Santyaqoya deyil də Valparaisoya səyahət etməniz üçün 10 səbəb

Çili dünyanın ən tanınmış turistik yerlərindən biridir. Gözəl çimərlikləri, füsunkar dağları, yabanı meşələri və misilsiz mətbəxi sayəsində hər il milyonlarla turist Çilini ziyarət edir. Çiliyə getməzdən əvvəl bir çox turist eyni suallarla maraqlanır: Çiliyə səyahət təhlükəsizdirmi? Çilidə hara səyahət etmək olar? Çiliyə səyahət etmək üçün ən yaxşı vaxt nə vaxtdır? Statistik məlumatlar göstərir ki, Çilidə ən çox ziyarət edilən şəhər paytaxt Santyaqodur. Bununla birlikdə, Santyaqo bu səbəbdən izdiham dolu, çirklənmiş, səs-küylü və bahalı bir yer halına gəlib. Bu bloqda Çilidə bir başqa ecazkar turistik məkan olan Valparaisoya səyahət haqqında danışacağıq. Paytaxta deyil də,Valparaisoya səyahət etməniz üçün 10 səbəb irəli sürəcəyik. Bu səfər zamanı Pataqoniyaya da səyahət etmək şansınız olacaq ki, məqalədə bu mövzuya da toxunacayıq.

1. Cerro Alegre

Valparaiso çoxsaylı təpələri və sonsuz pilləkənləri ilə məşhurdur. Təpələr arasındakı xiyabanlar, keçidlər və pilləkənlər Valparaiso şəhərinə cəlbedici bir mənzərə verir. Cerro Alegre isə Valparaisonun ümumi görünüşündə əvəzolunmaz yer tutan sirli bir təpədir. Yüksək dərəcədə inkişaf etmiş bir şəhərin ortasında qədim bir təpə sadəcə təəccübləndiricidir. Rəngli küçə sənəti, müasir infrastruktur və canlı şəhər həyatı Valparaisonun bu hissəsini əhatə edir. İnsan istehsalı olan lift sizi şəhərin panoramik mənzərəsindən zövq ala biləcəyiniz zirvəyə doğru qaldıracaq. Cerro Alegre-yə səfər planını hava yaxşı olduqda gerçəkləşdirmənizi tövsiyə edirik.

2. Latın Amerikası təbiətinə səfər

Vəhşi təbiəti araşdırmağı sevən bir çox səyahətçi Pataqoniyaya səyahət etmək arzusundadır. Cəmi bir neçə saat ərzində Valparaisodan Çili Pataqoniyasına asanlıqla gedə bilərsiniz. Valparaiso coğrafi olaraq Pataqoniyanın çöllərinə, meşələrinə və təpələrinə yaxındır. Misilsiz flora və fauna, füsunkar təbii sərvətlər, çaylar və vəhşi təbiət Pataqoniyanın ən əsas xüsusiyyətləridir. Vəhşi təbiətin möcüzələrinə dalmaq sizin üçün unudulmaz bir təcrübə olacaq. Çiliyə səyahət üçün ən yaxşı vaxt Pataqoniyanın ən "vəhşi" təbiətə sahib olduğu yay vaxtı ola bilər. Heyvanlar aləmi, flora və fauna yay mövsümündə canlanır.

3. Çoxlu qraffiti və küçə sənəti

Valparaiso şəhərinin divarlarındakı qraffitlərin müxtəlifliyinə və sayına heyran qalacaqsınız. Mükəmməl təsvirlər, əsərlər və şəkillər demək olar ki, şəhərin hər divarında var. Bu küçə sənəti dolu yerlərdə gəzmək, ən çox sevdiyiniz və heç vaxt izləməkdən sıxılmadığınız verilişə baxmağa bənzəyir. Küçə sənəti nümunələrindəki gülməli cümlələr, cəlbedici şəkillər və həyəcanverici faktlar Valparaiso səyahətinizi unudulmaz edəcək. Valparaiso ətrafında səyahət əsnasında minlərlə qraffitinin şəkillərini çəkə bilərsiniz. Çiliyə səyahətinizi daha rəngarəng, maraqlı və yaddaqalan etmək istəyirsinizsə Santyaqo əvəzinə Valparaisoya getməlisiniz. Çilinin başqa hər hansı bir şəhərində buradakı kimi ecazkar küçə sənəti nümunələri tapa bilməzsiniz.

4. Funikulyorla Valparaiso ətrafında gəzinti

Funikulyordan ictimai nəqliyyat kimi istifadə etmək fantastik bir təcrübədir. Şəhərin möhtəşəm panoramik mənzərəsi varsa, funikulyor turu olmazsa olmazdır. Valparaisodakı funikulyorun qiyməti də bütün büdcələr üçün uyğundur. Təpələr boyunca funikulyorla hərəkət edərkən onlarla heyrətləndirici mənzərənin instaqramlıq şəkillərini çəkmək şansınız olacaq. Xüsusilə hava günəşli olduqda funikulyar turu daha da maraqlı olacaq. Turun sonunda demək olar ki, bütün Valparaisonu yuxarıdan görmüş olacaqsınız. Funikulyor turu Valparaisoya xasdır və ölkənin başqa şəhərlərində elə də yayğın deyil. Həmçinin funikulyor ictimai nəqliyyat növü olaraq da çox istifadəçi dostudur. Funikulyor sizi gedəcəyiniz yerə çox tez aparacaq, çünki funikulyor üçün olan yol nişanları və xətləri sadə və anlaşılması asandır. Bunu da qeyd edək ki, Santyaqodakı ictimai nəqliyyat xəttlərini başa düşmək və istifadə etmək olduqca çətindir.

5. Limanda gəmi səfəri

Şəhərin bu hissəsindəki qayıqlardan ictimai nəqliyyat növü kimi istifadə edilmir. Yerli turizm agentlikləri ziyarətçilərə ətrafı göstərmək üçün qayıq gəzintiləri təşkil edir. Qayıq gəzintisi zamanı uzaqdan Valparaisonun fantastik memarlığını, rəngarəng binalarını, göydələnlərini, təpələrini və füsunkar şəhər infrastrukturunu görəcəksiniz. Valparaiso limanı yerli tacirlər tərəfindən məhsulların idxalı və ixracı üçün istifadə edilən tarixi bir yerdir. Bugün də liman ətrafında gəzərkən Orta əsrlərə aid qədim elementləri görə bilərsiniz. Ən təsirli elementlər insanların evlərini külək, fırtına və okean dalğalarından qorumaq üçün istifadə etdikləri rəngli metallar ola bilər. Liman ətrafında gəmi səfərləri Çiliyə səyahətinizin ən unudulmaz anlarından biri olacaq.

6. Çilinin ən təhlükəsiz şəhəri

Çiliyə səyahət etmək təhlükəsizdirmi? Siyasi etirazlara görə Santyaqo da daxil olmaqla ölkənin bəzi şəhərləri təhlükəli ola bilər. Siyasi etirazlar zamanı çoxlu insan bir yerə toplaşaraq səs-küyə səbəb olur. Etirazlar əsasən əhəmiyyətli siyasi inkişafların baş verdiyi paytaxt Santyaqoda baş verir. Ancaq Valparaisoda etirazlar nadir hallarda olur. Valparaiso hər zaman turist dostu, daha sakit və təhlükəsiz bir şəhərdir. Valparaisonu Çilinin ən təhlükəsiz şəhəri olaraq qəbul edə bilərsiniz. Bəs indi nə düşünürsünüz: Santyaqo yoxsa Valparaiso?

7. Köhnə trolleybus turu

Dünyanın ən qədim trolleybusuna minmək istərdinizmi? Valparaiso 1930-1940-cı illərdə istehsal edilmiş ən qədim trolleybusa ev sahibliyi edir. Çili hökuməti Valparaisonun köhnə trolleybusunu milli abidə hesab edir. Həmçinin trolleybusdan ictimai nəqliyyat vasitəsi olaraq da istifadə edə bilərsiniz. Onların biletləri də çox sərfəli və cib dostudur. Trolleybusla çox az pul xərcləyərək bu gözəl şəhərdəki bir çox görməli yerləri gəzəcəksiniz. Köhnə trolleybusa minmək ömrünüz boyunca ən azı bir dəfə yaşamalı olduğunuz təcrübədir.

8. Dağ velosipedi parkuru

Dağ velosipedi Valparaisoda sınaya biləcəyiniz ən əyləncəli fəaliyyətlərdən biridir. Çiliyə səyahət üçün ən yaxşı vaxt havanın günəşli və quru olduğu vaxtdır, çünki beləcə dağ velosipedi sürə bilərsiniz. Otellərdən və kirayə xidmətlərindən əla vəziyyətdə, rahat velosipedlər icarəyə götürə bilərsiniz. Çoxlu gəzib geri qayıdacağınız qrup velosiped səfərlərinə də qoşula bilərsiniz. Dağ velosipedi sürmək yorucu ola bilər, amma çox əylənəcəksiniz. Bu faəliyyət sizə formada qalmağınıza və fərqli millətlərdən çoxlu yeni dostlar tapmağınıza imkan verəcək. Valparaisoda əla dağ velosipedi parkurları var. İnsanlar on illərdir ki, bu yollarla velosiped sürürlər. Odur ki, sağlamlığınıza önəm verənlərdənsinizsə, Valparaiosoya səyahət edin.

9. Iglesia de la Matriz

Çilinin milli monumenti olan Iglesia de la Matriz Valparaisonun qəlbində yerləşir. Bu kilsənin böyük tarixi əhəmiyyəti var. Çünki Iglesia de la Matriz 16-cı əsrin memarlıq üslublarını mükəmməl şəkildə təmsil edir. Köhnə evlər və çay daşı ilə döşənmiş küçələr qədim kilsəni əhatə edir. Kilsənin və onun ətrafının sehrli panoramik mənzərəsi ona yaxınlaşdıqca sizi heyran edəcəkdir. Yerli icma mütəmadi olaraq Iglesia de la Matriz-də dini görüşlər və ibadətlər təşkil edir. Dini mənsubiyyətinizdən asılı olmayaraq, kilsədəki tədbirlərə qatıla və yerli Çili xalqı ilə münasibət qura bilərsiniz. Bu kilsədə keçirdiyiniz vaxtdan mütləq zövq alacaqsınız.

10. Heyranedici rəngli evlər

Valparaisonun rəngli evləri çox orijinal və misilsizdir. Valparaiso tarixən sahil xəttləri boyunca güclü fırtınaların olduğu liman şəhəri idi. Okean dalğaları sahildəki evləri korlayırdı və yerli xalq divarları paslanmaqdan qorumaq üçün bir yol tapdılar. Suya davamlı rənglər keyfiyyətləri, görünüşü və davamlılığı ilə sakinlər arasında çox məşhur oldu. Buna görə sahilboyu yaşayan Valparaiso xalqı öz evlərini müxtəlif rənglərə boyadılar. Santyaqoda bu cür rəngli yerləri tapmaq çətindir. Valparaisodan çoxlu instaqramlıq şəkil ilə dönəcəyiniz dəqiqdir.