Melburn: Avstraliyanın mədəniyyət paytaxtına səyahətinizin hər detalını planlaşdırın

Melburnda nə etməli? Bu ecazkar şəhərdə ediləcək saysız-hesabsız şey var. Melburn onu Avstraliyanın mədəniyyət paytaxtı edən müxtəlif restoranları, muzeyləri və idman tədbirləri ilə seçilir. Ümumiyyətlə, bir çox insan Avstraliyaya səyahət etmək istəyir. Qeyd edək ki, Avstraliyaya səyahət üçün ən yaxşı vaxt əsasən sentyabr və oktyabr aylarıdır. Bu iki ay möhtəşəm Avstraliya çimərliklərindən zövq alacaq qədər isti, həmçinin mərkəzi bölgələrdə gəzintiyə çıxacaq qədər sərindir.

Möhtəşəm qraffitili daşla döşənmiş küçələr

Daha əvvəl də qeyd etdiyimiz kimi, Melburn Avstraliyanın mədəniyyət paytaxtıdır. Beləliklə, Avstraliyaya səyahət edərkən Melburnu ziyarət etmək hər zaman yaxşı fikirdir. "Melburnda nə etməli?", "Melburnda hara getmək etmək olar?" kimi bəzi suallarınız ola bilər. Budur bəzi təlimatlar və tövsiyələr. Melburn dar küçələri ilə olduqca məşhurdur. Əksər turistlər Melburnun mərkəzində yerləşən bu bənzərsiz, daşla döşənmiş küçələr boyunca gəzməyi sevirlər. Səyahətinizə Cənub yarımkürəsinin ən işlək dəmir yolu stansiyası olan Flinders Street stansiyasından başlaya bilərsiniz. "Degraves Street" və "Collins Street"-i ziyarəti yaddan çıxarmayın. Dar küçələr rəngarəng küçə sənətinə, qraffitilərə və gözəl arkadalara ev sahibliyi edir. Melburnun ən tanınmış alleyaları və arkadaları: AC / DC Lane, Center Place, Degraves Street, Cathedral Arcade və s. Melburnun bu diqqətəlayiq küçələri eyni zamanda bir çox rahat kafeyə, coffee shopa, dünyanın hər yerindən müxtəlif kulinariya ləzzətləri təqdim edən restoranlara və alış-veriş butiklərinə də ev sahibliyi edir. Avstraliyaya səyahət edərkən qəhvənin dadına heyran qalacaqsınız, xüsusilə Melburndakının. Avstraliyanın mədəniyyət paytaxtı olan Melburn dünyanın ən yaxşı coffee shoplarından və baristalarından birinə ev sahibliyi edir. Ziyarətçilər Melburnda flat white, cold brew və s. kimi hər növdə qəhvəni içə bilərlər.

Dünya səviyyəli restoranlar və bazarlar

Melburn ziyarətçilərin çox sayda keyfiyyətli yerli və xarici məhsullar əldə edə biləcəyi misilsiz bazarları və butikləri ilə də məşhurdur. Bu məqsədlə gediləcək ən məşhur yerlərə "South Melbourne Market", "Queen Victoria Market" və s. aiddir. Küylü bazarların yanı sıra, Melburnun dar küçələri dünya səviyyəli restoranların evidir. Məsələn, Melburna səyahət etməyi planlaşdırırsınızsa, dadlı və bənzərsiz yeməklərin dadına baxmaq üçün Avstraliyanın ən yaxşısı və dünyanın ən yaxşı restoranlarından biri olan "Attica"-da əvvəlcədən rezervasiya etdirin. Melburndakı digər məşhur restoranlara "Matilda 159 Domain", "Cutler & Co" və s. qeyd edə bilərik. Əgər şirniyyatları sevirsinizsə, məşhur konditer evlərinin yerləşdiyi "Acland Street"-ə getmək fürsətini qaçırmayın. Lune Croissanterie tərəfindən təqdim olunan ən yaxşı növ kruassanları da sınamaq lazımdır. Acland küçəsinə "şirin" səfərdən sonra kiçik pinqvinləri seyr etmək üçün təxminən 10 dəqiqə piyada getməklə St Kilda Pier-ə çata bilərsiniz. Dadlı yeməklər və soyuq içkilər dadmaq üçün Fitzroy küçəsinə getməzdən əvvəl burada pinqvinləri seyr etməklə yanaşı, çimərlikdən də zövq almaq olar. Şərabsevərsinizsə, dünyaca məşhur şərab istehsal edən bölgə - Mornington Peninsula şəhərdən cənub şəhərətrafı ərazilərə doğru təxminən 45 dəqiqə məsafədə yerləşir. Bu üzüm bağlarında dünyanın ən yaxşı ağ şərablarından birinin dadına baxa bilərsiniz.

Melburnun terrasları

Avstraliyaya səyahət üçün ən yaxşı vaxtın niyə sentyabr və oktyabr aylarının olmasının səbəblərindən biri Melburndakı terrasları və idman tədbirlərini ən yaxşı şəkildə sınamaqdır. Turistlər bu yüksək hündürlükdə yerləşən terraslarda oturub gün batımını seyr edərkən kokteyllərindən dada bilərlər. Tövsiyə edə biləcəyim bəzi kokteyl-barlar: Naked in The Sky, Madame Brussels, Good Heavens Rooftop Bar və s. Mərkəzi ticarət bölgəsinin şimalında, Brunswick küçəsində canlı musiqi olan inanılmaz kafe və barlara rast gəlmək olar. Melburnun mərkəzində, "Curtin House"-un yeddinci mərtəbəsində ləzzətli yeməkləri və sevimli musiqini özündə barındıran terras var. Ancaq bu hələ hamısı deyil: bu məkanda insanlar şəhərin görkəmli mənzərəsi ilə yanaşı, kinoteatrdan da zövq ala bilərlər!

Avstraliyanın idman və mədəniyyət paytaxtı

Melburn Avstraliyanın mədəniyyət paytaxtı olmaqla yanaşı, həmçinin Avstraliyanın idman paytaxtı da sayılır. "Melburnda hara getmək lazımdır?" deyə bir sual ağlınıza gəlirsə, mütləq "The G" kimi tanınan Melbourne Cricket Ground haqqında düşünməlisiniz. Burada qonaqlar Avstraliya Futbol Liqasını və kriket oyunlarını izləyə bilərlər. Avstraliya futbolunun qaydaları əksər əcnəbilərə qəribə gələ bilər, ancaq bununla yanaşı, matçlar zamanı atmosfer inanılmazdır. Yuxarıda vurğulandığı kimi, Avstraliyaya səyahət etmək üçün ən yaxşı vaxtın sentyabr ayı olmasının bir səbəbi də Avstraliya Futbol Liqasının böyük finalına qatılma şansıdır. Əgər bu futbol matçına bilet ala bilsəniz, həyatınızın ən unudulmaz təcrübələrindən birini yaşayacaqsınız.

Melburnun turistik yerləri

İndi isə Avstraliyada sənət və mədəniyyət mərkəzi olan Melburnda ziyarət edə biləcəyiniz yerlər haqqında danışmağın vaxtı gəldi. Avstraliyanın ən qədim qalereyası olan Viktoriyanın Milli Qalereyası 1861-ci ildə Melburnda qurulmuşdur. Ziyarətçilər burada Avropa, Amerika, Asiya və Okeaniya sənəti daxil olmaqla, 70 mindən çox sənət əsərinin olduğu kolleksiyaları araşdıra bilərlər. Avstraliyanın tarixi ilə maraqlanırsınızsa, "Bunjilaka Aboriginal Culture Center" mütləq ziyarət etməniz lazım olan bir yerdir. Bu muzeydə Kanada hinduları performanslar və sənət yolu ilə Viktoriya dövründən və öz hekayələrindən danışırlar. Viktoriya Dövlət Kitabxanasına getmək də tövsiyə olunur. Bu tarixi kitabxana 1850-ci illərdə inşa edilmişdi və bugün hər il milyonlarla ziyarətçi qəbul edir. Melburnun tarixi, mədəni irsi haqqında daha çox məlumat əldə etmək üçün Royal Botanic Gardens Victoria - Melburn bağlarına kulinlər tərəfindən təşkil edilən turlara da qoşula bilərsiniz.

Melburnda bir həftə

Budur Melburnda inanılmaz bir həftə keçirtmək üçün bəzi təlimatlar. İlk gün küçə sənətindən zövq almaq üçün dar küçələr boyunca gəzə bilərsiniz. Qürub zamanı "Moonlight Cinema Melbourne" tərəfindən təqdim olunan bir filmə baxa, "Royal Botanic Gardens Victoria"-da xoş bir piknik edə bilərsiniz. Burada ziyarətçilər öz yeməklərini, alkoqollu və alkoqolsuz içkilər gətirməkdə sərbəstdir.

İkinci gün turistik yerləri kəşf etmək məqsədilə City Circle Tram-a minə və şəhəri audio-şərhlə birlikdə kəşf edə bilərsiniz. Bu marşrutda Federasiya meydanını, parlament evini, Melbourne akvariumunu, “Old Treasury Building” və ”Princess Theatre”-ı ziyarət edə bilərsiniz. Federasiya meydanında keçirdiyiniz vaxtdan ləzzət alarkən Viktoriya arxitekturasını özündə barındıran "Flinders Street Station"-a heyran olmaq üçün cəmi 50 metr aşağıya getmək lazım olacaq. Növbəti gün Viktoriya Milli Qalereyasını, İmmiqrasiya muzeyini, Melburn muzeyini və "Bunjilaka Aboriginal Cultural Centre"-i gəzərək Avstraliya mədəniyyətindən və tarixindən zövq alın. Axşam saatlarında "Attica" və ya "Matilda 159 Domain"-da gözəl bir şam yeməyi günü unudulmaz edəcəkdir.

Dördüncü gün isə sizi 19-cu əsrə aparacaq Fitzroy bağlarını ziyarət edə və zövq ala bilərsiniz. Bağdakı sakit gündən sonra, axşamı Avstraliya Futbol Liqası matçına qatılaraq səs-küylü bir şəkildə keçirə bilərsiniz. Növbəti gün St Kilda-nı ziyarət etməklə çimərliyin dadını çıxarmalı və kiçik pinqvinləri seyr etməkdən zövq almalısınız. Maraqlı bir gecə həyatı axtarırsınızsa, doğru yerdəsiniz, çünki St Kilda minlərlə bar və klubun olduğu yerdir. Altıncı gün şəhərdən təxminən iki saat aralıda yerləşən cənnətə bənzər Phillip adasına səyahət edə bilərsiniz. Adada üzmək və ləzzətli bir soyuq içki içərkən günəş vannası qəbul etmək olar. Gün batarkən gözəl mənzərələrdən zövq alacaqsınız və dənizdən yuvalarına qayıdan kiçik pinqvinlərin paradını müşahidə edəcəksiniz. Phillip adasında bir gecə keçirtdikdən sonra səhər Melburna qayıda və "Queen Victoria Market"-də biraz alış-veriş edə bilərsiniz. Melburndakı son gecənizdə "Curtin House"-dakı terrasda valehedici mənzərədən zövq alarkən dadlı bir kokteyl için.

Ümumilikdə, Melburnda hər şey var - canlı mədəniyyət, moda, ən yaxşı kafe və restoranlar, ecazkar qraffitilərlə dolu küçələr, idman tədbirləri və daha nələr, nələr. Onu da qeyd edək ki, Global Liveability Index 2019-a görə, Melburn yaşamaq üçün dünyanın ikinci ən yaxşı yeridir.