası. Bu həm də onu günəş batımı şəkilləri üçün ən yaxşı yerlərdən birinə çevirir, və ya moda şəkilləri, və ya ümumiyyətlə hər hansı bir görüntü üçün!

10. Arnold's Country Kitchen

Yemək yeməyi hər şeydən çox sevirsinizsə, Neşvilldə nə etməli? Bəlkə yerli əhalinin yediyi yeri sınayasınız? 30 ildən çoxdur ki, bu sevimli müəssisə "Meat & 3" adlı tələbi yüksək olan məhsullardan birini servis edir. "Meat & 3" sizə menyudakı ətlərdən birini və əlavətən üç qarniri seçmək şansı verir. Ümumi bölgədə populyar bir konsepsiya olmasına baxmayaraq, Neşvill onun meydana gəldiyi yer sayılır. Niyə Arnold's Country Kitchen bu siyahıda yer alır? Uzun sıralar, möhtəşəm yeməklər və orijinal ABŞ restoranı havası. İnstaqramda ən çox bəyənilən foto sizindir!

11. Union Station Hotel

Union Station Hotel Neşvillin ən instaqramlıq yerlərindən biri olmaqla yanaşı, həm də möhtəşəm bir oteldir. Otelin mərkəzi salonu vinteyc incidir və mükəmməl bir memarlıq və dizayn nümunəsi olaraq nümayiş olunur. Səbəbi isə məlumdur: bina əvvəllər dəmir yolu stansiyası olub və 1986-cı ildə otel kimi faəliyyətə başlayıb. Sizi əmin edirəm, bura Neşvilldəki ən gözəl yerlərdən biridir! Barlarda içki qəbul edin və hündürdəki pəncərələrdən içəri daxil olan gün işığından zövq alın. Və ya daha da yaxşısı - orada bir-iki gecə qalın.

12. Biscuit Love Gulch

Bonuts nədir? Bu tamamilə qəribə yeni desert növüdür - donuts və biskvitin qarışımı. Qızardılmış şirniyyatları mənim kimi çox sevirsinizsə, buranı ziyarət etmək, Neşvilldə ediləcək işlər siyahınızın başında olmalıdır! Dostlarınızı qısqandırmaq üçün bir-birindən maraqlı İnstaqram hekayələri paylaşmağı unutmayın!

Görürsünüz? Neşvillə səyahət etmək üçün çoxlu səbəb var və instaqramlıq yerlər bunlardan yalnız bir neçəsidir! İnstaqramda çox bəyəniləcək şəkilləri çəkməyi hədəfləyən səyahət bloqqerisinizsə, bu şəhəri mütləq ziyarət edin.

Daha öncə də haqqında danışdığım Parthenon səbəbindən bir çox insan Neşvilli Canubun Afinası adlandırır. Əlavə olaraq şəhərdə 30-dan çox universitet var. Bəlkə onların hamısında İnstaqram şəkilləri çəkmək, onlayn izdiham arasında fərqlənməyinizə səbəb olacaq?