Səyahət insana “heç vaxt etmərəm” dediyin hər şeyi etdirir. Qorxmayın bu hissdən, icazə verin bu hiss sizi bürüsün, qəbul edin onun varlığını. Bir gün özünüzlə tək olanda, musiqiyə qulaq asmaq istəmədiyiniz, kimləsə görüşmək, danışmaq istəmədiyiniz anlarda, yalnız beyninizin sizinlə söhbət etdiyi anlarda o xoş hisslər sizə yolunuzu tapmaqda bələdçi olacaq. Necə?
Səyahət sizə həyatın məhz kiçik xoşbəxt anları toplamaqdan ibarət olduğunu öyrədəcək. Hər nə edərsən et, zövqlə et. Zövq vermirsə, dərhal ayrılın ordan. Qısa zamanınızı hədər etməyin. "İnsanlar niyə səyahət edir?" deyə düşünürsünüzsə, sizi dünyanı kəşf etməyə sövq edəcək bu yazını oxuyun.
Niyə səyahət etməliyik?
.jpg)
Meksikadakı Astek və Maya sivilizasiyalarının izlərinə baş çəkin. Teotiuakan piramidasının və Çiçen İtsanın vahiməsini damarlarınızda hiss edin.
“McDonald’s”-a girməmiş Kubaya səyahət edin. Havanada bir ev tutun, qalxın terrasına, internetsiz həyatdan zövq alın. Yeməyin, suyun saatla, limitlə olduğunun necə hiss olduğunu təcrübədən keçirin. Limiti keçdiyinizə görə su belə ala bilməyib, acından yuxusuz qalın. Həyat necə dəyərlidir, anlayın.
Sonra Avstraliyaya baş çəkin. Aborigenlərin həyatını araşdırın.
Peruya gedin. İnka tayfaları ilə tanış olun. “Quechua” dilindən sözlər öyrənin.
Yeni Zelandiyaya səyahət edin. Maori tayfalarının mədəniyyətini yaxından öyrənin. Bir tayfanın necə güclü xarakterə malik olduğunu, necə mübarizələrdən keçib dövlət səviyyəsində öz mədəniyyətlərini, hüquqlarını qorumaqlarını danışanda səslərindəki qüruru hiss edin.
İcazə verin səyahət sizi dəyişdirsin. Yaşadığınız fərqliliklər sizi daha təcrübəli etsin.
Bir kliklə vizanı al
Vaxt itirmədən viza almağa hazırsan?
Biz dünyanın istənilən ölkələsinə səyahət, təhsil və işgüzar səyahət vizalarının alınmasında köməklik göstəririk.