Suallarınız var? Buranı yoxlayın!

pickvisa.az

Pasport Nədir?

Ümumvətəndaş pasportu ölkə hökuməti tərəfindən vətəndaşlara təqdim edilən səyahət sənədidir. Pasport beynəlxalq səyahətlərdə istifadə edilməsi məqsədilə sahibinin şəxsiyyətini və milliyətini təsdiqləyir.

pickvisa.az

Pasport Görünüşcə Necə Olur?

Beynəlxalq Sivil Aviasiya Təşkilatının “Biometrik Səyahət Sənədləri” haqqında 9303 saylı sənədə görə pasportlar quruluşuna, xarici görünüşünə və kontentinə dair xüsusi tənzimləmələrə uyğunlaşdırılır.

Pasport səyahət sənədi olaraq ən azı 8 səhifədən və data səhifəsindən ibarət olub, kitabça formasında olmalıdır. Data səhifəsində yer alan məlumatlar elektron oxunma qabiliyyətini təmin edəcək şəkildə spesifik lokasiyalarda və zonalarda qeyd olunmalıdır.

pickvisa.az

Pasportlar Özündə Hansı İnformasiyaları Əks Etdirir?

Pasportlar, əsasən, pasport sahibinin adı və soyadı, pasport nömrəsi, milliyəti, doğum tarixi və yeri, pasportun verildiyi tarix, pasportun etibarlılıq müddəti, şəkil və imzanı özündə əks etdirir.

pickvisa.az

Mənə Pasport Niyə Lazımdır? Xaricə Səyahət Zamanı Mənə Pasport Lazımdırmı?

Pasportunuz sizin şəxsiyyətinizi və milliyətinizi təsdiq edən bir sənəd kimi xaricə səyahətiniz zamanı sizə mütləq lazımdır. Pasport sizə xarici torpaqlarda təhlükəsiz hərəkət və qoruma təmin edir.

Əksər hallarda siz təyyarə ilə səyahət etdiyiniz təqdirdə aeroportda, quru ilə səyahət etdiyiniz təqdirdə isə sərhəddə bir neçə dəfə pasportunuzu təqdim etməli olursunuz.

pickvisa.az

Mən Pasportumla Hara Səyahət Edə Bilərəm?

Pasport beynəlxalq səyahət üçün mütləqdir. Lakin pasporta sahib olmağınız sizin xarici ölkəyə girişinizə mütləq qarantiya vermir. Siz səyahət edəcəyiniz ölkəyə daxil ola bilməyiniz üçün öncədən vizaya müraciət etməli ola bilərsiniz.

pickvisa.az

Pasport Gücü nədir?

Pasportlar vizasız səyahətləri təmin edə bildikləri ölkələrin sayına görə dərəcələnir və bu, pasportun gücünü bəlli edir. Xaricə səyahət planlayarkən sahib olduğunuz pasportla hansı ölkələrə vizasız səyahət edə biləcəyinizi və hansı ölkələrin sizdən səyahətiniz üçün öncədən viza almağınızı tələb etdiyini yoxladığınızdan əmin olun.

pickvisa.az

Pasport Növləri Hansılardır?

Pasportların vətəndaşın öz ölkəsindəki statusuna uyğunlaşdırılmış şəkildə bir neçə növü olur. Hal-hazırda dünyanın əksər ölkələrində təqdim olunan pasportların, əsasən, 3 növü vardır: Diplomatik, Xidməti/Rəsmi və Ümumvətəndaş pasportları.

pickvisa.az

Diplomatik Pasport Nədir?

Diplomatik pasportlar diplomatik statusa malik olan şəxslərə təqdim olunur. Məsələn, diplomatlar, konsullar və ölkə başçısı, hökumət rəsmiləri, parlament və hökumət nümayəndələri, milli məsələlər və fəaliyyətlər naminə xaricə səyahət edən şəxslər bu siyahıya aiddir.

pickvisa.az

Xidməti/Rəsmi Pasport Nədir?

Xidməti/rəsmi pasport ölkənin hökuməti daxilində müəyyən işlər görən şəxslərə təqdim olunur. Həmçinin bütün ölkələr xaricdəki səfirlik və konsulluqlarında çalışan, ancaq diplomatik statusu olmayan şəxslərə də bu pasportları təqdim edir.

pickvisa.az

Ümumvətəndaş Pasportu Nədir?

Ümumvətəndaş pasportu bütün digər ölkə vətəndaşlarına təqdim olunan pasport növüdür. Bəzi səbəblərdən ümumvətəndaş pasportu müxtəlif ölkələrdə müxtəlif növlərdə ola bilər.

pickvisa.az

Pasportu Verən Orqan Haradır?

Pasportu verən orqanın adı pasportun data səhifəsində, əsasən, pasportun sahibinin adı yaxınlığında qeyd olunur. Əksər hallarda başlıqda “Orqan” və ya “Pasportu verən orqan” yazılır.

pickvisa.az

Pasport üçün Müraciət Etdiyim Zaman Hansı Sənədləri Təqdim Etməliyəm?

Pasport üçün müraciət etdiyiniz zaman siz şəxsiyyətinizi və vətəndaşlığınızı təsdiq edən sənədləri təqdim etməlisiniz. Hər bir ölkənin pasport müraciəti üçün özünün xüsusi tələbləri mövcuddur. Müraciətdən öncə dövlətin rəsmi saytından bu məsələylə bağlı sizdən tələb olunan sənədlərin siyahısını öyrəndiyinizdən əmin olun.

pickvisa.az

Pasport Müraciət Haqqı Nədir?

Pasport müraciət haqqı sizin pasport əldə etmək və ya köhnə pasportunuzu yenisilə əvəz etmək üçün müraciət etdiyiniz zaman sizdən tələb olunan məbləğdir. Hər bir ölkə müxtəlif pasport müraciət haqqına sahibdir. Müraciətdən öncə dövlətin rəsmi saytından bu məsələylə bağlı sizdən tələb olunan ödənişin məbləğini öyrəndiyinizdən əmin olun.

pickvisa.az

Pasport Müraciətimə İmtina Cavabı Gələ Bilərmi?

Bəli. Pasport verən orqanlar sizin müraciətinizə müxtəlif səbəblərdən imtina cavabı verə bilərlər. Məsələn, müraciətçi pasport müraciəti zamanı yanlış məlumat verdiyi, ölkənin vətəndaşı olmadığı və ya müəyyən cinayət işləmiş olduğu təqdirdə bu hal yaşana bilər.

pickvisa.az

Pasportumu Yenilədiyim Zaman Köhnə Pasportum Mənə Geri Qaytarılırmı?

Pasportunuzu yeniləmə müraciətiniz zamanı köhnə pasportunuz pasport verən orqan tərəfindən saxlanıla və ya sizə geri qaytarıla bilər. Köhnə pasportunuzda etibarlı vizanız olduğu təqdirdə pasportunuz sizə geri qaytarıla bilər.

Əgər köhnə pasportunuz sizə geri qaytarılırsa, o mütləq şəkildə öz etibarlılığını itirməlidir. Bu səbəbdən də pasport verən orqan sizə onu müəyyən zərər vuraraq, məsələn səhifələrinin müəyyən hissələrini zədələyərək geri qaytarır.

Hər bir ölkənin özünün pasport yenilənməsi tələbləri var. Müvafiq məlumat üçün hökumətin veb saytını yoxladığınızdan əmin olun.

pickvisa.az

Səyahət Edərkən Hansı Pasport Tələblərinə Diqqət Yetirməliyəm?

Problemsiz səyahət edə bilməyiniz üçün pasportunuz aşağıdakı kriteriyaları ödəməlidir:

  • Pasportunuz etibarlı olmalıdır.
  • Pasportunuz zərər görmüş olmamalıdır.
  • Pasportunuzda yetəri qədər boş səhifə olmalıdır.
pickvisa.az

Pasportum Etibarlılıq Müddətini İtirə Bilərmi? Pasportumun Etibarlılıq Müddəti Nə Qədər Olur?

Bəli, pasportlar etibarlılığını itirir. Etibarlılıq müddəti pasportu təqdim edən ölkədən asılı olaraq dəyişir. Pasportlar, əsasən, 5-10 il üçün etibarlı olurlar, sonra isə səyahət üçün öz etibarlılıqlarını itirirlər.

pickvisa.az

Bir Şəxs Neçə Pasporta Sahib Ola Bilər?

Bir individualun neçə pasporta sahib ola bilməsi ilə bağlı real limit yoxdur. Lakin yaşadığınız ölkənin vətəndaşlıq qanunları ikili vətəndaşlıqla bağlı müəyyən qayda və qadağaları ehtiva edə bilər. Bəzi ölkələr öz vətəndaşlarına iki və ya daha çox pasporta sahib olmalarına icazə vermir və onlardan yeni vətəndaşlıqları üçün köhnə vətəndaşlıqlarından imtina etməyi tələb edir. Digər ölkələr isə ikili və ya daha çox vətəndaşlığa müəyyən şərtlər daxilində icazə verir. Bu səbəblə də biz sizə bu məsələ ilə bağlı öz ölkənizin qanunlarını nəzərdən keçirməyi məsləhət görürük.

pickvisa.az

Ölkədaxili Səyahət üçün Pasporta Ehtiyacım Varmı?

Xeyr. Əsasən, ölkədaxili səyahətiniz üçün sizdən pasportunuz tələb olunmur və hökumət tərəfindən sizə təqdim olunmuş, şəxsiyyətinizi təsdiq edən şəkilli vəsiqə yetərli olur. Lakin biz sizə ölkədaxili və xarici səyahətləriniz üçün sizdən tələb olunan sənədləri dəqiqləşdirməyiniz üçün ölkənizin səyahət qaydalarını yoxlamağınızı məsləhət görürük.

pickvisa.az

Səyahət Zamanı Sürücülük Vəsiqəmi Şəxsiyyətimi Təsdiq Edən Sənəd kimi İstifadə Edə Bilərəmmi?

Əgər üzərində şəxsiyyət vəsiqənizin seriya və nömrəsi qeyd olunubsa, ölkədaxili uçuşlar zamanı sürücülük vəsiqənizdən istifadə etməyinizə icazə verilə bilər. Beynəlxalq uçuşlar zamanı isə siz pasportunuzu və ya şəxsiyyət vəsiqənizi təqdim etməlisiniz.

pickvisa.az

Şengen Zonasına Səyahət Edərkən Pasport Hansı Müddətə Etibarlı Olmalıdır?

Pasportunuzun verilmə tarixinin üzərindən 10 ildən artıq vaxt keçməməli və pasportunuz Şengen zonasını tərk edəcəyiniz tarixdən sonra ən azı 3 ay müddətinə etibarlı olmalıdır.

pickvisa.az

Viza Nədir?

Viza sizin səyahət etmək istədiyiniz ölkəyə müvəqqəti olaraq və müəyyən zaman müddətində daxil olmaq, tərk etmək və orada qalmağınıza icazə verən rəsmi sənəddir.

pickvisa.az

Birləşmiş Krallığa Səyahət Edərkən Pasport Hansı Müddətə Etibarlı Olmalıdır?

Pasportunuz Birləşmiş Krallıqda keçirəcəyiniz bütün müddət ərzində etibarlı olmalıdır.

pickvisa.az

Amerika Birləşmiş Ştatlarına Səyahət Edərkən Pasport Hansı Müddətə Etibarlı Olmalıdır?

ABŞ-a səyahət edərkən əsas qayda pasportunuzun ABŞ-ı tərk edəcəyiniz tarixdən sonrakı ən az 6   ay müddətində etibarlı olmasıdır.

Lakin bəzi istisnalar mövcuddur:

  • Bəzi ölkələrin vətəndaşlarının ABŞ-a səyahət edərkən pasport etibarlılıq müddəti üçün daha geniş azadlığı vardır. Onların pasportunun sadəcə ABŞ-da keçirəcəkləri müddət ərzində etibarlı olması yetərlidir.
  • Bəzi ölkə vətəndaşları xüsusi viza rejimi çərçivəsində ABŞ-a vizasız səyahət edə bilirlər. Əgər onların pasportu növbəti 90 gün müddətinə etibarlı deyilsə, onların pasportlarının etibarlılıq müddətinin bitdiyi günədək ABŞ-da qalmalarına icazə verilir.
pickvisa.az

Kanadaya Səyahət Edərkən Pasport Hansı Müddətə Etibarlı Olmalıdır?

Kanadaya səyahət edərkən siz orada pasportunuzun etibarlılıq müddətinin sonunadək qala bilərsiniz.

pickvisa.az

Boş Pasport Səhifəsi Nədir? Səyahət Etmək üçün Pasportumda Neçə Boş Səhifə Olmalıdır?

Pasport səyahət etdiyiniz hər ölkəyə giriş və çıxış möhürlərinin vurula biləcəyi sayda boş səhifəyə sahib olmalıdır. Boş pasport səhifəsi təmiz və boş, üzərində heç bir mürəkkəb və ya ləkə olmayan səhifədir.

Beynəlxalq səyahətlərdə istifadə üçün pasportlar, adətən, 2-4 boş səhifəyə malik olmalıdır. Pasportunuzda möhür və ya vizanı vura bilmək üçün yetərli sayda boş səhifə olmadığı təqdirdə havayolu sizi uçuşa və ya gedəcəyiniz ölkəyə daxil olmağa icazə verməyə bilər.

Hər viza üçün pasportda ən azı 1 boş səhifə tələb olunur. Pasporta vurulan əksər vizalar pasportda bir tam boş səhifə tələb edir. Hər bir ölkənin pasportda lazım olan boş səhifələrin sayı üçün müxtəlif tələbləri mövcuddur. Səyahətinizə başlamadan öncə bunla bağlı məsələni gedəcəyiniz ölkənin rəsmi saytından dəqiqləşdirdiyinizdən əmin olun.

pickvisa.az

Səyahət Edərkən Pasportumun Nə Qədər Etibarlılıq Müddəti Olmalıdır?

Pasportlar, əsasən, səyahət tarixinizin başlanğıcından etibarən ən azı 6 ay etibarlı olmalıdır. Səyahət etdiyiniz ölkə səyahətiniz zamanı pasportunuzun etibarlılığını itirməsi riskini nəzərə alaraq sizin ölkəyə daxil olmağınıza icazə verməyə bilər.

Hər bir ölkənin pasportun etibarlılıq müddəti üçün müxtəlif tələbləri mövcuddur. Səyahətinizə başlamadan öncə səyahət etdiyiniz ölkənin rəsmi hökumət saytınnda bu məlumatı dəqiqləşdirdiyinizdən əmin olun.

pickvisa.az

Zədələnmiş Pasport Nədir? Pasportumun Zədələndiyini Necə Öyrənə Bilərəm?

Pasport hər hansısa bir şəkildə dəyişdirildiyi və ya pasport sahibi tərəfindən hər hansısa bir şəkildə deformasiyaya uğradıldığı halda zədələnmiş hesab olunur. Zədə deyildikdə üzərinə maye tökülmə, nəmlənmə və ya ixtiyarsız dəyişiklik və işarələnməyə məruz qalınması nəzərdə tutulur.

Pasportlar hər zaman qayğısına qalmalı olduğunuz rəsmi sənədlərdir. Pasportunuzu hər hansısa bir zədəyə məruz qalıb-qalmadığını dəqiqləşdirmək məqsədilə yoxlayın. Pasport səhifələrinin pasportun üz qabığından tam və ya natamam şəkildə ayrılmadığından və şəkilli səhifədəki laminatın tam və zədəsiz olduğundan əmin olun.

pickvisa.az

Zədələnmiş Pasportla Səyahət Edə Bilərəmmi?

Güman ki, yox. Əgər sizin pasportunuz hər hansısa bir şəkildə zədəyə uğrayıbsa, bu halda yeni pasport almağınız məsləhətdir. Çox güman ki, səyahət etdiyiniz ölkənin sərhəd xidməti zədələnmiş pasport təqdim etdiyiniz təqdirdə sizin həmin ölkəyə giriş etməyinizə icazə verməyəcək.

pickvisa.az

Pasportumu Yenilədiyim Zaman Pasport Nömrəm Dəyişirmi?

Bəli. Yeni pasportunuzun nömrəsi köhnə pasportunuzun nömrəsindən fərqli olur. Siz əgər köhnə pasportunuzla hər hansısa rəsmi orqana müraciət etmisinizsə, bu halda yeni pasportunuzla həmin müraciətinizi yeniləməyiniz tələb oluna bilər.

pickvisa.az

Uşaqlardan Pasport Tələb Olunurmu?

Bəli. Yeni qaydalara əsasən, xaricə səyahət edən hər bir fərdin, uşaqların və körpələrin də özlərinin ayrıca pasportu olmalıdır.

pickvisa.az

Mən İkili Vətəndaşlığa və Birdən Çox Pasporta Sahibəm. Məndən Milliyətim və Ölkəm Soruşulan Zaman Nə Cavab Verməliyəm?

Siz seçdiyiniz ölkənin pasportunu təqdim edə bilərsiniz. Lakin biz sizə səyahət etdiyiniz ölkənin viza və pasport siyasətinə daha yararlı olan pasport və şəxsiyyət vəsiqənizi təqdim etməyinizi məsləhət görürük. Bilin ki, bəzi ölkələr ikili vətəndaşlığa icazə vermir. Səyahətinizə başlamadan öncə bu məsələni səyahət edəcəyiniz ölkənin rəsmi hökumət saytından dəqiqləşdirdiyinizdən əmin olun.

pickvisa.az

Pasportumu Şəxsiyyət Vəsiqəsi kimi İstifadə Edə Bilərəmmi?

Bəli. Siz pasportunuzu aeroportdan kənarda da şəxsiyyətinizi təsdiq edən sənəd kimi istifadə edə bilərsiniz. Lakin pasportunuzu gündəlik həyatınızda daim üzərinizdə daşımağınız məsləhət deyil, çünki itirilmiş pasportun bərpası sizə baha başa gələ və çox vaxtınızı ala bilər.

pickvisa.az

Adımı Dəyişdirdikdə Pasportumu Yeniləməliyəmmi?

Bəli. Bütün səyahət sənədlərinizdəki (pasport, şəxsiyyət vəsiqəsi, bilet) informasiyalar eyni olmalıdır. Əgər siz adınızı və soyadınızı rəsmi şəkildə dəyişdirmisinizsə, yeni pasport almaq üçün müraciət etməlisiniz. Səyahət sənədlərinizin hazırki şəxsiyyətinizin düzgün informasiyalarını əks etdirməyi vacibdir.

Yeni pasporta müraciət etdiyiniz zaman adınızı dəyişdirməyinizlə bağlı rəsmi sənədləri təqdim etdiyinizdən əmin olun (məsələn, nikah və ya nikahın pozulması haqqında şəhadətnamə).

pickvisa.az

Pasportum İtdikdə və ya Oğurlandıqda Nə Etməliyəm?

Əgər pasportunuz itib və ya oğurlanıbsa, mütləq bunu təcili şəkildə lazımi qurumlara bildirməlisiniz. Olduğunuz ölkənin yerli hüquq mühafizə orqanları və öz ölkənizin pasport qurumları (səfirlik/konsulluq) ilə əlaqə saxlayaraq nə baş verdiyini onlara bildirin. Pasportunuz hər hansısa fırıldaqçılıq məqsədilə istifadə edilə bilinməsin deyə etibarlılığı sonlandırılacaq. Bu halda sizə evə qayıda bilməyiniz üçün müvəqqəti pasport təqdim oluna bilər. Sonra siz yeni pasport üçün müraciət etməlisiniz.

pickvisa.az

Pasportumun Etibarlılığı Ləğv Edilə Bilərmi?

Bəli. Pasportunuzun etibarlılığı bir çox səbəbdən, məsələn, vətəndaşlığınızı itirməyiniz, cinayətə məsul tutulmağınız və ya pasport müraciətiniz zamanı yanlış informasiya verməyiniz kimi səbəblərdən ləğv edilə bilər. Pasport verən orqan yetərli səbəblərə sahib olduğunu düşündüyü   zaman sizin pasport müraciətinizi geri çevirmə və ya ləğv etmə hüququnu özlərində saxlayırlar.

pickvisa.az

Özüm üçün Ən Uyğun Səyahəti Necə Planlaya Bilərəm?

İlk olaraq, səyahət üçün etibarlı səyahət sənədlərinə sahib olduğunuzdan əmin olun. Müəyyən ölkələr sizdən tranzit və ya turistik viza tələb edir. Həmçinin bəzi ölkələr sizdən səyahət üçün öncədən bəzi tibbi önləmlər almağınızı tələb edir. Səyahətdən öncə bu məlumatı gedəcəyiniz ölkənin səfirlik və ya konsulluğu ilə dəqiqləşdirdiyinizdən əmin olun.

pickvisa.az

Ən Sərfəli Səyahət Paketlərini Necə Əldə Edə Bilərəm?

Ən yaxşı versiya bron etməzdən əvvəl bir neçə növ saytları yoxlamaq, provayderin öz vebsaytından əlavə, digər turizm agentliklərinin və böyük axtarış saytlarından məlumat əldə etməkdir.

Yadda saxlayın ki, nə qədər dəyişəbilən tarixlərə sahib olsanız, səyahətiniz üçün sərfəli paketlər tapmağınız daha rahat olacaq. Səyahətinizi gedəcəyiniz ölkənin pik sezonundan bir neçə ay uzaqlaşdırmaq sizə həm daha sərfəli, həm də daha az izdihamlı səyahət yaşada bilər. Cümə və ya Şənbə günlərindənsə, Çərşənbə axşamı və ya Çərşənbə günləri uçuş etməyiniz də sizin pulunuza qənaət etməyinizə gətirib çıxara bilər.

Spesifik tarixdə planlanan spesifik ölkəyə səyahət üçün sərfəli paket tapmaq biraz çətin ola bilər. Səyahətiniz üçün dəyişəbilən tarixlərə və ya səyahət ölkəsinə sahib olmağınız sizin işini hər zaman daha rahat edəcək. Lakin siz bu dəyişiklikləri edə bilmirsinizsə, havayolu xalları və milləri qazanmaq, bəlkə də heç vaxt baş tutmayacaq endirimləri gözləməkdənsə, onlardan istifadə etməyi üstün tuta bilərsiniz.

pickvisa.az

Dəyişəbilən Tarixlər Nədir?

Bəzən səyahət tarixləri dəqiq tarixlərə müəyyən edilmir. Əgər sizin təyin etdiyiniz səyahət tarixləri sizə kiçik dəyişikliklər üçün imkan verirsə, dəyişəbilən tarixlər sizə təyin etdiyiniz səyahət tarixlərindən 3 gün əvvəl və ya sonraya tarixlər göstərəcəkdir. Bu yolla siz bir və ya iki gün öncə və ya sonra səyahət etsəniz, nə qədər qənaət edə biləcəyinizi görəcəksiniz. Siz, həmçinin “dəyişəbilən həftəsonu/ay” kimi versiyalardan istifadə edib axtarış sahəsini genişləndirərək ən ucuz qiymətləri də tapa bilərsiniz.

pickvisa.az

Səyahət üçün Bronlarımı Nə Zaman Etməliyəm?

Uçuş bileti qiymətləri daim dəyişdiyinə görə öncədən təxmin etmək mümkünsüz ola bilər. Lakin sizə yardımçı olacaq və əlavə ödənişdən qaçınmanızı təmin edə biləcək müəyyən strategiyalar mövcuddur.

Ölkədaxili səyahət üçün, adətən, ən sərfəli qiymətlərə səyahətinizdən 1-2 ay öncə bron edərkən rast gələ bilərsiniz. Beynəlxalq səyahətlər üçün isə, adətən, səyahətinizdən biraz daha öncə qiymətlərlə maraqlanmağa başlamağınız məsləhətdir, xüsusilə də əgər siz dəqiq tarixlərdə və ya pik zamanda səyahət planlayırsınızsa. Mümkündürsə, tətillər, bayramlar və böyük tədbirlərdən 1 ay öncə və ya sonraya səyahət tarixlərinizi dəyişin. Bəzi məşhur səyahət nöqtələri və yay tətili zamanı edilən səyahətlət hətta daha öncədən planlama tələb edir.

Araşdırmalar göstərir ki, əgər siz biletinizi əksər insanalrın aldığı vaxtda, yəni uçuşunuzdan 1-4 ay öncə alsanız, çox güman ki, ən ucuz qiymətlərə rast gələcəksiniz. Bileti almaq üçün düyməni nə çox tez, nə də çox gec sıxın, çünki qiymətlər həm də bahalaşmağa doğru gedə bilir, xüsusilə də səyahət tarixiniz yaxınlaşdıqca.

pickvisa.az

Səyahət Bronlarını Etmək üçün Ən Yaxşı Vaxt Nə Zamandır?

Bu sual səyahət ekspertləri arasında üzərinə geniş debatlar və müzakirələr aparılmış bir mövzudur. Bəziləri müəyyən bir gündə və vaxtda ən sərfəli qiyməti tapa biləcəyinizi iddia edirlər, məsələn havayolunun vaxt zonası ilə Çərşənbə gecəsi saat 1-də. Faktiki olaraq isə son məlumatlar təsdiqləyir ki, “ən yaxşı gün” teoriyası təsdiqlənməyib. Qiymətlərin həftənin müxtəlif günlərində dəyişməsinə baxmayaraq, qənaət edilən məbləğlər, adətən, minimal olur. Bu isə sizin itirdiyiniz vaxta dəymir.

pickvisa.az

Tez-tez Səyahət Edənlər üçün Millər Nədir ?

Tez-tez səyahət edən şəxslər üçün təklif olunan millər, havayolu milləri və ya səyahət xalları havayolu şirkətləri və kredit kartları tərəfindən təklif olunan sadiqlik proqramı nəzərdə tutulur. Adətən, bu millər sizin biletlərə nə qədər pul xərclədiyinizə (və ya kredit kartınızdan xərclədiyiniz məbləğə) əsasən toplanılır.

Anlaşıqlı bir sistem olsa da, buradakı “mil” termini uzunluq vahidi olaraq nəzərdə tutulmur, yəni bu günə qədər uçduğunuz və ya uçacağınız ölkələrin məsafəsini toplamır. Əsas etibarilə, havayolu milləri digər bütün uduş proqramları kimidir: siz aldığınız mallara əsasən xallar toplayırsınız, bu xallar toplanır və siz sonda pulsuz uduş əldə edirsiniz (məsələn, uçuş bileti, qalma yeri, qatar bileti və ya səyahət üçün digər məhsullar).

pickvisa.az

Ləğv Siyasəti Nədir?

Ləğv siyasəti bronların ləğvi zamanı geri ödəniş şərtlərini müəyyən edir. Siz bu siyasəti bron etdiyiniz hər şey üçün – uçuş biletləri, kirayə götürdüyünüz maşınlar, mehmanxanalar, attraksionlar və s. üçün nəzərdə tutmalısınız. Bu qaydalar rahat dəyişəbilən olmaqla yanaşı, çox ciddi tənzimlənmiş də ola bilirlər, bu səbəblə də hər hansı bronu etməzdən öncə onlarla tanış olmağınız lazımdır.

pickvisa.az

Səyahət Zamanı Hansı Sənədləri Özümlə Götürməliyəm?

Bir çox önəmli sənədinizi özünüzlə götürməyiniz sizi fövqəladə vəziyyətlərdə xilas edə bilər. Biz sizə pasportunuzun dijital və fiziki kopyalarını, sürücülük vəsiqənizi, tibbi sığortanızı, otel bronlarınızı və önəmli telefon nömrələrini özünüzlə götürməyinizi məsləhət görürük.

pickvisa.az

Səyahət Sığortası Nədir?

Səyahət sığortası özündə fərdlərin başına gələ biləcək qəzalar və tibbi müalicə xərcləri, həmçinin yerli və beynəlxalq səyahətlər zamanı gecikmələr və ya pozuntu halları kimi sığorta məhsullarını və çeşidlərini əhatə edən sənəddir.

pickvisa.az

Səyahət Edərkən Səyahət Sığortasına Ehtiyacım Varmı?

Bəli. Səyahət sığortasını almaq və ya almamaq sizin gözə aldığınız risk və dözümlülükdən asılıdır. Səyahət sığortası ilə bağlı bir çox variantlar mümkündür. Önəmli olan sizin planladığınız səyahətə ən uyğun olanını seçməyinizdir. Əgər sığorta alırsınızsa, həmin sığortaya nələrin daxil olmasına diqqət yetirin. Səyahətiniz zamanı sığortanızı özünüzlə götürməyinizə ehtiyac yoxdur, ancaq sığorta nömrənizi bilməlisiniz.

pickvisa.az

Xaricə Səyahət Zamanı Peyvənd Etdirməyim Tələb Olunurmu?

Bəzi ölkələr sizdən təhlükəli zonadan səyahət etdiyiniz təqdirdə bəzi peyvəndlərin (sarı qızdırma əleyhinə peyvənd kimi) olunması ilə bağlı sənədləri tələb edə bilər. Bu qaydaları öncədən yerinə yetirmək səyahətçinin öz məsuliyyətindədir.

pickvisa.az

Hamilə Olduqda Uçuş Edə Bilərəmmi?

Hamilə olarkən uçuş qaydaları sizin hamiləliyinizin hansı mərhələdə və sağlamlığınızın hansı səviyyədə olması uyğun şəkildə dəyişir. Xüsusilə də uzun uçuşlar üçün hətta sağlamlığı yerində olan şəxslərin də həkimdən razılıq məktubu olması məsləhətdir.

Adətən, hamiləliyinin 28-ci həftəsinə daxil olmayan şəxslər həkim razılığı olmadan da səyahət edə bilirlər. Hamiləliyinin 36-cı və ya daha sonrakı mərhələsində olan şəxslər isə həkim razılığı ilə belə səyahət edə bilməzlər.

Yadda saxlayın ki, həkim razılığınız uçuşunuzdan maksimum 7 gün öncə alınmış olmalıdır. Razılıq məktubunda ingiliscə həkiminizin adı və soyadı, diplom nömrəsi və imzasının olması məsləhətdir.

pickvisa.az

Səyahət Zamanı Ev Heyvanlarımı Özümlə Apara Bilərəmmi?

Ev heyvanlarınızla birgə səyahət etmək istəyirsiniz? Əksər halalrda ev heyvanlarının daşınması baqaja daxil olmur və bunun üçün əlavə baqaj ödənişləri tətbiq edilir. Tutuquşu və bülbül kimi quşlar, itlər və pişiklər kimi ev heyvanları xüsusi qəfəslərində olduğu təqdirdə kabinə gətirilə bilər.

Canlı heyvanlarla kabində və təyyarədə saxlanılması və birgə səyahət edilməsi üçün rezervasiyalar uçuşdan öncə təsdiqlənməlidir (adətən, ən geci uçuşdan 6 saat öncə). Yadda saxlayın ki, təyyarədən asılı olaraq həmin təyyarə daxilində ev heyvanları üçün ayrılmış say dəyişə bilir. Həmçinin lazımi bütün sənədləri özünüzlə apardığınızdan əmin olun.

Heyvanların daşınması sizin öz ölkənizin qaydaları ilə tənzimlənir. Əlavə məlumat üçün havayolu şirkəti ilə əlaqə saxlayın və təyinat ölkənizin qaydaları ilə tanış olun.

pickvisa.az

Uçuş Zamanı Hansı Musiqi Alətlərimi Özümlə Apara Bilərəm?

Adətən, siz gitara və skripka kimi kiçik musiqi alətlərini baqaja daxil olaraq özünüzlə apara bilərsiniz. Havayolu şirkətlərinin ümumi ölçü, çəki və uzunluqla bağlı limitləri olduğuna görə siz bu məsələni öncədən nəzərə almalısınız.

Musiqi alətlərinin daşınması xüsusi qayğı tələb edir, ona görə də alətinizə kabinə və təyyarəyə daxil olmazdan öncə zədələnməyinin qarşısını almaq üçün onu bərk qablaşdırmada yerləşdirdiyinizdən əmin olun. Əlavə məlumat üçün isə havayolu şirkətilə əlaqə saxlayın.

pickvisa.az

Baqajım Səyahət Nöqtəsinə Çatmadığı Halda Nə Edə Bilərəm?

Əgər baqajınız səyahət nöqtəsinə çatmayıbsa, havayolu şirkətilə əlaqə saxlayın və təcili şəkildə havalimanında “İtirilmiş Əşyalar Departamenti”-nə müraciət edin.

pickvisa.az

E-bilet Nömrəsi Nədir?

E-bilet onlayn uçuş bileti aldığınız zaman sizə təqdim olunan elektron biletdir. E-bilet nömrəsi 13 rəqəmli və hər bir sərnişin üçün unikal olur.

pickvisa.az

PNR/Qeydlər Lokatoru Nədir?

PNR və ya qeydlər lokatoru siz bron etdiyiniz zaman əldə etdiyiniz 6 rəqəmli koddur. Siz ehtiyac olduğu təqdirdə bronunuzu bərpa etmək üçün PNR və soyadınızı istifadə edə bilərsiniz. Bir PNR daxilində bir neçə şəxsin məlumatı ola bilər, çünki PNR hər şəxs üçün unikal olmur.

pickvisa.az

Uçuş bileti və Uçuş Talonu Arasındakı Fərq Nədir?

Siz uçuş biletinizi bron edərkən o, sizə elektronik şəkildə (e-bilet) təqdim olunur. Uçuş talonu isə sizin təyyarəyə daxil olma “biletinizdir” və əsasən, aereport qeydiyyatı (check-in) zamanı sizə təqdim olunur.

pickvisa.az

Uçuş Talonu Nədir?

Uçuş talonu səyahətçiyə aeroportdakı qeydiyyat (check-in) zamanı təqdim olunan, ona nəzərdə tutulan uçuş üçün təyyarəyə minmə icazəsi verən sənəddir. Uçuş talonu minimal halda sərnişinin adını, uçuş nömrəsini, oturacağı, uçuş tarixini və saatını özündə əks etdirir. Uçuş talonu, həmçinin sərnişinin sahib olduğu xüsusi imtiyazları və üstünlükləri (lounge xidməti, öncəlikli giriş) də üzərində məlumat olaraq təqdim edə bilər.

pickvisa.az

Uçuş Talonunu Necə Əldə Edə Bilərəm?

Uçuş talonunu şəxslərə aeroportdakı qeydiyyat məntəqəsində (check-in) və ya onlayn şəkildə təqdim olunur. Onlayn check-in, adətən, uçuşa 24 saat qaldıqdan sonra əlçatan olur. Qeydiyyatı tamamladıqdan sonra siz uçuş talonunuzu çap edə, mobil telefonunuza və ya email ünvanınıza göndərə bilərsiniz.

pickvisa.az

Onlayn Check-in Nədir?

Onlayn check-in havayolu şirkəti tərəfindən sərnişinlərə uçuş üçün onlayn şəkildə qeydiyyatdan keçmə, oturacaq seçmə, uçuş seçimlərini yeniləmə və talonu çap etmə şansı verən xidmətdir. Siz bu xidməti onlayn olaraq internetə sahib olduğunuz istənilən nöqtədən edə bilərsiniz. Onlayn check-in aeroportda vaxt itkisinin qarşısını alır.

pickvisa.az

E-biletlə Necə Check-in Edə Bilərəm?

Havayolu şirkətinin vebsaytında check-in bölməsinə daxil olub elektron biletinizin nömrəsini/PNR-ı və soyadınızı qeyd edin. Onlayn check-in edə bilmək üçün sizin check-in vaxtınız aktivləşdirilmiş olmalıdır (adətən, uçuşdan 24-48 saat öncə aktivləşdirilir).

pickvisa.az

Onlayn Biletimin Çap Versiyasını Özümlə Aeroporta Aparmalıyammı?

Xeyr. Adətən, onlayn biletinizin çap versiyasını özünüzlə aereporta aparmağınız tələb olunmur. Check-in zamanı siz sadəcə öz şəxsiyyətinizi təsdiq edən sənədi və ya bileti alarkən sizə göndərilmiş rezervasiya təsdiqini təqdim edə bilərsiniz. Check-in masasındakı bütün prosesi siz bilet nömrəniz, rezervasiya kodunuz (PNR) və şəxsiyyət vəsiqənizlə tamamlaya bilərsiniz.

Lakin biz hər ehtimalda sizə e-biletinizin qəbzinin çap versiyasını özünüzlə aparmağınızı məsləhət görürük, çünki bu, aereportun öz tənzimləmələrindən asılı olaraq sizə aeroport mühafizə xidməti və ya immiqrasiya qurumuna təqdim etmək üçün lazım ola bilər.

pickvisa.az

Uçuşumdan Nə Qədər Müddət Öncə Aeroportda Olmalıyam?

Məsləhətdir ki, uçuş saatınızdan 2-3 saat öncə aeroporta çatasınız. Bəzi aeroportların müxtəlif check-in müddətləri ola bilər. Gedəcəyiniz aeroport və ya havayolu ilə bu məsələni dəqiqləşdirmək üçün əlaqə saxlayın.

pickvisa.az

Aeroportda Check-in Müddəti Nə Zaman Bitir?

Bu, sizin gedəcəyiniz aeroportdan asılı olaraq dəyişir. Check-in, adətən, uçuşdan 3 saat öncə açılır və uçuşdan 1 saat öncə bitir. Məsləhətdir ki, uçuş saatınızdan 3 saat öncə aeroportda olasınız.  Gedəcəyiniz aeroport və ya havayolu ilə bu məsələni dəqiqləşdirmək üçün əlaqə saxlayın.

pickvisa.az

Təyyarəyə Sərnişin Qəbulu Nə Zaman Bitir?

Adətən, təyyarəyə sərnişin qəbulu uçuşdan 20-40 dəqiqə öncə sonlandırılır. Bu, sizin gedəcəyiniz aeroportdan asılı olaraq dəyişə bilər. Gedəcəyiniz aeroport və ya havayolu ilə bu məsələni dəqiqləşdirmək üçün əlaqə saxlayın.

pickvisa.az

Səyahət Sənədlərimdə Rəsmi Olaraq Dəyişmiş Adımı Biletimdə Necə Dəyişə Bilərəm?

Əgər siz adınız və ya soyadınızda hər hansısa bir dəyişiklik etmisinizsə, bu dəyişikliyi sübut edən sənədləri məsələni dəqiqləşdirməkdən ötrü təqdim etməlisiniz. Bu məsələni bildirmək üçün havayolu ilə əlaqə saxlayın.

pickvisa.az

Transatlantik Uçuş Nədir?

Atlantik Okeanı üzərindən keçən hər bir uçuş transatlantik uçuş hesab olunur. Məsələn, Avropa, Afrika və ya Orta Şərqdən Amerika Birləşmiş Ştatlarına və ya Kanadaya edilən bütün uçuşlar transatlantik uçuş hesab olunur. 

pickvisa.az

Transfer Sərnişini Kimdir?

Uçuşlarının başlanğıc nöqtələri və son məntəqələri arasında 24 saatdan az müddətə olmaqla hər hansısa bir yerdə dayanan və sonra uçuşunu eyni və ya fərqli havayolu ilə davam etdirən sərnişinlərə transfer sərnişinləri deyilir.

pickvisa.az

Tranzit Sərnişini Kimdir?

Uçuşlarının başlanğıc nöqtələri və son məntəqələri arasında hər hansısa bir yerdə dayanan və sonra bağlayıcı uçuşla eyni bilet nömrəsi altında davam etdirən sərnişinlərə tranzit sərnişinləri deyilir.

pickvisa.az

Niyə Təyyarə Havaya Qalxdıqda və Endikdə Bütün Elktronik Cihazları Söndürməliyəm?

Bizə ektronik cihazlarımızı söndürmədiyimiz təqdirdə mobil cihazlarımızın və təyyarənin həssas elektronik sisteminin bundan zərər görə biləcəyi bildirilir. Bu məsələ üzərində hələ də müzakirələr aparılır, ancaq hər ehtimalda bu qaydaya riayət etmək daha məqsədəuyğundur.

pickvisa.az

Uçuşum Gecikdikdə və ya Ləğv Olduqda Nə Etməliyəm?

Əgər uçuşunuz ləğv edilibsə, nə edə biləcəyinizi öyrənməyiniz üçün təcili olaraq bilet məntəqəsinə yaxınlaşın. Sırada olarkən isə havayolu şirkətinə zəng vuraraq müştəri xidmətlərinin sizə yardımçı ola bilib-bilməyəcəyini öyrənin.

Bilin ki, belə bir situasiyada sizin hüquqlarınız bu məsələdə havayolu şirkətinin günahı olmasından (məsələn, mexaniki gecikmə) və ya olmamasından (məsələn, uyğun olmayan hava şəraiti) asılı olaraq dəyişir. Hər bir havayolu şirkətinin qaydaları fərqli olsa da, əksər hallarda bu gecikmələr və ya ləğvlər zamanı sərnişinlərə növbəti mümkün olan uçuşa biletlərinin dəyişdirilməsi, mümkündürsə, digər vasitəylə uçuşu davam etdirmə və ya istifadə olunmamış bilet üçün geri ödəniş kimi seçimlər təqdim olunur. Bəzi havayolu şirkətləri bu kimi hallarda sərnişinləri yemək vauçerləri, otel imkanı və daxili transportasiya ilə təmin edir.

Bu halın yaşanması havayolu şirkətinə bağlı olmadıqda isə, əksər şirkətlər sadəcə geri ödənişi təmin edir. Əksər havayolu şirkətləri hava ilə bağlı hadisələrdə bilet qiymətlərini dəyişmir, yəni siz növbəti dəfə aeroporta getmək məcburiyyətində qalmadan belə uçuş tarixinizi növbəti tarixə dəyişə bilərsiniz. Əgər siz başqa tarixə yenidən bilet almaq istəmirsinizsə, bu halda hətta sizin biletiniz geri qaytarılmayan şərtlərlə alınmış olsa belə geri ödəniş tələb edə bilərsiniz.

pickvisa.az

All-Inclusive (Hər şey daxil) Nə Mənaya Gəlir?

“Hər şey daxil” (all-inclusive) aksiyası, adətən, yalnız bir qiymət daxilində otaq qiyməti, limitsiz yemək, içki, istənilən növ fəaliyyət və əyləncə kimi seçimləri təklif edir. “Hər şey daxil” aksiyalarına daxil olanlar hər paketdə fərqlənə bilər. Seçəcəyiniz otel və ya kurort zonasında bu paketlərə daxil olanları öyrənmək, onların miqdarını və keyfiyyətini müqayisə edə bilmək üçün öncədən araşdırma etməyiniz vacibdir.

pickvisa.az

Səyahət Zamanı Valyuta Dəyişkliyi Necə Edə Bilərəm?

Əgər öz ölkənizdə edə biləcəyiniz valyuta dəyişikliyi sizə lazım olan valyutanı təmin etmirsə, narahat olmağa ehtiyac yoxdur. Bunun əvəzinə getdiyiniz ölkədə olan ATM-dən valyuta çıxardın. Əksər hallarda onlar sizə mümkün olan ən uyğun məzənnədə valyuta dəyişikliyi etməyinizə imkan verir, lakin sizin öz bankınız tərəfindən də əlavə xidmət haqqı tutula bilər. Həmçinin, banka bağlı olan ATM-lərin digər ayrıca aparatlardan daha təhlükəsiz olduğunu da nəzərinizdə saxlayın.

Təcili zamanlarda sizə yardımı ola bilsin deyə öncədən bəzi yerlərə nağd pul qoyun. Pulqabınızı itirdikdə, bank kartlarınız işləmədikdə və ya ATM-dən pul çıxarmaq mümkün olmadıqda bu, sizə yardımçı olacaq.

pickvisa.az

Səyahət Zamanı Telefonumdan Necə İstifadə Edim?

Bu, tamamilə sizin hansı ölkədə olduğunuzdan və sizin mobil operatorunuzun təkliflərindən asılı olaraq dəyişir. Mobil provayderinizin ölkəxarici paketlərilə bağlı maraqlanın. Əgər sizə təklif edilən seçimləri bəyənməsəniz, əlavə bir neçə də seçim yolunuz var. İlk olaraq, siz mobil telefonunuzu uçuş modunda saxlaya və yalnız WiFi-dən istifadə edə bilərsiniz. İkinci variantınız isə telefonunuzu açmağınız və getdiyiniz ölkədə yeni SIM kartlar alaraq onlardan istifadə etməyinizdir. Əsas məsələ odur ki, hər hansısa ölkəxarici paketə və ya yerli SIM karta sahib olmadan mobil şəbəkənizdən istifadə etməyəsiniz, çünki bu sizə çox baha başa gələcək.

pickvisa.az

Pasport və Viza Arasındakı Fərq Nədir?

Pasport və viza arasındakı başlıca fərq odur ki, pasport ölkə vətəndaşlarının ölkəxarici səyahət edə bilməsi və şəxsiyyətlərinin müəyyən olunması üçün onlara verilən sənəddir. Viza isə viza sahibinə müəyyən ölkəyə müəyyən zaman periodunda daxil olma, tərk etmə və orada müvəqqəti yaşama hüququ verən rəsmi icazə sənədidir.

pickvisa.az

Viza Müraciəti Zamanı Göstərilən Əsas Səyahət Məqsədləri və Viza Növləri Hansılardır?

Ən geniş yayılmış səyahət məqsədlərinə uyğun olaraq turizm/biznes vizası, işçi vizası, tələbə vizası, mübadilə vizası, tranzit vizası kimi müxtəlif viza növləri mövcuddur. Hər səyahət məqsədinə uyğunlaşdırılmış fərqli viza növü mövcuddur.

pickvisa.az

Ən Geniş Yayılmış Viza Formaları Hansılardır?

Viza etiket və ya möhür formasında pasportunuza yapışdırıla, ayrıca bir sənəd formasında ola və ya sahibinin öz ölkəsini tərk etmədən və daxil olacağı ölkənin girişində təqdim etməzdən öncə çap halına gətirəcəyi bir elektronik sənəd formasında ola bilər.

pickvisa.az

İmmiqrasiya və Qeyri-immiqrasiya Vizaları Hansılardır?

İmmiqrant vizası şəxsə viza verilən ölkədə daimi yaşayış hüququ əldə etməsi məqsədilə verilir. Qeyri-immiqrant vizası isə daimi yaşayış ünvanından başqa bir ölkəyə turizm, biznes, qısamüddətli iş və ya təhsil kimi müvəqqəti səbəblərlə səyahət edəcək şəxsə verilir.

pickvisa.az

Vizasız Rejim Nədir?

Vizasız rejim xarici bir ölkəyə viza ehtiyacı duymadan səyahət edilmə rejiminə deyilir. Bu halda ölkəyə daxil olmaq və ölkədən çıxmaq üçün yalnız pasport yetərlidir.

pickvisa.az

E-viza Nədir?

E-viza xarici vətəndaşlara ölkəyə daxil olmaq və səyahət edə bilmək məqsədilə İmmiqrasiya departamenti tərəfindən onlayn şəkildə təqdim olunan rəsmi sənəddir. E-viza səfirlik tərəfindən proses edilən ənənəvi viza müraciətinə alternativ hesab olunur.

pickvisa.az

Gedəcəyim Ölkəyə Çatmazdan Öncə E-vizamı Çap Etdirməliyəmmi?

Bu sərhəd xidməti tərəfindən tələb oluna və ya olunmaya bilər, ancaq hər bir halda biz sizə e-vizanızı və ya elektron icazə kağızınızı səyahətinizdən öncə çap etdirməyinizi məsləhət görürük.

pickvisa.az

Elektronik Səyahət İcazəsi Nədir?

Elektronik səyahət icazəsi vizasız hesab olunan və ya asanlaşdırılmış viza rejimi tətbiq olunan xarici vətəndaşlara ölkəyə, adətən, hava yolu ilə girə bilmələri və ya tranzit keçid həyata keçirə bilmələri üçün təqdim olunan elektron sənəddir. Bu sənəd şəxslərə səyahət edəcəkləri və ya tranzit üçün istifadə edəcəkləri ölkəyə girmədən öncə proseduru, təhlükəsizliyi və şəffaflığı artırmaq üçün tətbiq olunur. Elektronik səyahət icazəsi, əsasən, sadəcə bəzi ölkə vətəndaşlarına tətbiq olunan e-viza növü kimi görülə bilər.

pickvisa.az

Viza Almaq Viza Sahibinin Ölkəyə Girişinə Zəmanət Verirmi?

Xeyr. Nadir hallarda rast gəlinsə də, vizanız olduğu təqdirdə belə sərhəd xidməti bəzi fövqəladə hallarda sizin ölkəyə girişinizə icazə verməyə bilər.

pickvisa.az

Sərhəddə Viza Nədir?

Bəzi ölkələr müəyyən ölkə vətəndaşlarına ölkəyə giriş etdikləri anda viza verirlər. Bu halda səyahətçilər gedəcəkləri ölkəyə viza almalıdırlar, ancaq bu viza ölkənin sərhədinə çatarkən (əsasən, aeroportda) alına bilər. Bəzi hallarda sərhəddə viza ala bilmək üçün gedəcəyiniz ölkə sizdən öncədən təsdiq məktubu almanızı və ya qeydiyyatdan keçmənizi tələb edə bilər.

pickvisa.az

Sərhəddə Viza Rejimi Tətbiq Olunan Ölkələrə Girişimə İcazə Verilməyə Bilər?

Bəli. Bəzi hallarda sərhəd xidməti sizin ölkəyə girişinizə icazə verməyə bilər. Məsələn, onların tələblərini qarşılamadığınız və ya təsdiq məktubu kimi bəzi tələb olunan sənədləri onlara təqdim edə bilmədiyiniz kimi hallarda. Bu səbəbdən də biz sizə hər zaman sərhəddə viza rejimi tətbiq edən ölkələrə səyahətdən öncə təsdiq məktubu və ya ən azından viza haqqında yetərli informasiya əldə edəsiniz.

pickvisa.az

Vizam Hansı Müddətə Etibarlı Olacaq?

Vizanın etibarlılıq müddəti ölkə hökumətinin qoyduğu qaydalardan və sizin səyahət məqsədinizdən asılıdır. Bəzi ölkələrin vizaları üçün dəqiqliklə müəyyən edilmiş bir period olur, bəziləri isə sizə istədiyiniz alternativləri təklif edir.

pickvisa.az

Tək Girişli Viza Nədir?

Tək girişli viza şamil olunduğu ölkəyə təyin olunmuş məqsəd üçün yalnız bir giriş üçün istifadə oluna bilən vizadır.

pickvisa.az

Çoxgirişli Viza Nədir?

Çoxgirişli viza sizə etibarlı olduğu müddət ərzində şamil olunduğu ölkəyə bir neçə dəfə daxil olmağa icazə verən vizadır.

pickvisa.az

Vizadan İmtina Alma Səbəbi Nələr Ola Bilər?

Viza imtinasına gətirə biləcək bir neçə səbəb ola bilər. Bu səbəblərə daxildir:

- yanlış sənədlər

- viza verən orqana verilmiş yanlış informasiya

- tələb olunan sənədlərdə çatışmazlıq

- keçmiş və ya cari cinayət məsuliyyəti

- səyahət məqsədi və planlanan səyahət haqqında yetərli izahın verilməməsi

- səyahət marşrutunun doğruluğunu sübut edə bilməmə

- göstərilmiş maddi vəziyyətin yetərli görsənməməsi

- qalacağınız yerlə bağlı verdiyiniz sənədlərdə yanlışlıq

pickvisa.az

Viza Verən Orqan Haradır?

Viza verən orqan yerli ölkə vətəndaşlarına getmək istədikləri ölkə üçün viza təqdim edəm qurumlara deyilir. Əksər hallarda bu prosesi səfirliklər və konsulluqlar həyata keçirir.

pickvisa.az

Viza Müraciəti Mərkəzi Haradır?

Viza Müraciəti Mərkəzləri təmsil etdikləri ölkə ilə rəsmi kontrakta sahib olan özəl şirkətlərdir. Onlar müraciətçilərin sənədlərini təhlükəsiz şəkildə rəsmi viza orqanlarına (səfirlik və konsulluqları) göndərirlər.

pickvisa.az

Səfirlik və Viza Müraciəti Mərkəzi Arasındakı Fərq Nədir?

Səfirliklər xarici ölkələrdə hökumətin rəsmi nümayəndiliyi hesab olunur və səfirliyin konsulluq şöbəsi xarici vətəndaşlar üçün viza təqdim edir. Rəsmi səfirlik və ya konsulluğun fəaliyyət göstərmədiyi ölkələrdə müraciətçilər viza üçün Viza Müraciəti Mərkəzlərinə müraciət edirlər. Viza Müraciəti Mərkəzləri təmsil etdikləri ölkə ilə rəsmi kontrakta sahib olan özəl şirkətlərdir.

Bəzi hallarda ölkənizdə səyahət edəcəyiniz ölkənin rəsmi səfirliyi və ya konsulluğu olduğu təqdirdə belə həmin ölkənin istəyi üzərinə Viza Müraciəti Mərkəzləri vətəndaşlara xidmət göstərə bilirlər.

pickvisa.az

Maliyyə Vəziyyətinin Sübutu Nədir?

Bir çox viza müraciətlərində viza verən orqanlar yetərli maddi vəsaitin varlığını sübut edən sənədlər tələb edir. Bu sənəd sizin xaricdə qalmağı planladığınız müddət ərzində xərclərinizi qarşılamaq üçün yetərli maddi imkanınız olduğunu göstərir.

Əsasən, maddi yetərliliyinizi sübut etmək üçün maliyyə əməliyyatlarını göstərən bank hesabı arayışı, kredit kartı, nağd pul, səyahət çekləri, ödəniş çekləri, iş yerindən arayış, öncədən ödənilmiş yaşayış yeri xərcləri, öncədən ödənilmiş transport xərcləri və s. kimi geniş yayılmış sənədlər istifadə olunur.

pickvisa.az

Səyahət Marşrutu Nədir?

Səyahət marşrutu, əsasən, təyin olunmuş vaxtlardan haralara gedəcəyinizi və hansı nəqliyyat vasitələrindən istifadə edəcəyinizi əks etdirən, planladığınız səyahət zamanı hansı tədbirlərdə və haralarda olacağınızı göstərən cədvələ deyilir. Sizin uçuş biletləriniz, otel bronlarınız, tədbirə dəvət məktubunuz və ya biletiniz, daxili transport biletləriniz, biznes görüşləriniz səyahət marşrutunu təsdiq edən sənədlərə misal ola bilər.

pickvisa.az

Qalacağınız Yerin Sübutu Deyildikdə Nə Nəzərdə Tutulur?

Qalacağınız yerin sübutu xaricdə olacağınız müddət ərzində qalacağınız yerin ünvanını əks etdirən sənəddir. Qalacağınız yerin sübutu kimi bir çox səfirliklər otel bronları, sizə dəvət göndərən şəxsin pasportunun kopyası ilə birlikdə göndərilən dəvət məktubu, qabaqcadan ödənişi tur şirkətinə ödənilmiş tur paketi göstərən sənəd və s. kimi sübutları qəbul edirlər.

pickvisa.az

Səyahət Tarixçəsi Nədir?

Səyahət tarixçəsi səyahətçinin keçmiş ölkəxarici səyahətlərinin siyahısıdır. İnsanlar xarici ölkəyə səyahət edərkən pasportlarına ölkəyə giriş və çıxış möhürləri və ya viza möhürü vurulur və bu giriş/çıxış və ya viza möhürləri şəxsin səyahət tarixçəsi hesab olunur. Səyahət tarixçəsi deyildikdə pasport sahibinin getdiyi yer və tarix daxil olmaqla etdiyi bütün səyahətlər nəzərdə tutulur. Yaxşı səyahət tarixçəsi sizin viza profilinizi yaxşılaşdırır və yüksək statuslu ölkələrə (ABŞ, Kanada və s.) viza alma şansınızı artırır. 

pickvisa.az

Vizanın Etibarlı Olduğu Müddət Deyildikdə Nə Nəzərdə Tutulur?

Vizanın etibarlı olduğu müddət deyildikdə sizin həmin viza ilə səyahət edəcəyiniz ölkədə qala biləcəyiniz müddət nəzərdə tutulur.

pickvisa.az

Vizada Qeyd Olunan Qalma Müddəti Nədir?

Vizada qeyd olunan qalma müddəti deyildikdə sizin həmin viza ilə səyahət edəcəyiniz ölkədə qala biləcəyiniz maksimum gün sayı nəzərdə tutulur.

pickvisa.az

Vizanın Etibarlılıq Müddəti ilə Vizada Qeyd Olunan Qalma Müddəti Arasındakı Fərq Nədir?

Vizanın etibarlılıq müddəti sizin həmin viza ilə ölkəyə daxil ola biləcəyiniz və orada qala biləcəyiniz müddətdir, ancaq qalma müddəti isə sizin həmin viza ilə ölkədə qala biləcəyiniz maksimum gün sayıdır.

Məsələn, vizanızda qalma müddəti 10 gün yazılıb, ancaq vizanın etibarlılıq müddəti 1 dekabrdan 20 dekabradəkdir. Bu halda siz viza verilən ölkəyə 1-20 dekabr aralığında istənilən tarixdə daxil ola və maksimum 10 gün qala bilərsiniz. Siz, məsələn, 3 dekabrda daxil olub, 12 dekabrda ölkəni tərk edə bilərsiniz.

Lakin siz qalma müddətinizi tam istifadə etməsəniz belə, vizanın etibarlılıq müddətindən artıq həmin ölkədə qala bilməzsiniz. Məsələn, 15 dekabrda daxil olsanız və qala biləcəyiniz gün sayından (10 gün) maksimum istifadə edə bilməsəniz belə, siz ölkəni 20 dekabr tarixində tərk etməlisiniz.

pickvisa.az

Ölkədən Tranzit Keçməyim üçün Vizaya Ehtiyacım Varmı?

Əksər ölkələr əgər siz başqa bir məntəqəyə səyahət edərkən tranzit məqsədilə ölkəyə daxil olursunuzsa və bir neçə saat kimi qısa bir müddət ərzində qalacaqsınızsa, sizdən viza tələb eləmir. Lakin spesifik tranzit tələbləri ölkədən-ölkəyə tam olaraq dəyişə bilir.

pickvisa.az

Səfirlikdə Şəxsi İştirak Deyildikdə Nə Nəzərdə Tutulur?

Əksər viza verən qurumla vizaya müraciət edən şəxsin səfirlik/konsulluqda şəxsən iştirak etməsini və tələb olunan sənədləri özlərinin təqdim etməsini tələb edir. Bu, müraciətçinin şəxsiyyətinin təsdiqlənməsi və ya onunla formal müsahibə aparılması məqsədilə edilə bilər. Bu kimi hallarda siz öz viza müraciətinizi birbaşa səfirlik/ konsulluğa edirsiniz. Bəzi hallarda isə səfirlik/konsulluğun icazəsi ilə üçüncü bir şəxsin etibarnamə ilə müraciətçinin yerinə viza müraciəti edə bilər.

pickvisa.az

Səyahət Edəcəyim Ölkəyə Viza Almazdan Əvvəl Uçuş Biletimi Ala Bilərəmmi?

Siz vizanız təsdiq olunmazdan qabaq bilet ala bilərsiniz. Lakin əksər səfirliklər sizdə viza müraciətiniz zamanı bilet almağınızı tələb etmir, sənədlərinizin arasında bilet rezervasiya təqdim etməyiniz yetərli olur. Bəzi hallarda viza müraciətinizin növbəti mərhələlərində sizdən bron göstəridiyiniz bileti almağınız tələb oluna bilər. Viza müraciətinizin nəticəsi uğurlu olmadığı təqdirdə biletinizi geri qaytara bilməyiniz üçün biletin geri qaytarılma şərtlərini oxuyaraq dəqiqləşdirin.

pickvisa.az

Köhnə Pasportumda Olan Viza ilə Səyahət Edə Bilərəmmi?

Əgər sizin aktiv vizanız hər hansı bir səbəbdən köhnə pasportunuzdadırsa (etibarlılığını itirmiş, köhnə versiyası və s.), siz səyahətinizdən öncə yeni pasport almalı və getmək istədiyiniz ölkənin səfirliyi və ya konsulluğu ilə bunla bağlı əlaqə saxlamalısınız. Bəzi hallarda sizdən vizanızı yeni pasportunuza köçürməyiniz və ya hər iki pasportunuzu da özünüzlə götürməyiniz tələb oluna bilər.

pickvisa.az

Vizam Zədələndiyi Halda Nə Etməliyəm?

Əgər, vizanız səyahətinizdən əvvəl zədələnibsə, təcili şəkildə bu haqda məlumat vermək və düzgün instruksiyalar əldə etmək üçün səfirlik/konsulluq və ya rəsmi nümayəndəliklə əlaqə saxlayın. Böyük ehtimalla sizdən səyahətinizdən əvvəl vizaya yenidən müraciət etməyiniz və ya vizanızı yeniləməyiniz tələb olunacaq.

pickvisa.az

Pickvisa Nədir?

Pickvisa.com istənilən ölkə vətəndaşı üçün dünyanın istənilən ölkəsinə səyahət, təhsil və biznes səfər vizalarının alınmasına xidmət göstərən onlayn platformadır.

pickvisa.az

Pickvisa Mənim Əvəzimə Nə Edir?

Pickvisa viza almaq üçün müraciətçilərin əvəzinə bütün viza prosedurunu həyata keçirir. Biz sizdən tələb olunan məlumatları və başlıca sənədləri toplayırıq, sonra isə viza müraciəti prosedurunu sizin yerinizə həyata keçiririk. Bizim xidmətə individual viza konsultasiyası, ərizə formanızın doldurulması, uçuş biletlərinin rezervasiyası, otellərinizin bronu, bütün viza sənədlərinizin nəzərdən keçirilməsi və yoxlanılması, viza prosedurunuzun izlənilməsi və s. daxildir. Biz, həmçinin sizə viza müraciətinizdən asılı olaraq əlavə xidmətlər də təklif edirik.

pickvisa.az

Niyə Pickvisanı Seçməliyəm?

Viza müraciəti prosedurları qarışıq, vaxt aparandır və detallı izlənilmə və iştirak tələb edir. Bizim komandamız müştərilərimizə viza əldə etmək üçün hər şeyi edir və onların prosedurdakı iştirakını minimuma endirir. Saytımızın istifadəçi dostu interfeysi, viza məsələlərində tam ixtisaslaşması, geniş məlumat bazası, dünyanın istənilən ölkəsinə viza tələbləri haqqında bütün məlumarların mövcudluğu Pickvisa.com-u xidmət sahəsində unikal edir. Siz bizim yardım servisimizlə istənilən vaxt əlaqə saxlaya bilərsiniz. Bütün məlumatlarınız bizimlə güvəndədir!

pickvisa.az

Pickvisa ilə Viza Müraciəti Mərkəzləri Arasındakı Fərq Nədir?

Viza Müraciəti Mərkəzləri təmsil etdikləri ölkə ilə rəsmi kontrakta sahib olan özəl şirkətlərdir, Pickvisa isə istənilən ölkə vətəndaşı üçün dünyanın istənilən ölkəsinə səyahət, təhsil və biznes səfər vizalarının alınmasına xidmət göstərən özəl şirkətdir. Təməl olaraq, Pickvisa sizin səfirliyə və ya Viza Müraciəti Mərkəzinə viza müraciətiniz üçün bütün sənədlərinizi hazırlayır. Viza Müraciəti Mərkəzlərinin əsas işi müraciətçilərin sənədlərini təhlükəsiz şəkildə viza ofisləri, səfirliklər və konsulluqlar kimi rəsmi viza orqanlarına göndərməkdir.

pickvisa.az

Hansı Ölkələrə Viza Dəstəyi Xidməti Göstərirsiniz?

Pickvisa müəyyən viza proseduruna sahib olan dünyanın bütün ölkələrinə viza dəstəyi xidməti göstərir.

pickvisa.az

Hansı Ölkə Vətəndaşları üçün Viza Dəstəyi Xidməti Göstərirsiniz?

Pickvisa viza müraciətinə uyğun olan istənilən ölkə vətəndaşlarına viza dəstəyi xidməti göstərir.

pickvisa.az

Hansı Viza Növləri üçün Viza Dəstəyi Xidmətiniz Mövcuddur?

Pickvisa sizin səyahət edəcəyiniz ölkə və viza uyğunluğunuzdan asılı olaraq e-vizalar, ənənəvi vizalar, Elektronik Səyahət İcazələri, sərhəddə viza üçün təsdiq məktubları, turist kartları və s. kimi bütün viza növləri ilə bağlı xidmət göstərir.

Biz həmçinin, bütün ölkələr üçün turizm, işgüzar səfər, iş, təhsil vizaları üçün viza dəstəyi xidməti də təklif edirik.

pickvisa.az

Sərhəddə Viza üçün Pickvisa Hansı Xidməti Göstərir?

Pickvisa viza dəstəyi xidmətinə sərhəddə viza üçün qabaqcadan rəsmi təsdiq məktubunun alınması və ya qeydiyyatdan keçilməsi daxildir. Biz sizə hər zaman sərhəddə viza ala bilməyiniz üçün qabaqcadan təsdiq məktubu alaraq ölkəyə daxil ola bilməyiniz üçün tələb olunan kriteriyalara uyğunluğunuzu təsdiqləməyinizi məsləhət görürük.

pickvisa.az

Pickvisa Xidmət Haqqısı Nə Qədərdir?

Pickvisa xidmət haqqısı səyahət etmək istədiyiniz ölkədən, viza növündən və viza prosedurundan asılı olraq dəyişir. Viza müraciətinizə uyğun olaraq bizim xidmət haqqını öyrənmək üçün xidmətlər ölkəni qeyd edə bilərsiniz.

pickvisa.az

Pickvisa Xidmət Haqqısını Necə Ödəyə Bilərəm?

Biz Viza/Master kartlarını və Paypal ödənişlərini qəbul edirik. Həmçinin, siz bizim xidmət haqqını ofislərimizdə də nağd olaraq ödəyə bilərsiniz.

pickvisa.az

Ödənişim üçün Qəbz Alacağammı?

Bəli. Siz viza müraciətiniz üçün onlayn ödəniş etdikdən sonra ödəniş qəbziniz avtomatik olaraq ərizədə qeyd etdiyiniz email ünvanınıza göndəriləcək.

pickvisa.az

Müraciətçilərinizə Viza Alınmasına Qarantiya Verirsinizmi?

Viza ilə bağlı son qərarın tamamilə viza verən qurumlardan asılı olması və bizim onların üzərində hər hansısa bir təsirimizin olmaması səbəbilə vizanın alınmasına zəmanət verə bilmərik. Lakin sizin məmnuniyyətiniz üçün hər şeyi edəcəyimizdən əmin ola bilərsiniz!

pickvisa.az

Pickvisa Ofisləri Harada Yerləşir?

Dubay ofisimiz Jumeirah Lakes Towers, Fortune Tower, 13-cü mərtəbə, 1303-cü otaqda yerləşir.

Bakı ofisimiz Səməd Vurğun küçəsi 43, World Business Centre, 20-ci mərtəbədə yerləşir.

Əlavə məlumat üçün saytımızın “Əlaqə” bölməsini yoxlaya bilərsiniz.

pickvisa.az

Viza Dəstəyi Xidmətiniz üçün Proses Müddətiniz Nə Qədərdir?

Pickvisa xidmət haqqısı səyahət etmək istədiyiniz ölkədən, viza növündən və viza prosedurundan asılı olraq dəyişir. Viza müraciətinizə uyğun olaraq bizim xidmət haqqını öyrənmək üçün buraya klikləyib, vətəndaşlığınızı, rezident ölkənizi, səyahət məqsədnizi və səyahət edəcəyiniz ölkəni qeyd edə bilərsiniz.

pickvisa.az

Sizə Bildirdiyim Şəxsi Məlumatlarımda Səhvə Yol Vermişəm, Bunu Düzəldə Bilərəmmi?

Bəzi viza qurumları dəyişikliklərə icazə verirlər, ancaq hər zaman yanlış məlumatı vizaya müraciət etmədən öncə düzəltməyiniz vacibdir. Xahiş edirik, səhvinizi aşkar edən kimi bunu bizimlə bölüşün.

pickvisa.az

Kredit Kartı Məlumatlarımın Təhlükəsizliyindən Necə Əmin Ola Bilərəm?

Kart məlumatlarınız bizimlə tam təhlükəsizlikdədir! Sistemimiz ödənişiniz təsdiq olunduqdan sonra avtomatik olaraq kart detallarınızı özündən silir.

pickvisa.az

Şəxsi Məlumatlarımızı Hansısa Hökumət Orqanı ilə Bölüşürsünüzmü?

Xeyr. Biz sizin məlumatlarınızı sizin icazəniz olmadan kiməsə göndərmir və ya kimləsə bölüşmürük. Sizin şəxsi məlumatlarınız yalnızca viza müraciətiniz üçün viza verən qurumlarla bölüşülür.

pickvisa.az

Viza Dəstəyi Göstərdiyiniz Ölkələrin Hökumətləri ilə Birbaşa Əlaqələriniz Varmı?

Xeyr. Pickvisa özəl bir şirkətdir və ölkələrin hökumətləri ilə birbaşa əlaqəmiz və ya onlar üzərində hər hansı bir təsirimiz yoxdur.

pickvisa.az

Öz Sifarişimi Necə Yerləşdirə Bilərəm?

Siz sifarişinizi bizim saytımızdan və ya viza mütəxəssislərimizlə əlaqəyə keçərək yerləşdirə bilərsiniz. Əgər sifarişinizi saytımızda yerləşdirmək istəyirsinizsə, xahiş edirik, ilk öncə viza istəyinizə uyğun olan viza tələblərini saytımızın ana səhifəsindən yoxlayın. Sonrakı səhifədə isə şəxsi məlumatlarınızı doldurduqdan sonra “vizaya müraciət edin” düyməsini sıxın. Son addımda isə əgər hələ də yoxunuzdursa, saytımızda özünüzə yeni bir hesab açın və ödəniş metodunuzu seçib, ödəniş detallarınızı doldurduqdan sonra sifarişinizi yerləşdirin.

pickvisa.az

Viza Rüsumu Nə Qədərdir?

Ümumi viza rüsumu hökumət rüsumu, vizanın etibarlılıq müddəti, viza növü, giriş sayı, səyahət məqsədi, sizin vətəndaşlığınız və s. kimi nüanslardan asılıdır. Səyəhat edəcəyiniz ölkənin viza rüsumlarını öyrənmək üçün buraya klikləyib, vətəndaşlığınızı, rezident ölkənizi, səyahət edəcəyiniz ölkəni və səyahət məqsədinizi yaza bilərsiniz.

pickvisa.az

Viza Müraciətim üçün Hansı Tələblərin Olduğunu Necə Öyrənə Bilərəm?

Viza üçün sizdən tələb olunanları saytımızdan öyrənə bilərsiniz. Səyahət məqsədinizə uyğun olaraq sizdən tələb olunanları buraya klikləyib, vətəndaşlığınızı, rezident ölkənizi, səyahət edəcəyiniz ölkəni və səyahət məqsədinizi yazaraq öyrənə bilərsiniz.

pickvisa.az

Viza Müraciətim üçün Hansı Sənədlərə Ehtiyacım Olduğunu Necə Öyrənə Bilərəm?

Hər ölkə hər viza növü üçün fərqli sənədlər tələb edir. Viza almaq üçün təqdim etməli olduğunuz bir sıra ümumi sənədlərlə yanaşı, səyahət məqsədinizdən və vətənaşlığınızdan asılı olaraq əlavə sənədlər də tələb oluna bilər. Viza müraciətiniz üçün sizdən sizdən tələb olunanlarının spesifik siyahısını buraya klikləyib, vətəndaşlığınızı, rezident ölkənizi, səyahət edəcəyiniz ölkəni və səyahət məqsədinizi yazaraq öyrənə bilərsiniz.

pickvisa.az

Vizaya Müraciət Etdikdən Sonra Vizamı Nə Zaman Əldə Edəcəm?

Viza prosesi müddəti hər viza müraciəti üçün dəyişir. Proses müddəti gedəcəyiniz ölkə, vətəndaşlığınız, viza növü və s. kimi nüanslardan asılı olur. Bəzi vizalar 1 saat ərzində hazır ola biləcəkləri halda, digər vizaların proses müddəti 1-2 həftədən daha artıq ola bilərViza müraciətinizin proses müddətini öyrənmək üçün buraya klikləyib, vətəndaşlığınızı, rezident ölkənizi, səyahət edəcəyiniz ölkəni və səyahət məqsədinizi yaza bilərsiniz.

pickvisa.az

Komandanızla Necə Əlaqəyə Keçə Bilərəm?

Siz bizim komandamızla email ([email protected]; [email protected]) və ya zəng (+971 50 505 8065; +971 4 876 9245; +994 50 299 9424) vasitəsilə əlaqə saxlaya bilərsiniz.

pickvisa.az

Saytınızda Necə Hesab Yarada Bilərəm?

Saytımızda hesab yaratmaq üçün buraya klikləyə bilərsiniz.

pickvisa.az

Saytınızdakı Xəbərlərə Necə Abunə Ola Bilərəm?

Saytımızdakı xəbərlər və bloqlardan davamlı məlumat əldə etmək üçün bu səhifənin aşağısında yerləşən “abunə olun” düyməsinə klikləyə bilərsiniz.

pickvisa.az

Abunə Olduqda Mənə Hansı Məlumatları Göndərəcəksiniz?

Əgər saytımıza abunə olsanız, biz sizə yeni məqalələr və vizalar, səyahətlə bağlı yeniliklər haqqında məlumatlar göndərəcəyik.

pickvisa.az

Freelancer Vizası Nədir?

Öz ölkəniz olmayan bir yerdən işləmək üçün sizdən müvafiq viza almağınız tələb olunur. Turizm məqsədi ilə bir yerə getməklə iş üçün səfər etmək arasında fərq mövcuddur. Fərq müəyyən bir ölkədə yaşayarkən sizin əldə etdiyiniz hüquqlarla bağlıdır və müvafiq vizanı almağınız qanuni yaşayışınıza uyğun gələcəkdir. Hüquqi uyğunluğunuzdan asılı olaraq xaricdə işləyə bilməyiniz üçün ya iş icazəsi/viza, ya da Freelancer (Dijital) viza üçün müraciət etməyiniz lazım ola bilər.

İndi Freelancer və distant işləyən işçilər üçün bir çox fürsətlər mövcuddur, çünki bir çox ölkə bu növ işçilərə Freelancer (Digital Nomad) vizası verir. Freelancer viza öz ölkəsindən kənarda yaşayan uzaqdan işləyən işçilərin üçüncü bir ölkədə qeydiyyatdan keçmiş şirkətlərlə və işəgötürənlərlə qanuni olaraq çalışmalarına imkan verir.

Freelancer viza üçün kim müraciət edə bilər? Ümumi tələblər bunlardır:

- Yerdən asılı olmayaraq işləmək bacarığı olan.

- Telekommunikasiya texnologiyasından istifadə edərək iş vəzifələrini uzaq məsafədən yerinə yetirmək bacarığı olan.

- Xaricdə qeydiyyatdan keçmiş bir şirkətlə aktiv bir iş müqaviləsi olan, xaricdə qeydiyyatdan keçmiş öz şirkəti olan və ya daha çox xaricdəki müştəriləri üçün sərbəst şəkildə çalışan.

- Gəlirinin minimum tələblərə cavab verdiyini sübut edə bilən şəxslər.

 
pickvisa.az