Londona getməzdən əvvəl bilməli olduğunuz 11 şey

Londona səyahətiniz barəsində olduqca həyəcanlı olduğunuzdan yüzdə yüz əminik. Yəqin ki, özünüzə “Londonda hara getmək olar?”, “Londona getmək üçün ən yaxşı vaxt?”, “Londona səyahət etmək üçün ən ucuz ay?” və s. kimi suallar verirsiniz. Biz də sizin bu suallarınızı cavablandırmaq və Londona getməzdən əvvəl bilməli olduğunuz şeylər haqqında məlumat vermək istəyirik. Londonun havasından başlayaraq kokteyl barlarına qədər hər şeyi haqqında faydalı məlumatlar və praktik məsləhətlər öyrənmək istəyirsinizsə, oxumağa davam edin! Londona səyahətdən əvvəl bilməli olduğunuz 11 şey:

1. London böyük şəhərdir

Artıq Londonun böyük bir şəhər olmasından xəbərdarsınız. Bu səbəbdən Birləşmiş Krallığa səyahət edərkən tədbir aldığınızdan əmin olun. Hər şeydən əvvəl, Londona səyahət etməyin təhlükəsiz olub-olmadığını bilmək istəyə bilərsiniz. Bəli, təhlükəsizdir. Şəhərin mərkəzinə yaxın bir yerdə qalın. Mərkəzi yerdə gözəl bir otel rezerv etmək nəqliyyat xərclərinizi azaltmağa və şəhəri sürətlə və zövqlə kəşf etməyinizə kömək edəcəkdir. İkincisi, əgər bu Londona ilk səyahətinizdirsə, vacib turistik yerlərin yaxınlığında yerləşən mərkəzi bir yerdə qaldığınızdan əmin olun. Bura milyonlarla insanın yaşadığı şəhərdir, ən yaxşısı bu gözəl mitropoliti kəşf etməyə və ondan zövq almağa kömək edən yerləri ziyarət etmək və şəhərdən uzaq durmaqdır.

2. Dil

İngilis dili biliyinizdən asılı olmayaraq, Birləşmiş Krallığa səyahətinizdə sözlərin fərqli tələffüzünü, hətta bəzi yeni sözləri mütləq təcrübə edinəcəksiniz. Londona getməzdən əvvəl nəzər salmanız lazım ola biləcək bir çox söz, ifadə və frazalar var. Məsələn, Britaniya ingiliscəsində “cookie” sözü üçün “biscuit” deyə bir söz var; “sidewalk” əvəzinə isə onlar “pavement” sözünü işlədirlər. Başqa bir “cool” nümunə: ingilislər London havasının nə qədər soyuq olduğunu vurğulamaq istədikdə, “It's brass monkeys outside” ifadəsindən istifadə edirlər. Bunları qeyd edin. Əminik ki, bu sözləri və ifadələri londonlularla gündəlik ünsiyyətinizdə eşidəcəksiniz.

3. İctimai nəqliyyat

Londonun mərkəzində qalmağa qərar versəniz belə, yenə də hər hansı bir nəqliyyat növünə ehtiyacınız ola bilər. İctimai nəqliyyatdan istifadə etmək barəsində düşünün. Şəhərdə bir yerdən digərinə getməyi ucuzlaşdıran Oyster kartı var. Bu əsas etibarilə elektron biletdir və ictimai nəqliyyatdan istifadə etmək üçün yalnızca kredit əlavə etməyiniz lazımdır. Fikrimizcə, gündəlik tək bilet almaqdan daha yaxşıdır. London metrosundan ya da avtobuslardan istifadə edə bilərsiniz. Londonu hər şeyi ilə yaşamaq üçün qırmızı ikimərtəbəli avtobuslara minməli və şəhər daxilində səyahətdən zövq almalısınız. Digər tərəfdən, səyahətinizin sürətli və asan olmasını istəyirsinizsə, London metrosundan istifadə edin və gedəcəyiniz yerə tıxacla üzləşmədən sürətli bir şəkildə çatın. Həmçinin London havası çox pis olduqda piyada getməkdənsə, ictimai nəqliyyatdan istifadə etmək mükəmməl bir fikir ola bilər.

4. Velosiped icarəyə götürün

Dünyanın ən böyük şəhərlərindən biri olmanın üstünlükləri ilə yanaşı mənfi cəhətləri də var. Əvvəlki bənddən də bildiyiniz kimi, Londonda inanılmaz tıxac var. Əgər turistsinizsə və bu sevimli şəhərdə vaxt keçirmək üçün məhdud vaxtınız varsa, zamanınızı tıxacda keçirtmək o qədər də xoş deyil. Buna görə ictimai nəqliyyatdan başqa, velosiped icarəyə götürməyi düşünə bilərsiniz. Londona səyahətdən əvvəl velosiped kirayələyə biləcəyiniz və ya digər maraqlı insanlarla birlikdə velosiped turuna qatıla biləcəyiniz etibarlı yerlər axtarın. Bəli, bura Amsterdam deyil, amma əminik ki, şəhər daxilində velosiped turlarını çox sevəcəksiniz.

5. Valyuta

Birləşmiş Krallığa və ya hər hansı bir ölkəyə səyahət etməzdən əvvəl, ölkədəki milli valyutadan xəbərdar olmaq yaxşıdır. Birləşmiş Krallıqda valyuta funtdur. Burada funt üçün “quid” deyə jarqon söz eşitsəniz, təəccüblənməyin. Tövsiyəmiz, Londona getməzdən əvvəl cari London valyutasını milli valyutanızla müqayisə etmənizdir.

6. Pulsuz fəaliyyətlər

Londonda hara gedək? London böyük bir şəhərdir və bəli, açıq-aydın bir şəkildə kapitalizmin ürəklərindən biridir, ancaq pul xərcləmədən də London səyahətinizdən həzz ala bilərsiniz. Londonda pul xərcləmədən hara getmək olar? Budur cavab: London muzeyləri, parkları, bağları və mağazaları kimi bir çox seçim var. Bəli, düzgün oxudunuz, London muzeyləri pulsuzdur. Viktoriya və Albert Muzeyi, London Milli Qalereyası, Britaniya muzeyindən Elm muzeyinə qədər hər yer pulsuzdur! London körpüsü, London qəsri, Biq Ben və daha bir çox turistik yerdə də pul ödəməniz tələb edilmir! Yeni bir şəhərə səyahətinizdəki zövq verən şeylərdən biri də təbii ki, parklar və bağlardır. Londonda parklar və bağlar göz oxşayır. Burada istirahət edə, biraz vaxt keçirə, piknik edə və ya sadəcə təmiz havanın dadını çıxara bilərsiniz. Pulsuz sevimli bir fəaliyyət? Mağazalara baş çəkmək! London məşhur marka mağazalarının ürəyidir, buna görə də gedib bir-birindən gözəl əşyalar görməyi və almağı unutmayın. Tövsiyəmiz mağazalara həftə sonlarında baş çəkməməkdir.

7. Yerlilər kimi yeyin

Sizə Londonu ziyarətdən əvvəl verə biləcəyimiz əsas tövsiyələrdən biri: hələ öz ölkənizdə olarkən Londonda harada yeyəcəyinizi planlaşdırın. London olduqca bahalı şəhərdir və hara gedəcəyinizi bilmirsinizsə, yemək yemək sizə bir sərvətə başa gələ bilər. Burada bir çox turist tələsi var, ona görə də aldanmamağa çalışın. Səhər yeməyi, nahar, və ya şam yeməyinə görə də qiymətlər böyük miqdarda fərqlənə bilər.

8. Alış-veriş üçün alternativlər

Əgər alış-veriş dəlisi deyilsinizsə, London səfərinizin hansı ayda olmasından asılı olmayaraq sağ qalacağınıza əminik. Bununla birlikdə, xərclərinizi təsəvvür etdiyinizdən daha çox azalda bilərsiniz. Turistlərin əksəriyyəti alış-veriş ehtiyacları üçün Oxford Street-i ziyarət edir, ancaq bizim təklifimiz əlverişli qiymətlərlə daha yaxşı mağazaları olan yeni küçələri sınamaqdadır. Regent Street, Covent Garden və Westfield Alışveriş Mərkəzi kimi yerlər sizə eyni dərəcədə yaxşı xidmət və zövqlü alış-veriş təcrübəsi təqdim edir. Bunun xaricində harada, nə vaxt alış-veriş edəcəyinizə dair öz araşdırmalarınızı aparmaq daha yaxşıdır. Xüsusilə həftə sonları London mağazalarında olduqca sıxlıq olur. Düzgün qərarlar verdiyinizdən əmin olun.

9. Kokteyl barları

London gecəni çöldə keçirmək üçün ən yaxşı şəhərdir. Şəhər sizə xəyal edə biləcəyiniz ən yaxşı kokteyl barlarını və dadlı içkiləri təqdim edir. Kokteyl barları, klublar və ya məkanlar haqqında araşdırma etməyiniz yaxşı olar. Londona uçmazdan əvvəl tövsiyələrimizi dəyərləndirməklə, digər turistlərdən bir addım öndə olacağınıza əminik.

10. Çətir götürün

Sizi maraqlandıran bir məsələyə - Londona getmək üçün ən yaxşı vaxt haqqında suallara gəldikdə, hava şəraitini nəzərə alsaq, əslində Londonu ziyarət etmək üçün mükəmməl bir vaxt yoxdur. Tədbirlərinizi almanız və çantanızda çətir gəzdirməniz yaxşı olar. Londonda isti yay günləri və gecələrində belə yağışın yağacağını və ya yağmayacağını heç vaxt bilmirsən. Bəs Londona səyahət etmək təhlükəsizdirmi? Hamımız bilirik ki, yağış heç vaxt heç kimi öldürməyib. Sadəcə yağışdan sonra təmiz havadan zövq alın.

11. Borough Market

İngilislər kimi yemək haqqında başlığı xatırlayırsınız? Borough Market-ə mütləq getməli olmanızın səbəbi yeməklərin ucuz, dadlı və təəccübləndirici dərəcədə möhtəşəm olmasıdır. Buranı tonlarla pul xərclədiyiniz lüks restoranlardan daha çox sevəcəyinizə əminik.

Ən yaxşı tövsiyə: səyahətinizdən zövq almağı əsla unutmayın! Sağlam və xoşbəxt qalın.