Rotterdamda 12 İnstaqramlıq yer

Rotterdam Hollandiyanın ən məşhur şəhərlərindən biridir. Bənzərsiz memarlıq, gecə həyatı və daha bir çox şey hər il Rotterdama bir milyondan çox səyahətçini cəlb edir. Bir çox insanın Rotterdama səyahət ilə maraqlandığını nəzərə alaraq, Rotterdamdakı 12 instaqramlıq məkandan ibarət siyahı hazırlamağa qərar verdik.

Əsas məlumatlar

Rotterdamdakı görməli yerlər haqqında danışmağa başlamazdan əvvəl şəhər haqqında bir az məlumat əldə edək. Rotterdam haradadır? Rotterdam, ölkənin cənub-qərbində yerləşir və Avropanın böyük bir limanı, həmçinin Hollandiyanın ikinci ən böyük şəhəridir. Rotterdam ölkədəki ən sıx və 180-dən çox müxtəlif millətin yaşadığı şəhərdir. Miqrantların əksəriyyəti Türkiyə, Surinam və Mərakeşdəndir. Əhalinin dini inanclarına gəldikdə, əksər vətəndaşların özlərini dinsiz kimi təqdi etdiklərini deyə bilərik. Sakinlər dünyanın müxtəlif yerlərindən gəldikləri üçün, ikidən çox dildə danışan insanlar tapmaq çətin deyil. Yalnız ingilis dili bilikləriniz olsa belə, ünsiyyət problemləri ilə bağlı narahat olmayın, çünki məlumatlar Hollandiya əhalisinin demək olar ki, 90 faizinin ingilis dilində danışdığını göstərir.

İndi isə Rotterdamda instaqramlıq yerlərdən danışmağın vaxtı gəldi.

1. Rotterdam Muzeyləri

Rotterdamda nə etməli? Rotterdamda ediləcək ilk işlərdən biri şəhərin muzeylərini ziyarət etməkdir. Muzeyləri sevib-sevməməyinizin fərqi yoxdur, sizi əmin edirəm ki, bundan zövq alacaqsınız. Bu muzeylərin hamısı dəyərlidir, amma ilk növbədə Nederlands Fotomuseum-dan bəhs etmək istəyirəm. Özündə 5.5 milyondan çox şəkil barındıran bu yer peşəkar və həvəskar fotoqrafların xəyallarındakı yerdir. Burada həm tarixi, həm də müasir şəkillər görəcəksiniz. Nederlands Fotomuseum hər il Henri Cartier-Bresson, Nan Goldin və s. kimi müxtəlif məşhur fotoqrafları qonaq qəbul edir. Maritime Museum Rotterdamın ən yaxşı yerlərinə bir digər nümunədir. Dediyim kimi, Avropanın ən böyük limanı Rotterdamdadır, buna görə də şəhərdə gəmilər və digər dəniz obyektləri haqqında xüsusi bir muzeyin olması təəccüblü deyil. Bu obyektlərin əksəriyyəti 1850-1970-ci illər perioduna aiddir. Ziyarət etməniz gərəkən digər muzeylərə Wereldmuseum Rotterdam, Rotterdam Museum və s. aiddir.

2. Rotterdam Limanı

Rotterdamın gözəlliyini kəşf etməyin bir çox yolu var və Rotterdam liman turu da bunlardan biridir. Liman turu üçün ən yaxşı yol isə Spidodur. Spido bu sahədə böyük təcrübəyə malikdir. Şirkət 1919-cu ildən bəri liman turları təşkil edir. Səyahət əsnasında Holland-America Line-ın keçmiş flaqman gəmisini, Hotel New York-u, Euromast-ı, müxtəlif tərsanələri və s görmək şansınız olacaq. Tur 75 dəqiqə davam edir. Böyüklər üçün qiymət 14,25, uşaqlar üçün isə 8,50 avrodur. Ayrıca, Spido gəmiləri əlil arabası və ev heyvanları üçün də uyğundur. Rəsmi veb saytdan bilet ala və gəminin vaxt qrafiki haqqında məlumat əldə edə bilərsiniz. Hekayənizdə paylaşmaq üçün bəzi instaqramlıq məqamları lenta almağı unutmayın.

3. Euromast Müşahidə Qülləsi

Euromast 1960-cı ildə inşa edilmiş müşahidə qülləsidir. Mükəmməl mənzərəsi ilə yanaşı, qüllə restoran və adrenalin pərəstişkarları üçün attraksion təqdim edir. Restoran və müşahidə göyərtəsi yerdən 100 metr yüksəklikdədir. Yuxarıya çıxmaq üçün fırlanan liftdən istifadə edə bilərsiniz. Yemək yedikdən, füsunkar mənzərəni müşahidə etdikdən və instaqramlıq şəkillər çəkdikdən sonra kəndirlərlə aşağı enə bilərsiniz, amma əlbəttə ki, bir mütəxəssisin rəhbərliyi altında. Ziyarətçilərin əksəriyyəti ən çox bəyənilən İnstaqram fotolarını Euromast-da çəkdiklərini söyləyirlər.

4. SS Rotterdam

Holland-America Line-ın köhnə flaqman gəmisi olan SS Rotterdam hal-hazırda Rotterdamın Maashavenında daimi olaraq dayanır. Gəminin daxili dizaynını və sənət əsərlərini 1950-ci ildə olduğu kimi bərpa etməyə çalışdılar. Bununla birlikdə restoranlar, otel otaqları və digər obyektlər modern üslubdadır. Restoran və otel otaqlarından başqa gəmidə rəhbər müşayiətində turlar da var. 1-2 saat davam edəcək tur üçün maksium 20 nəfər rezervasiya edə bilər. Bu turda gəmidə necə yaşamağı, gəminin tarixini və daha çox şeyi öyrənəcəksiniz. Bu otelə necə getmək olar? Gəmi-otelə çatmaq üçün şəxsi avtomobildən və ya ictimai nəqliyyatdan istifadə edə bilərsiniz. Məsələn, Rijnhaven metrosundan 77 nömrəli avtobusa minə bilərsiniz. Həmçinin sosial şəbəkələrdə dostlarınızla bölüşmək üçün bir-iki instaqramlıq şəkil çəkməyi də unutmayın.

5. Cube Houses

Kub Evlər Rotterdamın ən tanınmış turistik yerlərindən biridir. Piet Blom bu binaları dizayn edən memardır və sözü gedən dizaynın əsas məqsədinin insanlara bir kubda yaşamağın necə olduğunu hiss etdirmək olduğunu söyləyir. Evlər həftənin yeddi günü səhər 11:00-dan 17:00-dək ziyarətçilər üçün açıqdır. Bundan başqa, yaxınlıqda kiçik müəssisələr, mağazalar, məktəb və uşaq meydançası var.

6. Markthal

Əlbəttə ki, çox sayda qapalı bazar salonu görmüsünüz, amma sizi inandırıram ki, əvvəllər belə bir bazar salonu görməmisiniz. Hər şeydən əvvəl, salona girməzdən öncə xarici dizayn sizi hipnoz edəcək və içəri daxil olduqdan sonra bunun buzdağının sadəcə görünən tərəfi olduğunu başa düşəcəksiniz. Markthal-ı De Rotterdam Tours turlarında (təxminən bir saat davam edir) iştirak edərək də kəşf edə bilərsiniz. Turlardan başqa, burada əyləncəli vaxt keçirməniz və istirahət etməniz üçün bir çox kafe və restoranlar var. Çərşənbə axşamı və şənbə günləri Markthal-ın qarşısında ölkənin ən böyük açıq bazarını görə bilərsiniz.

7. Rotterdam Zoo

Bokito və ailəsini və ya Afrika savannalarını görmək istəyirsiniz? O zaman Blijdorp bölgəsindəki Rotterdam Zoo-ya gedin. Zoopark Rotterdamda görülməsi gərəkən ən maraqlı yerlərdən biridir. Qorilla ailəsi və savannadan başqa burada minlərlə Cənubi Amerika kəpənəkləri, anakondalar və pirana balıqları görmək şansınız olacaq. Buranı şəhərin ən maraqlı instaqramlıq yerlərindən birinə çevirən bir digər xüsusiyyət, kəpənək cənnətidir (Avropanın ən böyüyü). Heyvanlar, abidələr və daha çox şey haqqında daha ətraflı məlumat almaq üçün rəsmi Diergaarde Blijdorp tətbiqetməsini yükləyə bilərsiniz.

8. Witte de Withkwartier

Bir sənətsevər olaraq Rotterdamda nə etməli? Sizin üçün maraqlı ola biləcək bir çox muzeydən bəhs etdik, ancaq İnstaqramda ən çox bəyənilən şəklinizi çəkmək üçün başqa bir yer axtarırsınızsa, Witte de Withkwartier-ə üz tuta bilərsiniz. Bu bölgə Rotterdam sənət səhnəsinin ürəyi kimi tanınır və dinamik gecə həyatı ilə məşhurdur. Şəhərin bütün qalereyalarını, mədəniyyət mərkəzlərini araşdırdıqdan sonra Rotterdam gecə həyatında xoş vaxt keçirə bilərsiniz. De Witte Aap Rotterdamın həyəcan verici gecə həyatını yaşamaq üçün yaxşı bir nümunə ola bilər. Bura şəhərin ən məşhur barlarından biridir. Əgər barlar sizin üçün çox səs-küylüdürsə, Nieuw Rotterdams Cafe-yə üstünlük verə bilərsiniz. Rotterdam, Witte de Withkwartier-də maraqlı vaxt keçirə biləcəyiniz digər yerlər Ter Marsch & Co, La Bru, De Schouw və s. ola bilər.

9. Rotterdam Mərkəzi Stansiyası

Sosial media həyatımızın ayrılmaz bir hissəsidir və hər kəs dostları ilə bölüşmək üçün instaqramlıq şəkillər çəkməyi sevir. Xoşbəxtlikdən Rotterdamın bənzərsiz və heyrətləndirici arxitekturaya sahib çox sayda instaqramlıq məkanı var. Rotterdam Mərkəzi Stansiyası da bu yerlərə əla nümunələrdən biri ola bilər. Terminal 2014-cü ildə açıldı və qısa müddətdən sonra şəhərin simvollarından biri oldu. Bunun xaricində, stansiya Hollandiyanın əsas yerlərini birləşdirir. Məsələn, Amsterdamdan Rotterdama getmək üçün buradan istifadə edə bilərsiniz.

10. Laurenskerk Rotterdam

Rotterdamın instaqramlıq yerlərinə bir başqa nümunə də Laurenskerk Rotterdam-dır. Kilsə binası şəhərdə Orta əsr memarlığının yeganə xatirəsidir. Kilsə 1449-cu ilə aiddir. Bəzədilmiş tağlar, yüksək qübbəli tavanlar və kilsənin valehedici dini dekorasiyası sizi hipnoz edəcək.

11. Witte Huis

Witte Huis Avropadakı ilk çoxmərtəbəli bina olmaqla yanaşı, İkinci Dünya müharibəsi zamanı blitzkriqdən xilas olan bir neçə binadan biridir. Binanın görkəmli memarlıq üslubu onu asanlıqla nəzərə çarpan edir. Witte Huis-in populyarlığı video oyun yaradıcılarının diqqətini çəkdi və bu binanı Battlefield V adlı oyuna daxil etdilər.

12. Gözəl Parklar

Rotterdamda nə etməli? Şəhəri gəzdikdən və Rotterdamda əyləncəli vaxt keçirdikdən sonra rahatlamaq üçün bir məkana ehtiyacınız ola bilər. Xoşbəxtlikdən şəhərdə Zuiderpark, Museumpark, Arboretum Trompenburg və s. kimi ecazkar parklar var. Onların hər birində yüzlərlə bəyəni alacaq instaqramlıq şəkillər çəkdirə bilərsiniz.