Berlində gediləcək Top 10 restoran

Müxtəlif səbəblər bizi dünyanı gəzməyə vadar edir və bunlardan biri də yeni ləzzətlərin dadına baxmaqdır. Bəzi turistlər yeni ləzzətləri lüks restoranlarda sınamağa üstünlük verir, digər qrup insanlar isə daha təvəzökar yerləri seçirlər. Biz bu gün birinci kateqoriyaya aid insanlara kömək etməyə çalışacağıq. Dünyada çoxlu restoranlar var və biz onların hamısını eyni yazıda qeyd edə bilmərik. Ancaq bu gün Berlinə səyahət edərək Berlindəki ən yaxşı 10 restorana baş çəkəcəyik.

1. Hoffgarten

Siyahımıza Baltik dənizindən Alp dağlarınadək müxtəlif mətbəxləri sınaya biləcəyiniz restoranla başlayırıq. Restoranda kiçik, lakin həqiqətən ləzzətli bir menyu var. Həmçinin, hər həftə siyahıda yeni yeməklər görə bilərsiniz. Restoranın sahibi Christian Wemhoff bunu menyunu canlı və həyəcan verici etmək üçün edir. Christian Wemhoff digər restoran sahiblərinə bənzəmir. O, hər zaman restoranın işləri ilə yaxından maraqlanır və əla şərab zövqünə sahibdir. Christian Wemhoff şəxsən Almaniyanın top 120 şərabı arasından ən yaxşı 20 şərabı seçib. Buna görə ləqəb də qazanıb: gəzən şərab kartı. Hoffgarten harada yerləşir? Ünvan: Hoffgarten Schloßstraße 60, 14059 Berlin-Charlottenburg. İş saatları çərşənbədən bazar ertəsinə 09:00-17:00.

2. Anouki Brasserie

Berlinə səyahətiniz zamanı fransız üslublu Anouki restoranını ziyarət etməyi unutmayın. Əsas şef Sascha Lissowsky və ikinci aşpaz Christian Hoffmannın sizin üçün sürprizləri çoxdur. Onlar sizi ləzzətli təamlarla qovuşdurmaq üçün səhərdən axşama qədər işləyirlər. Səhərlər müxtəlif kanapeler, omletlər və kruvasanlarla başlayır və qidalandırıcı içkilər və smuzilərlə davam edir. Naharda tartare və ratatuy kimi yeməkləri sınamanızı məsləhət görürük. Axşam yeməyi üçün seçimləriniz daha çox olacaq. Ləzzəti damağınızda qalacaq yerli və fransız şərabları Anouki-ni Berlində məşhur edən başqa bir keyfiyyətdir. Zövqlü menyudan əlavə, restoranın daxili dizaynı da iştahınızı açacaq. Ünvan: Gervinusstraße 43, 10629 Berlin-Charlottenburg. İş saatları: bazar ertəsi - şənbə günü saat 8-dən axşam 10-a qədərdir.

3. The Noname

Oranienburger Straße 32, 10117 ünvanında yerləşən Noname, Berlində ən yaxşı alman restoranlarından biridir. Berlindəki digər məşhur restoranlar kimi Noname də geniş çeşiddə şərab seçiminə malikdir. Restoran əyləncəniz üçün tövsiyə olunan və ən çox tələb olunan şərabları bir araya gətirir. Ancaq alkoqollu içkilərə üstünlük vermirsinizsə, narahat olmayın, restoran sizi də düşünüb. Məkanda tərəvəz, meyvə, yağ və esanslardan ibarət beş alkoqolsuz içki təklif edilir. Restoran komandası yeməkləri beş metr hündürlükdə yer alan, suvaq divarları və qədim parket döşəmələri olan yemək otağında təqdim edir. Ayrıca yemək otağı daxili dizayna əlavə gözəllik qatan pərdələrlə örtülmüşdür. Şef Vincenzo Broszio və komandası Almaniyaya səyahətinizi unudulmaz edəcək. Üstəlik burada vegeterianlar üçün də seçimlər mövcuddur. İş saatları: çərşənbə axşamı - şənbə 18:00-23:30 arasıdır.

4. Villa Kellermann

Berlindəki ən yaxşı restoranlar siyahısında qeyd etdiyimiz ilk üç yerin əsas xüsusiyyəti şərab idi, lakin burada fərqlidir. Əlbəttə ki, bu restoranda da dadlı şərablar var, amma Almaniyaya səyahət edən insanları Villa Kellermann-a cəlb edən əsas xüsusiyyət daxili dizayndır. Dizayner otaqları (üç otaq var) tamamilə fərqli şəkildə dizayn edib. Salonların adlarını da qeyd etmək istəyirəm: Elephant Room, Alter Fritz və Grüne Salon. Hansını seçim deyə uzun müddət düşünməli olacaqsınız. Ayrıca bağ mənzərələri, divar kağızları, rəsm əsərləri, aksesuarlar unudulmaz yemək təcrübəsi üçün möhtəşəm bir atmosfer yaradır. Şef Tim Raue və komandası ənənəvi və müasir texnikaları birləşdirərək mükəmməl ləzzətlər ortaya çıxarır. Restoranda ən çox üstünlük verilən yeməklərə Eisbein, Königsberger Klopse və qara puding daxildir. Xidmət üçün zərif və antik lövhələrdən istifadə edirlər. Berlinin ən yaxşı restoranlarından birində gözəl vaxt keçirmək istəyirsinizsə, Villa Kellermann Mangerstraße 34, 14467 Potsdam-a gedin. İş saatları: çərşənbədən cümə gününə qədər 18.00-21.30, şənbə və bazar günləri isə uyğun olaraq 12.00-14.00, 18.00-21.30.

5. Kreuz & Kümmel

Berlinə səyahətiniz zamanı qısa bir Hindistana səfəri etmək istəyirsiniz? Cavabınız müsbətdirsə, Kreuz və Kümmelə getməyinizi məsləhət görürəm. Restorana girdiyiniz zaman özünüzü hind nağılında və ya Bollivud filmindəki kimi hiss edəcəksiniz. Əlbəttə ki, Hindistan mətbəxindən bəhs etdiyimiz zaman ilk qeyd etməli olduğumuz şeylərdən biri ədviyyatlardır. Menyudakı bütün yeməklər dadlıdır və demək olar ki, hamısı ədvalıdır. Kreuz və Kümmel qonaqlarının əksəriyyəti ən sevdiklərinin təxminən 12 saat bişmiş Angus əti olduğunu söyləyirlər. Sözlər bu yeməyi təsvir etmək üçün kifayət deyil, özünüz sınamalısınız. Hindistan mətbəxinin ən yaxşı nümunələrinə Masala Chai, Saag Paneer, Rogan Josh, Aloo Gobi, Gajar Ka Halwa və s. də daxildir. Kreuz və Kummel haradadır? Auguststraße 82, 10117 Berlin-Mitte-dədir, iş saatları isə çərşənbə axşamı - şənbə 17.00-24.00 kimidir.

6. Beef 45

Adından da göründüyü kimi restoranın ən əsas xüsusiyyəti mal ətidir. Siyahımızdakı digər yerlərlə müqayisədə, yalnız üç başlanğıc və üç əsas yeməyin olduğu məhdud menyuya sahibdir. Flank steak əsaslar arasında ən çox bəyəniləndir, digər iki yemək isə Charolais əti və Simmental buzov yanaqlarıdır. Onların hamısı iki porsiyada (150-220 və ya 220-330 qram) sifariş edilə bilər. Restoranda mal əti necə bişirilir? Əvvəla, proses 24 saatlıq marinadla başlayır və ardından aşağı temperaturda uzun müddət ərzində bişirilir. Ayrıca restoran şəkil çəkdirib sosial mediada paylaşmaq üçün ideal daxili dizayna malikdir. Ünvan: Budapester Straße 45, 10787 Berlin-Charlottenburg. Beef 45 hər gün 18.00-22.00 arası müştərilər üçün açıqdır.

7. Nobelhart & Schmutzig

Siyahımızdakı növbəti restoran Friedrichstraße 218, 10969 ünvanında yerləşən Nobelhart & Schmutzig-dir. Şübhəsiz ki, daxili dizaynına əsasən bu yer, 80-ci illəri sevənlər üçün favorit məkana çevriləcəkdir. Ayrıca məkanın sahibi Billy Wagnerdən də bəhs etməliyik. Billy Wagner, Almaniyanın ən yaxşı somelyesi fəxri mükafatını bir neçə dəfə qazanıb və Nobelhart & Schmutzig-in bütün uğurlarının arxasında duran şəxsdir.

8. Bristol Grill

Köhnə nəslin Kurfürstendammdakı bu restoranda unudulmaz xatirələri var. Bristol Grill uzun illər boyunca yüksək cəmiyyət nümayəndələri üçün ən yaxşı alman restoranlarından biri olmuşdur. Restoranın böyük təcrübəsi və geniş menyusu var. Restoranın ən məşhur yeməyi quzu pirzoladır. Onu daddıqdan sonra ləzzətli kokteyl və desertləri sınamağı unutmayın. Restoranın ünvanı: Kurfürstendamm 27, 10719. İş saatları: hər gün saat 17:00-dək.

9. Bruderherz

“Berlində ən yaxşı makaronu harda yeyə bilərəm?” deyə düşünürsünüzsə, artıq düşünməyin. Şef Tomek Sokolowski səkkiz il Schwarzenrabendə çalışıb və italyan mətbəxinin bütün sirlərini öyrənib. Berlində bir aydan çox vaxt keçirsəniz, buraya ikinci ziyarətinizdə menyuda tam dəyişiklik görəcəksiniz (lazanya, buffalo mozzarella və Neuland-salsiccia istisnadır). Restoran bazar ertəsindən şənbə gününə qədər açıqdır (bazar ertəsindən cümə gününə 17.00-24.00 və şənbə günləri 14.00-24.00). Restoranın ünvanı Leonhardtstraße 6, 14057-dir.

10. Bob & Thoms

Siyahısdakı digər yerlərlə müqayisə etdikdə bu restoranın yeni olduğunu söyləyə bilərik. Narahat olmayın, restoran yeni ola bilər, amma komanda təcrübəlidir. Baş aşpaz Felix Thoms və qonaqpərvərlik mütəxəssisi Oliver Körber uzun illər birlikdə çalışmışlar və bu sahədə 30 illik təcrübəyə sahibdirlər. Bu səbəbdən Bob & Thoms-un ilk gündən bəri artan müştəri sayına sahib olması təəccüblü deyil. Bu iki oğlan Bob & Thoms-u Berlinin ən məşhur restoranlarından birinə çevirir. Bu kiçik restoran ləzzətli fransız mətbəxi ilə məşhurdur və tövsiyə edə biləcəyim bəzi yeməklərə Boeuf Bourguignon, Croque Monsieur, Croque Madame, Jambon-Beurre Concombre a la Menthe, Cherry Clafoutis və s. daxildir. Ünvan: Welserstraße 10–12, 10777 Berlin-Schoneberg; iş saatları: 09 00-18:00 (çərşənbə axşamı - şənbə).

Əlavə məlumat

Almaniyaya səyahət etmək üçün ən yaxşı vaxt hansıdır? Əksər insanlar isti hava səbəbindən maydan sentyabra qədərki müddətin Almaniyaya səyahət etmək üçün ən yaxşı vaxt olduğunu düşünürlər. Almaniyada hansı yerləri ziyarət etmək mütləqdir? Qeyd edə biləcəyim bəzi yerlər: Brandenburg qapısı, Muzey adası, Berlin qülləsi, Reichstag binası, Berliner Dom, Holokost Memorialı, Tiergarten parkı, Nəbatat bağı, Charlottenburg sarayı və s.