Macarıstanda ən yaxşı səyahət marşrutu

Macarıstan haradadır? Macarıstan Slovakiya, Ukrayna, Rumıniya, Serbiya, Xorvatiya, Sloveniya və Avstriya ilə əhatələnmiş Mərkəzi Avropa ölkəsidir. 93030 kvadrat km ərazini əhatə edən ölkənin əhalisi təxminən 10 milyondur. Budapeşt ölkənin paytaxtıdır və burada təxminən 2 milyon insan yaşayır. Ölkənin rəsmi dili nədir? Macar dili ölkədəki rəsmi və ən çox istifadə edilən dildir. Bununla yanaşı, alman və ingilis dilləri geniş yayılmış xarici dillərdir. Macarıstanda hansı valyutadan istifadə edilir? Macarıstan forinti (HUF) rəsmi pul vahididir, lakin əksər ərazilərdə ABŞ dolları və avrodan istifadə edə bilərsiniz. Macarıstan bankları daha yüksək valyuta məzənnələri təklif etdiyi üçün pullarınızı digər ölkələrdə çevirməyin.

62 milyon - 2019-cu ildə Macarıstana səyahət edən turistlərin sayı. 2009-2019-cu illər arasındakı məlumatlara baxsaq, Macarıstana gələn turistlərin sayında böyük bir artım görərik. Bəs bunun səbəbi nədir? Bu suala müxtəlif cavablar var, ancaq ümumiləşdirib deyə bilərik: əla səyahət marşrutu.

Ölkə haqqında bir az ümumi məlumat aldığımıza görə, xəyalınızdakı səyahət marşrutu haqqında danışmağın vaxtı gəldi.

Dunay çayı

Macarıstan səyahət bloquma Dunay çayı ilə başlamaq istəyirəm. Füsunkar Dunay çayı xarici qonaqların və yerli sakinlərin ən çox sevdiyi yerdir. Çay şimaldan cənuba uzanır və şəhəri iki hissəyə ayırır: Buda və Peşt. Burada Azadlıq körpüsü kimi məşhur turistik yerlərdən bəzilərini tapa bilərsiniz. Bura həmçinin Budapeştin heyrətləndirici bir mənzərəsini görmək üçün ecazkar yerdir. Dunay çayı hikerlər və təbiət həvəskarları arasında da məşhurdur. Bu marşrut boyunca Visegrad dağlarını və daha çoxunu görmək şansınız da olacaq. Əgər daha rahat səyahət etmək istəyirsinizsə, "Danube Bend Day Trip"-də iştirak edə bilərsiniz.

Spa şəhərləri

Macarıstan tarixdən zövq ala və eyni zamanda dincələ biləcəyiniz misilsiz bir yerdir. Soruşa bilərsiniz: necə? Cavab qısa və sadədir: tarixi spa şəhərləri və imkanları. Hələ Roma vaxtından bəri Macarıstan isti su qaynaqları və hamamları ilə məşhurdur. Onların bəzilərinin yaşı 2000-dən çoxdur. Üstəlik Roma imoeratorluğundan sonra, Osmanlı İmperiyası dövründə isti su mənbələrinin sayı artdı. Bu gün Macarıstanda çox sayda türk hamamı tapa bilərsiniz. Macarıstana səyahət edərkən 1000-dən çox isti su qaynağından ən azı birini ziyarət etməlisiniz. Onlardan biri Heviz gölüdür. İl boyu müşahidə edilən ortalama temperatur 25 dərəcədir. Heviz gölü bütün Avropada ən böyük bioloji aktiv termal göldür.

Hortobagy Milli Parkı

Macarıstana səyahət edən bütün turistlərin görməli olduğu yerlərdən biri də Hortobagy Milli Parkıdır. Təbiət həvəskarları və hikerlər üçün xəyalların məkanıdır. Hortobagy ölkənin şərq hissəsində 75 000 ha ərazini əhatə edir. Hökumət bu milli parkı 1973-cü ildə yaratdı və park 1999-cu ildə Ümumdünya irsi siyahısına daxil edildi. Hortobagy Milli Parkı, Macarıstandakı ən böyük qorunan ərazidir. Şübhəsiz ki, Macarıstanda həyəcan verici bir vaxt keçirmək istəyən hər kəs milli parkı ziyarət edə bilər, ancaq xüsusilə fauna həvəskarları üçün bu təcrübə çox möhtəşəm olacaq. Milli parkda boz cins inəklər, rackalar, su camışları, quşlar və atlar kimi müxtəlif heyvan növləri yaşayır. Quşlar Hortobagy Milli Parkının ulduzu olduğundan, ümumilikdə parkda 340-dan çox quş növü var. Bölgəni piyada kəşfə çıxmaq sizin üçün yorucu görünürsə, maşın icarəyə götürə və ya at sürə bilərsiniz. Bundan əlavə, milli parkda qonaqlama imkanları da var. Daha ətraflı məlumatı parkın rəsmi veb saytından tapa bilərsiniz.

Tihany

Macarıstana səyahət etmək istəyən insanlar Tihany-ni planlarına əlavə etməlidirlər. Bura səkkiz kvadrat kilometr ərazini əhatə edən və Balaton gölünün yanında yerləşən cənnətdir. Hökumət Tihany-ni kurort bölgəyə çevirdi və kəndin cənub-qərb hissəsini yol hərəkətinə bağladı. Buna görə də bölgəni yalnız piyada kəşf edə bilərsiniz. Bu möhtəşəm səyahət marşrutunda çox sayda tarixi yer, zəngin biomüxtəliflik və s. var. Bunlardan biri də XVII əsrə aid Abbeydir (Tihanyi Bences Apatsag). Ziyarət üçün ən yaxşı vaxt nədir? İyun ayında, ağacların çiçəkləndiyi vaxtda bu möhtəşəm kəndə gəlməyinizi tövsiyə edirik. Macarıstan səyahətiniz zamanı gəzməli olduğunuz digər yerlər Wieza Widokowa, Tihanyi visszhang və qədim İç Limandır.

Lillafured mağaraları

Yuxarıda da qeyd etdiyimiz kimi, Macarıstan bütün dünyada isti bulaqları ilə məşhurdur və onlardan birini Lillafureddə tapacaqsınız, ancaq dahası da var. Əlbəttə ki, mağaralar! Burada keçmişə səyahət etmək, qədim zamanların ruhunu hiss etmək və Macarıstanda gözəl vaxt keçirmək şansınız olacaq. Bu mükəmməl səfərdə Petofi mağarasında müxtəlif nəsli kəsilmiş bitkiləri kəşf edəcək və ya İstvan mağarasında nəfəs kəsən stalaktit formasiyaları araşdıracaqsınız. Daha sərgüzəştli bir gəzinti üçün Paleolit dövründən oxlar və nizələr kimi bir çox əşyaya sahib olan Szeleta mağarasına turlara qatılmanızı məsləhət veririk. Bütün bunları kəşf etdikdən sonra meşə və dağlarda gizli sirrləri kəşfə çıxa bilərsiniz.

Szentendrei Szabadteri Neprajzi Muzeum

Şübhəsiz ki, Macarıstanın mədəniyyətini və tarixini öyrənməyin ən yaxşı yolu Macarıstan Açıq Hava Muzeyini ziyarət etməkdir. 50 illik muzey Budapeştdən cəmi 23 km məsafədədir. Açıldığı ilk gündən bəri ölkənin ən sevimli turistik yerlərindən biri olmuşdur. Muzey müxtəlif dövrləri və məkanları göstərən səkkiz bölmədən ibarətdir. Muzeydə məzmunlu, daimi və müvəqqəti sərgilər, eləcə də rəhbərli turlar var. Bu turların iki növü var: tələbələr və digər qonaqlar üçün. Muzeyin onlayn platformasına elə bu gün nəzər yetirin. Bundan əlavə, burada restoran, kafe və mağazalar var.

Şopron

Daha əvvəl də qeyd etdiyimiz kimi, Macarıstan Roma, türk və Avropa mədəniyyətini və memarlığını bir araya gətirir. Hər il milyonlarla insan bu irsi öz gözləri ilə görmək üçün Macarıstana səyahət edir və Şopron məhz bu yerlərdən biridir. Şəhər Avstriya sərhədi yaxınlığında, paytaxtdan 64 km uzaqlıqdadır.

Şopron küçələrində gəzmək sizə daha əvvəl heç hiss etmədiyiniz duyğuları hiss etdirəcəkdir. Orta əsr binalarını, Roma xarabalıqlarını və daha çoxunu müşahidə etmək sizə nağıllar aləminə aparacaq. Memarlıq tarixi haqqında ümumi məlumatınız varsa, müxtəlif əsrlərə aid binaların əksəriyyətində əlavələr görəcəksiniz, ancaq narahat olmayın. Bu cür kiçik detallar səyahətinizi pozmayacaq.

Aqqtelek Milli Parkı

Bu park, Slovakiya sərhədi yaxınlığında, Budapeştdən 223 km məsafədədir. Avtomobiliniz varsa, Budapeştdən parka çatmaq üçün səfər təxminən 140 dəqiqə davam edəcəkdir. Milli park 200 kvadrat km ərazini əhatə edir və bu ərazinin də çox hissəsi YUNESKO Ümumdunya irsi yeridir. Aqqtelek zəngin flora və faunaya malikdir, lakin ən məşhur turistik yeri mağaralardır. Baradla mağarası ən çox ziyarət edilən olsa da, son illərdə turistlər üçün açılan daha üç mağara Imre Vass, Beke və Rakoczi-dir.

Hava şəraiti

Səyahət marşrutunda yerlər qədər hava şəraiti də çox vacibdir. Səfərinizin yarısından çoxunu gəzərək keçirəcəyinizi nəzərə alsaq, yola çıxmazdan əvvəl ölkənin havası ilə bağlı məlumatınız olmalıdır. Macarıstan kontinental iqlimə malikdir. Yay isti, qış soyuqdur. Qışda və yayda kəskin dəyişikliklərin şahidi olmayacaqsınız, ancaq Macarıstanı yazda ziyarət etsəniz kəskin hava dəyişikliklərindən rahatsız ola bilərsiniz. Macarıstana səyahət üçün ən yaxşı vaxt nədir? Əksər insanlar, havanın mülayim olduğu və ölkənin o qədər də sıx olmadığı yaz və payız fəslinin Macarıstana səyahət üçün ən yaxşı vaxt olduğunu düşünürlər.