Qayda və Şərtlər

Hörmətli Müraciətçi,

Pickvisa.az-a müraciət etdiyiniz üçün təşəkkür edirik.

Pickvisa.az, Trawell Group DMCC-nin məhsuludur (License No. DMCC-522110).

Pickvisa.az xidmətlərindən istifadəni seçməklə və ödəniş etməklə, siz doldurduğunuz məlumatların düzgünlüyünə zamin durur və bu informasiyaların viza sənədlərinin hazırlanmasında bizim tərəfimizdən istifadə olunmasına razılıq verirsiniz. Pickvisa.az sizin tərəfinizdən təqdim olunmuş informasiyaların doğruluğu ilə bağlı heç bir cavabdehlik daşımır.

Pickvisa.az heç bir viza müraciətçisinə vizanın alınması ilə bağlı 100% zəmanət vermir, bu, tam olaraq şirkətimizdən asılı olan bir proses deyil. Şirkət bu sahədə olan təcrübəsinə əsaslanaraq sizin sənədlərinizi müraciət olunan Səfirlik və ya Konsulluğun tələblərinə uyğun olaraq mükəmməl şəkildə hazırlanıb təqdim edilməsinə çalışır. Vizanın nəticələri daha çox sizin təmin etdiyiniz məlumatlardan və Səfirlik/Konsulluğun təhlilindən asılıdır.

Eyni zamanda Siz, bu şərtləri qəbul etməklə təsdiqləyirsiniz ki, gedəcəyiniz ölkənin qanun və tələblərinə tabe olacaq, yalnız vizanın icazə verdiyi müddət ərzində, viza növünün icazə verdiyi fəaliyyətlərlə məşğul olacaqsınız. Bu qaydaları pozacağınız təqdirdə bununla bağlı birbaşa cavabdehliyi Siz daşıyırsınız. Pickvisa.az şirkəti və sənədlərin hazırlanmasında bizimlə əməkdaşlıq edən digər tərəfdaş şirkətlər sizin qayda və qanunları pozmağınızla bağlı heç bir halda cavabdehlik daşımır.

 

Ödənişin geri qaytarılma şərtləri:

Saytımızda qeyd olunan qiymətlər məzənnə fərqi, müraciət mərkəzləri, səfirliklər və konsulluqların tələblərindən asılı olaraq öncədən xəbər verilmədən dəyişə bilər. Bütün hallarda müraciətçi ödəniş prosesində son məbləği görür, bütün qayda və şərtləri oxuduğunu və qəbul etdiyini təsdiq edirvə ödəyir.

Nəzərinizə çatdırmaq istərdik ki, geri ödəniş məbləği sizin müraciətinizin statusundan asılıdır.

Əgər müraciətçi bizim saytımızda servis xidməti alıbsa və  servisi ləğv edib geri ödəniş istəyirsə:

1. Ödəniş tarixindən 3 kalendar günü ərzində, Pickvisa.az servisinin 50%-i geri qaytarılacaqdır.
2. Əgər Pickvisa.az ödənişi qəbul edərsə və ödənişin təhvil alındığı müddətdən 3 gün keçərsə, Pickvisa.az servis haqqının 25%-i geri qaytarılacaqdır.
3. Əgər Pickvisa.az ödənişi qəbul edərsə və ödənişin təhvil alındığı müddətdən 7 gün keçərsə, Pickvisa.az servis haqqı geri qaytarılmır.
4. Eyni xidmət üçün səhvən iki dəfə və ya daha çox sifariş vermiş şəxslər hər əlavə sifariş üçün tam ödənilmiş məbləği geri alacaqlar. Bu halda, müştəri bizimlə əlaqə saxlayaraq 48 saat ərzində verilmiş dublikat sifariş üçün pulun geri qaytarılmasını tələb edə bilər. Dublikat sifarişlərin sifariş verilmə vaxtları arasındakı vaxt maksimum 12 saat ola bilər və sifarişlər eyni xidmət üçün verilmiş olmalıdır.

Alternativ olaraq, əgər müraciətçi sifarişi ləğv edib geri ödəniş tələb etmirsə, Pickvisa.az ödənişi gələcəkdə ediləcək sifarişlərə görə ödənilmiş məbləğdən çıxılmadan öncədən ödəniş kimi  qəbul edə bilər. Öncədən ödənş yalnız cari ilin sonunadək istifadə edilə bilər. Öncədən ödəniş kimi qəbul edilmə başqa agentliklər tərəfindən edilmiş sifarişlərə, yaxud səfirlik, viza müraciət mərkəzi və konsulluğun rüsumlarına şamil olunmur.

 

Digər xidmət haqqları:

Əgər müraciətçi sənədlərinin Pickvisa şirkəti tərəfindən təsdiq edilməsindən və lazımi viza rüsumlarının səlahiyyətli orqanlara ödənilməsindən öncə viza müraciətini ləğv edərsə, bu zaman müraciət mərkəzinin, səfirlik, konsulluq və ya hər hansı səlahiyyətli qurumun ödənişi tam şəkildə geri ödənilir.

Kuryer servisi, müvafiq vendor ödənişləri və tərcümə kimi müəyyən xərclər yalnız sadalanan proseslərə hələ başlanılmadığı təqdirdə geri ödənilə bilər. Pickvisa.az yuxarıda sadalanan və əməkdaş şirkətlərin göstərdiyi xidmətlərin geri ödənişini etməmək hüququnu əlində saxlayır.

 

Geri-qaytarılmayan xidmət haqqları:

Əgər viza müracitiniz imtina alıbsa, konsulluq xidmət haqqı və bizim xidmət haqqı geri qaytarılmır.

 

Ödənişin geri qaytarılma müddəti:

Geri ödəniş müştərinin Pickvisa.az saytındakı hesabından müraciət edərək və ya [email protected] elektron poçtuna ödəmə bildirişi əlavə olunmaqla rəsmi məktub yazıldıqdan sonra prosesə alınacaqdır. Proses yerli debit/kredit kartlar üçün 10 iş günü, beynəlxalq kartlar üçün isə 20-25 iş günü müddətində xidmətin göstərildiyi Pickvisa.az ofisi vasitəsi ilə həyata keçirilir. Məbləğ eyni mənbəyə və ödəmə üsuluna qaytarılacaq.

Əməkdaşlığınız üçün təşəkkür edirik!