Bostonda 12 İnstaqramlıq yer

ABŞ xəyalların ölkəsidir. Hər il 75 milyondan çox insan arzularını həyata keçirmək üçün ABŞ-a səyahət edir. Əgər sizin də belə bir istəyiniz varsa, deməli, doğru yerdəsiniz. Bu bloqda ABŞ-ın tarixi şəhərlərindən Boston haqqında danışacaq və bu şəhərdəki 12 instaqramlıq yeri gözdən keçirəcəyik.

Bostondakı instaqramlıq yerlərdən bəhs etməyə başlamazdan əvvəl Bostonun coğrafi yeri barəsində danışaq. Boston Amerika Birləşmiş Ştatlarının şimal-şərq ərazisində, Massaçusets ştatında yerləşir. Əhali sayına görə ABŞ-ın 21-ci, yerləşdiyi ştatın isə birinci şəhəridir.

1. Fenway Park

Bostonda idmansevərlərin ziyarət etməsi gərəkən yerlər hansılardır? ABŞ-dakı şəhər haqqında danışarkən beysboldan bəhs etmədən keçə bilmərik. Fenway Park həm Boston Red Sox-un ev stadionu həm də şəhərdəki ən instaqramlıq yerlərdən biridir.

Fenway Park 20 aprel 1912-ci ildə öz qapılarını ziyarətçilərə açdı. Bəlkə siz əvvəllər heç vaxt beysbol matçı izləməmisiniz və bir az tərəddüddəsiniz. Zəmanət verirəm ki, Boston səfərinizə Fenway Parkda oyun izləməklə başlamaqdan daha yaxşı bir şey ola bilməz. Bununla birlikdə, stadionun ümumi tutumunun cəmi 33.871 (böyük liqalardakı ən aşağı potensial) olduğunu unutmayın. Bilet tapmaq bir qədər çətin ola bilər.

2. North End

North End, başqa sözlə, Bostonun Kiçik İtaliyası Bostonda ən instaqramlıq yerlərdən biridir. İtalyanlar buraya ilk olaraq yerləşməsə də (onlardan əvvəl ingilislər, irlandiyalılar və yəhudilər burada məskunlaşmışdılar), digər azlıqlardan daha çox mədəni təsir göstərmişlər. Burada Bostondakı ən instaqramlıq yemək yerlərini tapa bilərsiniz. Regina Pizzeria, Mamma Maria, Galleria Umberto və s. kimi restoranlarda dadlı italyan mətbəxini sınaya bilərsiniz. Ayrıca italyan festivallarında və şənliklərində iştirak edə bilərsiniz. Bunların arasında ən məşhuru avqust ayının sonlarında təşkil edilən Müqəddəs Anthony Bayramıdır (Saint Anthony's Feast). Bütün vaxtınızı yemək və rəqs etmək ilə keçirtməyin. İnstaqramlıq yerləri, sirli dar küçələri və heyranedici memarlığı kəşf etməyi unutmayın.

3. Elm Muzeyi

Elm muzeyi Bostonda ziyarət etmənzi gərəkən ən maraqlı yerlərdən biridir və bura yalnız uşaqlar üçün deyil! Muzeydə hər kəsə maraqlı gələcək artefaktlar və sərgilər var. Kəpənəklər arasında gəzib ekzotik bitkilərə baxa və ya yeni faktlar və daha çox şey öyrənmək üçün elm adamları ilə söhbət edə bilərsiniz. Həmçinin muzeydə hava proqnozları haqqında məlumat əldə edə biləcəyiniz hissə də var. Bunlardan heç biri sizin üçün maraqlı deyilsə, bəlkə Dakota Badlandsda tapılmış 65 milyon illik fosilləri görmək ya da robotları sınayacağınız və kompüterlərin dataları necə yığdığını və yadda saxladığını anlaya biləcəyiniz ComputerPlace-də vaxt keçirmək cəlbedici olar. İnstaqram profiliniz üçün də maraqlı şəkillər çəkə bilərsiniz və ehtimal ki, onlardan biri ən çox bəyənilən İnstaqram şəkliniz olacaq.

4. Boston Təsviri Sənət Muzeyi

Bostonda sənətsevərlər üçün ən yaxşı yerlər hansılardır? Bu muzeydəki əsərlər gecə yarısından sonra canlanır! Əlbəttə, zarafat edirik, amma Boston Təsviri sənət muzeyi ölkənin qabaqcıl muzeylərinin bir nümunəsidir. Hər il muzeyi 1,2 milyondan çox insan ziyarət edir. Burada 450 mindən çox gözəl sənət əsəri var. Muzeydə qədim Misir artefaktlarını, asiyalılar və farslara aid incəsənət nümunələrini, qədim Yunanıstan və Orta Şərqə aid müxtəlif əsərləri, impressionism üslublu rəsmləri və daha çoxunu görmək şansı əldə edəcəksiniz. Hazırda Boston Təsviri sənət muzeyində hansı sərgilər var? Muzeydə bir çox sərgi var: Art of the Americas, Women Take the Floor, The Mural Project, Black Histories, Black Futures və s.

5. Yeni İngiltərə Akvariumu

Yeni İngiltərə akvariumu su aktivitilərinin həvəskarları üçün ən maraqlı yerlərdən biridir. Akvariumda 20.000 balıq və 550 digər növ var. Bu süni cənnət köpək balığı, tısbağa, muraenidae və s. kimi müxtəlif canlıları müşahidə etməyinizə imkan yaradacaq. Yeni İngiltərə akvariumunda təbiət haqqında sənədli filmlərə (40 dəqiqə davam edir) baxa biləcəyiniz IMAX teatrı da mövcuddur. Akvariumun xaricində isə adi suitilərin həyat tərzini müşahidə edə bilərsiniz. Bu inanılmaz instaqramlıq məkan Central Wharf-da yerləşir.

6. USS Konstitusiya Muzeyi

Bu muzeyin əsərlərinin zənginliyini izah etmək üçün sözlər kifayət deyil. USS Konstitusiya muzeyində təkcə yeni şeylər öyrənməyəcəksiniz, həm də bundan zövq alacaqsınız. Muzeydə tarix, gəmilər və s. haqqında ətraflı məlumat əldə edə biləcəyiniz xüsusi ailə fəaliyyətləri də var. Uşaqlar üçün isə həyəcanverici bir öyrətmə tərzi yaradılıb: uşaqlar tarix biliklərini artırmaq üçün interaktiv sərgidə kitab ala və ya onlayn oyunlar oynaya bilərlər. Üstəlik, muzey Arms and Armament, Life at Sea, Navigation, Ship Portraits kimi bir çox arxiv kolleksiyalarına sahibdir.

7. Boston Limanı Adaları

Unudulmaz təcrübələr təklif edən Boston Liman Adaları Milli və Dövlət Parkı 34 adadan ibarətdir. 34 adadan 13-ü Boston Liman Adaları Milli İstirahət Bölgəsini təşkil edən Boston limanındadır. Park həqiqətən də Bostonda görmək üçün ən yaxşı yerlərdən biridir və sizə çoxlu fəaliyyətlər təklif edir. Georges adasındakı Fort Warreni və köhnə mayakı, Spectacle adasındakı ictimai çimərliyi ziyarət edə və ya Lovells adasında kampinq edə bilərsiniz.

8. Boston Common

Boston Common Birləşmiş Ştatların ən qədim ictimai parkıdır. 1634-cü ildə inşa edilmişdir. Əvvəllər ərazi inək otlağı kimi istifadə edilmiş və minlərlə tarixi hadisənin şahidi olmuşdur. Məsələn, ABŞ İstiqlal müharibəsindən əvvəl Boston Common ingilislər tərəfindən hərbi düşərgə olaraq istifadə edilirdi. Günümüzdə bu park Bostonda ən yaxşı instaqramlıq yerlərin nümunəsi kimi tanınır. Gözəl ağaclar, fəvvarələr və hovuzlar sizin istirahətiniz üçün rahat və sakit atmosfer yaradır.

9. Kembric Şəhəri

Kembric Boston şəhər mərkəzindən cəmi 4,5 km məsafədədir və Massaçusets Texnologiya İnstitutu və Harvard Universitetinin yerləşdiyi yerdir. Bununla belə, Kembricdə yalnız elm ocaqları tapacağınızı düşünməyin. Burada əfsanəvi Georgia O'Keeffe, Pablo Pikasso və Cekson Pollok kimi dahilərin çoxlu sənət əsərlərini tapa bilərsiniz. Bundan başqa, Fogg Museum, Busch-Reisinger Museum, Peabody Museum of Archaeology and Ethnology kimi instaqramlıq yerləri ziyarət etmək şansınız da olacaq. Muzeyləri araşdırdıqdan sonra Harvard meydanına gedin. Burada çoxlu mağazalar, kafelər, instaqramlıq yemək yerləri sizi gözləyir.

10. Rose Kennedy Greenway

Rose Kennedy Greenway açıldıqdan dərhal sonra Bostondakı ən instaqramlıq yerlərdən birinə çevrildi. Hər gün minlərlə sakin və səyahətçi fəvvarələri, ictimai incəsənət sərgilərini izləmək və dincəlmək üçün buraya gəlir. Park il boyu səhər 7-dən axşam 11-ə qədər açıqdır. Bundan əlavə, bəzi zamanlarda burada festivallar, ziyafətlər və partilər də təşkil olunur. Parkda dadlı yeməkləri sınamaq, evdə hazırlanmış içkilərdən içmək və rəqs etmək mümkündür.

11. Old North Kilsəsi

Cəlbediciliyinə və memari gözəlliyinə görə, Yer üzündəki kilsələri ziyarət etmək hər zaman maraqlıdır. Düşünürəm ki, kilsələr yerli əhalinin mədəniyyətini və ənənələrini anlamağımıza kömək edə bilər. Ziyarətçilərin əksəriyyəti Old North kilsəsinin müstəmləkə dövrünün ruhunu daşıdığına inanır. Bu qədim kilsə Boston iç limanının yaxınlığında 193 Salem küçəsində yerləşir. Aprel ayından noyabr ayının ortalarına qədər səhər saat 9-dan axşam 6-ya, noyabrın ortalarından martın sonuna qədər isə səhər saat 10-dan axşam 4-ə qədər ziyarətçilər üçün açıqdır. Yetkinlər üçün giriş haqqı 8 ABŞ dolları, 6-18 yaş arası uşaqlar üçün isə 4 ABŞ dollarıdır.

12. Beacon Hill

Bostondakı instaqramlıq yerlər siyahısında qeyd etmək istədiyim sonuncu yer Beacon Hill-dir. Federal və yunan memarlıq üslublu binalar, daş döşənmiş xiyabanlar çox sayda turisti Beacon Hill-ə cəlb edir. Burada bir çox bar, restoran tapa bilərsiniz və "Cheers" televiziya şousunun pərəstişkarısınızsa, Bostonun bu hissəsini çox sevəcəksiniz. Bölgə haqqında daha çox məlumat əldə etmək istəyirsinizsə, Nichols House Museum-a gedə bilərsiniz.