Venesuelaya səyahət etməniz və etməməniz üçün 10 səbəb

Venesuela, daxili iqtisadi və siyasi problemlərinə görə qlobal medianın böyük diqqətini cəlb etdi. Milyonlarla insan bu Latın Amerikası ölkəsi ilə maraqlanır. İnsanlar təkcə sosial və siyasi məsələləri müzakirə etmir, həm də sosial iğtişaşlar bitdikdən sonra Venesuelaya səyahət etmək istəyirlər. Venesuela ilə bağlı cavablandırılması lazım olan bir neçə sual var. Venesuela haradadır? Kolumbiya, Braziliya, Qayana və Atlantik okean ilə həmsərhəd olan Venesuela, Cənubi Amerika qitəsinin şimal hissəsində yerləşir. Bundan başqa, kiçik Venesuela adaları Karib dənizində yerləşir.

Venesuelanın paytaxtı haradır? Karakas şəhəri Venesuelanın paytaxtı və ən böyük şəhəridir. Venesuelanın bayrağının mənası nədir? Venesuela bayrağının qırmızı rəngi cəsarəti, mavi rəngi İspaniyadan ayrılaraq müstəqil olmasını, sarı rəngi isə ölkənin sərvətlərini təmsil edir. Bəs Venesuelanın milli valyutası nədir? Venesuela bolivarı rəsmi Venesuela valyutasıdır. Son statistikaya görə, Venesuelanın əhalisi 30 milyona yaxındır. Venesuelaya necə səyahət etmək olar? Latın Amerikası şəhərlərindəki bir çox hava limanından Venesuelaya uça bilərsiniz. Həmçinin həftədə bir neçə dəfə ABŞ-dan da uçuşlar mümkündür. Venesuelaya səyahət etmək təhlükəsizdirmi? Bugünkü bloqda bu sualı cavablandırmaqla yanaşı, Venesuelaya səyahət etməniz və etməməniz üçün səbəbləri də sadalayacayıq.

1. İğtişaşlardan ehtiyatlı olun

Venesuelada bir neçə ildir ki, geniş ölçüdə sosial iğtişaşlar mövcuddur. İnsanlar siyasi rəhbərliyə qarşı etiraz edirlər. Buna görə Venesuelanın böyük şəhərlərindəki bir çox küçə sıx və səs-küylüdür. Polis və yerli əhalinin şiddətli qarşıdurması şəhərlərdəki digər insanlar üçün təhlükələrə səbəb ola bilər. Turistlər şəhərlərdə gəzərkən çox diqqətli olmalı və izdihamlı etirazlardan uzaq durmalıdırlar. Belə bir zamanda Venesuelaya səyahət etmək təhlükəsizdirmi? Əgər siz qarşıdurmaların və etirazların geniş yayılmadığı əmin şəhərləri seçsəz, bəli. Son xəbərlərdən araşdırma apara və doğma ölkənizdəki Venesuela səfirlikləri ilə məsləhətləşə bilərsiniz. Səyahət yeri olaraq Venesuelanın paytaxtını seçməmək daha yaxşı olardı, çünki Karakas etirazları təhlükəli ola bilər. Həmçinin Karakas şəhəri Venesuelanın siyasi və iqtisadi mərkəzi olduğundan, oradakı sosial iğtişaşlar xüsusilə qızğın olur.

2. Geniş yayılmış yoxsulluq

Bir neçə il əvvəl Venesuela iqtisadiyyatı hiperinflyasiya yaşadı. Başqa sözlə, Venesuela bolivarı dəyərini çox itirdi. Mağazalarda paltarların, supermarketdə qida məhsullarının, restoranlarda yeməklərin və ictimai nəqliyyat biletlərinin qiyməti Venesuela əhalisi üçün çox bahalı oldu. Bununla birlikdə, dolların dəyəri hələ də yüksək olduğu üçün ABŞ dolları xərcləyən xaricilər üçün həyat əlverişli sayıla bilər. Ölkədəki iqtisadi böhran səbəbindən minlərlə Venesuela vətəndaşı işini itirdi. Günümüzdə yoxsulluq Venesuela hökuməti və xalqı üçün böyük bir sosial problemdir. Turistlər şəhərlərdəki yoxsulluğu asanlıqla hiss edə bilərlər. Otellərdə, restoranlarda, kafelərdə, ticarət mərkəzlərində, əyləncə mərkəzlərində və digər turistik yerlərdə xidmətin keyfiyyəti çox aşağı düşdü. Yoxsulluq turizm sənayesinə ciddi şəkildə təsir elədi. Son vaxtlarda əcnəbilər həyat keyfiyyətinin aşağı olması səbəbi ilə Venesuelaya səyahətə üstünlük vermirlər. Bundan əlavə, supermarketlərdə qida və su çatışmazlığı yaşanır. Venesuela küçələrində gəzərkən rahatlığı çətinliklə əldə edəcəksiniz. Ancaq backpackerlər və aşağı büdcə ilə səyahət edənlər Venesuelaya səyahətdəndən zövq ala bilərlər, çünki daha öncə də dediyimiz kimi, həyat standartları əlverişlidir, lakin əla deyil.

3. Cinayət, fırıldaqçılıq və soyğunçuluq

Venesuelaya səyahət edərkən cinayətlərdən, soyğunçuluqdan və fırıldaqçılıqdan ehtiyyat etməlisiniz. Son illər ölkədəki işsizlik səbəbi ilə cinayətlərin sayı artdı. İşsiz insanlar yaşayışlarını müxtəlif şeylər oğurlamaqla təmin etməyə çalışırlar. Bir turist olaraq Venesuelanı kəşf edərkən çox diqqətli olmalısınız. Şəhər mərkəzindən uzaqda yerləşən şübhəli küçələrə getməməyinizi tövsiyə edirik. Bundan əlavə, bəzi insanlar fırıldaqçılıq və saxtakarlıqlarla turistlərdən pul almağa çalışırlar. Fırıldaqçılığa qarşı çox diqqətli olmalısınız! Tanımadığınız və ya sizə şübhəli görünən insanlarla danışmaqdan çəkinin. Güvəndə olmağın ən yaxşı yolu digər əcnəbi turist qrupları ilə səyahət etməkdir. Yerli turizm agentlikləri və otellər rəhbərlik xidmətləri təklif edirlər. Təhlükəsizliyinizin təmin ediləcəyinə görə rəhbərlik üçün pul ödəməyə dəyər. Bununla birlikdə, Venesueladakı bir çox məşhur yer tamamilə təhlükəsizdir. Tanınmış səyahət yerlərindəki küçələrdə rahat gəzə bilərsiniz. Polis Venesueladakı məşhur yerlərin təhlükəsizliyinə zəmanət verir. Venesuela şəhərlərinə getmədən əvvəl polislə əlaqə məlumatlarını da öyrənə bilərsiniz. Venesuelada olduğunuz müddətdə təhlükəsizliyinizi təmin etmək mümkündür.

4. Kəşf etmək üçün çoxlu müsbət şeylər

İndiyə qədər sadaladığımız neqativ şeylərlə yanaşı, bu Latın Amerika ölkəsi ilə bağlı çoxlu pozitiv şeylər də var. Venesuelada ziyarət etmək üçün çoxlu ikonik, füsünkar və mənzərəli yerlər var. Bu möhtəşəm ölkə Atlantik okean və Karib dənizi sahillərindədir. Venesuela gözəl çimərliklərin, yabanı meşələrin, insanı heyrətə gətirən dağların, göllərin, çayların, misilsiz faunanın və rəngli floranın evidir. Venesuela saysız-hesabsız təbii sərvətləri sayəsində böyük turizm potensialına malikdir. Venesuela mədəniyyəti, mətbəxi, dili və küçə sənəti dünya miqyasında milyonlarla turisti özünə cəlb etmişdir. Bundan başqa, Venesuela qəsəbələrində qədim ispan memarlığı, ikonik küçələr və müasir infrastruktura mövcuddur. Venesueladakı bir çox yeri gəzməyə və araşdırmağa dəyər. İndi isə Venesuelada gəzməli olduğunuz valehedici yerlərin siyahısına nəzər salaq.

5. Dünyanın ən yüksək şəlaləsi

Dünyanın ən yüksək şəlaləsi olaraq da bilinən Anxel şəlaləsi Venesuelada yerləşir. Möhtəşəm şəlalə demək olar ki, bir kilometr hündürlükdən çox yüksək bir sürətlə tökülür. Canaima Milli Parkının yabanı cəngəlliklərində gəzərkən Anxel şəlaləsini uzaqdan görəcəksiniz. Dünyanın ən yüksək şəlaləsi YUNESKO-nun Ümumdünya irsi siyahısına salınmışdır və Venesuelanın ən məşhur yerlərindən biridir. Şəlalənin yanında təmiz ağ qumlu çimərliklər də var. Karib dənizi iqlimi çimərliklərdə istirahət etmək üçün mükəmməl şərait yaradır.

6. Rorayma dağı

Macəra sevərlər mənzərəli Rorayma dağını ziyarət etməkdən zövq alırlar. Bu füsunkar yer Venesuela əhalisi, xüsusən də vəhşi təbiət macəralarını sevənlər üçün ən sevimli yerdir. Backpackerlər və hikinq həvəskarları Rorayma dağını mütləq ziyarət etməlidirlər. Hikinqdən əvvəl bəzi təlimatlara ehtiyacınız olacaq. Otellər və yerli turizm agentlikləri hikinq səfərinizi təhlükəsiz və rahat edəcək hikinq geyimləri və ayaqqabılar təklif edirlər. Rorayma dağının landşaftında misilsiz qayalara, qalın meşələrə, açıq-yaşıl rəngli kollara, çəmənliklərə və endemik dağ heyvanlarına rast gəlinir. Bu dağ vəhşi həyatı ən yaxşı şəkildə öyrənə biləcəyiniz unikal yerlərdən biridir.

7. Orinoko deltası

Orinoko çayının ətrafı füsunkar təbiətə, flora və faunaya ev sahibliyi edir. Orinoko deltası Venesuelaya səyahətiniz zamanı mütləq ziyarət etməli olduğunuz bir yerdir. Pirana, makau quşu, Orinoko meymunu, timsah və s. kimi bənzərsiz heyvan növləri Orinoko deltası ətrafında gəzinti zamanı sizi heyran edəcəkdir. Açıq-yaşıl çəmənliklərdə gəzən rəngli quşlar isə sadəcə ecazkar görünür. Deltanı gün batarkən kəşfə çıxmaq, sizin üçün sürreal bir təcrübə olacaqdır.

8. Venesuela Milli Panteonu

Milli Panteon Venesuelanın paytaxtında yerləşən müqəddəs bir ziyarətgahdır. Tarixi Venesuela hökumətinin zəlzələdən sonra yeni bir ziyarətgah tikməyə qərar verdiyi 19-cu əsrin əvvəllərinə təsadüf edir. Milli Panteon ölkənin ən məşhur dini yerlərindən biridir. Panteonun ağ mərməri çox istedadlı peşəkar memar və rəssamların çəkdiyi möhtəşəm ornamentlərə sahibdir. İnstaqramınızı rəngləndirəcək şəkillər çəkə biləcəyiniz bu ziyarətgahın ətrafını və daxilini gəzərkən əla vaxt keçirəcəksiniz.

9. Morrocoy Milli Parkı

Karib dənizindəki kiçik adacıqlar Venesuelanın ən qiymətli təbii sərvətlərindən biridir. Morrocoy Milli Parkı mərcan riflərinə, qumlu çimərliklərə və büllur kimi təmiz suya ev sahibliyi edir. Dəniz tısbağaları, tropik balıq növləri, delfinlər, flaminqolar, pelikanlar və eqretlər milli parka xas olan unikal fauna növləridir. Morrocoy Milli Parkı-nın ərazisi ailəvi tətil və çimərlik gəzintiləri üçün idealdır. Sahib olduğu böyük turizm potensialına görə, park sahəsi Venesuela hökuməti tərəfindən qorunur.

10. Bənzərsiz Venesuela meyvələri, yeməkləri və içkiləri

Venesuela təbiətinə xas olan “blackberry jam fruit”, “banana passionfruit”, “tonka beans”, və “peanut butter fruit” dadmanız gərəkən meyvələrdir. Bu meyvələr Venesuela bazarlarında çox sərfəli qiymətlərlə asanlıqla tapıla bilər. Venesuela eyni zamanda müasir Venesuela və qədim ispan mətbəxinin qarışımı olan heyrətləndirici yeməklərin də vətənidir. Empanadas, arepas, tequenos, hallaca, cachapa, perico və başqaları Venesueladakı ən ləzzətli yeməklərdəndir. Bundan başqa, Karib dənizi Venesuelasına aid olan Cocada, Batido və Chicha kimi içkiləri də sınaya bilərsiniz. Kokos südündən hazırlanmış ləzzətli bir milkshake olan Cocada Venesuela içkiləri arasında xüsusi yer tutur.