Ammanda 12 İnstaqramlıq yer

Amman şəhəri İordaniyanın paytaxtıdır. Orta Şərqin qəlbində yerləşən İordaniyanın ərazisinin böyük əksəriyyətini səhralar təşkil etsə də, fərqli-fərqli heyran edici mənzərələrə sahibdir. Ölkə dünyanın yeni yeddi möcüzəsindən biri kimi hesab olunan Petra ilə məşhurdur. Ancaq bu möcüzədə xaricində, kiçik olmasına rəğmən Ammanda bir çox gəziləsi yer var. İordaniyadakı Yunan-Roma, Bizans və Əməvilər xanədanlıqlarından qalma antik qalıqlar ölkənin qədim tarixinin sübutudur. Amman səyahətiniz tarixə damğasını vuran emblematik Bibliya yerlərini kəşf edəcəyiniz "həcc" ziyarəti olacaq. Həmçinin qırmızı Vadi Ram səhrasında gəzinərək “Lawrence of Arabia”-nın ayaq izlərini təqib edə bilərsiniz.

Niyə Amman, İordaniyaya səyahət etməliyəm?

Amman Orta Şərq bölgəsinə səyahətinizi başlamaq üçün əla seçimdir. Queen Alia Beynəlxalq Hava Limanı şəhərin mərkəzindən 25 kilometr məsafədədir və mitropolit əraziyə çatmaq təxminən 20 dəqiqə çəkir. Amman səhrada, Filadelfiya şəhərinin Roma xarabalıqları üzərində inşa edilmişdir. İordaniya, Ammana səyahət edərkən möhtəşəm arxeoloji yerlərə rast gəlmək adi haldır. Elə səyahətçilərin diqqətini cəlb edən əsas şeylərdən biri də məhz bu irsi dəyərlərdir. Şəhərdəki əsas turistik yerlər arasında bazarlar, dar küçələr, sənətkarlıq malları və tipik yeməklər satılan mağazalar var.

Qeyd edilənlərədən əlavə olaraq, Ammanda görməli yerlər arasında bir çox mənzərəli və instaqramlıq yerlərə rast gələcəksiniz. Bu yazıda, ən çox bəyənilən İnstaqram fotonuzu çəkə biləcəyiniz Ammandakı ən yaxşı 12 instaqramlıq yer barəsində məlumat əldə edəcəksiniz. Elə isə Ammana səyahət başlasın!

1. Amman Qalası və Roma Amfiteatrı

Şəhərin kəşfinə qədimdən qalma xarabalıqları ziyarət edərək başlamaq əla bir seçimdir. Tarixi özündə yaşadan Amman qalası xoş gəzintiyə əlavə olaraq, sizə altındakı şəhərin möhtəşəm mənzərələrinin panoramik şəkillərini çəkmə şansı verir. Qalanın olduğu təpəyə çıxdığınız zaman ayağınızın altında Amman şəhər mərkəzi və 360 dərəcəlik panorama olur. Bu yer Ammanda ziyarət etmək üçün ən yaxşı yerlərdən biri, bəlkə də birincisidir. Amman köhnə bir şəhərdir, Roma İmperiyası dövründə Filadelfiya adlansa da, Bibliya əsatirlərinə əsasən orijinal adı Rabbat Ammondur. 1921-ci ildən bəri paytaxtdır. Bu gün 10 milyon iordaniyalıdan 4 milyonunun paytaxtda yaşadığı iddia edilir.

2. Petra

1985-ci ildən bəri YUNESKO-nun Ümumdünya irsi siyahısına daxil edilmiş və dünyanın yeni 7 möcüzəsindən biri olan Petra, şübhəsiz ki, İordaniyanın ləl-cəvahiratıdır. Petra Xəzinəsi kimi məşhur olan Al Khazneh qapısının gözləriniz önündə olduğunu dərk etdikdə həyəcan ən yüksək həddə çatır. Ancaq Petra yalnız bu qapı ilə qurtarmır, 8-ci əsrdə ədumlular tərəfindən qurulan bu qədim Nəbatilər dövləti şəhəri ilkəl məzarlar və nəfəs kəsici mənzərələrlə doludur. Petranı ziyarət etmək üçün Ammandan çox sayda hikinq yolu var. Ad Deir monastırına aparan 800 pilləni qalxmağı da unutmayın. Burada əsas "şou" gün batarkən başlayır ki, siz də bu əvəzsiz yerdə çəkdirəcəyiniz şəkillərlə İnstaqramda "şou" göstərə bilərsiniz.

3. Kral I Abdulla Məscidi

İnşası 1989-cu ildə başa çatmış bu məscid qeyri-müsəlmanlar üçün müyəssər olan azsaylı məscidlərdən biridir. Səhər 8:30-dan etibarən fəaliyyət göstərir və yeni Amman biznes ərazisinin yaxınlığında yerləşir. "Royal Amman Hotel"-də qalırsınızsa, göyə qalxan iki minarəsi və möhtəşəm mavi mozaik günbəzi ilə onu fərq etməmək imkansızdır. Ammanda olduğunuz müddətdə maraqlı şəkillər çəkə biləcəyiniz digər gözəl məscidlər "Abu Darwish" və "King Hussein"-dir.

4. Nebo Dağı

İordaniyada 808 metrə qədər yüksələn və müqəddəs hesab olunan Nebo dağı da daxil olmaqla bir çox Bibliya yerləri var. Musa peyğəmbər vəd edilmiş torpaqları burada görəcək və 120 yaşında burada öləcəkdi. Neboda çox yaxşı qorunub saxlanılan və qədim mozaikaları özündə cəmləşdirən bir bazilikada Musanın Xatirə kilsəsi var.

5. Madaba

Ammanın 30 kilometr cənubunda yer alan Madaba, "King's Route" boyunca kiçik bir şəhər və eyni zamanda, ətrafı araşdırmaq üçün mükəmməl bir bazadır. Bu olduqca sakit şəhərcik, Bizans və Əməvilər dövründən qalma mozaikaları ilə məşhur olduğu üçün ziyarətə dəyər. Xristian azlıqların evi olan Madabada kilsə zəngləri azan səsi ilə qarışdığı zaman xüsusi bir atmosfer yaranır.

6. Dana Biosfer Qoruğu

YUNESKO tərəfindən biosfer qoruğu kimi təsnif edilən Dana qoruğu ekoturizmi təbliğ etmək üçün çalışan İordaniya təbiət parklarından biridir. Qoruq hikinq həvəskarları üçün gerçək bir oyun meydançasıdır və zəngin flora və faunanın müşahidəsi üçün də əlverişlidir. Qayalıqlar, səhralar və dağlar arasında ən az 40 heyvan və 800 bitki növü var. Dana kəndi dərənin üstündə möhtəşəm mənzərəli panorama təqdim edən cəvahiratdır.

7. Səhra Qəsrləri

İordaniya tarixindəki ovsunlayıcı bir dövrün şahidi olan səhra qəsrləri bu gün də əsas turistik yerlərdən olmadığı üçün, yaxşı qorunan sirlərdir. Əsasən Əməvilərin hakimiyyəti dövründə, səhra çöllərində tikilən bu qəsrlər, xəlifələrin keçmiş iqamətgahlarının qalıqlarıdır. Bu qəsrlərin faydalılığı çox vaxt qeyd edilmir, ancaq onlar karvansara, tətil evi və ya ov köşkü kimi xidmət edə bilirlər.

8. Jerash

Ammanın 50 kilometr şimalında yerləşən Jerash, Petradan sonra İordaniyada ən çox ziyarət edilən yerdir. Orta Şərqdə ən yaxşı qorunan Yunan-Roma şəhərlərindən biri olması ilə məşhurdur. Əvvəllər Gerasa olaraq bilinən bu şəhər, Roma işğalı altında olarkən öz zirvə dönəmini yaşamışdı və xarabalıqları da keçmiş əzəmətinin sübutudur. Jerashın qalıqları əsrlər boyu qum altında basdırıldığı üçün möcüzəvi şəkildə qorunub saxlanılmışdır.

9. Ölü Dəniz

Ölü dənizdə üzmək təcrübəsi, şübhəsiz ki, İordaniya səfərinin ən diqqət çəkən məqamlarından biridir. Dəniz səviyyəsindən 430 metr aşağıda yerləşən və dünyanın ən aşağı torpaq sahəsi ilə məşhur olan bu duzlu göldə üzmək nə qədər də qəribə bir hissdir.

10. Vadi Ram Səhrası

Vadi Ram yalnız qırmızı rəngə boyanmış bir səhra olması ilə yox, həmçinin müstəsna və füsunkar gözəlliyi ilə, Ölü dəniz və Petradan sonra, Ammanın ən instaqramlıq yeridir. Bu səhra vadisinin mərkəzində çoxsaylı qaya və qaya daşı quruluşları mövcuddur.

11. Mucib Biosfer Qoruğu

Dəniz səviyəsində 900 metrdən 400 metrə qədər aşağıya uzanan, İordaniyaya səyahət zamanı mütləq görülməsi gərəkən yerlərdən biri olan bu qoruq, Ölü dənizə bir neçə metr məsafədədir və dar dərələr, bəzən hündürlüyü 1200 metri aşan quru dağlardan ibarətdir. Bu yeri həm tək, həm də təcrübəli bələdçi ilə kəşf etmək şansınız var.

12. As-Salt

Ammana səyahət zamanı İordaniyanın qədim paytaxtı olan As-Salt şəhərini ziyarət etməyə vaxt ayırın. Kiçik evləri, orijinal memarlığı ilə xoş bir yer olan As-Saltda, tarixi yerləri sevənləri qısqandıracaq şəkillər çəkdirə bilərsiniz.