Yaponiyaya tələbə vizası necə alınır?

Yaponiya ənənə və inkişafın birləşiminin həqiqətən özünü büruzə verdiyi bir yerdir. Yaponiyanın niyə əsrlər boyu saysız-hesabsız səyyahların marağını cəlb etdiyinə şübhə yoxdur. Dünyaca məşhur mətbəx və nəfəs kəsən təbiət mənzərələrinin yanı sıra sonsuz dəyərlər və zəngin mədəniyyət dəsti. Gündoğan ölkədə təcrübə ediləcək ən əsas şeylərdən biri də insan əməyi valehedici strukturların mənzərəsidir. Ancaq söhbət bu ölkəyə uzun müddət üçün köçməyə gəldikdə, bir çox insan Yaponiyanı istər universitet öncəsi, istərsə də universitet dərəcəsi üçün olsun, keyfiyyətli təhsil üçün bir yer hesab edir. Yaşayış standartlarının olduqca bahalı və təhsil proqramının çox tələbkar olmasına baxmayaraq, buna dəyər. Yaponiyada təhsili nümayiş etdirən sənəd öz-özlüyündə bir bəyanatdır və karyeranın sürətli inkişafı üçün əsas məqam ola bilər.

Çox yüksək səviyyədə təhsil və bu barədə təfərrüatlara diqqətlə yanaşı, Yaponiya tez-tez mexanika, elm və tibb kimi sahələrdə təhsil üçün düşünülür. Yapon mədəniyyəti haqqında ölkənin özündən başqa bir yerdə öyrənməyin mənası yoxdur. İstər qısa professional kulinariya kursu ya da Tokyo Texnologiya İnstitutunda mexanika dərəcəsi olsun, hər iki halda da Yaponiya tələbə vizası almadan bunu edə bilməyəcəksiniz. Düşünürəm ki, düzgün yerdəsiniz və sizə kömək olacaq bir məqaləni oxuyursunuz, çünki mən sizin işinizi bir qədər asanlaşdırmaq üçün araşdırma etmişəm. İcazə verin, Yaponiyada tələbə vizasının alınmasının əsas aspektlərini və Yaponiya tələbə vizası üçün rüsum və ya proses müddəti kimi digər vacib detalları təqdim edim. Başlayaq?

Yaponiya üçün viza növləri hansılardır?

Yaponiya viza siyasəti olduqca mütəşəkkil və başa düşülməsi asandır. Təsnifat iki əsas kateqoriyanı göstərir - qısa və uzunmüddətli vizalar. Birincisi, turizm, biznes və ya ailə/dost ziyarəti məqsədli səyahətlər zamanı əldə edilə bilər. Digər tərəfdən, ikinci növ əsasən yüksək ixtisaslı mütəxəssislərin immiqrasiyası, iş üçün immiqrasiya, start-up kimi müxtəlif səbəblər ilə əlaqələndirilir. Bəli, tələbələr üçün olan vizaları da əhatə edən ümumi viza kateqoriyası da var. Bu məqalədə bu kateqoriya və əlaqəli hər şey haqqında daha çox məlumat verəcəyəm.

Yaponiya təhsil vizası haqqında nəyi bilməli?

Bu viza növünün əsas xüsusiyyəti Yaponiyada baş tutması nəzərdə tutulan elmlə bağlı faliyyətlərdir. Seçdiyiniz proqramdan asılı olaraq (müddəti, mövzusu və qurumu) sizə 3 aydan dörd ilədək müddət üçün keçərli olan viza verilə bilər. Universitet dərəcəsi almaq istəyən son sinif şagirdi ya da qısamüddətli kurslarda iştirak etmək istəyən biri ola bilərsiniz. İkebana və ya oriqami öyrənmək məqsədli qısa kurslar üçün səyahətlər istisna olmaqla, digər məqsədlərin hamısı təhsil kateqoriyasına aiddir. Tipik yapon mədəni fəaliyyətləri ilə bağlı mövzular, mədəni fəaliyyətlər viza kateqoriyasına aid olacaqdır.

Yaponiya tələbə vizası üçün yaş həddi yoxdur. Çünki hamımızın bildiyimiz kimi, öyrənmək üçün heç vaxt gec deyil. Buna baxmayaraq, bəzi təhsil müəssisələrində tələbə qəbulu üçün yuxarı yaş həddi ola bilər, odur ki, seçdiyiniz qurumun giriş şərtlərini özünüz yoxlamalı olacaqsınız. Lakin ölkəyə girişlə bağlı narahat olmayın, çünki Yaponiya tələbə vizası üçün hər hansı bir yaş həddi göstərilməyib.

Turizm vizalarının əksinə, Yaponiyada daha uzun müddət qalmaq üçün dünya vətəndaşlarının çoxunun viza alması lazımdır. Yaponiya üçün vizadan azad ölkələrin siyahısı kifayət qədər uzun olsa da, bu, əsasən qısamüddətli ziyarətlərə aiddir.

Yaponiya tələbə vizası üçün tələb olunan sənədlər

Müraciətinizi tamamlamaq üçün bir sıra sənədlər toplamalı olacaqsınız və prosesi sürətləndirmək üçün onları əvvəlcədən hazırlamağınız daha yaxşıdır. Əsas paketə pasport (Yaponiyadan yola düşdükdən sonra ən azı 90 gün ərzində qüvvədə olacaq), doldurulmuş müraciət forması və yaxın zamanda çəkilmiş pasport tipli rəngli iki fotoşəkil daxildir. Bu, standart tələblər dəstidir. Ancaq əsas şərt Uyğunluq Sertifikatıdır. Bu nədir və onu necə əldə etmək olar?

Uyğunluq Sertifikatı viza müraciəti etməzdən əvvəl əldə etməli olduğunuz bir sənəddir. Texniki cəhətdən məcburi olmasa da, üstünlükdür. Əksini etmək bütün prosesi ləngidəcək və özünüzlə bağlı bütün detalları təsdiqləmək üçün çox sayda sənəd təqdim etməyiniz tələb olunacaq. Ən pisi də budur ki, bu prosedurun bürokratiya xüsusiyyətləri səbəbindən viza müraciətiniz yoxlanılıb təsdiqlənməsi aylar çəkə bilər. Sənəd Ədliyyə Nazirliyinin yurisdiksiyasına daxil olan regional bir immiqrasiya bürosu tərəfindən verilir və Yaponiyaya giriş şərtlərini yerinə yetirdiyinizi sübut edir. Bu səciyyəvi sənəd xaricində müraciət üçün tələb olunan digər şərtlər çox mürəkkəb görünmür.

Yaponiyaya tələbə vizası necə alınır?

Yaponiya tələbə vizası prosesi olduqca sadədir. Onsuz da əvvəlki abzasda bunun haqqında öyrəndiniz. Təhsil fəaliyyətlərinə gəldikdə isə əsas prosedur aşağıdakı kimidir.

Əvvəlcə harada və nəyi oxumaq istədiyinizə qərar verməlisiniz. Mövcud təhsil qurumlarını və proqramlarını araşdırmaq üçün vaxt ayırın, çünki müddət, təhsil haqqı və təklif olunan faydalar fərqlənə bilər. Planlaşdırma onsuz da müvəffəqiyyətin yarısıdır. Nə oxumaq istədiyinizdən əmin olduqdan sonra seçdiyiniz quruma müraciət edin və Uyğunluq Sertifikatı almaq üçün tələbə dəstək xidməti ilə əlaqə saxlayın. Xarici tələbələri qəbul edən qurumların əksəriyyəti rəsmi prosedurları tənzimləməkdə təcrübəlidirlər və bundan öz viza müraciətinizi asanlaşdırmaq üçün yararlana bilərsiniz. Axı yerli yurisdiksiya və bürokratiya ilə tanış deyilsiniz, elə deyilmi?

Qurum sertifikatı hazırladıqdan sonra lazım olan digər sənədləri də götürüb Yaponiya səfirliyinə ziyarət təşkil edəcəksiniz. Bura ödənişi ödəyəcəyiniz və sonra cavabı alacağınız (ümid edirəm ki, müsbət) yerdir.

Unutmayın, Yaponiyaya köçmək planınızı gerçəkləşdirmək üçün hansı addımlar atmanız lazım olduğundan əmin deyilsinizsə, bütün şübhələrinizi aradan qaldırmağın sadə bir yolu var. Ən sürətli və doğru yol ölkənizdəki viza üçün müraciətləri qəbul edən Yaponiya səfirliyi ilə birbaşa əlaqə qurmaqdır! Onlardan bilmək istədiyiniz hər şeyi soruşa bilərsiniz və əldə etdiyiniz məlumatlar hər zaman son dəyişikliklərə uyğun olacaq.

Yaponiya tələbə vizası müraciətinə baxılma müddəti

Yaponiya tələbə vizası prosesi müraciətinizdəki məlumatlardan, milliyyətinizdən və digər aspektlərdən asılı olaraq 2-25 təqvim günü arasında davam edə bilər. Ümumiyyətlə, müraciətinizin qəbulundan təxminən beş iş günü sonra cavabınızın çıxacağı deyilir. Buna baxmayaraq, xüsusilə təhsil vizasına müraciət zamanı əlavə sənədlər də tələb oluna biləcəyi üçün müraciəti son ana saxlamayın.

Yaponiya tələbə vizası üçün rüsum

Təəssüf ki, burada yekdil cavab verə bilmərəm. Ödənişlər vətəndaşlığınıza və qalma müddəti kimi digər cəhətlərə bağlıdır. Adətən rüsum 0-50 ABŞ dolları arasında dəyişir, ancaq bunu müraciət edəcəyiniz Yaponiya səfirliyində və ya digər diplomatik nümayəndəlikdə dəqiqləşdirə bilərsiniz.

Bloqu oxuyandan sonra sizdə viza prosesi ilə bağlı ümumi təsəvvür yarandımı? Ümid edirəm ki, cavabınız müsbətdir, çünki yeni bir şey öyrənmək həmişə təqdirəlayiq bir plandır. Xüsusilə Yaponiya kimi maraqlı yerlərə səyahət etməyə imkan verdikdə. Təhsili mədəni kəşflərlə birləşdirmək xaricdə təhsilin başqa bir üstünlüyüdür və bu, iş qabiliyyətinizi də yüksəldir. Xüsusilə xaricdə olduğunuz müddətdə yeni dil bilikləri edinə bilsəniz. Mən danışıram, amma yəqin ki, hər şeyi bilirsiniz və inanılmaz bir təhsil təcrübəsi üçün xaricə gütməyi planıayacaq motivasiyanız var. Son hədəfləriniz nə olursa olsun, mən yazımı burada bitirirəm. Yaponiya tələbə vizası üçün müraciətin düzgün şəkildə təşkil olunmasına kömək edə biləcək əsas məlumatları təqdim etdim. Sizə həm viza prosesində, həm də təhsil həyatınızda uğurlar arzulayıram!

* Xahiş edirəm nəzərə alın ki, hazırda bir çox ölkə immiqrasiya siyasətini dəyişdirmək hüququnu özündə saxlayır və vəziyyət gündən-günə dəyişir. Xaricdə təhsil almaq üçün olsa belə, bəzi məhdudiyyətlər hamı üçün keçərlidir. COVID-19 səbəbiylə davam edən sağlıq problemləri ilə, viza proses müddətləri və digər şüylər qeyd etdiklərimizdən fərqli ola bilər. Əlavə olaraq, davam edən immiqrasiya qadağası ola bilər. Hər hansı bir sənəd təqdim etmədən və ya bir bron etmədən əvvəl mütləq şəkildə şərtləri nəzərdən keçirin.