Almaniyadakı ən maraqlı muzeylər

Siz muzeyə ziyarəti sevənlərdənsiniz, ya yox bunun heç bir əhəmiyyəti yoxdur. Almaniyadakı ən yaxşı muzeylərin aşağıdakı siyahısı burada hamı üçün bir şey olduğuna zəmanət verir. Siyahıya həm tanınan, həm də az tanınan, həm kiçik, həm də böyük muzeylər daxildir. Ancaq bu muzeylərin hamısının ortaq bir cəhəti var: onlar bənzərsiz və müstəsnadırlar və ya olduqca qeyri-adi, xüsusi bir mövzu ilə məşğul olurlar. Bir çox insan Almaniyada neçə Holokost muzeyinin olduğu ilə maraqlanır. Biz bu yazımızda bu və digər maraqlı sualları da əhatə edəcəyik.

Perqam muzeyi, Berlin

Perqam muzeyi mədəniyyət tarixi ilə əlaqəli ən əhəmiyyətli muzeylərindən biridir. Muzey 1930-cu ildən bəri Berlinin Muzeylər Adasında yüksək qiymətləndirilir və 6000 illik tarixə aid şərq və Yaxın Şərq heykəllərinə, sənət əsərlərinə ev sahibliyi edir. Perqam muzeyi xüsusilə İştar darvazası, Zeus Qurbangahı və Miletin bazar darvazaları ilə məşhurdur. Bu binalar 19-cu əsrin sonlarından başlayaraq Asiyada və Şərqdə qazılmış, çıxarılmış və Berlinə gətirilmişdir. Muzey 2013-cü ildən bəri hissələrlə təmir edilir. Onu da qeyd edək ki, həm əfsanəvi Zeus Qurbangahı olan qurbangah zalı, həm də Ellinizm zalı inşaat işlərinə görə ən azı 2024-cü ilə qədər xalqa bağlı olacaq.

Alman Casus muzeyi, Berlin

Kəşfiyyatçılar, xəfiyyələr və agentlər - onların hamısının ümumi bir cəhəti var: bu peşələr dünyanın ikinci ən qədim peşəsinə - casusluğa aiddir. Cib telefonları və internetin icadından xeyli əvvəl də casusluq var idi. Almaniyanın yeganə casusluq muzeyində qədimdən günümüzə qədər nə qədər kələkbaz və hiyləgər olduğunu görə bilərsiniz. Sərgidə çoxsaylı təsirləndirici eksponatlar nümayiş olunur. Məsələn, James Bond filmlərindəki orijinal rekvizitlər, agent radiolar və ya zəhərli oxları olan çətirlər, pomada kameraları kimi möhtəşəm ixtiralar. Muzeyin hər yerində ziyarətçiləri agent və gizli xidmətlər dünyasına daha da yaxınlaşdırmaq üçün ən müasir texnologiyalardan istifadə olunur. Gizli agent bacarıqlarınızı sınamaq istəyirsinizsə, muzeyin diqqətçəkən məqamını qaçırmamalısınız: Lazer parkurları. Dörd çətinlik səviyyəsində, lazer şüalarını ən qısa müddətdə toxunmadan keçməlisiniz. Artan populyarlığı ilə Casus muzeyi Almaniyanın ən yaxşı muzeylərindən biri halına gəldi.

Təbiət Elmləri muzeyi, Berlin

Dinozavrlar aləmi muzeyin əsas attraksionudur və onu Almaniyanın ən maraqlı muzeylərindən birinə çevirir. Brahiozavr olaraq təsnif edilən Jiraffatitan muzeyin mərkəzi eksponatıdır və hündürlüyü 13.27 metr olan bu eksponat dünyanın ən böyük yığılmış dinozavr skeletidir. Görkəmli eksponatlara əlavə olaraq, dinozavr şousu interaktiv elementlərlə işıq saçır. Skeletlər Jurascopes ilə həyata qaytarıla bilər. 2020-ci ilin yanvar ayının sonuna qədər bu muzeydə Berlin Təbiət Tarixi Muzeyindəki Tristan Otto-dan borc olaraq alınmış Avropadakı tək Tirannozavr orijinal skeletini görmək olar.

Rok və Pop muzeyi, Qronau

Çox monitorlu animasiya, Udo Lindenberqin Qronaudakı Rok və Pop muzeyinə yol tapan hər kəsi salamlayır. Bu muzey Almaniyanın ən qeyri-adi və maraqlı muzeylərindən hesab olunur. Və bu qeyri-adi muzeyə ziyarəti musiqi həvəskarları əldən qaçırmamalıdır: yenilikçi bir səs sistemi və multimedia elementləri tərəfindən daşınan şəkillər, səslər və eksponatlar ziyarətləri bir təcrübəyə çevirir. Kreativ şəkildə dizayn edilmiş otaqlar ziyarətçiləri son onilliklərdəki rok və pop musiqisi dünyasına aparır. Freddi Merkyuri, Madonna, Elene Fişer kimi musiqi tarixindəki böyük adların həyatına dair müxtəlif məlumatlar əldə edirsiniz. Ulduzların xüsusi geyimlərinə, karyeralarındakı önəmli mərhələlərə və şəxsi həyatlarından maraqlı faktlara heyrətlənə bilərsiniz. Buradakı əsas məqamlar isə alman avanqard qrupu "Can"-ın  səsyazma studiyası Can Studio və Yaşıl Qutudur. Yaşıl qutuda ziyarətçilər özləri bir rok ulduzunun dərisinə bürünə bilərlər: kostyum geyinib, kameranın önünə atılıb musiqi videolarını qeyd edə bilərlər.

Alman muzeyi, Münhen

Pis xəbər: Alman muzeyindəki bütün eksponatlara daha yaxından baxmaq istəyirsinizsə, günlərinizi Münhen Muzey Adasında keçirməlisiniz. Yaxşı xəbər: Almaniyanın ən populyar muzeylərindən biri olduğu üçün Alman muzeyini ziyarət həmişə dəyərlidir. İlk ziyarət üçün məsləhətimiz: əvvəlcədən texnologiya və elm tarixinin əldən vermək istəmədiyiniz hissələrini vurğulayan plan qurun. Sizi Rayt qardaşlarının ilk motorlu təyyarəsi yoxsa Konrad Tsuzenin Z3-ü daha çox maraqlandırır? Yoxsa yüksək gərginlikli sistemdəki ildırım şousuna qoşulmağı üstün tutursunuz? Alman muzeyində hər kəs üçün bir şey olmalıdır.

Conditorei muzeyi, Kitzinqen

Bavariyada Vürtsburq yaxınlığındakı Kitzinqendə yerləşən Conditorei muzeyinin fasadı Almaniyanın ən “şirin” muzeyləri arasındadır Lakin təsirləndirici İntibah dövrünün yarı taxta evinin divarlarının arxasında qeyri-adi bir şey var: Conditorei muzeyi. Şirniyyatçılar, zəncəfilli çörək satanlar həmişə bu ərazidə yerləşmişdi ancaq uzun müddət kəşf olunmamış bir xəzinə isə çardaqda yatırdı. Vürtsburq Universiteti tərəfindən aşkarlanana və elmi olaraq qeyd olunana qədər bu şirniyyatçıların demək olar ki, heç bir  inventarlarına toxunulmamışdı. Bu kolleksiya özündə şokolad fiqurları üçün formalardan tutmuş tarixi resept kitablarına və mütəxəssis ədəbiyyatına qədər barındırır. Sərgi 19 və 20-ci əsrlərdəki çörək və şirniyyat ticarətindən bəhs edir. Almaniyanın hər yerindən toplanan kolleksiyalar inventarizasiyanı daha da genişləndirdi. Bu kiçik, lakin xüsusi muzeydə şəkər bişirmə sənəti ziyarətçilərin diqqətinə çatdırılır. Almaniyada bu növdəki yeganə muzeydir. Həmçinin, muzeyin tərkibində şirniyyat sevənlərin xərclədiyi pula dəyəcək bir kafe də yerləşir.

Mercedes-Benz muzeyi, Ştutqart

Əgər siz Mercedes maşınlarını sevir və istifadə edirsinizsə, bu sizin üçün Almaniyanın ən yaxşı muzeylərindən biri olacaqdır. Ştuttqartdakı Mercedes-Benz muzeyi, Star Trek-i xatırladan şüşə fasadı və liftləri ilə həm çöldən həm də içəridən “fütüristik” görünür. Mercedes-Benz dünyasındakı sərgi Karl Benz-dən elektromobilliyə qədər uzanan 130 illik avtomobil tarixini gözlər önünə sərir. II İohann Pavelin əfsanəvi “Papamobil” ini görmək istəyən və ya Lyuis Hemiltonun “Silver Arrow”-una heyran olmaq istəyən hər kəs bu muzeydən məmnun qalacaqdır.

Qətledilmiş Yəhudilərin xatirəsinə abidə, Berlin

Əgər Almaniyada neçə Holokost muzeyinin olduğu ilə maraqlanırsınızsa və yəhudilərin xatirələrinə ucaldılmış abidələri ziyarət etmək istəyirsinizsə, Berlin Holokost abidəsinə baş çəkməlisiniz. Bura altı milyona qədər qurbanın anım yeridir. Piter Aysenman tərəfindən dizayn edilmiş, müxtəlif yüksəklikdəki 2711 daşdan ibarət olan abidə, yeraltı məlumat saytı ilə tamamlanır. Abidənin şəxsiləşdirilməsi başqa şeylərin yanı sıra, Holokost tərəfindən məhv edilmiş fərqli yəhudi yaşayış mühitlərindən nümunəvi ailə hekayələrini təqdim etməklə, öldürülən və ya itkin düşən yəhudilərin adlarının olduğu ərazidə qısa tərcümeyi-halların oxunması yolu ilə olur. Bu abidə ilə Almaniya, Nasizm tərəfindən qətlə yetirilmiş altı milyon yəhudinin xatirəsini anmaq və alman tarixindəki bu ağlasığmaz hadisənin xatirəsini yaşatmaq niyyətindədir.

Nasist Məcburi Əmək Sənədləşmə Mərkəzi, Berlin

1943-cü ilin sonundan 1945-ci ilədək məcburi işçilər Britzer Strasse-də yerləşən yaşayış yerinin ortasındakı ərazidə əhalinin qarşısında işləməli idilər. Düşərgə 400-dən çoxu burada yerləşdirilən, 2160 məcburi işçi üçün tikilmişdi. 2006-cı ildən bəri bu tarixi məkanda Nasist Məcburi Əmək Sənədləşmə Mərkəzini (ing. Nazi Forced Labor Documentation Center) ziyarət etmək olar. Mərkəz 26 milyon insanı işləməyə məcbur edən Nasizm dövründəki məcburi əməyin tarixi haqqında məlumat verir. "Gündəlik Məcburi Əmək 1938-1945" daimi sərgisi nasistlər dövründəki məcburi əməyin tarixini əks etdirir. Fotoşəkillər və orijinal eksponatlardan istifadə edilən sərgi məcburi əməyin reallığını əks etdirir. İşğal olunmuş ərazilərdən deportasiya edilmiş təxminən 8.4 milyon məcburi işçiyə isə xüsusi diqqət yönəldilmişdir. “Barrack 13” düşərgədəki ən qədim binalardan biridir və bələdçi ilə birgə turlarda ziyarət edilə bilər. Əksər tarixsevərlər Almaniyada neçə Holokost muzeyinin olduğunu soruşurlar. Əslində isə, Holokost muzeylərinin əksəriyyəti Polşada yerləşir.

Alman Emiqrasiya Mərkəzi, Bremerhaven

Alman Emiqrasiya Mərkəzi Almaniyanın ən maraqlı muzeylərindən biridir. İndilərdə muzey, 1890-cı ildə 7.2 milyon insanın ABŞ-da yeni bir həyat qurmaq üçün Yeni Dünyaya getdiyi yerdir. Macəra dolu muzeydəki real 33 ailə hekayəsi qonaqları 300 illik alman köç tarixinə səyahətə aparır. Böyük muzeydə gəzən zaman siz  köç edən bir almanın Bremerhaven emiqrasiya limanındakı gözləmə salonundan gəmi ilə Nyu-Yorkdakı Ellis adasına gedişinə qədər keçdiyi bütün mərhələlərə şahidlik edirsiniz.