Honkonq biznes vizası üçün əsas bələdçi

Yəqin ki, hər kəs Honkonq haqqında bir şey eşidib. Honkonq Çin Respublikası tərəfindən idarə olunan inzibati bölgədir. Honkonq iqtisadiyyatı aşağı vergi dərəcəsi, açıq bizness və daha az dövlət müdaxiləsi ilə xarakterizə olunur. Çindən və digər ölkələrdən milyonlarla insan müxtəlif səbəblərdən bu bölgəni ziyarət edir. Honkonqa səyahətin səbəblərindən biri də biznes ola bilər. Bəzi oxucuların Honkonq biznes vizası ilə maraqlana biləcəyini nəzərə alaraq, bu barədə danışmağa qərar verdik. Bu bloqda bu haqda suallara cavab alacaqsınız: Honkonq biznes vizası tələbləri, rüsumu, baxılma müddəti və s.

Honkonq Viza Siyasəti

Honkonqla arasında vizadan imtina müqaviləsi olan ölkələrdən deyilsinizsə, vizaya ehtiyacınız var. Qalma müddətindən və ziyarətin məqsədindən asılı olaraq müxtəlif viza növləri mövcuddur. Ümumiyyətlə, viza növlərini bu kateqoriyalara ayırmaq olar:

• Ziyarətçi / Tranzit Vizası

• Təhsil Vizası

• Məşğulluq Vizası

• Təlim Vizası

• İnvestisiya Vizası

• Gəliş öncəsi qeydiyyat (Yalnız Tayvan və Hindistan vətəndaşları üçündür)

Çin vətəndaşları bölgəni sərbəst ziyarət edə bilərmi? Çin Xalq Respublikasının vətəndaşları ölkəyə giriş-çıxış icazəsi (İctimai Təhlükəsizlik Bürosundan əldə edilmiş) ilə daxil ola və orada 7 günə qədər Honkonq Makaosuna getmək və ya qayıtmaq üçün qala bilərlər. Makaoda yaşayış icazəsi olan Çin vətəndaşları burada maksimum 180 gün qala bilərlər (Makao daimi şəxsiyyət vəsiqəsi ilə). Digər tərəfdən, daimi olmayan rezidentlər 30 günə qədər qala bilərlər (yalnız Makao rezidentləri üçün ziyarət icazəsini təqdim etməklə).

Xaricdə yaşayan Çin vətəndaşları Çin diplomatik nümayəndəliklərindən viza və ya giriş icazəsi almalıdırlar. Onlara icazə verilən qalma müddəti 14-30 gün arasında dəyişir.

Honkonq Biznes Vizası

Əvvəlcə Honkonq biznes vizasının nə olduğunu və nələr etməyə imkan verdiyini bilməlisiniz. Əslində Honkonq investisiya vizası adlansa da, daha asan olsun deyə onu bloqumuz boyunca biznes vizası olaraq adlandıracayıq. Honkonq biznes vizası minlərlə insanın arzusudur. Bu, xaricilərə Honkonqa səyahət edib öz işini qurmağa imkan verən viza növüdür. Hökumətin bu vizanı sırf xarici investorlar üçün nəzərdə tutması səbəbilə Çin Respublikası vətəndaşlarının müraciətlərinə baxılmır. Üstəlik, aşağıdakı ölkələrdən birinin vətəndaşısınızsa, Honkonq biznes vizası üçün müraciət edə bilməzsiniz:

• Əfqanıstan

• Kuba

• Laos

• Şimali Koreya

• Nepal

• Vyetnam

Honkonq Biznes Vizası Tələbləri

Əlbəttə ki, bu vizanı almaq üçün müəyyən tələblərə cavab verməlisiniz. Ölkələr ən yaxşı namizədləri seçmək üçün bu cür şərtlər qoyurlar. Çünki əks təqdirdə, idarəolunmaz bir səviyyəyə çata bilər. Şərtlər:

• Məhkumsuzluq

• Yaxşı təhsil təcrübəsi

• İki illik müddət üçün iş planı. Bütün müraciətçilər öz bizneslərinin təbiətini, bazar təhlilini, bazar mövqeyini göstərən iş planı təqdim etməlidirlər.

• Maddi resurslar. Ərizəçi biznesi idarə etmək üçün kifayət qədər maliyyə vəsaiti olduğunu sübut etməlidir. Müraciətçi öz və şirkət bank hesablarını (əvvəlki illər üçün) və digər maliyyə mənbələrinə dair dəlilləri təqdim etməlidir. Varsa, şirkətin audit maliyyə qeydlərini göstərməlidir.

• İnvestisiya məbləği. Təqdim etməniz lazım olan başqa bir sənəd, yetəri qədər investisiya məbləğinizin olduğunun sübutudur. Bu, İmmiqrasiya Departamenti tərəfindən yoxlanılacaq və məbləğin kifayət olub-olmadığına qərar veriləcək.

• Yaradılan yerli iş yerlərinin sayı. Ərizəçi şirkətinin strukturunu göstərəcək. Şirkətin strukturu mövcud iş yerlərinin sayı və səviyyəsi deməkdir. İşçilərin sayı və vəzifələri, işin növündən və miqyasından asılı olaraq dəyişir.

• Yeni texnologiya və ya bacarıqların tətbiqi. Honkonqda açılması planlaşdırılan bütün müəssisələr ölkəyə və insanlara müəyyən fayda verməlidir. Burada biznesinizin Honkonq sənayesinə hansı inkişafları gətirəcəyini və bunun bilik əsaslı iqtisadiyyatın uzunmüddətli böyüməsinə necə təsir edəcəyini göstərəcəksiniz.

• Ticarət dövriyyəsi. Ərizəçinin xaricdə müvafiq bir biznesinin olduğunu və ya Honkonqda hər hansı bir işə qoşulduğunu düşünək. Bu halda müraciətçi mənfəət və zərərləri, eləcə də keçən ilki dövriyyəni və qazancı göstərən balans hesabatı təqdim etməlidir. İmmiqrasiya Departamenti müraciət edən şəxsin bu sahədə müvafiq investisiyaya və ya təcrübəyə sahib olub olmadığına qərar verəcək.

Tələb Olunan Sənədlər

Hansı sənədləri təqdim etməliyəm? Tələb olunan sənədlərin siyahısı bir az uzundur, bu səbəblə yoxlama siyahısı hazırlamanızı tövsiyə edirik. Bu sizə sənədləri hazırlamaqda kömək edəcəkdir.

• Honkonq biznes vizası üçün müraciət forması. Müraciətçi müraciət formasını tam şəkildə doldurmalı, imzalamalı və tarixləməlidir.

• Şəkil. 3,5x4,5 ölçülü, ağ fonda çəkilmiş, üz cizgilərini aydın şəkildə nümayiş etdirən və 70-80%-ni üzün ön hissəsinin əhatə etdiyi şəkil.

• Pasport və əsas səhifəsinin surəti. Geri qayıtma tarixindən altı ay keçdikdən sonra etibarlılıq, ən azı iki boş səhifənin olması vacibdir. Əgər varsa, yenidən giriş vizaları haqqında məlumat verilməlidir.

• Şəxsiyyət vəsiqəsinin surəti

• Təhsil nailiyyətlərinizi və iş təcrübənizi sübut edən sənədin surəti

• Maddi imkanların sübutu. Məsələn, bank çıxarışlarını təqdim edə bilərsiniz.

• Şirkətin əmək müqaviləsinin və ya təyinat məktubunun surəti. Bu sənədlərdə əmək haqqı, vəzifə, tibbi sığorta, məzuniyyət günləri və s. qeyd edilməlidir.

• İki illik investisiya planı. İnvestisiya miqdarı, planlaşdırılan iş fəaliyyətləri, qurulacaq ofis və s. haqqında məlumatlar.

• Şirkətin iş fəaliyyətinə dair dəlillər. Bu məqsədlə müqavilələrin və hesab-fakturaların nüsxəsini təqdim edəcəksiniz.

• Şirkətin maliyyə sabitliyinin sübutu. Bunu mənfəət və zərər hesabı, yoxlanılmış maliyyə hesabatı və mənfəət vergisi bəyannaməsi ilə sübut edə bilərsiniz.

• Şirkətin keçmişi haqqında məlumat. Müraciətçi şirkətin iş fəaliyyətləri, məhsul çeşidi, mənbələr, bazarlar və s. haqqında bəzi detalları verəcəkdir.

• Ofis qurulmasına dair təsdiqedici sənədlərin və icarə müqavilələrinin surəti

• Yerli əhali üçün yaradılan iş yerlərinin dəlili

• Ərizəçi Honkonqa sərmayə qoymuşdursa, bu halda biznes qeydiyyat şəhadətnaməsinin surəti tələb olunur.

• Şirkətlər reyestrinə təqdim olunmuş sənədlərin surəti

• Müəssisənin fəaliyyəti üçün lisenziyaların və ya sertifikatların surəti

• “Start up” qurmağı və ya ona qoşulmağı hədəfləyən insanlar üçün, dövlət sifarişli proqramın dəstəyini sübut edən məktub

• Uşaqlarla əlaqəli bəzi sənədlər

Honkonq Biznes Vizası Rüsumu

Honkonq biznes vizası üçün rüsum nə qədərdir? Ortalama rüsum 30 ABŞ dollarıdır, lakin müraciət etdiyiniz ölkəyə görə dəyişə bilər. Hətta bəzi hallarda Honkonq biznes vizası rüsumundan azad ola bilərsiniz. Ödənişi harada ödəyəcəm? İki versiya ola bilər:

• Müraciət edən şəxs İmmiqrasiya Departamentinə müraciət etmişsə: Müraciət edən şəxslər rüsumu nağd, EPS və ya çek ilə ödəyə bilərlər. Çek yoxlanılmalı, Honkonq Xüsusi İnzibati Bölgə Hökumətinə ödənilməlidir. Ayrıca, düzgün tarixlənməli və imzalanmalıdır.

• Ərizəçi viza mərkəzlərinə, səfirliklərə və ya konsulluqlara müraciət etmişsə: Bu halda viza rüsumu birbaşa Çin diplomatik və konsulluq nümayəndəliyinə, Pekin Ofisinin İmmiqrasiya Şöbəsinə və ya SHETO-nun İmmiqrasiya Şöbəsinə ödənilməlidir.

Honkonq Biznes Vizası Proses Müddəti

Tələb olunan bütün sənədləri təqdim etdikdən, rüsumu ödədikdən və müsahibədə iştirak etdikdən sonra cavabı gözləməlisiniz. Sizinlə e-poçt və ya telefon vasitəsilə əlaqə quracaqlar. Bəs Honkonq biznes vizasına baxılma müddəti nə qədər çəkir? Ortalama baxılma müddəti 4-6 həftədir. Qeyd etmək vacibdir ki, bütün sənədləriniz yerində olsa belə, diplomatik nümayəndəliyin müraciətinizi rədd etmə haqqı var.

Honkonqa Necə Viza Almaq Olar?

Yuxarıda viza almaq üçün təqdim etməli olduğunuz sənədləri, təfərrüatları və digər tələbləri qeyd etdik. İndi isə vizanı haradan ala biləcəyinizə cavab verməyin zamanı gəldi. Əvvəlki hissələrdə qeyd etdiyimiz kimi, müraciətçilər öz müraciətlərini xaricdən və İmmiqrasiya Departamentində həyata keçirə bilərlər. Yaşadığınız ölkədəki Honkonq viza müraciətlərini qəbul edən viza müraciət mərkəzlərinə, səfirliklərinə və ya konsulluqlarına müraciət edə bilərsiniz. Bunlardan heç biri ölkənizdə yoxdursa, yaşadığınız ölkəyə ən yaxın səfirliyə və ya konsulluğa müraciət etməlisiniz.

Qalma Müddətinin Uzadılması

Honkonq biznes vizası almış şəxslər ölkədə ən çox 24 ay qalma şansı qazanacaqlar. Viza müddətini uzatmaq istəyənlər vizanın etibarlılıq müddəti bitməmişdən dörd həftə əvvəl Honkonq Xüsusi İnzibati Bölgəsində müraciət etməlidirlər. Müraciətlər yalnız müraciət edən şəxsin viza üçün uyğunluq meyarlarına cavab verdiyi təqdirdə qəbul ediləcəkdir. Qalma müddətinin uzadılması əsasən məşğulluq şərtləri ilə bağlı 3-3 illik modeli təqib edəcəkdir (təsdiqlənərsə).

Sonda bu bloqu oxuyan hər kəsə uğurlar arzulayıram. Ümid edirəm oxuduğunuz məlumatlar sizə faydalı olacaq.