Quilində 12 İnstaqramlıq yer

Çin dünyanın ən xariqüladə səyahət yerlərindən biridir. Milyonlarla əcnəbi dünyanın ən çox əhaliyə sahib ölkəsinin gündəlik həyatı, mədəniyyəti, mətbəxi, cəmiyyəti və görməli yerləri ilə maraqlanır. Bir çoxları Pekini ziyarət etməyi üstün tutur, çünki paytaxtda gəzinti ingilis dilli turistlər üçün olduqca rahatdır. Həm də yerli turizm şirkətləri səyahətlərin çoxunu paytaxtda təşkil edirlər. Ancaq paytaxt turistlərlə dolu, darıxdırıcı, çirklənmiş və sıxlıq bir yerə çevrilib. Buna görə də son vaxtlar minlərlə turist digər Çin şəhərlərinə səyahət edir. Quilin, Çinin tarixi və mədəni xəzinəsi, eyni zamanda, prefektura səviyyəsindəki ən böyük şəhərlərindən biridir. Quilin haradadır? Bu şəhər ölkənin cənub-şərq hissəsində, Çinin Quansi-Çjuan Muxtar Rayonunda yerləşir. Gün ərzində bir neçə dəfə Pekindən Quilinə uçuşlar var. Quilin olduqca mənzərəli və İnstaqramlıq çox sayda görməli yerlərə ev sahibliyi edir. Başqa sözlə, Quilində ən çox bəyəni alacaq şəklinizi çəkə biləcəyiniz bir çox məşhur yer var. Buna görə də bir çox insan “Quilin, Çində ən maraqlı yerlər haradadır?”, “Quilində etməli?” kimi suallara cavab tapmaq istəyir:  Bu bloq bu mənzərəli Çin şəhərində haraları ziyarət etməniz və İnstaqramlıq yerləri tapmanız barəsindəki suallarınızın demək olar ki, hamısına cavab verəcəkdir. Elə isə, tətildən zövq alacağınız və möhtəşəm İnstaqram fotoları paylaşmaq imkanınızın olacağı Quilindəki gəzməli yerləri tanıyaq.

1. Lijiang Folk Customs Garden

Şəhərin təbii və tarixi qürurunu təmsil edən “Lijiang Folk Customs Garden”, Quilində görülməsi gərəkən ən gözəl yerlərdən biridir. Quilin xəritəsinə baxsanız görərsiniz ki, Folk Garden şəhərin cənub hissəsindədir. Çinin Min sülaləsinə aid əlamətdar yerlərin tarixi kökü yeni dövrün başlanğıcına qədər uzanır. Bağın memarlığı, divarı və yollarının iki min ildən çox yaşı var. Bağda pion, səhləb, kameliya, lotus, azaliya və gavalı çiçəyi kimi bir çox rəngli Çin çiçəyi var. İnstaqramda ən çox bəyəni əldə edəcək fotonuz hər hansı bir Çin çiçəyinin heyranedici görünüşü ola bilər.

Bundan əlavə, “Lijiang Folk Customs Garden”-də qırmızı şam ağacı, “larch”, palıd, ağ şam kimi misilsiz Çin ağacları da var. Tarixən bağın ərazisində müxtəlif etnik qruplar yaşamışdır. Zhuang, Miao, Dong və Yao, Liszyan bağında yaşayan ən böyük çinli etnik azlıqlar idi. Quilinin yerli rəhbərliyi qədim etnik mədəni xəzinəsini qoruyub saxladı və bağı məşhur bir turistik məkana çevirdi. Bağın ətrafında gəzmək, Quilində ediləcək ən yaxşı şeylərdən birdir. Tarixi məkanı gəzərkən onlarla İnstaqramlıq yerə rast gələcəksiniz.

2. Qamış Fleyta Mağarası

Valehedici qaya formasiyaları sayəsində Qamış Fleyta Mağarası Quilinin ən məşhur yerlərindən birinə çevrilib. Bu mağarada rəngli süni işıqlarla işıqlandırılan bir göl var. Turistlər buranı “Təbii Sənətlər Sarayı” kimi də tanıyırlar. Qədim insanların mürəkkəblə çəkdikləri tarixi kitabələr, Qamış Fleyta Mağarasının nəyə görə çox özəl olduğunu izah edir. Süni göl işıqlandırmaları səbəbi ilə bu mağara Quilində ziyarət edilməli ən rəngli yerlərdən biridir. Qamış Fleyta Mağarası heyrətləndirici rəngləri və tarixi irsi ilə Quilindəki İnstaqramlıq yerlər arasında xüsusi bir yer tutur.

3. Fil Xortumu Təpəsi

Əfsanəvi “Elephant Trunk Hill” Quilin şəhərinin emblemləri olan ”osmanthus çiçəyi” və Fil xortumu təpəsinə sahibdir. Bir çox çinli təpəni Chenshui təpəsi adlandırır. Fil xortumu təpəsi ərazisindəki Water Moon Cave və Sevgi adası Quilində görülməsi gərəkən ən müstəsna yerlərdəndir. Bir çox yerli və əcnəbi, təpənin yaxınlığında yaşamış, ovlamış və döyüşmüş qədim imperatorlara həsr olunmuş Çin əfsanələrini eşitməkdən xüsusilə zövq alırlar. Qayıq turuna çıxmaq və Fil xortumu təpəsinin mənzərəli təbiətini fərqli bucaqlardan lentə almaq Quilində ediləcək ən yaxşı şeylərdəndir. Təpədə keçirdiyiniz vaxt ərzində sosial media izləyicilərinizi heyrətləndirəcək İnstaqram fotoları çəkəcəksiniz.

4. West Street

Min ildən çox yaşı olan West Street olduqca ikonik bir məhəllədir. West Street, Çin və qlobal mədəniyyətin qarışığına malikdir. Köhnə və yeninin mükəmməl harmoniyası sizi heyran edəcəkdir. West Street ətrafında gəzərkən yolların arxasındakı dağın mənzərəli görüntülərini çəkməkdən zövq alacaqsınız. Sosial media izləyiciləriniz West Street-də çəkilmiş İnstaqram şəkillərini çox sevəcəklər. Tarixi məhəllədə, Çin mədəniyyəti haqqında çoxlu şey öyrənə biləcəyiniz bir çox fəaliyyət və dərslərə də qatıla bilərsiniz. Yemək bişirmə dərsləri ən maraqlılar arasındadır!

5. Shiwai Taoyuan

Quilində nə etməli? Şəhərin ən gözəl parkını gəzmək əla bir fikir kim səslənir. Shiwai Taoyuan, ənənəvi Çin kənd arxitekturasına sahib heyranedici bir parkdır. Siz burada min illik qədim binaları və imperatorluq məskənlərini görəcəksiniz. Üstəlik, göldə qısa kanoe turuna çıxa və Shiwai Taoyuan-un İnstaqramlıq yerlərini fərqli aspektlərdən çəkə bilərsiniz. Körpülər, çəmənliklər, endemik Çin ağacları, çiçəklər və kəpənəklər Shiwai Taoyuan-ı ziyarətçilərin gözündə çox özəl bir yerə çevirir.

6. Jingjiang Şahzadələr Sarayı

Bu saray Quilinin ən maraqlı yerlərindən biridir. “Jingjiang Princes Palace”, qədim Çin tarixində siyasi hakimiyyəti ən uzun müddət əlində tutan Min hökmdarının iqamətgahı olmuşdur. Sarayın girişi ənənəvi “Majestic Chengyun Gate” adlanır və qala üslubunda tikilmişdir. Sizi girişə aparan uzun yol çəmən və təzə qoxulu çiçəklərlə əhatə olunmuşdur. Jingjiang Şahzadələr Sarayı, tarixi və təbii yerlərin mükəmməl birləşməsini təqdim edir. Quilinin panoramik mənzərəsinə heyran qalacağınız “Solitary Beauty Peak”-ə qalxa bilərsiniz. Ayrıca saray muzeyindəki qədim Quilin xəritəsinə baxa bilərsiniz. Tarixlə maraqlanan İnstaqram izləyiciləriniz Jingjiang Şahzadələr Sarayında çəkilmiş İnstaqram şəkillərinizə pərəstiş edəcəklər.

7. Fubo dağı

Fubo dağı, Quilində görülməsi gərəkən ən mənzərəli yerlərdən biridir. Fubo təpəsi olaraq da bilinən bu dağ, gəmi səfərləriniz zamanı sizi heyran edəcəkdir. Möhtəşəm Fubo dağı əfsanəvi bir qaya kimi sudan yüksəlir. Təpəyə yaxınlaşa və dağın heyrətləndirici qayalarını, florasını və faunasını araşdıra bilərsiniz. Fubo dağına çıxmaq Quilində ediləcək ən yaxşı şeylərdən biridir. Xüsusilə macəra sevən İnstaqram izləyiciləriniz paylaşımlarınızı və hekayələrinizi çox sevəcəklər.

8. Quilin Çay Elm və Tədqiqat İnstitutu

Quilin Çay İnstitutu çinli çaysevərlər üçün cənnətdir. Yüzlərlə hektar ərazini əhatə edən Quilin İnstitutu 200-dən çox çay plantasiyasına ev sahibliyi edir. Bu əkinlərin tarixi əhəmiyyəti var. Qədim dövrlərdə Çin kral ailəsi üçün çay bu əkinlərdə yetişdirilirdi. Çay plantasiyalarının heyranedici panoramik mənzərəsi və çay yarpaqlarının tədqiqat nümunələri İnstaqram izləyicilərinizi heyrətləndirəcək qədər İnstaqramlıqdır. İnstitut muzeyi və əkin sahələri ətrafında qısa gəzinti sizin üçün unudulmaz bir təcrübə olacaqdır.

9. Li çayı

Li çayı, qədim qayaların yaşıl meşələrlə və firuzəyi sularla qovuşduğu Quilinin təbii incisindən axır. Möhtəşəm Li çayı boyunca gözəl bir qayıq gəzintisi zamanı təbii valehedici mənzərələrə heyran qalacaqsınız. Su olduqca sürətlə axır ki, bu da sizi çox həyəcanlandıracaq. İnanılmaz dərəcədə gözəl Li çayı ətrafındakı şəkillər İnstaqramda ən çox bəyəniləcək şəklinizi çəkməyə imkan yaradacaq.

10. Zhengyang Piyada Küçəsi

Quilində nə etməli? Axşam saatlarında alış-veriş gəzintisi və ardından inanılmaz bir gecə əyləncəsi mükəmməl bir fikir kimi səslənir! Hava qaraldığı zaman parlaq işıqlar Zhengyang Piyada Küçəsini aydınlandırır. Bu məhəllə son dərəcə sakit və səssizdir, çünki avtomobillər heç vaxt Zhengyang prospektindən keçmir. Coffee shop-larda, rahat restoranlarda, suvenir mağazalarında və book kafelərdə istirahət edə bilərsiniz. Səs-küylü Quilin küçələrinin təlaşından yorulduğunuz zaman, Zhengyang məhəlləsi “hüzuru tapmanız” üçün əla məkandır. Sırf bu səbəblə bir çox yerli sakin Pekindən Quilinə səyahət edir.

11. Günəş və Ay qüllələri

Mərmərdən düzəldilmiş möhtəşəm qüllələr həm gündüz, həm də gecə vaxtı öz gözəllikləri ilə sizi heyrətləndirəcəkdir. Qayıqla Günəş və Ay qüllələrinə yaxınlaşdığınız zaman möhtəşəm şəkillər çəkmək şansınız olacaq. Günəş və Ay Qüllələri Quilindəki məşhur yerlərdəndir.

12. Daxu Old Town

Daxu Old Town, Quilindəki maraqlı yerlər arasındadır. Köhnə şəhər qədim taxta evləri və rəngli küçə lampaları ilə məşhurdur. Bundan başqa isə, Daxu Old Town-da müxtəlif hədiyyələr ala biləcəyiniz əla mağazalar var. Dostlarınız və ailə üzvləriniz üçün Çin mədəniyyətini və ənənəvi binaları təmsil edən xüsusi bir Quilin xəritəsi ala bilərsiniz