Dunay çayı boyunca yerləşən səyahət etməli 9 şəhər

Avropanı gəzməyi planlaşdırırsanız, şübhəsiz ki, yolunuz Dunay çayından keçəcək. Bəs bu Dunay çayı haradadır?

Mavi Dunay Avropanın ikinci böyük çayıdır. Dunayın deltası Almaniyadan başlayır və 10 ölkəni birləşdirir. Budapeşt, Vyana və Münhen, Dunay çayı boyunca yerləşən tanınmış şəhərlərdən bəziləridir. Dunay, mədəni güclənməni simvolizə edir və bu çay, bir çox tarixi bağlarla Roma imperatorluğunu bugünkü ölkələrlə birləşdirir. Dunay çayı boyunca yerləşən şəhərlərdə heyrətləndirici mənzərlər ortaya çıxır ona görə də, Dunay vadisində gəzməyin vətəndaşlar və turistlər üçün ən sevimli açıq hava fəaliyyətinə çevrilməsi təəccübləndirici deyil.

İndi isə, Dunay çayı ətrafında yerləşən və mütləq ziyarət etməniz gərəkən 9 şəhərə göz gəzdirək.

1. Münhen

Münhen, Bavariya əyalətinin paytaxtıdır və tarixən zəngin şəhərlərdən biridir. Bu şəhər hollandların mədəni irsini daşıyır. Muzeylərlə zəngin şəhərə heyran qalan insanlara Dunay kruizi zaman-zaman xidmət göstərir. Şəhər Dunay deltasından uzaqda olsa da, çayın mənzərəsi doğurdan da heyrətləndiricidir.

Əgər bir münhenlidən Dunay çayına səyahət etmək üçün ən yaxşı vaxtın nə vaxt olduğunu soruşsanız, şübhəsiz ki, yay ortası deyəcək. Uyğun qiymətlərlə şəhəri və Dunay kruizini görməkdən zövq ala bilərsiniz.

2. Vyana

Bu şəhər Avstriyanın paytaxtı və eyni zamanda Avropanın mədəniyyət mərkəzidir. Dunay çayının axdığı əsas şəhərlərdən biridir. Mədəniyyət baxımından zəngin şəhər ziyarətçiləri opera salonları və muzeyləri ilə qarşılayır. Dunay çayı şəhəri bərabər olmayan iki hissəyə ayırır. Çayın ətrafındakı bağlar və parklar buranı daha “canlandırır”. Vyana səyahətinizdə də Dunay kruizindən faydalana bilərsiniz. Vyana boyunca səyahət və şəhərin görməli yerlərini görmək fürsətini dəyərləndirmək lazımdır. Həmçinin bu gözəl şəhər bütün Avropada yaşamaq üçün ən çox tərcih edilən paytaxtdır. Vyananı Budapeştə çay turu etmədən tərk edirsiniz? Ola bilməz! Vyanadan Budapeştə Dunay çayı ilə səyahəti mütləq sınayın.

3. Pasau

Pasau əsasən meşələr və bağlarla əhatələnmiş alman şəhəridir. Inn və Ilz çayları Dunay çayına qoşulur və bu şəhər boyunca axır. Bu çayların Dunay çayı ilə kəsişdiyi nöqtə "cənnət məkan" dır. Bu şəhərin zəngin müharibə tarixi var və bu gün də buradakı bəzi fabriklər müharibə silahları istehsal edir. Pasaunu niyə ziyarət etməli? Pasauda ən çox üstünlük verilən turistik fəaliyyət Almaniya ilə Çexiyanı birləşdirən Çeski Krumlov - Pasau səyahətidir. Onu da qeyd edək ki, çay şəhərin hər tərəfinə axır.

4. Budapeşt

Budapeştin Dunay vadisi ətrafında yerləşən məkanları YUNESKO-nun Ümumdünya irsi siyahısına daxildir. Budapeşt xalqı bu çayı Mavi Dunay adlandırır. Chain Bridge çayın əsas attraksionudur. Gecə vaxtı parıldayan körpü uzaqdan gələn insanları özünə cəlb edir. İnsanları Vyana-Budapeşt səfərinə məcbur edən bir səbəb daha. Şəhər arxitekturası neo-gotik, barok və romantik üslubların bir kompozisiyasına bənzəyir, hər küçə bir sənət əsəri kimi görünür. Budapeşt gəlirinin çox hissəsini turizmdən əldə edir və buna səbəb olan ən əsas və sehrli sual "Dunay çayı haradadır?" sualıdır.

Budapeştə ildə 12 milyon turist gəlir. Avqust ayında yəni, Dunay çayına səyahət üçün ən yaxşı vaxtda şəhər turistlərlə dolu olur. Şəhərdə bir neçə universitet də var və bu da onu daha “hərəkətli” bir yerə çevirir.

5. Bratislava

Slovakiyanın paytaxtı da bu çayın sahilində yerləşir. Dunay həmkarlarında olduğu kimi, Bratislavaya da çoxlu turist cəlb edir və ölkə turizmində mühüm rol oynayır. Bratislava, demək olar ki, Avropanın mərkəzində yerləşən nisbətən kiçik şəhərdir. Ancaq zəngin tarixi və mədəni fonu təmsil edən Milli Tarix Muzeyinə(National History Museum), Yəhudi Mədəniyyəti Muzeyinə(Museum of Jewish Culture) və daha çoxuna ev sahibliyi edir.

Şəhər meşələrlə örtülü olduğundan, hikinq və velosiped sürmək üçün ecazkar bir yerdir. Həmçinin strateji əhəmiyyətə malikdir. Təxminən Dunay çayı boyunca Vyanadan Budapeştə gedilən yoldadır. Dunay kruizi, Bratislavanın qonaqlarının "ediləcəklər" siyahısının başındadır. Şəhər köhnə və müasir memarlıq irsini özündə birləşdirir və onların əksəriyyəti məhz Dunay çayı ətrafında yerləşir.

6. Belqrad

Mavi Dunay Serbiyanın paytaxtı Belqraddan da keçir. Keçmişdə, hələ Yuqoslaviya mövcud olduğu vaxtlarda bu şəhər daha çox məskunlaşmışdı və yaşamaq üçün üstünlük verilirdi. Belqradın iqlimi rütubətli subtropikdir və qışı mülayimdir. Bir çoxları Belqraddakı Dunay çayını səyahət etmək üçün ən yaxşı vaxtın olmadığını iddia edirlər, çünki hər fəsildə görülməli möhtəşəm mənzərələr var. Belqradı bu payızda ziyarət edəcəksinizsə, özünüzlə birlikdə “gediləcək yerlər” siyahısı götürün. Ulica knez Mihailova-nı ziyarət etməyi unutmayın. Küçənin hər iki tərəfində də möhtəşəm binalar var. Dunay çayı ziyarətçilərinin əksəriyyəti Belqrad qalasını ziyarət edirlər. Belqrad Dunay və Sava çaylarının kəsişməsində yerləşir və siz bu yeri qaladan müşahidə edə bilərsiniz.

7. Vilkovo

Dunay çayının sahilində yerləşən Ukrayna şəhərindən bəhs etməzdən əvvəl Ukraynanın təbii möcüzələrlə dolu olduğunu qeyd etməliyik. Çaylar və Qara dəniz boyu geniş çimərliklər Ukraynanı Avropanın ən sevimli turizm mərkəzinə çevirir. Vilkovo, Dunay ətrafındakı gizli şəhərlərdən biridir. Şəhərin Dunay vadisində çox sayda adası var və onların əksəriyyəti insan tərəfindən yaradılmışdır. Bir çoxları sırf kanallara görə Vilkovonu Ukraynanın Venesiyası adlandırır. Dunay deltası çayın Qara dənizə töküldüyü yerdir və həmin yer “Zero Kilometer” adlanır. Dunay deltası bulanıq olduğundan dəniz həmin ərazidə rəngini qəhvəyi-yaşıl rəngə çevirir.

Dunay çayının Qara dənizə axını bioloji müxtəliflik cəhətdən zəngindir. Vilkovo bütün Ukraynadan daha çox quş növünə malikdir. Qeyd etməliyik ki, bu yerə çatmaq elə də asan deyil. Yol kələ-kötürdür və Odessadan ora getmək böyük səy və səbr tələb edir. Dunay çayı boyunca ən gözəl şəhərlərdən biri olan Vilkovoya səfərinizdə sizə səbr və unudulmaz bir təcrübə diləyirik.

8. Vukovar

Xorvatiyanın ikinci ən böyük şəhəri Vukovardır. Vuka çayı Dunaya bu şəhərdə axır. Şəhər tarix boyu Osmanlı İmperiyasının hakimiyyəti altındakı Slavyan ölkələri də daxil olmaqla bir neçə ölkənin tərkibində olmuşdur. Şəhər əhalisinin əsasını Serb-xorvatlar təşkil edir. Hər iki etnik qrupun nüfuz sayı demək olar ki, bərabərdir. Keçmişdə əhalinin əksəriyyəti Balkanlardakı müharibəyə getdi və elə köçdükləri yerlərdə də məskunlaşdı. Digər həmkarlarına nisbətən Vukovarın memarlıq inciləri o qədər də tanınmır. Franciscan Monastery, Nicholas Cathedral, və Vucedol şəhərin ən gözəl yerlərindən bir neçəsidir. Bu yer arxeoloji əhəmiyyətə malikdir və hər il çox sayda tarixçini özünə cəlb edir. Bu bölgədə Kelt mədəniyyəti hələ də davam edir. Bəlkə də elə bu, Dunay-Vuko kruizlərinin məşhur olma səbəbidir.

9. Ruse

Son olaraq, isə Dunay çayı boyunca yerləşən bolqar şəhəri Ruseyə nəzər yetirək. Dunayın sağ tərəfində yerləşən şəhər solda Rumıniyanın Curcu şəhəri ilə qonşudur. Dostluq körpüsü iki şəhəri birləşdirir. Çay boyunca 11 km genişlənən Dunay vadisinin Rusenin qərbindəki Srabcheto təpəsi ilə sərhədi var.

Şəhərin mədəni irsi zəngindir və evangelist kilsələri, məscidləri, muzeyləri, opera salonlarını və kitabxanaları özündə birləşdirir. Zahari Stoyanov muzeyi adını daşıdığı yazıçının kolleksiyalarının saxlanıldığı yerdir. O, bu şəhərdə yaşayan inqilabçı bir yazıçı idi və əsərləri Bolqarıstanı birləşdirmək üçün önəmli rol oynadı.

Şəhərin infrastrukturu onu Bolqarıstanın şimalında dəmir yolu mərkəzinə çevirir. Bolqarıstandakı ilk dəmir yolu Varnaya açılmışdı.

Əgər kimsə sizdən "Dunay çayı haradadır?" deyə soruşsa “Avropanın hər yerində!” deyə bilərsiniz.