Yaponiya üçün biznes vizası necə alınır?

Günəşin doğduğu yer olan Yaponiya çoxlarının ziyarət etmək istədiyi bir ölkədir. Yaponiya hər kəs tərəfindən tanınır və xəyallardakı səyahət yeri olaraq son dərəcə yaxşı reklam olunur. Əslində təəccüblənəcək bir şey yoxdur. Həqiqətən də bu ada ölkəsi xəyalları bəzəyən səyahət məkanıdır. Zəngin mədəniyyətdən gözəl təbiətə qədər – Yaponiya səyahətçiləri hər şeyi ilə valeh edir. Sakit okeanın şimal-qərbində yerləşən ölkə hər tərəfdən okean suları ilə əhatə olunmuşdur. Qədim bir tarixə və özünəməxsus gözəl təbiətə malikdir.

Yaponiya füsunkar və çoxşaxəli bir mədəniyyəti təmsil edir. Bir tərəfdən tarixin tozlu səhifələrinə uzanan ənənələri davam etdirərkən, digər tərəfdən davamlı olaraq dəyişən dəb və texnoloji inkişafa ayaq uydurur. Bir çoxları üçün bu ölkəni bu qədər cazibədar edən şey də budur. Yaponiya demək olar ki, hər cəhətdən inkişaf etmiş bir ölkədir. Texnologiyada, elmdə və işdə qabaqcıl olması buraya çox iddialı insanları cəlb edir. Hər il minlərlə, bəlkə də milyonlarla insan Yaponiyanı biznes məqsədi ilə ziyarət edir. Bu fəaliyyətlər işgüzar görüşlər, konfranslar, təlimlər ola bilər. Biz də bu məqalədə Yaponiyanı biznes məqsədləri üçün ziyarət etməyin yollarını araşdıracağıq. Daha dəqiq desək, Yaponiya biznes vizası tələblərini, Yaponiya biznes vizasına baxılma müddətini, Yaponiya biznes vizası üçün tələb olunan sənədləri, Yaponiya biznes vizasına müraciəti əhatə edəcəyik. "Yaponiya biznes vizasının etibarlılıq müddətini necə uzatmaq olar?" kimi suallara da cavab verəcəyik. Ancaq əsas mövzuya keçməzdən əvvəl Yaponiyanın viza siyasətinə nəzər salaq, çünki beləcə hansı ölkələrin vətəndaşlarının viza üçün müraciət etmək məcburiyyətində olduğunu və Yaponiya üçün hansı növ vizaların mövcud olduğunu biləcəyik.

Yaponiya viza siyasəti

Yaponiyanın viza siyasəti digər ölkələrlə qarşılıqlı razılaşmalara və münasibətlərə əsaslanaraq tənzimlənir. Bu baxımdan dünya ölkələrini üç qrupa bölmək olar: vizasız, e-viza və viza tələb olunan ölkələr. Hansı ölkənin hansı qrupda olduğunu bilmək istəyirsinizsə, saytımızdakı viza siyasəti bölməsinə nəzər sala bilərsiniz.

Yaponiya səyahətinizi planlaşdırarkən nəzərə almalı olduğunuz digər vacib şey viza növüdür. "Yaponiya üçün hansı viza növləri var?" deyə soruşa bilərsiniz. Ümumiyyətlə, iki kateqoriya var. Bunlar qısamüddətli və uzunmüddətli vizalardır. Bu gün haqqında danışacağımız viza növü də qısamüddətli vizalar qrupundadır. Qısamüddətli vizalar turist, biznes və ailə və dost ziyarəti viza növlərindən ibarətdir. Bu vizalar giriş sayından asılı olaraq 30 və ya 90 günə qədər etibarlı olur (çox girişli qısamüddətli vizalar 90 gün, tək girişli vizalar isə 30 gün). Uzunmüddətli vizalar isə Yaponiyada bir ilə qədər qalmağa icazə verir. Yaponiyanın viza siyasətinin əsaslarını öyrəndik, indi Yaponiya biznes vizasına keçid etməyin vaxtı gəldi.

Yaponiya üçün biznes vizası

Daha əvvəl də qeyd etdiyimiz kimi, bu viza növü səyahətçilərə 30 və ya 90 gün müddətinə verilən qısamüddətli vizadır. Yaponiya üçün biznes vizası bizneslə əlaqədar fəaliyyətlər və məqsədlər üçün verilir. Bunlara görüşlər və ya konsultasiyalarda iştirak etmək, konfransa qatılmaq, müqavilələr imzalamaq daxildir. Bu viza sizə Yaponiyada işləmək hüququ vermir. Yaponiyada işləmək üçün iş vizasına müraciət etmək lazımdır. Yaponiya biznes vizası tələbləri, baxılma və etibarlılıq müddəti iş vizalarından tamamilə fərqlidir. Yaponiya biznes vizası üçün tələb olunan sənədlərin nə olduğu maraqlana bilərsiniz. Elə isə, buyurun:

• Ərizəçi tərəfindən doldurulmuş və imzalanmış müraciət forması. Rusiya, Müstəqil Dövlətlər Birliyi və Gürcüstan vətəndaşları iki müraciət forması təqdim etməlidirlər.

• Pasport. Pasport Yaponiya ərazisini tərk etdikdək sonra ən azı altı ay müddətində qüvvədə qalmalıdır. Viza möhürünün vurula bilməsi üçün ən azı iki boş səhifəyə sahib olmalıdır.

• Ərizəçinin iki fotoşəkili. Fotoşəkillərin ölçüsü 4,5x4,5 sm olmalıdır. Fonun rəngi ağ olmalıdır. Baş hündürlüyü (saçın yuxarı hissəsinə qədər): 27mm. Fotoşəklin yuxarı hissəsindən saçın yuxarı hissəsinə qədər olan məsafə: 7.5 mm.

• Müraciətçinin səyahət zamanı maddi cəhətdən özünü təmin edə biləcəyini göstərən sənədlər. Maliyyə resursları müxtəlif formalarda təqdim oluna bilər, məsələn kartlar, nağd pul, bank çıxarışları və s.

• Aviabilet bronları. Bu təyyarə biletlərində giriş və çıxış tarixləri göstərilməlidir.

• Otel bronları. Ərizəçinin Yaponiyada olduğu müddətdə qalacağı yerinin olduğunu göstərən sənədlər.

• Hökumət tərəfindən verilmiş milli şəxsiyyət vəsiqəsi.

• Səyahət marşrutu. Bu sənəddə səyahət zamanı ediləcək gündəlik fəaliyyətlər göstərilməlidir. Biznes vizaları üçün Yaponiyadakı şirkət/şəxs/təşkilat tərəfindən verilməlidir.

• Şirkət haqqında ətraflı məlumat verən sənəd. Bu sənəddə şirkətin/təşkilatın, habelə nümayəndəsinin adı və ünvanı göstərilməlidir.

• Şirkətdən dəvət məktubu. Məktubda şirkətin rəsmi möhürü olmalı və Yaponiya səfirliyinə ünvanlanmalıdır.

• Şirkətin qeydiyyat şəhadətnaməsi.

• Yaponiya biznes vizası üçün örtük məktubu. Bu məktubda özünüz haqqında məlumat verməlisiniz. Örtük məktubunda səyahət səbəbləriniz və fəaliyyətinizin başladığı və tamamlanacağı tarixlər göstərilməlidir.

Yapon biznes vizası üçün lazım olan sənədləri sadaladıq. İndi "Yaponiya biznes vizasını necə əldə etmək olar?" sualına cavab verə bilərik. Yaponiyada işgüzar fəaliyyətlə məşğul olmaq üçün ölkəyə vizasız giriş hüququnuz yoxdursa, yerli yapon səfirliyini tapmalı və görüş təyin etməlisiniz. Əgər ölkənizdə heç bir diplomatik nümayəndəlik yoxdursa, ən yaxın ölkədəki ilə əlaqə saxlamalısınız. Ancaq unutmayın ki, bəzi ölkələrdə Yaponiya səfirlikləri fərdi müraciət qəbul etmirlər və bunun əvəzinə akkreditə olunmuş səyahət agentliyi vasitəsi ilə müraciət edilməsini tələb edirlər. Biznes vizası üçün müraciət etmək istəyirsinizsə, bu təlimatı izləyin:

• Səfirliyi tapın və onlarla və ya bəzi hallarda səyahət agentliyi ilə əlaqə saxlayın və görüş təyin edin.

• Müraciət üçün lazım olan sənədləri toplayın. Yaponiyadakı şirkət tərəfindən təqdim edilməsi gərəkən sənədləri unutmayın.

• Tələb olunan sənədləri Yaponiya səfirliyinə və ya səyahət agentliyinə təqdim edin.

• Proses müddəti başa çatana qədər gözləyin.

• Müraciətiniz müvəffəqiyyətli olarsa, sizə Yaponiyaya giriş edə və bir müddət qala bilmək üçün istifadə edə biləcəyiniz viza veriləcək.

• Yaponiyaya eniş etdikdən sonra, eniş icazəsi almaq üçün immiqrasiya idarəsində bəzi prosedurlardan keçəcəksiniz. İmmiqrasiya işçiləri viza və digər sənədlərinizi nəzərdən keçirəcək və sonda eniş icazənizi təmin edəcəklər.

Biznes vizasının rəsmiləşdirilməsi nə qədər çəkir? Müraciətinizə 5 iş günü ərzində baxıla bilər. Ancaq bəzi hallarda proses 15 gün çəkə bilər.

Yaponiyada vizanı necə uzatmaq olar?

Bu bir qədər çaşdırıcı məsələdir. Çünki yalnız uzunmüddətli vizaların uzadıla biləcəyini bilməlisiniz. Buna görə biznes vizalarının etibarlılıq müddəti uzadıla bilməz. Ümumilikdə isə vizanı uzatmağın iki yolu var. Bunun üçün ya siz, ya da sponsorunuz müraciət etməlidir. Məsələn, təhsil müəssisəsində qeydiyyatdasınızsa, qurumun nümayəndəsi bu məqsədlə müraciət edə bilər. Bir şirkətdə işləyirsinizsə, işəgötürən və ya şirkətin nümayəndəsi viza uzadılması üçün müraciət edə bilər. Viza müddətini uzatmaq üçün hal-hazırki vizanızın etibarlılıq müddəti bitməmiş müraciət etməlisiniz. Müraciət Yaponiyada yaşadığınız bölgədəki immiqrasiya idarəsinə ünvanlanmalıdır. Müraciət üçün lazım olan sənədləri immiqrasiya məmurlarına təqdim etməlisiniz.