Polşa iş vizasında əsas məqamlar

Təxminən 800 km. uzunluğundakı dəniz sahili və zəncirvari dağlar Polşanın görməli olduğunuz gözəlliklərindən sadəcə bəziləridir. 2019-cu ildə Polşanı 21.4 milyon nəfər ziyarət etdi və bu göstərici Polşanı həmin il ən çox ziyarət edilən 18-ci ölkə etdi. Məlumatlara nəzər salsaq hər il turist sayının artdığını görə bilərik. Bunu nəzərə alaraq bu ecazkar ölkə və Polşa vizası barədə yazmağa qərar verdik. Bu bloqda bəzi vacib suallara cavab tapacaqsınız, məsələn: Polşaya necə viza almaq olar? Polşa viza növləri hansılardır? Polşa viza rüsumu nə qədərdir? Polşa iş vizasına necə müraciət etmək olar? Polşa iş vizası üçün tələblər nədir?

Polşa viza növləri

Əsas mövzu haqqında danışmağa başlamazdan əvvəl Polşa viza növləri haqqında məlumat əldə edək. Polşa üçün üç viza növü var.

• Şengen vizası – Qısamüddətli

• Hava limanı tranzit vizası

• Milli viza – Uzunmüddətli

Bildiyiniz kimi, Polşa Şengen bölgəsi ölkələrindən biridir. Eyniadlı viza ölkəyə maksimum 90 gün müddətində ziyarət etmək şansı verir. Bundan əlavə, Şengen vizası ziyarətin məqsədini təmsil edən alt kateqoriyalara malikdir. Viza prosesi, sənədlər və digər detallar səyahətin məqsədindən asılı olaraq dəyişə bilər. Şengen viza kateqoriyaları aşağıdakılardır:

• Polşa Turist Vizası

• Polşa Biznes/Konqres/Sərgi Ziyarəti Vizası

• Polşa Mədəni, Elmi, İdman Tədbirləri Vizası

• Polşa Ailə və Dost Ziyarəti Vizası

• Polşa Təhsil (90 günə qədər) Vizası

• Polşa İş (90 günə qədər) Vizası

Digər tərəfdən Polşada 90 gündən çox qalmağı planlaşdırırsınızsa, milli viza (uzunmüddətli viza kimi də bilinir) üçün müraciət edə bilərsiniz. Uzunmüddətli vizaya müraciət üçün müxtəlif səbəblər ola bilər və bu səbəblər milli vizanın alt kateqoriyalarını yaradır. Onlar aşağıdakılardır:

• Polşa İş (Milli) Vizası və Aİ Blue Card

• Polşa Təhsil (Milli) Vizası

• Polşa Ailə Birləşməsi Vizası

• Polşa Şəxsi Sahibkar Vizası

• Polşa Au Pair Vizası

Polşa iş vizası (90 günlük Şengen vizası)

Bildiyimiz kimi, müvəqqəti iş üçün başqa ölkəyə gedənlər çoxdur. Polşanı belə bir məqsədlə ziyarət etmək istəyirsinizsə, Polşa iş vizasını almalısınız. Bu, ölkədə ən çox 90 gün qalmağınıza imkan verəcəkdir. Bu vizanı almaq üçün Polşa iş vizası tələblərinə cavab verməli və aşağıdakı sənədləri təqdim etməlisiniz:

• Polşa iş vizası üçün müraciət forması. Polşa iş vizası üçün müraciət forması ingilis və ya polyak dilində doldurulmalı, ərizəçinin özü tərəfindən imzalanmalı və tarixlənməlidir. 18 yaşdan kiçik şəxslər üçün valideynlər imza atmalıdır

• Pasport: etibarlılıq müddəti Polşa ərazisini tərk etdiyiniz tarixdən minimum 3 ay müddətində olmalı, son 10 ildə verilmiş olmalı, ən azı 2 boş səhifəsi olmalıdır

• Şəkil. Altı ay ərzində çəkilmiş, 3,5x4,5 ölçülü, ağ fonlu, üz quruluşu və gözləri aydın şəkildə göstərən iki şəkil

• Şəxsiyyət vəsiqəsinin surəti. Polşadan ayrılma tarixinizdən ən azı üç ay müddətində keçərli olmalıdır

• Yaşayış icazəsi/vizanın surəti. Şəxsiyyət vəsiqəsindəki kimi, etibarlılıq müddəti Polşadan ayrılma tarixinizdən ən azı üç ay boyunca olmalıdır (sənəd əgər yaşadığınız ölkə və vətəndaşlığınız fərqlidirsə tələb olunur)

• Fotokopiyalar. Pasportunuzun əsas səhifəsinin və əvvəlki Şengen vizalarının surəti

• Səyahət marşrutu. Uçuş rezervasiyası və yaşayış yeri haqqında ünvan, əlaqə məlumatları və s. kimi məlumatlar

• Ziyarəti təsdiq edən sənəd. Sizi dəvət edən institutdan/qurumdan şəxsi dəvət məktubu

• İş yerindən/sponsordan arayış. Müraciət edən şəxs yerli işəgötürəndən məktub təqdim etməlidir və bu məktub qeyd edilənləri ehtiva etməlidir: Müraciətçinin çalışdığı vəzifəyə aid əlavə məlumatlar, işə başlama tarixi və əmək haqqı; Şirkətin/sponsorun adı, poçt ünvanı və telefon nömrəsi. Əgər şəxs şirkətin sahibidirsə, etibarlı ticarət lisenziyasının surəti və şirkətə məxsus sahiblik sənədləri. Sponsorun etibarlı pasportunun və yaşayış icazəsinin surəti (məktubun üzərinə vurulmuş halda)

• Maliyyə imkanlarının sübutu (özü-özünü maliyyələşdirmə). Maddi imkanlarınızı sübut etməyin bir çox yolu var: maliyyə hərəkətlərinizi göstərən bank hesabatı (ən azı son üç ay üçün), kredit kartı, nağd pul, ödənilmiş hesab vərəqələri və s.

• Maliyyə imkanlarının sübutu (sponsorluq). Sponsorun cari bank hesabından çıxarış (son 6 ay) və sponsorluq məktubu, sponsorun pasportunun məlumatları ilə birlikdə ilk səhifəsinin surəti

• Xarici tibbi sığorta. Tələb olunan vizanın bütün müddəti üçün etibarlı olmalı (bütün Şengen ölkələri üçün), minimum 30.000 avro xərci və repatriasiyanı əhatə etməlidir (tibbi sığortaların kredit kartı ilə ödənməsi qəbul edilmir)

Xüsusi işlər üçün xüsusi sənədlər

Müraciətçilərdən Polşada işləmək istədikləri iş növündən asılı olaraq bəzi xüsusi sənədlər təqdim etmələri tələb oluna bilər.

1. İşəgötürən tərəfindən tapşırılmış maşınların, sistemlərin və proqram təminatının quraşdırılması və yığılması, o cümlədən onların işləməsi, xidməti və təmirində göstərişlərin təmin edilməsi üçün:

• Federal Məşğulluq Agentliyinin iş barəsində bildiriş təsdiqi

• Polşaya çatdırılmış maşınlar, sistemlər və proqram təminatı üçün təchizat müqaviləsi və idxal/ixrac sertifikatı

2. Yerli işəgötürən üçün alınmış maşınları, sistemləri və digər obyektləri qəbul etmək və/və ya onların əməliyyatında təlimatları qəbul etmək üçün:

• Polşada alınmış maşınlar, sistemlər və digər obyektlər üçün təchizat müqaviləsi və idxal/ixrac sertifikatı

3. Alınmış, istifadə olunmuş sistemləri öz ölkənizdə yenidən quraşdırmaq məqsədi ilə sökmək üçün:

• Federal Məşğulluq Agentliyinin iş barəsində bildiriş təsdiqi

• Satış müqaviləsi və alınmış, istifadə olunmuş sistemlərin maliyyələşdilməsini təsdiqləyən sənəd

4. Şirkətin öz ticarət yarmarka stendlərini və ya sizin ölkənizdə rezident olan (dəvətə ehtiyac duyulmur) xarici şirkətin yarmarka stendlərini quraşdırması, sökməsi və idarə etməsi üçün:

• Yarmarkanın keçirilməsini təsdiq edən sənəd, yarmarka stendi üçün icarə/lizinq müqaviləsi

5. İxracat çatdırılması və lisenziya müqaviləsi tərkibində təlimdə iştirak etmək üçün:

• Ətraflı təlim planı

• Mövcud ixracat çatdırılması və lisenziya müqaviləsini təsdiq edən sənəd

6. Tətil müddətini əhatə edən işlər üçün:

• Polşada Federal Məşğulluq Agentliyinin tərkibindəki Beynəlxalq Praktika Xidmətindən (ZAV) müvəqqəti iş/praktika məktubu

• Təcrübə (stajyor) halında uyğun müqavilə təqdim edilməlidir

Polşa iş vizasının proses müddəti

Viza müraciətlərinin ən sevilməyən hissələrindən biri də sənədlərə baxılma müddətidir. Əksər insanlar bu müddət ərzində gərgin və həyəcanlı olurlar. İş vizası üçün proses müddəti nə qədərdir? Polşa Şengen iş vizası üçün orta proses müddəti 5-20 təqvim günüdür. Ancaq bu müddət ölkədən asılı olaraq dəyişə bilər.

Polşa iş vizası rüsumu

Şengen vizası üçün ödənilən rüsum 2 Fevral 2020-ci ildən bəri 80 avrodur. Bundan əlavə, müraciət edən şəxslərin viza müraciət mərkəzi haqqı, kuryer xidməti haqqı və s. kimi digər xərcləri də ödəməsi lazım gələ bilər. Sənədlərinizin təqdim olunduğu ölkədən və yerdən asılı olaraq bəzi fərqlər ola bilər. Ayrıca, AB ilə aşağıda sadalanan ölkələr arasında imzalanan müqaviləyə görə, viza ödənişləri bu ölkələrin vətəndaşları üçün daha ucuzdur. Bu ölkələrin vətəndaşları viza üçün 35 avro ödəyirlər.

• Albaniya

• Azərbaycan

• Ermənistan

• Bosniya və Herseqovina

• Gürcüstan

• Kosova

• Şimali Makedoniya

• Moldova

• Monteneqro

• Rusiya

• Serbiya

• Ukrayna

Polşa viza rüsumundan kimlər azaddır?

Şengen vizası haqqında məlumatınız varsa, bəzi şəxslərin vizaya heç bir ödəniş ödəmədən müraciət edə biləcəyini bilirsiniz. Ödənişsiz kateqoriya haqqında heç eşitməmisinizsə, narahat olmayın, siz doğru yerdəsiniz. Aşağıda kimlərin bu imkandan yararlana biləcəyini öyrənə bilərsiniz:

• Altı yaşdan kiçik uşaqlar

• Məktəb şagirdləri, universitet tələbələri, magistrant yaxud doktorant tələbələri və tələbələri təlim və tədris məqsədli müşayiət edərək səyahət edən müəllim heyəti

• Qeyri-hökumət təşkilatlarının təşkil etdiyi seminar, konfrans, idman, mədəni və ya təhsil tədbirlərində iştirak edən qeyri- hökumət təşkilatlarının nümayəndələri (25 yaş və daha az).

• Avropa İcmasının daxilində Avropa Parlamenti və Avropa Şurasının “2005/761/EC Recommendation” tövsiyəsində müəyyən edilmiş qaydada elmi araşdırmalar aparmaq məqsədi ilə səyahət edən üçüncü dərəcəli ölkələrin tədqiqatçıları

• Ailəli cütlüklər, eyni-cinsli vətəndaş nikahında olan partnyorlar və Polşa vətəndaşlarının yetkinlik yaşına çatmayan övladları

• Yetkinlik yaşına çatmayan Polşa vətəndaşlarının valideynləri

• Aİ (Avropa İttifaqı) /AİB (Avropa İqtisadi Birliyi) vətəndaşlarının ailə üzvləri

Onu da qeyd edək ki, ”dolu” (boş səhifəsi olmayan) xarici pasportdakı köhnə, etibarlı vizanı, yeni pasporta köçürmək üçün də heç bir rüsum tələb edilmir.

Polşa vizasız ölkələr

Polşaya vizasız kimlər gedə bilər? Düz 93 ölkənin pasport sahibləri Polşaya sərbəst səyahət edə bilərlər. Demək olar ki, bütün Avropa ölkələri bu siyahıda yer alıb. Polşanın vizasız rejim tətbiq etdiyi ölkələrdən bəziləri:

• Albaniya

• Andorra

• Antiqua və Barbuda

• Argentina

• Avstraliya

• Avstriya

• Bahamalar

• Barbados

• Belçika

• Bosniya və Herseqovina

• Braziliya

• Bruney

• Bolqarıstan

• Kanada

• Çili

• Kolumbiya

• Kosta-Rika

• Xorvatiya

• Kipr

• Çexiya

Polşa iş vizasına necə müraciət etmək olar?

Bugünkü mövzunun ən vacib suallarından birinə cavab verməyin vaxtı gəldi: Polşa iş vizasını necə almaq olar? Şengen vizasına müraciət prosesi digər ölkələrdə olduğu kimidir. Yaşadığınız ölkədəki viza müraciətlərini qəbul edən Polşa viza müraciət mərkəzlərindən, səfirliklərdən və ya konsulluqlardan iş vizası ala bilərsiniz. Bundan əlavə, Polşa viza statusu haqqında da bu müraciət mərkəzlərindən telefon, e-poçt vasitəsi ilə məlumat ala bilərsiniz.