Kordobada 12 İnstaqramlıq Yer

Səyahət şəkilləri və videoları sosial mediada ən çox bəyənilən İnstaqram paylaşımları arasındadır. Xaricə səyahət etməyi düşünürsünüzsə, çox sayda İnstaqram şəkli çəkməyin mümkün olduğu yer seçməlisiniz. Bu baxımdan, Argentinaya səyahət möhtəşəm ideyadır, çünki bu Latın Amerikası ölkəsi instaqramlıq yerlər ilə zəngindir. Ecazkar memarlıq, gözəl parklar, qorunan tarixi yerlər və füsunkar təbiət məşhur turizm bölgəsi olan Argentinaya xasdır. Bu gözəl Cənubi Amerika ölkəsini, xüsusən Argentinanın ikinci böyük şəhəri olan Kordobanı ildən-ilə daha çox xarici turist ziyarət edir. Bəs Kordoba haradadır? Kordoba, Buenos-Ayresin təxminən 430 mil şimal-qərbində və Argentinanın mərkəzindəki Qran-Çako düzənliklərinin yaxınlığında yerləşir. Kordobaya siz hava, qatar və quru yolu ilə asanlıqla səyahət edə bilərsiniz. Həmçinin Buenos-Ayresdən Kordobaya maşınla səyahət cəmi 6 saat çəkir. Səfərləriniz zamanı instaqramlıq mənzərələr çəkməyi xoşlayırsınızsa, Argentinanın Kordoba şəhərində ziyarət etmək üçün çox gözəl yerlər var. Bu bloqda Kordobada İnstaqram izləyicilərinizi təəccübləndirəcək şəkillər çəkə biləcəyiniz yerlərin siyahısını sadalayacam.

1. Paseo del Buen Pastor

Düşünürəm ki, maraqlı şəhər turuna Kordobanın əyləncə və mədəniyyət mərkəzini ziyarətlə başlamaq istərdiniz. Paseo del Buen Pastor tarixi memarlığı müasir şəhər dizaynı ilə zərif şəkildə birləşdirən geniş bir ərazidir. Bu ekssentrik qəsəbə portika və sütunlar kimi köhnə bina elementlərini qoruyub saxlamışdır. Üstəlik, turistlər Kordoba sənətinə heyran olmaq üçün bir çox teatrları, konsert salonlarını və muzeyləri ziyarət edə bilərlər. İnstaqramda zərif fotoşəkillər yerləşdirmək üçün Kordoba binalarının həm içini, həm də çölünü çəkə bilərsiniz. Sənəti və memarlığı qiymətləndirən izləyicilər postlarınızı və hekayələrinizi əminəm ki, çox sevəcəklər. Beləliklə, deyə bilərik ki, Kordobanın incisi - Paseo del Buen Pastor, Argentinaya səyahət edən hər kəsin görməli olduğu turistik yerlərdən biridir.

2. Parque Sarmiento

Kordobanın şəhər mərkəzindən bir neçə dəqiqəlik məsafədə yerləşən Sarmiento parkında gəzərkən ətirli bitki və çiçəklərin təzə qoxusundan zövq alacağınıza əminəm. Kordobanın ən göz qamaşdıran bağında açıq hava teatrı kimi müxtəlif fəaliyyətlər üçün imkanlar var. Mahnı oxuyan tələbələr, cazibədar rəqqasələr və şən təbilçilər parkda müsbət atmosfer yaradırlar. İnstaqramda ən çox bəyənilən postlardan birinı məhz burada çəkə bilərsiniz. Parque Sarmiento həm tək, həm də ailəniz ilə ziyarət etmək üçün mükəmməl bir yerdir. Bu parkda yaz aylarında çəkilmiş şəkillərinizin heç bir İnstaqram filtrinə ehtiyacı olmayacaq, çünki bağın təbii rəngləri parlaq və cəlbedicidir.

3. Plaza San Martin

Plaza San Martin argentinalı qəhrəmanın heykəlinin olduğu parkdır. XVI əsrdən bəri Plaza San Martin Kordobanın mərkəzi meydanlarından biri olmuşdur. Bürünc abidələr və hündür ağaclar bu gözəl park üçün xarakterikdir. İnstaqramda kafedral, kilsə və qədim dini abidələrin şəkillərini yerləşdirməyi sevirsinizsə, Plaza San Martin sizin üçün ən ideal yerlərdəndir. Göz oxşayan meydan və buradakı göyərçinlər şəkillər çəkmək üçün idealdır. Göyərçinləri və digər sevimli quşları bəsləyərkən İnstaqramda maraqlı hekayələr paylaşa bilərsiniz.

4. Kordoba Xatirə Muzeyi

İnstaqramda tarixi şəkillər paylaşmaq həqiqətən maraqlı ola və izləyicilərin diqqətini cəlb edə bilər. "Museo de la Memoria Cordoba"-da 70-80-ci illər Argentina tarixi ilə bağlı çoxlu məlumat əldə etmək imkanınız olacaq. Hərbi diktatura, işgəncə, həbs və qaçırılma Argentinanın "Çirkli müharibəsi"-nin yalnız bir neçə sirli tərəfidir. Muzey heç şübhəsiz ki, Argentinanın Kordoba şəhərində mütləq ziyarət etməniz gərəkən sirli yerlərdən biridir.

5. Jesuit Block and Estancias of Cordoba

“Jesuit Block and Estancias of Cordoba” 2000-ci ildən bəri YUNESKO-nun Ümumdünya irsi siyahısına daxil edilmişdir. Bu iqamətgahlara böyük tarixi və patriotik dəyəri olan kilsələr və bina kompleksləri daxildir. Binaların nəfəs kəsən mənzərələri və təbii xəzinələrin heyrətləndirici gözəlliyi Argentinaya səyahətinizi daha da maraqlı edəcəkdir. Tarixən 17-ci əsrin əvvəllərinə aid binalar isə sosial media foto kolleksiyanıza zəriflik qatacaqdır.

6. Paseo del Bicentenario

Paseo del Bicentenario Kordobadakı ən gözəl turistik attraksionlardan biridir. Bu möhtəşəm parkın rəngli nəhəng halqaları uşaqları əyləndirəcəkdir. Bu rəngli halqalar sizə Olimpiya oyunlarını xatırladacaq və əhvalınızı qaldıracaqdır. Parlayan günəşi əks etdirən halqaların valehedici şəkillərini çəkə və İnstaqram kolleksiyanıza qızıl parçalar əlavə edə bilərsiniz. Müxtəlif İnstaqram filtrləri sayəsində halqaların rənglərini zövqünüzə görə tənzimləyə bilərsiniz. İnstaqram izləyiciləriniz bu rəngarəng şəkilləri izləməkdən zövq alacaqlar. Paseo del Bicentenario-ya ailə ilə səfər etmək daha əyləncəlidir, çünki uşaqlar halqalarla maraqlı oyunlar oynaya və əylənə bilərlər.

7. Kordoba Botanika Bağı

Bu möhtəşəm botanika bağı Argentinanın Kordoba şəhərində mütləq görülməsi gərəkən yerlərdən biridir. Saysız-hesabsız çiçəklər, bitkilər, ağaclar və şəlalə səsi sizə inanılmaz bir hüzur bəxş edəcəkdir. Argentinaya yaz ayında səyahət etsəniz, bu botanika bağında gəzinti zamanı özünüzü cənnətdə hiss edəcəksiniz. Argentinanın ekzotik florası və faunası özünəməxsusluğu ilə sizi təəccübləndirəcəkdir. Kordoba botanika bağına solo və ya ailə ilə səfərdən sonra ən yaxşı İnstaqram şəkillərinizi və hekayələrinizi paylaşacağınızı əminliklə deyə bilərəm. 

8. Evita Gözəl Sənətlər Muzeyi

Kordobadakı instaqramlıq yerlər siyahımızda növbəti yeri Evita Gözəl Sənətlər muzeyi tutur. Muzeyin əsas binası "Ferreyra Palace" adlanır. Muzeyin xarici sahəsi Ferreyra sarayını və ətrafdakı bağçanı əhatə edir. Daxili hissə isə əsasən mərkəzi sərgi salonundan və bir neçə monument bölməsindən ibarətdir. Muzeyin xarici görünüşü əsas binanın zərif retro dizaynı ilə sizi təəccübləndirəcəkdir. Muzeyin həm daxilinin, həm də xaricinin şəkillərini çəkən zaman özünüzü orta əsrlər sarayında gəzirmiş kimi hiss edəcəksiniz. Evita Gözəl Sənətlər muzeyindəki abidələr və əsərlər İnstaqram izləyicilərinizi heyrətləndirəcək böyük tarixi və milli dəyərə malikdir.

9. Reserva Natural Urbana San Martin

Vəhşi təbiətlə əlaqəli sosial media paylaşımları ən çox bəyənilən İnstaqram postları arasındadır. Şəhər həyatının rahatlığını arxada qoyub vəhşi təbiətlə birgə yaşamaq son bir neçə ildə trend halına gəlmiş vəziyyətdədir. Bu səbəbdən vəhşi təbiətin qorunduğu təbii qoruqlar böyük əhəmiyyət qazanmışdır. Əmin ola bilərsiniz ki, San Martin qoruğunda kampinq təcrübəsini ən yaxşı halı ilə yaşayacaqsınız. Ayrıca, Kordobanın vəhşi florası və faunası sizi və sosial media dostlarınızı əyləndirəcəkdir.

10. Paseo de las Artes

Alış-veriş etmək xüsusən səyahət zamanı sizi möhtəşəm hiss etdirir. Paseo de las Artes ənənəvi əl işləri, aksessuarlar, suvenirlər və paltarlar ala biləcəyiniz əla bir küçə bazarıdır. Küçə ifaçılarını seyr edərkən Kordobanın küçə yeməklərindən dadmaq həyatınızın ən yaxşı səyahət təcrübələrindən biri olacaq. İnstaqramlarını açıb qeyri-adi hərəkətlər edən küçə rəqqasələrinin hekayəsini görmək bütün izləyicilərinizi sevindirəcəkdir. Yerli argentinalılarla danışmaq şansınız da olacaq. Argentinanın yerli xalqı əsasən çox səmimi, köməksevər və ünsiyyətcildir.

11. Iglesia de los Capuchinos

Iglesia de los Capuchinos 1930-cu illərdə italyan memar tərəfindən inşa edilmiş möhtəşəm bir kilsədir. Kilsənin xarici köhnə stilli toxunuşlarla neo-qotik üsluba sahibdir. Hər gün müxtəlif ölkələrdən minlərlə səyahətçi Iglesia de los Capuchinos kilsəsinin mənzərəsindən zövq alır. Qəhvəyi tünd çalarlar bir neçə İnstaqram filtrinin də düzəlişi ilə daha mükəmməl görünəcəkdir. Kilsənin içərisindəki dini sənət əsərləri öz qeyri-adi üslubları və incə detalları ilə turistləri valeh edir.

12. Villa Carlos Paz

San Roque gölünün sahilində kiçik turistik şəhər mövcuddur. Villa Carlos Paz Kordobadan çox da uzaqda deyil və qonaqlara kifayət qədər münasib qiymətli qonaqlama yerləri təklif edir. Burada qaldığınız müddətdə hikinq, at sürmə, velosiped sürmə, yelkənçilik, balıqçılıq, kayakinq və vindsörfinq kimi müxtəlif fəaliyyət növlərindən zövq ala bilərsiniz. Mənzərəli gölləri, meşələri, bitki örtüyünü və faunanı kameraya almaq Villa Carlos Pazda keçirdiyiniz vaxtı daha da maraqlı edəcək.

Qısa xülasə

Nəticə etibarilə, Kordoba ilin bütün fəsillərində, xüsusən də yaz aylarında turistlər üçün möhtəşəm təcrübələr təklif edən füsunkar bir turizm yeridir. Bu bloqda əvvəlcə “Kordoba haradadır?” sualını cavablandırdıq. Kordoba turistlərin səyahət etmək və şəkil çəkməkdən zövq aldığı valehedici yerlərlə zəngin bir şəhərdir. Biz də bu gün bu şəhərdə mükəmməl instaqramlıq şəkillər çəkə biləcəyiniz yerlərin adlarını sadaladıq.