Səyahətsevərlər üçün 5 vacib səyahət hack-ləri

Səyahət “hack”ləri nələrdir? Hər bir səyahət həvəskarı səyahəti daha rahat və faydalı edəcək bir neçə faydalı məlumat bilməlidir. Elə isə gəlin qeyd etdiyim suala cavab tapaq. Bu hacklər səyahət müddətində böyük bir fərq yarada bilər. Bütün macəra həvəskarlarının 5 vacib səyahət hacki növü var: pula qənaət, yemək, səyahət həyatı, uçuşlar və əşyaları yerləşdirmə.

Pula necə qənaət etmək olar?

Daha çox səyahət etmək üçün daha çox pula ehtiyacınız var. Məhz buna görə məhdud büdcəniz varsa səyahətləriniz zamanı pula qənaət etməlisiniz. Bunun üçün olan səyahət hackləri:

• Evə zəng etmək və mesajlaşmaq üçün müztəlif tətbiqlərdən istifadə edin. Tətbiqlər və mobil xidmət arasında böyük bir fərq olduğunu görəcəksiniz. WhatsApp, Skype, Facebook tətbiqlərinə sahib olduğundan əmin olun. Mobil operator xidməti ilə mesaj başına pul ödəmək əvəzinə Wi-Fi ilə pulsuz mesaj göndərmək qənaət üçün əla bir addım olacaqdır.

• Adətən yanınızda bir miqdar nəğd pulunuzun olması yaxşıdır. Lakin, bu getdiyiniz yerə görə fərqlilik göstərə bilər. Misal olaraq, bəzi ölkələr kredit və ya debet kartlarından istifadə etmir, siz bu halda özünüzlə xeyli miqdarda nəğd pul götürməlisiniz. Bu səbəbdən, səyahət etmək istədiyiniz ölkədə bu məsələlərlə bağlı araşdırma aparmaq tövsiyə olunur. Məsələn, Nauruda bankomat azdır və ora çoxlu miqdarda nəğd pulla getməlisiniz. Üstəlik, Naurudakı qiymətlər ucuz deyil. Ancaq əsasən, pul mübadiləsi üçün bank kartlarından istifadə etmək daha sərfəli olacaqdır, çünki bank kartları yerli birjalardan daha yaxşı məzənnə təklif edir.

• Bəzi faydalı tətbiqlərdən istifadə edin. Səyahət edərkən bonus xallar qazanmaq üçün özünüzlə bir neçə bank kartı götürün. Əlavə əməliyyat haqqı ödəməkdən çəkinmək zəruridir.

• Səyahət edərkən nə zaman dəbdəbəli vaxt keçirəcəyinizi və nə zaman pula qənaət edəcəyinizi müəyyən edin. Yəni, səyahətinizin ilk günlərində çox pul xərcləməyin, ancaq səyahətinizin son günündə heyrətamiz bir mənzərəsi olan gözəl bir restoranda axşam yeməyindən zövq almağa çalışın.

• Facebook qruplarına qoşulmaq sizi limitli büdcə üçün olan səyahət fürsətləri barəsində xəbərdar edəcəkdir. Üstəlik, orada pula qənaət üçün daha çox səyahət hacki də öyrənəcəksiniz.

• Həm vaxt həm də yer cəhətdən “qalib” gəlmək çətindir. Müəəyən bir vaxtda səyahət etmək istəyirsinizsə əsnək olmalı, müəyyən bir yerdə olmaq istəyirsinizsə, vaxt baxımından əsnək olmalısınız.

• Bildiyiniz kimi, bəzən otellərin veb saytlarında yerləşdirdiyi qiymətlər aldadicı ola bilər. Göstərilən qiymət hər zaman ən aşağı qiymət olmur. Bu səbəbdən otellə birbaşa əlaqə qurmaq və ən aşağı qiyməti soruşmaq bu baxımdan kömək edə bilər.

• Oteldəki ən yaxşı otağa baxmayın, çünki bu ən bahalı otaq olacaq. Bu çox istədiyiniz otaqda yalnızca daha çox yer və ya mənzərə üçün pul ödəyəcəyinizi unutmayın.

• Mikrodalğalı soba, soyuducu və ya mətbəxi olan bir otaq rezervasiyası ən ucuz səyahət üçün başqa bir şansdır.

Səyahət edərkən yemək

Bu qrup ən yaxşı səyahət hackidir və sizə iki vəziyyətdə kömək edəcəkdir. Birincisi, məhdud yemək büdcəsidir:

• Hava limanına su gətirməyin. Özünüzlə dolu bir suqabı əvəzinə, boş bir su qabı götürün. Hava limanı təhlükəsizliyini keçdikdən sonra onu su ilə doldurun. Fermer bazarlarından yemək almağa çalışın, bu qablaşdırılmış yeməklərdən daha sağlam və ucuz olacaq.

• Özünüzlə məzələr, sağlam cipslər (banan və ya kokos cipsi) götürün. Sağlam cipslərlə aclığa qarşı mübarizə, hər gördüyünüzə pul verməməkdə sizə yardımçı olacaqdır.

• Bəzən təzə tərəvəzlər, meyvələr və yüngül qəlyanaltılarla təbiətdə və ya hər hansısa bir parkda piknik edə bilərsiniz. Həmçinin, yerli ləzzətləri və küçə yeməklərini də dadmaq olar.

• Yaxşı səhər yeməyi sizi daha aktiv edəcəkdir. Səhər yeməyini daha ucuz etməyin yolu var: şəhərdə təzə yeməklər,yoqurt, meyvə şirəsi və şirniyyat tapa biləcəyiniz ərzaq mağazasına gedin.

• Qərb ölkələrindən birində deyilsinizsə, beynəlxalq, lüks restoranlara sizi doyurmayacaq yeməklər üçün pul xərcləməyin. Yerli sakinləri izləmək və onlar kimi yemək hazırlamaq sizin üçün maraqlı bir təcrübə olacaqdır.

• Məhdud büdcə ilə dadlı yeməklər dadmaq istəyirsinizsə, yerli dostlar və ya insanların təcrübələrini bölüşdükləri mikro veb saytlar tapın. Eater və Chief Feeds tətbiqləri seçiminiz ola bilər. Həm də bu tətbiqlərdə yemək üçün ən yaxşı səyahət hacklərini də öyrənə bilərsiniz.

• Restoranlarda əsasən nahar daha ucuz təklif olunur. Restoranda günorta yeməyini yeyərkən əlavə yemək ala və şam yeməyi üçün otelə apara bilərsiniz.

• Bəzi marketlər, aşpazlar və restoranlar var ki, pulsuz içkilər, xörəklər, təzə ərzaqlar təklif edirlər. Bəzən bununla onlara rəy bildirəcək insanlar axtarırlar.

İkinci ssenari: Siz yeməyi sevənlərdənsiniz, ancaq məhdud bir büdcəniz var. Əlbəttə siz bunu nəzərə almalısınız, ancaq yemək sizi xoşbəxt edirsə özünüz üçün bunu da etməlisiniz. Artıq çəki problemlərindən şikayətlər eşidən kimiyəm, ancaq bu kimin vecinədir?! Əgər xoşbəxtsinizsə dadını çıxarın!

• İnsanların dadlı yeməklərlə bağlı öz təcrübəsini paylaşdığı vebsaytlar axtarın.

• Rahatlığınız üçün bu yerləri siyahıda sıralayın.

• Siyahıya ziyarət edəcəyinizdən daha çox yeri salın. Çünki bəzi şərtlər dəyişə bilər və ora getmək mümkünsüz ola bilər. Məsələn, restoran bərpa prosessində ola bilər. Başqa bir halda isə, müştərilərlə dolu ola bilər və orada boş bir yer tapa bilməzsiniz.

• Sıraladığınız yerlərin hamısına getməyə çalışmayın.

• Yerli yeməklərin dadına baxmağa çalışın. Bu səyahət edərkən ən yaxşı səyahət hacklərindən biridir.

Uçuşlarla bağlı səyahət hackləri

Nəqliyyat bir yerdən başqa yerə necə səyahət etməyin əsas mövzusudur. Ən rahat nəqliyyat növü isə təyyarədir. Təyyarə ilə səyahət zamanı siz həmçinin vaxta da qənaət edəcəksiniz. Aşağıda siz uçuşlarla bağlı səyahət hacklərindən bəziləri ilə tanış ola bilərsiniz.

• Bəzi hallarda birtərəfli uçuşlar ikitərəfli uçuşlardan daha ucuz ola bilər.

• Həftənin ortasındakı uçuşları nəzərinizdə saxlayın. Çərşənbə axşamı, çərşənbə və cümə axşamı günləri olan uçuşlar digər günlərdəki uçuşlara nisbətən daha ucuz ola bilər.

• Uzun səyahətlər zamanı, gedəcəyiniz bölgəyə yaxın bir yerə bilet alın, ondan sonra isə yerli nıqliyyat vasitələrindən istifadə edin. Yalnız təyyarə istifadə etmək məcburiyyətində deyilsiniz. Uçuşlarla birlikdə, iki və ya daha çox nəqliyyat növündən istifadə ilə siz yüzlərlə manata qənaət edəcəksiniz.

• Tələsir, ancaq bunu həyata keçirməyin mümkün olub-olmadığından əmin deyilsinizsə, 24 saat qaydası sizə kömək edəcəkdir. USE DOT qaydalarına əsasən, aviaşirkətlər ya sizin biletinizə müəyyən vaxta qədər icazə verməli, ya da bileti satın aldıqdan sonrakı 24 saat ərzində dəyişiklik etməyə icazə verməlidir. Əksər aviaşirkətlər ikinci qaydanı seçirlər.

Əşyaları yerləşdirmə hackləri

Bu hacklər sizə baqajın ağırlığını optimallaşdırmağa və lazımsız şeylərdən qaçınmağa kömək edəcəkdir:

• İlk hack bir az gülməlidir. Baqajınızda daha çox yer istəyirsinizsə, ən ağır sviterinizi əlinizdə götürün. Hava limanında kontrol qeydiyyatdan(check-in) keçdikdən sonra onu çantanıza qoyun və təyyarəyə aparın.

• Əgər özünüzlə iki kurtka aparmaq istəyirsinizsə, o zaman ağır olanı əyninizə geyinin.

• Baqajınızda yerdən qənaət etmək üçün əşyaları rulon formasında yuvarlayaraq yerləşdirin.

• Əşyalarınızı kublar şəklində paketləmək, baqajınızı daha mütəşəkkil edəcək və bununla incə və yumşaq əşyalarınızı da bir-birinin içində yerləşdirə biləcəksiniz.

• Kirli paltarlar və çirkli ayaqqabılar üçün özünüzlə çamaşır torbaları götürün.

• Əgər çoxlu yüngül futbolka ilə isti ölkələrə gedirsinizsə, mən yeddi ədəd futbolka götürməyinizi məsləhət bilərdim. Onları həftədə bir dəfə yuyacaq, hər hansı bir tərləmə, çirklənmə halında isə rahatlıqla dəyişə biləcəksiniz.

• İki cüt üzgüçüluk paltarı, mikrofiber dəsmal və barmaqarası tərlik də götürməyi unutmayın. Müxtəlif ağrikəsicilər və yara bantı da köməyinizə çatacaqdır. Həşəratlara qarşı sprey də zəruridir.

• Saçlar üçün olan ağır alətləri özünüzlə daşımayın.

• Mini bir şüşədə sızanağa qarşı həll məhlulu və nəmləndirici krem də götürün. Uçuş zamanı dəri güclü bir şəkildə susuzlaşır və dəriniz çox quru hiss edir. Bu ən vacib səyahət üçün hazırlanma hacklərindən biridir.

• Geyimlər üçün bir plan qurun. Hər gün üçün geyim planlasanız, başqa əşyalarınız üçün də yeriniz olacaqdır.

Səyahət həyatı hackləri

Səyahət həyatı hackləri işinizi asanlaşdırmaq üçün ən yaxşı hack növüdür:

• Səyahət sığortası alın: bu təcili hallarda pul itkisinin qarşısını alacaq. Məsələn, ABŞ-ın bəzi əyalətlərində sığortasız serum qiymətləri 1700 manatdan çoxdur.

• Oflayn naviqasiya üçün Google Xəritə yükləyin.

• Gedəcəyiniz ölkə üçün hava proqnozunu izləyin.

• Müəyyən bir ölkəni hansı mövsümdə ziyarət etmək istədiyinizi bilmək vacibdir. Məsələn, tropik iqlim ölkələri Musson dövründə çox yağışlı ola bilər. Dekabrdan Aprelin əvvəllərinə qədər olan vaxt tropik yerlərə səyahət üçün əlverişli zamandır.

• Özünüzlə götürəcəyiniz paltarlar getdiyiniz ölkənin yerləşməsindən də asılıdır. Məsələn,mən bir neçə il əvvəl Fevral ayında Dubaydaydım, hava çox gözəl idi və özümlə yalnız yüngül futbolkalar götürmüşdüm. Həmin səyahətə qədər səhraların gecə olduqca soyuq olduğunu bilmirdim və çox üşüdüyümə görə gecənin ulduzu - rəqqasənin şousundan da həzz ala bilməmişdim.

Biz səyahət hacklərinin nələr olduğunu cavablandırmağa çalışdıq və səyahət haqqında beş vacib hack haqqında danışdıq. Daha çox həyatqurtarıcı hack üçün internetdə axtarış edə bilərsiniz.