Passport and compass on the map

Boliviya turist vizası necə əldə edilir?

Tamerlan Mehdiyev Tamerlan Mehdiyev 20 iyul 2021
9 baxış 5 dəq. oxu

Boliviya - ekstremallığı və müxtəlifliyi ilə tanınan və dənizə çıxışı olmayan ölkə. Ölkədə yüksək qarlı dağlardan qızmar ovalıqlara qədər bir çox iqlim tipi mövcuddur. Müxtəliflik sadəcə iqlim və landşafta aid deyil. Boliviya birlikdə dinc şəkildə yaşayan 36 fərqli etnik qrupa ev sahibliyi edir. Bu isə öz növbəsində ölkənin rəsmi olaraq Boliviya Çoxmillətli Dövləti adlandırılmasına səbəb olur. Ölkə İspaniya imperiyasının gəlişinə qədər yerli amerikan İnk imperiyasının bir parçası idi. İspanlar ölkəni nəzarət altına aldıqdan sonra Latın ölkələrindən bura gələnlərin sayı sürətlə artdı. İndi bütün bu fərqlər bir kənara qoyulub. Hər il minlərlə turist ölkəyə turizm məqsədi ilə səyahət edir.

Boliviyaya səyahət etmək üçün səbəblər çoxdur. Boliviya haqqında düşünəndə ağlıma gələn ilk şey yerli və Latın mədəniyyətinin qarışığıdır. Belə bir etnik mənsubiyyətə sahib olmağın üstünlükləri çoxdur, baxmayaraq ki, eyni vəziyyət bir çox ölkədə müxtəlif münaqişələr yaradır. Əhalinin əksəriyyəti (% 62) yerli xalqdan gəldiyi halda, əhalinin üçdə biri qarışıq köklərə malikdir. Boliviya təbiət həvəskarları üçün müstəsna bir yerdir. Çox az xərc çəkməklə çoxlu ekzotik heyvanlarla qarşılaşa bilərsiniz. Boliviya həm də büdcə dostu bir ölkədir. Görkəmli bir restoranda ləzzətli yemək sifariş etmək cüzdanınızda problem yaratmayacaq. Lakin sadaladığım bu gözəl şeylərdən zövq almaq üçün viza prosedurlarından keçməlisiniz. Boliviya turist vizası necə alınır? Bu suala cavab tapmanız üçün sizi addım-addım gəzdirəcəyik. Bu yazıda turist vizasının bir çox məqamlarını əhatə edəcəyik. Amma əvvəlcə Boliviya turist vizası tələblərini, Boliviya onlayn turist vizasını, Boliviya turist vizası müraciət formasını və s. nəzərdən keçirəcəyik. Ən əsası sizə bu vizanın necə alınması barədə təlimat verəcəyik. Ancaq prosedurları başa düşmək üçün əvvəlcə ölkənin viza siyasətinə baxmalıyıq.

Boliviyanın viza siyasəti

globe

Boliviyanın viza siyasəti Boliviyanın digər ölkələrlə əlaqələrinə görə müəyyənləşdirilir. Bu səbəbdən bəzi ölkələrin vətəndaşları viza prosedurlarından keçmədən Boliviyaya girə və bir müddət qala bidiyi halda, digərləri viza şərtlərini və tələblərini yerinə yetirməlidirlər. Ölkələri bu baxımdan üç qrupa bölə bilərik. Birinci qrup ölkələrin vətəndaşları viza prosedurlarından azaddırlar. Bu ölkələr:

Avropa Birliyinə üzv ölkələr, Andorra, Argentina, Avstraliya, Braziliya, Kanada, Çili, Kolumbiya, Kosta-Rika, Ekvador, İslandiya, İsrail, Yaponiya, Lixtenşteyn, Meksika, Monako, Yeni Zelandiya, Norveç, Fələstin, Panama, Paraqvay, Peru, Filippinlər , Rusiya, İsveçrə, Türkiyə, İngiltərə, Amerika Birləşmiş Ştatları, Uruqvay, Vatikan, Venesuela.

Digər tərəfdən, 2-ci qrup ölkələrin vətəndaşları səfirlikdən viza ala və ya sərhəddə viza imkanını dəyərləndirə bilərlər. Bu barədə daha sonra ətraflı məlumat verəcəyik. 3-cü qrup ölkələr isə vizaya yalnız səfirliklər, konsulluqlar və ya viza müraciət mərkəzləri vasitəsi ilə müraciət edə bilənlərdir. Bu ölkələr Əfqanıstan, Anqola, Butan, Kamboca, Çad, Konqo Demokratik Respublikası, İndoneziya, İraq, İsrail, Laos, Liviya, Nigeriya, Şimali Koreya, Pakistan, Ruanda, Somali, Sudan, Suriya, Timor-Leste, Yəməndir.

İndi “Boliviya turist vizası necə alınır?” sualına cavab axtara bilərik. Növbəti paraqrafda ”Boliviya turist vizasının alınması nə qədər çəkir?”, ”Boliviya turist vizasının rüsumu nə qədərdir? ” və s. kimi sualları cavablandıracağıq.

Boliviya turist vizası

stamping

Boliviya turist vizası ölkəyə turizm məqsədi ilə səyahət etmək və qısa müddət üçün qalmaq niyyətində olan səyahətçilərə verilir. Aşağıdakı siyahıda Boliviya turist vizası tələblərini və lazımi sənədləri tapa bilərsiniz:

• Ölkəyə gəlişdən sonra altı (6) aya qədər etibarlı olacaq pasport. Pasport son 10 il ərzində verilmiş olmalıdır və minimum 2 boş səhifəyə sahib olmalıdır. Şəkillər düzgün şəkildə əlavə olunmalıdır.

• Son 6 ay ərzində çəkilmiş bir və ya iki foto. Üzün ön hissəsi fotoşəkilin yüzdə 70 və ya 80 (32x26 mm) hissəsini əhatə etməlidir. Uniforma və ağ fon tövsiyə olunur. Fotoşəkildə heç bir üz ifadəsi təsvir edilməməli və şəxsin ağzı bağlı, gözləri açıq olmalıdır. Fotoşəkillərin ölçüsü 3 sm x 3 sm-ə bərabər olmalıdır.

• Şəxsiyyət vəsiqəsinin surəti.

• Müraciətçi şəxsin yaşadığı ölkə və vətəndaşlığı fərqli olduğu təqdirdə, ərizəçinin Boliviyaya enişindən sonra 3 ay müddətində qüvvədə olacaq yaşayış icazəsinin surəti tələb olunur.

• Pasportun əsas səhifəsinin surəti. Əvvəl vizalarınız olubsa, onların surətlərinə də ehtiyacınız olacaq.

• Səyahət marşrutu. Ətraflı məlumatlarla aviabilet və qonaqlama yeri bronları.

• Ərizəçinin peşəkar statusunu təsdiqləyən və yerli işəgötürən tərəfindən təqdim edilən məktub. Bu məktubda sponsorun / şirkətin adı, poçt ünvanı və telefon nömrəsi göstərilməlidir. İş yeri, vəzifə, işə başlama tarixi və müraciət edən şəxsin əmək haqqı barədə məlumat da tələb olunur. İş məzuniyyəti üçün təxmini vaxt və səyahətin məqsədi də göstərilməlidir. Müraciətçi şəxs şirkət sahibidirsə, etibarlı ticarət lisenziyası və şirkətin sahibliyini təsdiqləyən digər sənədlər lazım olacaq.

• Ərizəçinin səyahət zamanı özünü maddi cəhətdən təmin edə biləcəyini göstərən sənədlər. Son 3 aydakı maliyyə fəaliyyətinizi göstərən şəxsi bank çıxarışı, nağd pul, kredit kartı, səyahət çekləri, iş yerindən arayış, sponsordan məktubun təqdim edilməsi məqbuldur.

• Yüksək sarı qızdırma riski olan ölkələrdən birinin vətəndaşısınızsa (və ya keçib gəlmişsinizsə), sarı qızdırma peyvəndi sertifikatı təqdim etməniz lazımdır.

• Səyahətçi uşaqlar doğum haqqında şəhadətnamənin və ya başqa müvafiq sənədin surətini və ingilis dilində tərcüməsini təqdim etməlidir. Yetkinlik yaşına çatmayan şəxs tək səyahət edərsə, valideyn və ya qəyyum tərəfindən yazılmış razılıq məktubu da mütləqdir.

Tələb olunan sənədləri topladıqdan sonra Boliviya vizasına müraciətə başlaya bilərsiniz. Boliviya turist vizası müraciət formasını tamamlamaq üçün “Sworn statement” adlı sənədə də ehtiyacınız olacaq. Sonda müraciət formasını və digər tələb olunan sənədləri çap edəcək, imzalayacaq və Boliviyanın ölkənizdəki yerli konsulluğuna, səfirliyinə və ya viza müraciət mərkəzinə təqdim edəcəksiniz.

Bəlkə də artıq prosesin asan və rahat olduğunu düşünürsünüz, amma bilməniz gərəkən başqa şeylər də var.

Məsələn, görüləsi ilk iş Boliviyanın yerli səfirliyini və ya konsulluğunu tapmaqdır. Ölkənizdə heç bir diplomatik nümayəndəlik olmadığı halda, qonşu ölkələrin birindəki ən yaxın səfirliyə müraciət edə bilərsiniz. Bu məsələni aydınlığa qovuşdurduqdan sonra görüş təyin edin. Təyin edilmiş vaxtda səfirliyə gedin, lazımi sənədləri təqdim edin və tələb olunan rüsumu ödəyin.

Boliviya turist vizasının alınması nə qədər çəkir?

bolivian embassy

Adətən Boliviya turist vizası verildiyi gündən başlayaraq 30 gün müddətində etibarlı olur. Boliviya turist vizası rüsumuna gəldikdə, bu, vizaya müraciət etdiyiniz ölkəyə görə dəyişə bilər. Məsələn, viza rüsumu ABŞ vətəndaşları üçün 160 ABŞ dollarıdır. Bununla birlikdə, əksər ölkələr üçün rüsum 30 ABŞ dolları civarındadır (kuryer xidməti və s. kimi digər əlavə ödənişlər istisna olunur). Viza müraciətlərinə əsasən 7 iş günü ərzində baxılır. Buna baxmayaraq, müraciət etdiyiniz ölkədən asılı olaraq proses müddəti 1-10 gün arasında dəyişə bilər.

Ən başda sərhəddə vizadan bəhs etmişdik. Sərhəddə viza çox əziyyət tələb etməyən, rahat bir yoldur, ancaq bir çox mənfi cəhərlərə də sahibdir. Məsələn, vacib bir sənədi gətirməyi unutmaq ciddi problemə səbəb olacaq. Ölkənizə geri dönməli olacaqsınız. Odur ki, sərhəddə viza imkanına sahibsinizsə, təyyarəyə minməzdən əvvəl bütün hər şeyi nəzərdən keçirin.

Son olaraq, Boliviya vizası almaq nisbətən asandır və bu səbəbdən milyonlarla insan Boliviyaya səyahət edir. Sənədlər və ya müraciət prosesi ilə bağlı hər hansı bir problem olmadığı halda, çox güman ki, viza müraciətinizə müsbət cavab veriləcək. Tələblər barədə ən son məlumatları və yenilikləri dəqiqləşdirmək üçün yerli səfirliklə əlaqə saxlamaq hər zaman yaxşı fikirdir.

Paylaş

Tamerlan Mehdiyev

Tamerlan Mehdiyev tam bir elm həvəskarıdır. Yer haqqında elmlər üzrə magistr dərəcəsi alan Tamerlan iqlim dəyişikliyi ilə bağlı araşdırma etməyi planlaşdırır. Təbiəti və Yer üzünün gözəlliklərini müşahidə etməyi sevir. Səyahətin onu müdrikləşdirəcəyinə və daxili rahatlıq tapmasına kömək edə biləcəyinə inanır. Həyat məqsədi mümkün qədər çox fərqli yerləri, mədəniyyətləri, insanları görməkdir.

Bütün bloqlar
pickvisa.az