Riqada rəqs etmək üçün Top 7 klub

Riqa haradadır?

Riqa Latviyanın paytaxtıdır və əhali sayı 600000-dir. Riqaya Moskvadan 10, Sankt-Peterburqdan isə cəmi 8 saata maşın və ya avtobusla getmək mümkündür. Dəmir yolu stansiyası və avtobus dayanacaqları tarixi şəhər mərkəzinin yaxınlığında yerləşir ki, bu da Riqanı daha əlçatan edir.

Riqa turistlərə muzeylərdə tarixi öyrənməyi, qədim tikililərə və kafedrallara heyran olmağı, restoranlarda milli yeməklər yeməyi təklif edir. Riqanın dolanbaclı küçələrini bir günə gəzə bilərsiniz, ancaq bu müddət bu gözəlliyə valeh olmaq üçün çox azdır. Gecə yarısından sonra Riqa tamamilə dəyişir: suvenir mağazaları, muzeylər, dükanlar səhərə qədər bağlanır. Bunun əvəzinə isə, gecə klubları və diskotekalar “oyanır" və qeyd edim ki, Riqada onların sayı hər hansı bir Avropa paytaxtından daha çoxdur. Yerlilərin bir ənənəsi var - onlar bir klubda uzun müddət qalmırlar. Klublar bir-birinə o qədər yaxındır ki, beş dəqiqədə özünüzü əvvəlki klubda olmayan tam başqa bir atmosferdə tapa bilərsiniz. Burada hər zövqə xitab edən seçim var: rok-barlar, caz kafelər, elit gecə klubları və s.

Riqanın gecə həyatı cümə axşamı başlayır və bazar günü başa çatır. Latviyanın paytaxtı Riqaya səyahət edirsinizsə, siz mütləq gecə klublarını ziyarət etməlisiniz və inanın ki, bir gecədə 5 kluba getmək sizi yormayacaq. İndi isə gəlin, Riqadakı ən yaxşı 7 gecə klubu ilə tanış olaq.

1. Studio 69

Riqanın ən yaxşı gecə klublarından biri olan Studio 69, Riqanın ürəyindəki "Royal Casino Spa & Hotel Resort" kompleksində yerləşir. Göstərişi və lüksü sevənlər üçün əla məkan olan Studio 69-a giriş asan deyil, çünki qapıda üz kontrolu var. Burada şıqlıq tələb olunur, idman ayaqqabıları və ya idman paltarlarınızla olduqda sizə girişə icazə verilməyəcək.

Daxili qırmızı və qızıl rənglərdə dizayn edilmiş klubun böyük salonunun mərkəzində bir səhnə var. Səhnənin tam qarşısında rəqs meydançası, arxasında isə hasarlanmış, masalı sahə var. Əgər dostlarınızla birgə gəlmək istyirsinizsə, mütləq öncədən rezerv etməlisiniz, ancaq rezervlerin sayının 10-la məhdudlaşdığını da unutmayın.

Studio 69 canlı konsertləri və DJ şouları ilə məşhurdur. Hər gecə xüsusi bir qonaq dəvət olunduğu üçün, kluba giriş 40 manatdır(20 avro). İş saatları: cümə və şənbə günləri saat 22.00-dan 6.00-dək. Girişə yalnız 21 yaşından böyük olanlar üçün icazə verilir.

2. Faraons

Faraons, ekzotik və qeyri-adi interyerləri sevənlər üçün xəyalların yeridir. Burada hər şey Qədim Misir üslubunda hazırlanıb: heroqliflər, piramidalar, keşişlərin və fironların heykəlləri, sfinkslər, sarkofaqlar. Klubun divarları və tavanları mavi, qırmızı, bənövşəyi və yaşıl rəngli lazerlərlə işıqlandırılır ki, bu da xüsusi, sirli bir atmosfer yaradır.

Bu üç mərtəbəli klub, Riqadakı ən böyük klublardan biridir və bir dəfəyə 1000 adamı qəbul edə bilər. Faraons-da siz erotik bir şou izləyə, diskoteka və retro musiqisindən zövq ala və ya canlı ifaya qulaq asa bilərsiniz.

Klubda 3 fərqli bar var. Giriş mərtəbədəki "Nefertiti" 24 saat açıqdır. Digər iki bar cümə və şənbə 23.45-dən 10.00-a qədər fəaliyyət göstərir.

3. La Belle Epoque

Yerlilər buranı "Fransız barı" adlandırırlar. Maza Monetu küçəsində kiçik bir yerdir. Bir otaq: bar təzgahı, boş sahə və bir neçə masaya sahib bir salon. Ancaq yenə də insanlar rəqs etmək üçün bura üz tuturlar.

Tələbələr xüsusilə ucuz alkoqollu içkilər üçün La Bella Epoque-ni seçirlər. Yarım litr pivə burada 4 manata(2 avro) satılır və bu, bütün Riqada ən aşağı qiymətdir. Elə bu səbəbdən, axşamlar klubun girişində növbə olur.

Yeri gəlmişkən, barda yemək də sifariş edə bilərsiniz. Seçim çox deyil, ancaq böyük bir dilimlə təqdim olunnan alma piroqunun dadına baxmağa dəyər. Seçim üçün bir neçə qəlyanaltı da var. Ekranlarda gündüz idman proqramları olsa da, axşamlar musiqi çalınır və hər kəs öz istədiyi musiqi parçasını seçə bilər. Məkan hər gün açıqdır.

4. DEPO

Depo-da siz müxtəlif janrdakı musiqiləri dinləyə bilərsiniz: indi, texno, hip-hop, rok, metal, punk və s. Klub 2002-ci ildən bəri fəaliyyət göstərir və Latviyanın ən görkəmli konsert məkanlarından biridir. Əsasən, məşhur Avropa qrupları çıxış etsə də, rəhbərlik həmçinin, az bilinən qruplara da şans verir. Depo-da siz özünüz də mahnı oxuya bilərsiniz. Bunun üçün ənənəvi "20 dəqiqəlik şöhrət" müsabiqəsi keçirilir. Poçt şöbəsinə sorğu göndərən və seçimdən keçən hər kəs səhnədə çıxış haqqını əldə edə bilər.

Depo-nun əsas özəlliyi isə işçiləridir. Hətta bəzi hallarda burada ofisiant işləyən yerli musiqiçilərlə tanış ola bilərsiniz. Qonaqlardan biri afişanı başa düşməsə, peşəkarlar ona hər şeyi izah edirlər. Klub bazar günündən başqa hər gün açıqdır. Bazar ertəsindən cümə axşamınadək ziyarətçilər saat 21.00-dan 3.00-dək qəbul olunur. Cümə və şənbə günləri isə saat 5.00-dək. Konsertə giriş 10-14 manata(5-7avro) başa gəlir.

5. Hardcore Hangover Club

Bu bar həm gündüz, həm də gecə işləyir. Gündüz saatlarında burada heç kim olmur, amma axşama yaxın insanlarla dolur. Məkanın interyeri burada dinlənilən musiqi kimi “vəhşidir”. Hardcore Hangover klubda yalnız rok musiqiləri qəbul görür. Turizm mövsümündə canlı musiqi konsertləri olan məkanı ziyarətçilər ən çox məhdudiyyət olmadığına görə sevirlər. Yaş və ya üz kontrolu yoxdur.

İçki seçimi müxtəlifdir. Sərt içkilərdən: rom, araq, viski, Riqa balzamı, daha yüngül içkilərdən: pivə, sidr və digər fərqli seçimlər mövcuddur. Yarım litrlik pivə sizə 6 manat(2.8 avroya) başa gələcək ki, bu, Latviyanın paytaxtı Riqa üçün inanılmaz dərəcədə aşağı qiymətdir. Barda isti və soyuq qəlyanaltılar da təqdim edilir. Dostlarınızla birgə əylənmək üçün VIP otaqlar da mövcuddur.

6. First Dacha

Riqadakı ən elit məkanlardan biri olan First Dacha-da hər kəs üz kontrolunda keçməlidir. Üstəlik, bəzi şoulara yalnız xüsusi dəvətnamə ilə giriş mümkündür. Lüks və şarm klubun ən önəmli özəlliklərindəndir və bunu istər terrasdakı hovuzdan, istər bahalı kokteyllərdən, bir sözlə hər detaldan başa düşə bilərsiniz. Burada şou-biznes ulduzları ilə də qarşılaşa bilərsiniz. Klub, Riqanın sənət və mədəniyyət mərkəzi kimi tanınan Andrejsala bölgəsində yerləşir.

Musiqi proqramına yalnızca dünyanın məşhur DJləri daxildir. Klub cümə və şənbə günləri saat 23.00-dan 6.00-dək açıqdır. Giriş yalnız 21 yaşı tamam olan şəxslər üçündür.

7. Coyote Fly

Klub Riqanın ikinci ən qədim parkı olan 200 yaşlı Vermanes bağında yerləşir. Məkanda 3 salon var və fərqli musiqi üslubları çalınır: pop, disko, retro və hətta rus hitləri. Hər iki-üç həftədə bir avropalı DJ-lər çıxış edən Coyote Fly-da bəzən rus qruplar da çıxış edirlər.

500 nəfəri qonaq edə bilən gecə klubuna giriş, qadınlar üçün pulsuzdur, kişilər üçün isə likyorla barter ediləcək 10 manat(5avro) depozit tələb olunur. Cümə və şənbə günləri yalnız 21 yaşdan yuxarı olanlara icazə verilir. Cümə axşamı isə məkan hamı üçün açıqdır. İş saatları: saat 23.00-dan 6.00-dək. Dress-code şərt olsa da, əsas məsələ köynək seçimidir, stiliniz isə önəmli deyil.