Tayvana səyahətdən əvvəl bilsəydim dediyim 14 şey

Tayvan - Yaponiya və ya Koreya kimi məşhur bir səyahət yeri olmaya bilər, amma bu çox yanlış fikirdir. Tayvana səyahət etmiş insanlar ölkənin necə dəyərləndirilmədiyini bilirlər. Çoxları tərəfindən böyük ölçüdə kəşf olunmayan, lakin qonşu xalqlar tərəfindən sevilən Tayvan yalnız istehsalçı bir ölkə deyil - mədəniyyətlərin, gözəl təbiətin və mehriban yerli sakinlərin gözəl bir qarışımıdır. Əlbətdə ki, xəngəli və qovuqlu çayı qeyd etməyi də unutmayaq!

Əgər Tayvana səyahət etməyi planlaşdırırsınıza və haradan başlayacağınızdan əmin deyilsinizsə bilməniz və qeyd etməniz gərəkən bir neçə şey var.

1. Viza müraciəti

Dünya üzərindəki 134 dövlətdən Tayvana girmək nisbətən asandır. Əgər birbaşa təyyarə ilə uça bilsəniz, böyük ehtimalla Tayvan Taoyuan Beynəlxalq Hava Limanına enəcəksiniz ki, bu hava limanı, Tayvanda əlavə iki böyük hava limanının olmasına baxmayaraq beynəlxalq uçuşlar edən yeganə hava limanıdır.

Malayziya, Sinqapur vətəndaşlarına və ya pasport sahiblərinə Tayvanda 30 gün qalmağa icazə verilir. İngiltərə, ABŞ, Avstraliya və Kanadadan olan vətəndaşlara gəlincə, onlar Tayvanda vizasız 90 günə qədər sərbəst qala bilərlər. Ancaq qalma müddəti 90 gündən çoxdursa, səyahətdən öncə Tayvan vizası şərtdir.

Makao və Honkonq dövlətlərinin pasport sahibləri Çıxış və Giriş icazəsi (Exit and Entry Permit, icazə ilə birlikdə 30 günlük giriş verilir) üçün müraciət etməli olacaqlar. Bu əvvəlcədən və ya enişdən sonra hava limanında edilə bilər.

2. Tayvanın iqlimi və havası

Normalda, Tayvanın iqlimi nə çox isti, nə də çox soyuqdur, ancaq bu, yayda çox dəyişə bilər.

Yay aylarında (iyun-avqust), Tayvanın paytaxtı Taybeydə hava olduqca isti və rütubətli ola, temperatur bəzən 33 ° C- 35 ° C-yə qədər yüksələ bilər. İyul-oktyabr aylarında ölkə tayfunlara məruz qalır, bu səbəbdən qeyd etdiyimiz müddət ərzində Tayvana səyahət etməkdən çəkinməlisiniz. Tayvana səyahət üçün ən yaxşı vaxt sentyabr - noyabr arası olacaq ki, bu vaxt hava sərin və xoş olmaqla yanaşı, demək olar ki yağıntısız olur.

Qış, Tayvanın cənubuna - Qaosyun, Taynan və Çiaiyə səyahət etmək üçün yaxşı vaxtdır. Həmçinin yaz mövsümü də Tayvana səyahət üçün əla vaxt ola bilər.

3. Tayvanın Ətraf Mühiti

Adətən, Tayvanın sahilləri və kəndləri çirklənmədən azaddır - hava təmiz və çirkləndiricilərdən azaddır.

Havanın keyfiyyəti şəhərlərə doğru irəlilədikcə dəyişir. Tayvanın qərbindəki havanın keyfiyyəti atmosfer diffuziyasının olmaması səbəbindən sahillərə və ölkəyə nisbətən aşağıdır, Tayvanın şimal və cənubuna gəldikdə isə, onlar ən çirklənmiş yerlərdir ki, bu daha çox istilik enerjisi generatorları, fabrik istismarı və nəqliyyat vasitələri ilə əlaqədardır.

Özünüzü qorumaq üçün, tibbi maska istifadə edə və ya çöldə keçirtdiyiniz vaxtı azalda bilərsiniz. Unutmayın ki, çirkli havanı ciyərlərinizə çəkmək astma və ya baş ağrısına səbəb ola bilər.

4. Tayvanda pul vahidi

Tayvan, nağd pul fokuslu bir ölkədir və burada pul vahidi kimi ‘kwai’ və ya Yeni Tayvan dolları istifadə edilir.

Kart ödəmələri, alış-veriş mərkəzlərində, otellərdə və restoranlarda yavaş-yavaş qəbul olunsa da, hər hansı bir problemli halda nağd pul tətbiq olunur. Bankomatlara gəldikdə, onlar Tayvanda hər yerdə tapıla bilər, lakin nəzərə alın ki, bankomatların hamısı beynəlxalq əməliyyatları dəstəkləmir. Əgər bankomatın üzərində CIRRUS və ya VISA PLUS logosu varsa deməli o, beynəlxalq əməliyyatları dəstəkləyəndir.

Bununla yanaşı, ‘Easy Card’ almaq seçiminiz də var ki, satınalma depoziti yalnızca $ 100NT (10 ABŞ Dolları) təşkil edir. Bu kart, Tayvanın hər yerində qəbul edilir və təmassız ödəmə imkanı təklif edir.

5. Tayvanda ictimai nəqliyyat

Tayvanın müxtəlif yerlərinə və ətrafına getmək çətin deyil, çünki ictimai nəqliyyat rahat və ucuzdur, kiralıq maşınlar isə təxminən 50 Yeni Tayvan dollarından (2 ABŞ dolları) başlayır. Metronun MRT xəritəsi həmişə dəqiq, üstəlik metro təmiz və genişdir.

Kiralıq maşın yerinə bir skuter da idarə edə bilərsiniz. Onlar səmərəli, sürətli olmaqla yanaşı ətrafdan daha çox zövq almanıza yardımçı olacaq. Bununla birlikdə, skuter sürmək üçün onu Tayvandakı qatar stansiyalarının xaricində kirayə götürməli olduğunuzu nəzərə alsanız, səlahiyyətlilər sizdən ARC kimi tanınan Alien Resident Certificate (yaşayış icazəsi) və ya Tayvan sürücülük vəsiqəsi, pasport və xidmət haqqı tələb edəcək. Skuter icarə götürməyinizə qalacağınız oteldə də kömək göstərə bilərlər.

6. Görməli yerlərə ümumi baxış

Tayvan turistlər arasında favorit olmasa da, bu, Tayvanın turistik yer olmadığı anlamına gəlmir. Əslində, dünyanın ən gözəl yerlərindən bəziləri Tayvanda tapılmaqdadır.

7. Cənubi Tayvan

Tayvanın ən gözəl yerlərindən biri olan Alişan, ölkənin cənub əyalətində bir dağ silsiləsidir. Sıx və yamyaşıl sərv ağacları ilə örtülü olan Alişan, qalaları və ləzzətləri də ən az özü qədər yenilənmiş tarixi Taynan şəhərinə ev sahibliyi edir. Bu şəhər çoxluq tərəfindən Tayvanda ziyarət etmək üçün ən gözəl yerlərdən biri hesab olunur.

Taylandda ziyarət üçün başqa misilsiz yerlərə misal olaraq Hoklo, Hakka və aborgenlərin yaratdığı ən böyük gecə bazarını tapa biləcəyiniz, günəşli liman şəhəri olaraq da bilinən Qaosyun var. Həmçinin Tayvanın ən cənub nöqtəsi olan Kentinq, Tayvanda yay tətilində getmək üçün ən yaxşı yerlərdən biridir.

8. Mərkəzi Tayvan

Tayvanın paytaxtı Taybeydən sonra ikinci işlək şəhər olaraq qəbul edilən və ölkədəki ən gözəl yerlərdən biri olan Taichung, dağlıq ərazilərə bir həftəlik ekskursiya üçün mükəmməl seçim ola bilər. Təbiət həvəskarları üçün Tayvanda gediləcək ən yaxşı yerlərdən Qingjing Farm və Sun Moon gölünü qeyd etmək olar.

9. Şimali Tayvan

Tayvanın paytaxtının da yerləşdiyi şimal bölgəsində Yangmingshan Milli Parkını vurğulamaq lazımdır. Tayvanda ziyarət ediləcək yenilənmiş yerlərə Yehliu və ya dağ qəsəbələri Pingxi və Jiufen'i misal göstərmək olar.

Yilan adlı yer də var ki, bu yer daha az kəşf olunmasına baxmayaraq, gizli çimərliklər, isti və hətta soyuq bulaqlara malikdir.

10. Sahil adaları

Orkid adası və Yaşıl ada - burada zəngin dəniz həyatı ilə dolu ən təmiz və ən mavi dəniz suyunu tapa bilərsiniz. Nəfəskəsici gözəlliyə sahib Penghuda əylənmək üçün ağ qumlu çimərliklər var ki, onlar ABŞ Discovery Channel tərəfindən Tayvanın ən gözəl yerlərindən biri kimi qiymətləndirilmişdi.

Beləliklə, Tayvana səyahət etmək üçün ən yaxşı vaxtı yay ayları kimi qiymətləndirmək olar ki, bu zaman getməklə siz sahildəki adaların gözəlliyindən zövq ala bilərsiniz.

İndi bütün zəruri şeylərə nəzər saldığımıza görə başqa bir şeyə diqqət yetirək - Tayvan haqqındakı maraqlı faktlara.

11. İnternet / Wi-Fi

Tayvan Wi-Fi dostudur, amma problem ondadır ki, saytlarının çoxu Çin dilindədir (gəzmək çətin ola bilər!) və yalnızca mövcud müştərilərinə qeydiyyat təklif edirlər.

Bununla birlikdə, nə yaxşı ki, bütün ictimai ərazilərdə, ticarət və yaşayış sahələrində pulsuz Wi-Fi kimi seçimlər var. Tayvanda bir aydan çox və ya daha uzun müddətdə qalmağı planlaşdırırsınızsa, ən yaxşısı yerli bir SIM kart almaqdır. Nömrə cəmi 300 Yeni Tayvan dollarına (10 ABŞ Dolları) başa gəlir və cəmi 4 ABŞ dollarına 1GB data əldə edə bilərsiniz.

12. Tayvan yeməyi

Tayvanla əlaqəli maraqlı faktlardan biri də Tayvan yeməyin, haqqında narahat olmamanız gərəkən bir şey olmasıdır, çünki ölkədə yemək və hətta çöldə yemək yeyən yerli sakinlər hər yerdədir.

Tayvanda yeməklərin qiymətləri aşağıdır, buna görə restoranlarda və digər yeməkxanalarda çoxsaylı məqbul qida təklifləri görəcəksiniz. Şəxsi seçiminizdən asılı olaraq qaşıq ya da çubuq seçə bilərsiniz.

13. Tayvanda İçkilər

İçkilərə gəldikdə, Tayvanda kran suyu içməkdən çəkinin. Ancaq suyu yuyunmaq və dişlərinizi fırçalamaq üçün istifadə edə bilərsiniz.

Bütün ictimai yerlərdə süzülmüş içməli su tapa bilərsiniz, amma buna şübhə edirsinizsə, ən yaxşısı qablaşdırılmış su satın almaqdır.

14. Yerli adətlər

Əgər yerli deyilsinizsə, əlbəttə ki, Tayvan sizin üçün tanımadığınız bir yer olacaq və bu səbəbdən həmişə vərdiş etdiklərinizdən daha fərqli adət və etiket qaydaları ilə qarşılaşa bilərsiniz.

Aşağıdakı bir neçə tövsiyəyə diqqət yetirin:

- Səyahətinizdə bəzən yer tualetindən istifadə edəcəksiniz, buna görə ən yaxşısı özünüzlə sabun və ya tualet kağızı gətirməkdir. Tayvanlı insanlar özünüz gətirə bildiyiniz halda başqalarından sabun və ya tualet kağızı istəməyi ədəbsizlik sayırlar.

- Tayvanla əlaqəli maraqlı faktlardan biri də Tayvanlıların çox mütəşəkkil olmasıdır və buna MRT-ni gözləmək də aiddir.

- Tayvanlı dostlarınızla görüşünüz varsa, qeyd olunan vaxtdan əvvəl gəlməyiniz ən yaxşısıdır, çünki tayvanlılar birinin 3 dəqiqə gecikməsi halında başqalarına məlumat verməyə meyllidirlər.

- Tayvanda ilk dəfə olduğunuz zaman hər yerdə üz maskası taxan insanları görsəniz, narahat olmayın  bu, nəzakətli olduqlarına və başqalarına xəstəlik yoluxdurmaq istəmədiklərinə görədir.