Melburnda 12 İnstaqramlıq yer

Kənan İsazadə 24 dekabr 2021 0 baxış 4 dəq. oxu

2020-ci il hər kəs üçün çətin bir il oldu, ancaq xüsusilə Avstraliya üçün. Onlar COVID-19-dan başqa milyonlarla heyvanın ölümünə səbəb olan yanğınlara qarşı mübarizə apardılar. Alimlərin fikirlərinə görə meşə yanğınları 10 milyon ha-dan çox ərazini (təxminən İngiltərə ilə eyni ölçüdə) əhatə etdi və 3 milyard heyvanın həyatına son verdi. Bu kədərli günlərə baxmayaraq, Avstraliya ən sevimli turizm məkanlarından biridir (ildə 9 milyondan çox ziyarətçi). Biz də bunu nəzərə alaraq, Avstraliyanın İnstaqramlıq şəhərlərindən biri olan Melburn haqqında danışmağa qərar verdik. Gəlin, bu gözəl şəhərin incilərini bir yerdə kəşfə çıxaq.

1. Federasiya Meydanı

federation square

Melburnda ziyarət ediləcək yerlər siyahımızdakı ilk yer Federasiya meydanıdır (Federation Square). Meydan federasiyanın 100 illiyi şərəfinə 2002-ci ildə açıldı. Bina şəhərin qonaqlarında maraq oyadan müasir və misilsiz memarlıq üslubuna malikdir. Bina əhalini iki hissəyə böldü: onu sevənlər və nifrət edənlər. Ancaq bu, meydanın Melburnun ən gözəl yerlərindən biri olması gerçəyini dəyişmir. Federasiya meydanında nə etməli? Burada məşğul olmaq üçün hər hansı bir fəaliyyət tapmaq “uşaq oyuncağıdır”. Federasiya meydanında ildə 2000-dən çox müxtəlif tədbir baş tutur. Yəni əylənmək üçün hər şərait var.

Ünvan: Swanston küç. & Flinders küç, Melburn VIC 3000.

2. Kraliyyət Botanika Bağları

botanic gardens

Kraliyyət Botanika Bağlarını (Royal Botanic Gardens) ziyarət etmək yalnız təbiət həvəskarları üçün deyil, bütün hamı üçün həyəcanverici olacaqdır. Bağ 38 ha ərazini əhatə edir və öz qapısını ziyarətçilərə 1846-cı ildə açıb. 8500-dən çox bitki növünə ev sahibliyi edir və bunlardan da bəziləri nəsli kəsilməkdə olanlardır. Bir çox dövlət və qeyri-hökumət təşkilatları bağa dəstək göstərir. Melburnda, Kraliyyət Botanika Bağlarında nə etməli? Şəhərin ən yaxşı İnstaqramlıq yerlərindən biri olmaqla yanaşı, burada turistlər üçün çox sayda fəaliyyət mövcuddur. Nümunə göstərmək lazımdırsa, buyurun: müxtəlif turlar, hikinq, canlı teatr, açıq səma kinoteatrı və s. Bundan əlavə olaraq, bağ, Melburnda piknik üçün ən populyar yerlərdən biridir. Məzələrinizi və içkilərinizi götürün və nəfəs kəsən mənzərədən zövq alın.

Ünvan: Birdwood prospekti, South Yarra.

3. Melburn Kriket Qraund və Milli İdman Muzeyi

sport museum

100000 nəfəri eyni vaxtda qonaqlaya bilən “Melbourne Cricket Ground” dünyanın ən böyük stadionlarından biridir və tarixi 1853-cü ildən başlayır. Melburnun Avstraliyanın idman paytaxtı olduğunu söyləyə bilərik. Şəhərdə 1956 Olimpiya Oyunları və 2006 Birlik Oyunları kimi bir çox idman yarışları keçirilib. Melburnda nə etməli? Daha əvvəl kriket matçı izləməmisinizsə, izləməyin vaxtıdır. Ancaq biletlərə böyük bir tələbat olduğunu unutmayın, buna görə də əvvəlcədən satın alın. İnstaqramlıq şəkillər çəkdikdən sonra stadionda kriket matçı izləyə ardından isə, Milli İdman Muzeyindəki turlarda iştirak edə bilərsiniz. Ekskursiya təxminən 80 dəqiqə davam edir və Avstraliya İdman Qalereyası və Olimpiya Muzeyini əhatə edir. Qarşı tərəfdə isə Avstraliya Açıq Tennis Turnirinə ev sahibliyi edən Melburn Parkını görəcəksiniz.

4. Viktoriya Milli Qalereyası

national gallery of victoria

Melburna səyahətiniz zamanı ziyarət ediləcək İnstaqramlıq yerlərdən biri, iki fərqli yerdə 70000-dən çox əsərə ev sahibliyi edən “National Gallery of Victoria”-dır. Qalereyalardan biri, St Kilda Road-da yerləşir. Bina 1968-ci ildə tikilib və 2003-cü ildə burada təmir işləri aparılıb. Yeniləmədən sonra ən çox bəyənilən İnstaqram fotolarını çəkmək üçün ən yaxşı yerlərdən birinə çevrilib. İkinci qalereya Federasiya meydanındakı "Ian Potter Gallery"-dir. Ziyarətçilər St Kilda Road-dakı beynəlxalq şah əsərlərdən və Ian Potter Qalereyasındakı Avstraliya kolleksiyasından zövq ala bilərlər. Avstraliya kolleksiyasına Aboriginal, Heidelberg School və müasir qarışıq media(contemporary mixed media) üslubundakı əsərlər daxildir.

5. Kuk Kotteci, Fitzroy Bağları

fitzroy gardens

Yəqin ki, hamınız həyatınızda ən azı bir dəfə kapitan Kuk haqqında eşitmisiniz. Onun vətəni İngiltərə, Yorkşir olsa da, kotteci Melburndadır. Kukun ailəsi bu evi 1775-ci ildə Yorkşirdə tikdirdi, lakin cənab Russell Grimwade bunqalonu Melburna gətirdi. Kuk Kotteci səyahət tarixi ilə maraqlanan insanlar üçün, “Melburna niyə səyahət etməli?” sualının cavabıdır. Evin içərisində 18-ci əsrə aid çox sayda əntiq əşyalar, geyimlər, və daha çox şey tapa bilərsiniz. Binadan əlavə, füsunkar təbiətdən və Fitzroy bağlarındakı sükutdan zövq ala bilərsiniz.

6. İncəsənətlə zəngin küçələr

street art

Melburnda ediləsi ən yaxşı şeylərdən biri küçə sənətlərini kəşf etməkdir. Melburnun küçə sənətinin paytaxtı kimi tanınması təəccüblü deyil. Hökumət, küçə sənəti üçün müəyyən məkanlar təyin etdi və bu iki cəhətdən faydalı oldu. Hər şeydən əvvəl turizmə müsbət təsir göstərdi. İkinci olaraq isə, şəhərin digər yerlərində qanunsuz və istənilməyən qraffitilərin azalmasına kömək etdi. Bu xüsusi küçələri internetdə tapa bilərsiniz. Melburna səyahətiniz zamanı qraffitinin sirlərini öyrənmək üçün, turlara qoşulmanızı məsləhət görürük.

7. Köhnə Melburn Həbsxanası

Avstraliya, Melburnda bir çox muzey var, lakin şəhərdəki ən sirli və ən qorxulu yer “Old Melbourne Gaol“-dur. Muzey 1842-1929-cu illər arasında həbsxana rolunu oynayıb və bu dövrdə burada tam 133 nəfər edam edilib. Onlardan biri Ned Kelly adlı tanınmış cinayətkar idi. Muzey turlarına qatılmaqla, Melburnun keçmişinə səyahət edəcəksiniz. Ziyarətçilər edam edilmiş cinayətkarların ölüm maskaları kimi çoxsaylı eksponatları görmək şansını qazanacaqlar. Bundan əlavə, tur rəhbərləri sizə həbsxana ilə bağlı inanılmaz faktlardan bəhs edəcəklər.

8. St Kilda

st kilda

Səyahətinizi daha da maraqlı etmək üçün St Kildaya səyahət edin. Bura Melburnun ən yaxşı yerlərindən biridir və turistlər üçün müxtəlif fəaliyyələrlə doludur. Acland Street-də dadlı tortlar sınaya, gözəl bağlardan zövq ala və ən əsası pinqvinləri müşahidə edə bilərsiniz. Burada qəsəbəyə 1970-ci ildə gətirilmiş pinqvin koloniyası var. Əgər pinqvinlərlə maraqlanırsınızsa, öz suallarınızı bələdçilərə ünvanlaya bilərsiniz. Sizə ətraflı məlumat verəcəklər. Bununla birlikdə, bəzi qaydalara riayət etməlisiniz: pinqvinlərə, onların yuvalarına və yumurtalarına hörmət göstərin.

9. Kraliça Viktoriya Bazarı

queen victoria market

Şəhər İnstaqramlıq yerlər ilə zəngindir və bunlardan biri də 7 ha ərazini əhatə edən "Queen Victoria Market"-dir. Bazar, Cənub yarımkürəsindəki ən böyük açıq-hava bazarıdır. Maraqlıdır ki, 1960-cı illərdə şəhərin meri inşaat məqsədi ilə bazarı sökdürmək istədi. Lakin yerli əhali və bir çox təşkilat onu fikrini dəyişməyə vadar etdi. Merə bazarı milli sərvətə çevirməyi təklif etdilər və bunu bacardıqlarını deyə bilərik. Üstəlik, Kraliça Viktoriya Bazarının heyranedici dünyasını kəşf etməyinizə kömək edəcək tur da var. Səfər təxminən iki saat davam edir.

10. Melburn Zooparkı

giraffes

Melburnda ailəvi şəkildə haraları ziyarət etmək olar? Xoş bir ailə fəaliyyəti tapmaq bəzi şəhərlərdə və ölkələrdə doğurdan da çətin ola bilər, ancaq Melburnda yoxl. Melburnda bu cür yerlər çoxdur və Melburn Zooparkı bunlardan biridir. 22 ha ərazisi və 320-dən çox heyvan növü olan zoopark sizin və ailənizin yolunu gözləyir. Zooparkın 1862-ci ilə qədər uzanan qədim bir tarixi var. Zoopark işçiləri dizayına böyük önəm verirlər. Məsələn, burada Asiya filləri var və işçilər onların olduğu hissəni Asiyaya bənzətməyə çalışıblar. Bundan əlavə isə, zooparkda oranqutanlara da rast gələ bilərsiniz. Melburn zooparkı haradadır? Buyurun, ünvan: Elliott prospekti, Parkville VIC 3052.

11. Yarra Vadisi

valley

Melburna niyə səyahət etməli? Cavab qısa və sadədir, şərab! Chardonnay və digər şərab növlərinin istehsalı ilə məşhur olan ərazi şəhərin mərkəzindən cəmi bir saatlıq məsafədədir. Vadinin demək olar ki, hər bir küncündə başqa bir şərabxana tapa bilərsiniz. Onların sayları 120-dən çoxdur. Şərabları restoranlarda və ya şərabxanaların özündə dadmaq mümkündür. Bundan əlavə, yaşıl vadidə hikinq, balıq ovu, quş seyrindən zövq ala və ən çox bəyənilən İnstaqram fotolarını çəkə bilərsiniz.

12. Williamstown Çimərliyi

williamstown beach

Qeyd etmək istədiyimiz sonuncu yer, şəhərin mərkəzinə çox yaxın olan Williamstown çimərliyidir (yerli sakinlər onu Willy Beach adlandırırlar). Cəmi bir neçə dəqiqəyə şəhərin ən yaxşı İnstaqramlıq yerlərindən birinə çata bilərsiniz. Məsələn, Gem Pier Station cəmi 5 dəqiqəlik məsafədədir. Çimərlik qonaqlara üzgüçülük, günəş vannası qəbul etmək, yelkənçilik kimi fəaliyyət növlərini və daha çoxunu təklif edir. Həmçinin müxtəlif ənənəvi əl işlərini səyyar satıcılardan münasib qiymətə ala bilərsiniz.

Oxşar yazılar:

SƏYAHƏTSEVƏRLƏR ÜÇÜN MARAQLI 4 PODCAST

SƏYAHƏTSEVƏRLƏR ÜÇÜN MARAQLI 4 PODCAST

Səyahət planlarının qurulması nəinki şəxsi təcrübəmizdən, başqalarının da təcrübələrindən öyrəndikcə mükəmməlləşən bir obyektdir. Öz səyahət təcrübələrimizi bölüşmək və başqalarının da təcrübələrindən öyrənmək üçün bir çox platformalar var. Ən sevdiyim platformanı sizinlə bölüşüm: PODCASTS. Səyahətlə bağlı qulaq asdığım podcast-lardan bəziləri Woman Who Travel – səyahətçi xanımların, məşhur jurnalistlərin, fotoqrafların (the.atlas.of.beauty ilə də müsahibə var) müxtəlif restoran, yemək, […]

Gülər Ağayeva 24 dekabr 2021
Bu yerlərə gedəcək bir igid axtarilir. Ən təhlükəli yerlər.

Bu yerlərə gedəcək bir igid axtarilir. Ən təhlükəli yerlər.

Bütün səyahətçilər öz səfərlərinin ideal və yaddaqalan olmasını istəyirlər. Amma bəzən yaddaqalan səfərlər ideal olmaya da bilir. Səyahətlər zamanı turistlər gözlənilməz surprizlər və təhlükəli məkanlarla qarşılaşa bilirlər. Düzdür, bu gün çox sayda turist cəlb etmək üçün ölkələr fərqli sloqanlar, videoçarxlar vasitəsilə ölkələrinin ən rəngli, təhlükəsiz görüntülərini və məkanlarını paylaşırlar. Bu bloqda həmin çarxlarda kadra alınmayan ən təhlükəli səyahət məkanlarına nəzər […]

Dünyanın ən bahalı 10 restoranı

Dünyanın ən bahalı 10 restoranı

Müasir dövrümüzdə restoranlara olan tələb günü gündən artır. Ad günləri və xüsusi ailəvi tədbirlər zamanı, görüşlər keçirərkən, işdən sonra və ya sadəcə həftəsonunu dostlarla xoş və maraqlı keçirmək üçün ağlımıza ilk gələn yaxşı bir restoran tapmaq olur. Bəs biz bunu hansı kriteriyalara əsasən seçirik? Yerləşdiyi yer, populyarlığı, yeməkləri, dizaynı və ən əsas da qiymətləri. Hər birimiz çalışırıq […]

Bu ölkələrdə bunları etmək olmaz…

Bu ölkələrdə bunları etmək olmaz…

Dünyada çoxlu sayda qadağalar mövcuddur. Bir çox qadağalar bütün cəmiyyətlər üçün eyni dərəcədə vacibdir. Bəzən insanların birgə yaşayışının mümkünlüyü də bunlardan asılıdır. Lakin bəzi qadağalar var ki, onlar yalnız hər hansısa bir cəmiyyətə məxsusdur. Bu tip qadağalar müxtəlif xalqların adət ənənələrindən, dünyagörüşündən, dini inanclarından, tarixi hadisələrdən və s. irəli gələ bilər. Səyahət həvəsi sizi dünyanın […]

Cavid Əsədov 24 dekabr 2021
Torontonun 10 ən dadlı restoranı

Torontonun 10 ən dadlı restoranı

Ən yaxşı restoran siyahısının yaradılmasının subyektiv olduğunu tam qəbul edirik. Zövqlər və rənglər mübahisə edilməz olduğu kimi, ağız dadlarımız da belədir. Kanadada, daha dəqiqliklə desək Torontoda iki nəfərin eyni sevilən restoranları seçməyəcəyi də olduqca aydındır. Buna görə siyahımız bir çox fərqli mətbəxi özündə birləşdirməyə çalışır. Əsas odur ki, biz təqdim edək. Hansını seçəcəyinizə siz özünüz qərar […]

Nərmin Aydınqızı 24 dekabr 2021
DÜNYANIN RƏNG DOLU BAYRAMLARI

DÜNYANIN RƏNG DOLU BAYRAMLARI

Bir ölkənin mədəniyyəti, tarixi ilə tanış olmaq istəyirsizsə, onun bayramlarında iştirak edin. Hər birimiz bayramları çox sevir, səbirsizliklə gözləyirik. Bayram günlərində bütün ailə, dost, tanış, qohumlar bir araya gəlib unudulmaz günü qeyd edir. Bəs başqa bir yerdə, tanımadığınız insanlar arasında bayram keçirməyə nə deyərsiz? Sizin üçün dünyanın ən rəngli bayram və festivallarını bir araya gətirdik […]

Arzu Çinarlı 24 dekabr 2021
DÜNYADA ƏN ÇOX AZƏRKEŞİ OLAN 10 FUTBOL KLUBU

DÜNYADA ƏN ÇOX AZƏRKEŞİ OLAN 10 FUTBOL KLUBU

Hər il yüzlərlə futbol komandaları arasında minlərlə oyun keçirilir, müxtəlif transferlər baş tutur, fərqli mükafatlandırma mərasimləri keçirilir. Bundan da asılı olaraq hər il müxtəlif futbol klublarının azarkeş sayı artır və ya azalır. Bəzi insanlar heç nəyə baxmayaraq sadiq azarkeş olsa da, bəzi insanlar sevdikləri oyunçunun transferindən, klubun həmin ilki qalibiyyət sayından və ya başqa səbəblərdən artıq […]

LOS-ANCELESİN QEYRİ-ADİ KOKTEYL BARLARI

LOS-ANCELESİN QEYRİ-ADİ KOKTEYL BARLARI

Los-Anceles ABŞ-ın ən parlaq şəhərlərindən biridir. O, arzular diyarıdır. Şəhəri gəzərkən öz üzərinizdə Los-Ancelesin bütün çalarlığını duyacaqsınız. Hər qarışı möhtəşəmliklə dolu olan şəhəri gəzib bitirənə qədər gün bitər. Bu zaman da yorğunluğuzu almaq üçün nə etmək olar? Əlbəttə ki, rahatladıcı bir kokteyl dadmaq. Los-Ancelesi kokteyl paytaxtı adlandırmaq olar, burada klassik içkilərdən tutmuş, barmenlərin yaratdığı incilərə […]

Arzu Çinarlı 24 dekabr 2021
Yaponiyanın gəzməli yerləri

Yaponiyanın gəzməli yerləri

Yaponiya – qədim ənənələrin, müqəddəs yerlərin və ən müasir texnologiyaların inanılmaz qarışığıdır. Keçmişinə hədsiz dərəcədə hörmət edən və bununla yanaşı, sürətlə gələcəyə doğru irəliləyən ölkənin görməli yerlərinin Top 5-ni təqdim edirik: 1. Fudzi-Hakone-Idzu Milli Parkı Bu yer hər il 20 milyonadək turist qəbul edən Yaponiyanın ən maraqlı təbii məkanlarından biridir. Parkın ərazisində Fuci dağı, 5 […]

Elnur Həmidli 24 dekabr 2021
Bakı dünya şəhərlərinə qarşı

Bakı dünya şəhərlərinə qarşı

Şotland bilim adamları Bakını dünyanın ən öndə gedən şəhərləri ilə müqayisə ediblər. Nəticələr bütün Afrikanı şoka salıb. Belə ki, Bakıda nadir xüsusiyyətlər tapılıb ki, bunlar digər şəhərlərdə yoxdur. Alimlər açıqlamanı belə veriblər: – Götürək Londonu. Ləzzətli soyuq hava var. Xəngəl yoxdur. – Götürək Amsterdamı. Dəli pivələr, eyllər var. Saçaqlı pendir, noxud, qızardılmış düşbərə yoxdur. – […]

Baba Ağayev 24 dekabr 2021