Perunun ən yaxşı turistik yerləri

Peruya səyahət başqa bir dünyaya səyahət kimi bir şeydir. Tarixi, keçmişi, mədəniyyəti, ləzzətli mətbəxi, heyrətamiz mənzərələri ölkəni Cənubi Amerikada və bütün dünyada ən məşhur turizm yerlərindən birinə çevirir. Hər il milyonlarla insan Peruya səyahət edir və milyonlarla insan da ölkəyə səfər etmək istəyir. Həmin insanların beynində bəzi suallar yaranır: Peruda hansı turistik yerlər var? Bu bloqu yazmaqda əsas məqsədimiz bu suala cavab verməkdir. Beləliklə, qəhvənizi götürün və Perunun ən yaxşı turistik yerlərinə səyahətimizdən həzz alın.

Peru vizası

Yəqin ki, bilirsiniz ki, hər kəs Peruya vizasız gedə bilməz. Bəs kimə viza lazımdır? Vizadan azad olan ölkələrin vətəndaşlarından başqa, hər kəs Peruya səfər etmək üçün viza almalıdır. Onlar səfər məqsədinə uyğun gələn aşağıdakı viza növlərindən birinə müraciət edə bilərlər:

● Tranzit Viza. Perudan tranzit keçərkən, viza almalı ola bilərsiniz. Hava limanında beynəlxalq ərazini tərk etsəniz, sizə lazım olacaq. Tranzit Viza iki gün müddətində etibarlıdır, prosedur maksimum 10 gün davam edir və müraciət haqqı 25 ABŞ dollarıdır.
● Qısamüddətli Viza. Turizm, yığıncaqlarda iştirak etmək, tədbirlərdə iştirak etmək, ailəni ziyarət etmək və digər müvəqqəti səbəblərlə Peruya səyahət edən insanların Qısamüddətli Vizaya sahib olması lazımdır. Müvəqqəti səfərin məqsədindən asılı olaraq, cüzi fərqlər ola bilər, lakin əksər şeylər eynidir. Ölkədə qalmaq və bu hüququ əldə etmək üçün sizin 183 gününüz olacaq və bəzi addımları tamamlamalısınız: sənədləşdirmə, rüsumun ödənilməsi və s. Qısamüddətli vizalar üçün müraciət haqqı 30 ABŞ dolları, baxılma müddəti isə on günə qədərdir. Siz müraciətinizi viza müraciət mərkəzlərində, səfirliklərdə və ya konsulluqlarda edə bilərsiniz.
● Uzunmüddətli Viza. Əgər işləmək, oxumaq, ailənizə qovuşmaq istəyirsinizsə, o zaman sizə Uzunmüddətli Viza lazımdır. Bu, ölkədə 183 gündən çox qalmağa imkan verəcək. Qeyd edim ki, vətəndaşlığından asılı olmayaraq hər kəs ölkədə uzun müddət qalmaq üçün Peru vizasına müraciət etməlidir. Müraciət haqqı qısamüddətli vizalarla eynidir (millətdən asılı olaraq dəyişə bilər), lakin baxılma müddəti 20 günə qədər davam edə bilər.

Peru üçün viza haqqında daha çox məlumat əldə etmək istəyirsinizsə, veb saytımızdakı "Xidmətlər" bölməsinə baxa bilərsiniz.

Maçu Pikçu

Şübhəsiz ki, Perunun bütün turistik yerləri arasında ən populyar yer Maçu Pikçudur. Müasir dünyanın yeddi möcüzəsindən biri olan Maçu Pikçu İnka sivilizasiyasının qədim mərkəzi olmuşdur. Urubamba çayı, dağlar və qədim sivilizasiya xarabalıqları qonaqlar üçün valehedici mənzərələr yaradır. Maçu Pikçuya gedən yol özü bir macəradır. Macəraları sevən insanlar yürüyüş turlarına qatıla bilərlər. Bu marşurut İnka izi adlanır və dörd gün davam edir. Digər tərəfdən, xarabalıqlara çatmaq üçün Aguas Calientesdən ictimai nəqliyyata minə bilərsiniz. Seçdiyiniz növdən asılı olmayaraq, unudulmaz bir təcrübə yaşayacağınızdan əmin ola bilərsiniz.

Lima tarixi şəhəri

Limanın tarixi mərkəzini ziyarət etmədən Peruya səyahət yarımçıq bir səyahətdir. Ölkənin YUNESKO-nun Ümumdünya İrs Siyahısına daxil edilmiş yerlərindən biridir. Şəhərin əsası 1500-cü illərdə qoyulub. Bundan sonra çoxlu təbii fəlakətlərlə üzləşən şəhərin bəzi hissələri bundan ciddi fəsadlar almışdır. Qədim şəhər abadlıq və yenidənqurma işləri sayəsində gözəlliyini və füsunkarlığını bərpa etmişdir. Küçələrin hər bir kənarı tarixi hadisələrə şahidlik edir və bizim üçün çoxlu sirlərə malikdir. Burada siz Hökumət Sarayının, Casa del Oidorun və Arxiyepiskop Sarayının bəzi qiymətli daşlarını mütləq görməlisiniz. Bütün sirləri öyrənmək və keçmişlə bağlı maraqlı hekayələri dinləmək üçün tura qoşulmağı məsləhət görürük. Yəqin ki, bu xüsusiyyətlər Limanı Perunun ən yaxşı turistik yerlərinə əlavə etmək üçün kifayətdir.

Müqəddəs Vadi (Peru And dağları)

Peruda tapa biləcəyiniz başqa bir İnka mərkəzi Müqəddəs Vadi adlanan yerdir. Qədim İnklər bu adı özünəməxsus iqlimi, coğrafiyası və münbit torpağına görə veriblər. Bura İnka xalqı üçün vacib bir yer idi və indi Perunun ən çox ziyarət edilən turistik yerlərindən biridir. Bu gün burada xarici qonaqlar araşdırmaq üçün rəngarəng şəhərlər və bəzi yerli suvenirlər almaq üçün bazarlar tapa bilərlər. Ərazinin görməli yerləri Pisak xarabalıqları, Bazar günü bazarı, Ollantaytambo qalası və Maraş duz mədənləridir.

Titikaka gölü

Bu göl dünyanın ən yüksək naviqasiya gölü kimi məşhurdur. Dünyanın hər yerindən insanlar Titikaka gölünün füsunkar mənzərəsindən zövq almaq üçün buraya gəlirlər. Ümumiyyətlə, ziyarətçilər günəşli günlərdə mavi suyu müşahidə etmək üçün buraya gəlirlər. Göl onu əhatə edən yaşıllıq zonası ilə birlikdə nəfəs kəsən mənzərələr yaradır. Həmçinin, Peru mədəniyyəti ilə yaxından tanış olmaq üçün ən yaxşı fürsətlərdən biridir. Qiymətə görə Peru kəndini ziyarət edə və ya adalara səyahət edə bilərsiniz. Ən məşhur adalar Isla Taquile, Uros Floating adaları və Isla Amantanidir. Şübhəsiz ki, Titikaka gölünü ziyarət etdikdən sonra danışmaq üçün çoxlu hekayələr və xatirələr toplayacaqsınız, çünki bura Perunun ən yaxşı turistik yerlərindən biridir.

Arequipa

Perunun ən yaxşı turistik yerləri siyahısında növbəti dayanacağımız "Ağ Şəhər" kimi də tanınan Arequipedir. Şəhər bu adı demək olar ki, bütün binalarda tikintidə istifadə olunan ağ vulkanik daşlara borcludur. Təbii ki,bu xüsusiyəti bu şəhəri Cənubi Amerikanın ən məşhur şəhərlərindən birinə çevirir, lakin bu hamısı deyil. Arequipa görməli yerlər və turistik məkanlarla doludur. Fövqəladə mühitdən valeh olmaq üçün gəzintiyə çıxa və ya təbiəti müşahidə turlarına qoşula bilərsiniz. Bundan əlavə, ağ şəhərdə qayıq turları və rafting imkanları mövcuddur. Həmçinin, yerli əhalinin həyat tərzi ilə maraqlanan insanlar bazarları və sakinlərin başqa toplaşdığı yerləri də araşdıra bilərlər.

Nazca səhrası

Fərqli bir şey hiss etməyi sevən insanlar soruşurlar: Perunun turistik yerləri hansılardır? Heç şübhəsiz deyə bilərəm ki, Naska səhrasını ziyarət etmək onlar üçün unikal təcrübə olacaq. Səhra əsasən öz rəsmləri ilə məşhurdur. Qəribə səsləndiyini bilirəm, amma bu həqiqətdir. Burada müxtəlif hörümçəkləri, kondorları, itləri, müxtəlif formaları və s. görmək şansınız olacaq. Ümumiyyətlə, səhrada 70-dən çox bitki və heyvan təsviri var. Onların yaranmasının eramızdan əvvəl 900-cü və eramızın 600-cü illərinə aid olduğu təxmin edilir, lakin bunun səbəbi sirrdir. Bu sirr bölgəyə getdikcə daha çox turist cəlb edir. Beləliklə, əvvəlcədən rezervasiya sizin üçün faydalı olacaq.

Tambopata Milli Qoruğu (Reserva Nacional Tambopata)

Puerto Maldonadodan bir neçə kilometr aralıda, ölkənin ən zəngin biomüxtəliflik mərkəzlərindən birini tapa bilərsiniz. Ərazi 740000 akrdan çox ərazisi ilə təbiət həvəskarları üçün bir cənnətdir. Tambopata Milli Qoruğu müxtəlif növ heyvanların, məsələn, tısbağalar, meymunlar, kapibaralar, tutuquşular və s.-in məskunlaşdığı ərazidir. Zəngin fauna ilə yanaşı, yerli icmaların da vətənidir. Şükürlər olsun ki, Amazon yağış meşələrində həyatı doya-doya yaşamaq şansı var. Bunu cəngəllik kottecində qalaraq edə bilərsiniz. Lojada qalma müddəti bir neçə gün və ya daha çox ola bilər. Ərazidə çoxlu lojalar var. Beləliklə, özünüzə ən uyğun olanı asanlıqla tapa və seçə bilərsiniz.

Kusko

Bu ad, yəqin ki, bir çoxlarınıza illər əvvəl baxdığımız cizgi filminə görə çox tanışdır, lakin bu ad təkcə cizgifilm qəhrəmanının adı deyil. O həmçinin Perunun tarixi şəhərlərindən birinin adıdır. Bundan əlavə, şəhər YUNESKO-nun Dünya İrsi siyahısına daxil edilmişdir. Şəhərin ən populyar hissəsi mərkəzdir. Burada müstəmləkə dövrü ilə İnka irsinin qarışığını görmək şansınız olacaq. Bütün bu binalar və küçələr sizə başqa bir dünyada olduğunuzu hiss etdirəcək. Şəhərin bütün gizli daşlarını araşdırmaq üçün bir neçə gününüzü ayıra bilərsiniz. Gəzinti zamanı siz Santo Dominqo Kilsəsi, Katedral, La Compania və s. kimi məşhur binaları görəcəksiniz. Əminəm ki, səyahətin sonunda Kuskoya aşiq olacaqsınız.

Kolka Kanyonu

Kolka kanyonu (Cañon del Colca) fotoşəkil çəkmək üçün əla fonlar təqdim edən bir yerdir. Kanyon çaya doğru 3400 metrə enir və bu, Böyük Kanyonun ümumi dərinliyindən iki dəfə çoxdur. Bu ərazi həm də Perunun tarixi və mədəni sərvətlərindən biridir. Kolka Kanyonunun divarlarının daş terrasları eramızdan əvvəl 800-cü ilə aiddir. Bundan əlavə, ərazinin yaxınlığında kəndlər və İnka xarabalıqları var. Odur ki, tarix və mədəniyyət həvəskarları bu məkanı səyahət marşrutlarına əlavə etməlidirlər. Şübhəsiz ki, səfər zamanı Peru və onun adət-ənənələri haqqında çox qiymətli faktlar öyrənəcəksiniz. İstirahət etmək istəyənlər üçün burada isti bulaq da var. Ərazini kəşf etdikdən sonra siz isti bulaqlarda əylənə və dincələ, macəralarınız haqqında danışa bilərsiniz. Həmçinin, kamera və durbin götürməyi unutmayın. Koloka kanyonunun heç bir detalını qaçırmamalısınız.

Nəticə olaraq, gördüyünüz kimi Perunun turistik yerləri arasında Maçu Pikçudan daha çox yer var. Peruda səyahətinizin macəra, əyləncə və həzzlə dolu olacaq.