Rio-de-Janeyroda 12 İnstaqramlıq yer

Braziliya meşələrin, çimərliklərin, çılğın festivalların, rəqslərin və s. vətənidir. Hər il 6 milyondan çox insan Braziliyaya səyahət edir və son illərdə turist sayında artım müşahidə olunur. Potensial ziyarətçilərin də kifayət qədər çox olduğunu nəzərə alaraq Braziliyanın ən instaqramlıq şəhərlərindən biri olan Rio-de-Janeyro haqqında məlumat verməyə qərar verdik. Bu bloqdan Rio-de-Janeyronun harada olduğunu, Rio-de-Janeyronın ən görməli yerlərinin haralar olduğunu və daha çoxunu öyrənəcəksiniz.

Rio-de-Janeyrodakı 12 instaqramlıq məkan haqqında danışmağa başlamazdan əvvəl şəhər haqqında əsas faktlara nəzər salaq. Rio-de-Janeyro haradadır? Şəhər Braziliyanın cənub-şərqində, Cənubi Atlantik okeanda yerləşir. Rio-de-Janeyro Braziliyanın ikinci ən böyük şəhəridir və 1,255 kvadrat km ərazini əhatə edir. Şəhərdə təxminən 6,7 milyon insan yaşayır. Braziliyanın rəsmi dili nədir? Ölkədə rəsmi dil portuqal dilidir, ancaq dil özünəməxsusluğu ilə seçilir. Braziliyanın rəsmi pul vahidi Braziliya realıdır. Dinə gəldikdə, əhalinin əksəriyyəti xristianlığa inanır.

Bəzi əsas məlumatları öyrəndik, indi Rio-de-Janeyronun instaqramlıq yerlərinə nəzər salaq.

1. İsa Məsihin heykəli

Əgər biz Rio-de-Janeyrodakı ən instaqramlıq yerlərdən danışırıqsa, şəhərin simvolunu mütləq qeyd etməliyik. Heykəlin yaradıcısı fransız heykəltəraş Paul Landovskidir. Ona bu yolda iki mühəndis: Heitor da Silva Costa və Albert Caquot kömək olmuşdur. 28 metr uzunluğunda qolları olan heykəl 30 metr hündürlüyündə və 635 metrik ton ağırlığındadır. Heykəlin ətrafında tez-tez toy və vəftiz mərasimləri təşkil olunur. Rio-de-Janeyroya səyahət zamanı İsa Məsihin valehedici heykəlini ziyarət etməyi və ətrafında yüzlərlə bəyəni alacaq instaqramlıq şəkillər çəkməyi unutmayın.

2. Petropolis

Petropolis şəhərdən 68 km məsafədədir. Bir başqa adı "İmperiya şəhəri" olan Petropolisin adı Braziliyanın sonuncu imperatoru II Pedro-nun şərəfinə verilib. İndiki vaxtda Petropolis öz gözəl evləri və qədim tarixi sayəsində turistlərin ən sevimli instaqramlıq yerlərindən biridir. Keçmişdə imperatorun Yay Sarayı olmuş məkan hal-hazırda imperiya dövrünü əks etdirən "Imperial Museum" olaraq xidmət göstərir. Digər tanınmış tikililərə Petropolis kafedralı, Kristal Saray və Santos Dumontun evi daxildir.

3. Lapa tağları

Siyahımızdakı üçüncü instaqramlıq yer Lapadakı tağlardır. 18-ci əsrdə şəhərə su daşımaq üçün su kəməri (körpüsü, "Carioca Aqueduct") kimi istifadə edilmiş, lakin 19-cu əsrin sonunda bağlanmışdır. 1896-cı ildən bəri kəmər tramvay üçün körpü kimi istifadə edilməyə başladı. Təəssüflər olsun ki, 2011-ci ildə burda dəhşətli qəza baş verdi, ancaq tramvay hələ də fəaliyyət göstərir. Vətəndaşlar və şəhərin qonaqları burada toplaşmağı sevirlər. Rio-de-Janeyroda əyləncəli vaxt keçirmək istəyirsinizsə, körpüyə ətrafın canlandığı, sakinlərin oxuyub-oynadığı gecə vaxtı gedin.

4. Rio-de-Janeyro Bələdiyyə Teatrı

Rio-de-Janeyro Bələdiyyə Teatrında ən az bir dəfə olmaq sizin üçün unudulmaz bir təcrübə olacaq. Şəhərin mərkəzindəki opera evi 20-ci əsrin əvvəllərində inşa edilmişdir. Neoklasik binanın qızıl rəngli güzgüləri və mərmər sütunları sizi ilk baxışdan heyran edəcəkdir. Bir çox insan binanın Parisdəki bir opera evinə bənzədiyinə inanır. Teatrda ən azı bir dəfə tamaşalardan zövq almaq əyləncəli olardı. Tamaşalar üçün bilet tapa bilməsəniz belə, teatrın cazibədar daxili dizaynını görmək üçün turlarda iştirak edə bilərsiniz. İnanıram ki, bu məqaləni oxuyan bir çox insan opera evini "Rio-de-Janeyroya səyahət zamanı mütləq görülməlilər" siyahısına əlavə edəcək.

5. Rio-de-Janeyronun çimərlikləri

Şübhəsiz ki, Rio-de-Janeyro çimərlikləri bütün dünyada məşhurdur. Şəhərdə çox sayda instaqramlıq çimərlik var və mən bəzi favoritlərimdən bəhs edəcəyəm. Bunlardan birincisi Prainha çimərliyidir - şəhər mərkəzinin yaxınlığında sakit bir yer axtaran insanlar üçün möhtəşəm bir yer. Cəngəlliklə örtülü aypara şəkilli çimərlik sizə Rio-de-Janeyroda gözəl vaxt keçirmək şansı verəcək. Rio-de-Janeyro, Prainha Beach-də nə etməli? Çimərlikdə ediləcək ən yaxşı şeylərdən biri sörf etməkdir, ancaq bu, sadəcə peşəkar sörfçülər üçün tövsiyə olunur. Qeyd etmək istədiyim başqa bir Rio-de-Janeyro çimərliyi şəhərin ən uzun sahil xəttinə sahib olan Barra da Tijuca çimərliyidir. Onu Ipanema və Kopakabana ilə müqayisə etsək, daha az sıxlıq olduğunu söyləyə bilərik. Rio-de-Janeyro, Barra da Tijuca Beach-də nə etməli? Çimərlikdə və ətraf ərazilərdə məşğul olmaq üçün çoxlu fəaliyyət tapa bilərsiniz. Çimərliyin yanında bir çox mağaza, kafe və restoran var. Ayrıca, çimərlik voleybolu oynaya və ya dostlarınız ilə sörfinq edə bilərsiniz.

6. Parque Lage

Lage parkı yağış meşələri ilə əhatə olunmuş və kafesi, bağçası və hətta kiçik bir akvariumu olan füsunkar bir yerdir. Bu ictimai parkda kafedə hipnozedici mənzərədən zövq ala, bağda istirahət edə, akvariumu müşahidə edə və ya digər görməli yerləri kəşfə çıxa bilərsiniz. Parkın əsas attraksionu vaxtilə məşhur opera müğənnisi olmuş Gabriella Besanzoni və həyat yoldaşı Henrique Lageyə məxsus evdir. Ayrıca, burada sənət sərgilərini pulsuz izləyə biləcəyiniz bir sənət məktəbi (Escola de Artes Visuais) də var. Parkda ediləcək başqa bir fəaliyyət, İsa Məsihin heykəlinə yürüş etməkdir. Heykələ tək gedə bilərsiniz, bəzi təhlükəli hikinq marşrutları səbəbilə turlara qatılmanız tövsiyə olunur.

7. Marakana Stadionu

Bildiyiniz kimi, futbolun Braziliya əhalisi üçün böyük əhəmiyyəti var. Tətiliniz zamanı çimərliklərdə, küçələrdə və daha çox yerdə futbol oynayan uşaqları, kişiləri, qadınları görəcəksiniz. Braziliyada futbol bu qədər populyar olduğu üçün çoxlu stadionlar da var və ən məşhur olan Marakana stadionudur. Marakana istifadəyə 1950-ci ildə verildi və həmin il tam 200000 tutuma malik idi. Əlbəttə ki, indi skamyalar səbəbilə tutum xeyli azalıb. 2014-cü ildə stadionda FIFA Dünya Kuboku keçirildi və yarış bəzi yeniləmə işləri aparıldı. Təşkilatçılar təhlükəsizlik məsələləri səbəbilə stadion tutumunu 80000-ə endirdi. Sonda deyə bilərəm ki, Marakana stadionu Rio-de-Janeyro səyahətinizin ən çox bəyənilən İnstaqram fotosunu çəkmək üçün ideal yerdir.

8. Tijuka Milli Parkı

Milli park dünyanın ən böyük şəhər meşə sahələrindən birinə sahibdir. Tijuca Milli Parkının əksər hissələri dağlarla örtülüdür və Rio-de-Janeyroda ediləcək ən yaxşı şeylərdən biri bu milli parkda hikinq etməkdir. Hikinq marşrutları arasında ən cəlbedici olan Rionun ən yüksək zirvəsinə - Pico da Tijuca-ya dpğru uzanan parkurdur. Həmin zirvədən şəhərin və Guanabara körfəzinin nəfəs kəsən mənzərələrini seyr edə və yüzlərlə bəyəni alacaq İnstaqram şəkilləri çəkə bilərsiniz. Əfsuslar olsun ki, qəhvə əkinlərinin istilası səbəbilə meşə az qala məhv olurdu. Xoşbəxtlikdən 9 milyondan çox ağac əkməkılə meşəni həmin fəlakətdən qurtardılar.

9. Jardim Botanico

Bitkilər aləmini sevirsinizsə, Rio-de-Janeyroya səyahətiniz zamanı şəhərin botanika bağını ziyarət etməyi unutmayın. Bağda 6500 növ 54 hektarlıq ərazidə yayılıb. Yaxınlıqdakı "Museu do Meio Ambiente" muzeyinə də baş çəkə bilərsiniz. Bunlardan başqa, bağda bir neçə abidə, fəvvarələr və yapon bağı var. Botanika bağı haradadır? Bağ eyni adlı distrikdə yerləşir.

10. Lagoa məhəlləsi

Rio-de-Janeyronun gəzməli yerlərinə başqa bir nümunə Lagoadır. Çox məşhur bir məhəllədir, çünki Lagoa məhəlləsi Cənubi Amerikada üçüncü ən bahalı məhəllədir. Bölgənin şöhrətini artıran bir başqa xüsusiyyət də Rodriqu-di-Freytaş laqunudur. Məhəllədə çimərliklərin füsunkar mənzərəsi müşayiəti ilə ləzzətli mətbəxdən zövq ala biləcəyiniz bir çox açıq hava kafe və restoranı tapa bilərsiniz.

11. Kopakabana çimərliyi

Rio-de-Janeyroda mütləq görülməli yerlərin siyahısını düzəltsək, Kopakabana çimərliyini heç bir şübhə olmadan qeyd etməliyik. Kopakabana əsasən iki xüsusiyyəti ilə tanınır: çimərlik və qala. Rio-de-Janeyro çimərliklərinə səyahət etmək üçün ən yaxşı vaxt nə vaxtdır? Bir çoxları dekabrdab mart ayına qədər olan müddətin Rio-de-Janeyro çimərliklərinə səyahət üçün ən yaxşı vaxt olduğunu söyləyirlər. Fort Copacabana-dakı hərbi muzeyi ziyarət etməklə Braziliya tarixi ilə əlaqəli yeni məlumatlar əldə edə bilərsiniz.

12. Rio-de-Janeyro karnivalı

Rio-de-Janeyro karnavalı dünyanın ən böyük festivalıdır və hər il keçirilir. Rio-de-Janeyro karnavalına hər il təxminən 2 milyon insan təşrif buyurur. İlk dəfə 1723-cü ildə başlanan ənənə o gündən bəri davam etdirilir. Festival əsasən fevral ayında başlayır və bəzən mart ayına qədər davam edir. Bir çox insan festival ərəfəsinin Rio-de-Janeiroya səyahət etmək üçün ən yaxşı vaxt olduğuna inanır. Bütün şəhər böyük bir parti məkanına çevrilir və hamı küçələrdə rəqs edir, mahnı oxuyur. Festivalla bağlı ən sevilən şey paradlardır. Samba məktəblərinin paradları karnavalda həlledici rol oynayır. Paradda beş bölgüyə ayrılmış 200-dən çox samba məktəbi iştirak edir.