Səfirliklərin rolları və vəzifələri

Səfirliklər nə edir? Səfirlik bir ölkənin başqa bir ölkədəki diplomatik nümayəndəliyidir. Ölkənin səfiri səfirliyin rəhbəridir. Səfirliklər ökələr arasında sülhü qorumaq məqsədilə fəaliyyət göstərir.

Bir sözlə, iki ölkə arasında dostluq əlaqələrini davam etdirmək üçün səfirlik yaradılır və bu, iki ölkə arasında əlaqə bazası yaradır.

Səfirliyin dəqiq tərifini bilmək istəyirsinizsə, buyurun: səfirlik, qəbul edən ölkədə daimi olaraq qurulmuş diplomatik nümayəndəlikdir. Səfirliyin binasında səfirliyin ofisləri yerləşir.

İki ölkə arasında münaqişə yaranarsa və ya aralarında hər hansı bir siyasi gərginlik olarsa, səfirlik bu məsələnin həllinə kömək edə bilər. Səfirlik ticarət tarifləri kimi müxtəlif mövzularda qərar qəbul edə bilər.

Səfirliklər və sayları

Ən çox səfirliyə sahib ölkələr siyahısının başında 276 səfirlik ilə Çin gəlir və 273 səfirlik ilə ABŞ onu izləyir. Butan 9 səfirlik ilə siyahının ən aşağı sırasında yer alarkən, 25 səfirliyi olan İslandiya ondan bir pillə yuxarıda dayanır.

Dünyanın ən böyük və ən bahalı səfirliklərindən biri - Amerika Birləşmiş Ştatlarının Bağdaddakı səfirliyidir.

Səfirliyin roluna və vəzifələrinə baxmağa keçid etməzdən əvvəl, səfirliyin kömək edə biləcəyi sahələri qeyd edək edək:

• Təhsil

• İdarəetmə

• İctimai işlər

• İnkişaf və Əməkdaşlıq

• Ticarət

• Mətbuat və məlumat

• Konsula aid

• Mədəniyyət Mərkəzi

• Siyasi

• İqtisadi

• Sosial

Bütün bu sahələrdə səfirlik beş əsas funksiyanı yerinə yetirir

• Təmsil etmək

Səfir və ya diplomat müxtəlif mərasimlər, tədbirlər, görüşlər və funksiyalar zamanı səfirliyi təmsil edir.

• Qorumaq

Səfirliklər çətinliklər zamanı müracət edə biləcəyiniz yerlərdir. Səfir öz vətəndaşlarının maraqlarını qoruyur.

• Danışıqlar aparmaq

Danışıqlar birbaşa dövlət başçıları arasında aparılır.

• Məlumat vermək

Səfir və ya diplomat ev sahibi ölkənin konteksti və tərəqqisi haqqında məlumat sahibi olmalıdır. Onun işi rəsmi və qeyri-rəsmi mənbələri qarışdıraraq öz ölkəsinin mərkəzi rəhbərliyi üçün hesabatlar hazırlamaqdır.

• Təşkil etmək

Diplomatın işi iki ölkə arasında mədəni, elmi və iqtisadi mübadilə yolu ilə yaxşı münasibətlər qurmaqdır.

Bunlar xaricində, səfirlik başqa işlər də görür

• Viza

• Pasport xidmətləri

• Uşaqların doğumunun qeydiyyatı

• Səsvermə barədə məlumat vermək

• Məlumatlandırmaq və məsləhət vermək

• Çətin vəziyyətdə olan vətəndaşlara yardım göstərmək (həbs edilmiş, xəstə vəya  bərk ehtiyac içində olan, uşaqlarından ayrı qalmış və s.)

• Doğum və ölümlərin qeydiyyatı

• Uşaqların oğurlanması hallarına nəzarət etmək

• Məcburi nikah hallarına nəzarət etmək

Səfirliklərin bütün bu rollarını nəzərə alaraq deyə bilərik ki, bir səfirlik konstitusiyaya, qanunlara, qəbul edilmiş beynəlxalq hüquq normalarına və təsdiq edilmiş beynəlxalq müqavilələrə uyğun olaraq hərəkət etməlidir.

Səfirlik yerli hökümət orqanlarının qərarına əsasən, Nazirin və Nazirliyin müvafiq daxili bölmələrinin rəhbərləri tərəfindən verilən təlimatlara uyğun olaraq fəaliyyət göstərməlidir.

Budur, səfirliyin məsul olduğu işlərin siyahısı

• Qeyri-hökumət təşkilatlarına dəstək olmaq

• Ev sahibi dövlət daxilində mehriban və iş birlikçi rol oynamaq

• Uyğun olarsa, müəssisələrə, məktəblərə və digər təşkilatlara dəstək olmaq

• Təşkilatlara verilən dəstək, ev sahibi ölkənin sosial və iqtisadi inkişafına kömək edir

• Qəbul edən dövlətlə öz ölkəsi arasında dinc əməkdaşlıq və iş birliyini hədəfləyir

• Səfirlər diplomatik və ictimai fəaliyyətlər göstərirlər

• Səfirin ofisində yerinə yetirilən funksiyalar çox vaxt siyasi fikir ayrılıqlarının, potensial mübahisələrin həllinə və ya hər hansı bir dövlətin qarşılaşdığı problemlərin müzakirəsinə səbəb olur

• Səfirlik əməkdaşlıq və diplomatiya üçün simvol kimi çıxış edir

• Səfirlik qəbul edən ölkə ilə əlaqəli siyasətləri izah edir, təhdidləri və imkanları müəyyənləşdirir

• Səfirliklər ev sahibi ölkədəki vətəndaşlarının maraqlarını güdür

• Siyasi və iqtisadi sektorla əlaqəli əməkdaşlıq

• Mədəniyyət sektoru ilə əməkdaşlıq

• Vətəndaşlarına pasportların verilməsi

• Vətəndaşlarına konsulluq xidmətləri göstərmək

• Qeyri-vətəndaşların rifahının təşviqi

• Xaricdəki vətəndaşların rifahının təşviqi

• Vətəndaşları ilə mütəmadi əlaqə qurmaq

• Xarici İşlər Nazirliyinin rəhbərliyi altında, qeyd edilən bütün siyasətlərə riayət etməlidir.

Bəs səfirin vəzifələri nələrdir?

• Terror kimi hadisələrin təhlükəsizliyi üçün birbaşa məsuliyyət daşıyır.

• Vəzifə tutmazdan əvvəl xarici əlaqələr üzrə təliminin olması

• Proqramları, işçiləri və maliyyələşdirmə səviyyələrini nəzərdən keçirərək məlumatları diqqətlə toplamaq.

• Bütün icra nümayəndəliklərinə və işçilərinə rəhbərlik etmək

• Beynəlxalq təşkilatın işçiləri xaricində bütün icra nümayəndəliklərinin və işçilərinin əlaqələndirilməsi

• Missiya elementlərinə gedən və gələn əlaqələrin nəzərdən keçirilməsi

• Vətəndaşlarına peşəkar mükəmməllik, diplomatik mülahizə və etik davranışlarla xidmət etmək

• Ölkəsinin Prezidentinə və Dövlət Katibinə rəhbərlik, mütəxəssis şərhləri və səmimi məsləhətlərin verilməsi

• Ölkəsinin qanunvericilik və məhkəmə orqanları ilə əməkdaşlıq

• Ölkəsinin bütün dövlət işçilərini rəsmi vəzifədə qorumaq

• Ölkəsinin milli maraqlarını qorumaq

• Vətəni ilə yaşadığı ölkə arasında əla münasibətlər qurmaq

İndi səfirlikdəki müxtəlif bölmələrdən danışaq

• Konsulluq bölməsi

Xarici ölkə vətəndaşı ilə ilə evlənmək istəsəniz, onlar sizə kömək edəcəklər. Əgər çətinlik çəkirsinizsə, konsulluq məmurları sizə köməyə gələcəklər. Konsulluq məmurları öz ölkəsinə səyahət etmək, işləmək və ya təhsil almaq məqsədi ilə gedən şəxslərə viza verə bilir.

• İqtisadi bölmə

Onlar xarici hökumət ilə ətraf mühiti qorumaq, internet azadlığını təmin etmək və ya ticarət qanunlarını müzakirə etmək məqsədilə işləyirlər.

• İctimai diplomatiya bölməsi

Xarici ölkələrin vətəndaşları ilə qarşılıqlı anlaşma qurmağa kömək edirlər. Sosial media, veb saytlar, təhsil və mədəni proqramların köməyi ilə qarşılıqlı əlaqələri inkişaf etdirirlər.

• İdarəetmə bölməsi

Onlar diplomatik nümayəndəlik əməliyyatlarını daşınmaz əmlakdan büdcəyə qədər idarə edən liderlərdir. Onlar səfirliyin fəaliyyətə yönəlmiş insanlarıdır.

• Siyasi bölmə

Onların yalnız bir işi var, baş verən siyasi hadisələr barədə yenilikləri nəzərə almaqla səfirin rolunu güncəl tutmaq.