Oklənddə 12 İnstaqramlıq yer

Xüsusilə uzaq xarici ölkələrdən səyahət edirsinizsə Yeni Zelandiyaya səyahət olduqca bahalı ola bilər. Bu da kivi diyarına səyahətinizdə mümkün qədər qənaət deməkdir. Əyləncəli fakt: bəhs etdiyimiz kivi nə meyvə, nə də quşdur. Yeni Zelandiya sakinlərinə həm də kivilər deyilir! Səyahət üçün qısa vaxtı olan hər kəs ya Vellinqtonu (paytaxt), ya da “Üzüklərin Hökmdarı”-nın çəkiliş məkanlarını seçəcəkdir. Ancaq kəşf etməniz gərəkən bir yer daha var: Oklənd!

Oklənd... Maorilər bu şəhəri 100 oğlanın arzuladığı qız adlandırırlar və bu adın şəhərin coğrafi mövqeyi ilə böyük bir əlaqəsi var. Əsrlər boyunca bu torpaqlarda təbii limanlar və münbit torpaqlar uğrunda mübarizə aparılmışdır. Şəhər bu günlərdə instaqramlıq yerlər axtarışında olan hər kəsi maqnit kimi cəzb edir. Ancaq bu, Okləndə səyahət üçün yeganə səbəb deyil. Şəhər və ətrafı sözün əsl mənasında nəfəskəsicidir!

Oklənd harada yerləşir?

Yeni Zelandiya, Avstraliyanın sahilindən təxminən 2000 mil cənub-qərbdə yerləşən Sakit okeandakı bir sıra vulkanik adaları əhatə edir. Bu canlı şəhər isə Şimal adanın üst hissələrindədir. Həmçinin Oklənd, ölkənin ən böyük və ən sıx şəhəridir.

Oklənddə hava necədir?

Oklənddə hava isti və bir qədər rütubətlidir. Qar yağışı və ya sıfırın altında temperatur ancaq nadir hallarda müşahidə olunur. Ancaq bu, fəsildən asılı olaraq dəyişə bilər. Buna görə də özünüzlə ən uyğun geyimləri götürmək üçün səyahətiniz vaxtı gözlənilən hava proqnozunu yoxlamağı unutmayın. Unutmayın ki, Yeni Zelandiya Cənub yarımkürəsindədir və burada yay dekabr - fevral arasıdır! Əlavə olaraq, xəritəyə nəzər yetirsəniz, şəhərin hər tərəfində körfəz olduğunu görərsiniz. Dənizin belə yaxınlığı bəzən sərt küləklərə səbəb olur.

1. Bayswater Marina

Gəlin, bu siyahını hər kəsin bildiyi və məsləhət etdiyi yerlə başlayaq. Səyahət etdiyiniz yerin uzaq mənzərəsini əks etdirən şəkillərə sahib olmaq hər zaman yaxşıdır və bu qayda hər zaman keçərlidir, elə deyilmi? Oklənddə bu tipli instaqramlıq şəkillər çəkmək üçün Bayswater Marina-ya üz tutun. Mənzərə ilə birlikdə, marina və gəmilərlə də şəkillər çəkin.

2. Sky Tower

Tam bir adrenalin həvəskarısınızsa, Oklənddə nə etməli? 328 metr hündürlüyündəki Sky Towe əlamətdar bir yer olaraq şəkillərinizdə əla görünəcək, ancaq onun yuxarısına çıxaraq daha mükəmməl şəkillər əldə edə bilərsiniz. Bunu edin və ən çox bəyənilən İnstaqram şəkilinizi çəkmək fürsətini qazanın. Sizə bir şey deyim: şəkillər əsasən şüşə fasadın xaricində nazik bir platformada gəzən və ya bungee jumping edən insanları əks etdirir. Çox həyəcan vericidir!

3. Muriwai

Bura gözəl bir çimərlik olmaqla yanaşı, həm də quş seyri və möhtəşəm qayaların fotosessiyası üçün gözəl bir yerdir. Yerli sakinlər – morus quşları bəhs etdiyimiz bu qayalıqlarda səliqəli bir şəkildə oturmaqdan zövq alırlar. Bu onları yüzlərlə bəyəni alacaq İnstaqram şəkillərinizin ulduzları halına gətirir! Şansdan istifadə edin və yalnız çəkilmə zamanı görünən mağaraların içinə girin.

4. Maungawhau / Mount Eden

Maungawhau Okləndin ən yüksək vulkanıdır (həmçinin ən yüksək nöqtəsi) və buna görə də sizin siyahınızda mütləq olmalıdır. Bu təbii instaqramlıq yer sizə, mərkəzində yerləşən böyük kraterdə gəzmək üçün fürsət təqdim edir. Ən yaxşısı isə bura piyada getmənin həqiqətən asan olmasıdır. Yeni Zelandiyaya səyahətdən bu yeri ziyarət etmədən dönmək günah olar!

5. Cibo Restoranı

Pavlova tortu barəsində eşitmisiniz? Bu, Yeni Zelandiyanın hər yerində tapa biləcəyiniz və kifayət qədər insan tərəfindən sevilən desertdir. Bu əfsanəvi şirniyyatı öz diyarında dadmasanız, Okləndə səyahətiniz yarımçıq qalacaq! Məşhur balerinanın adını daşıyan deserti dadmaq üçün özünüzə bir gün ayırın və dadlı tortun şəkilləri ilə bütün izləyicilərinizi çılğına çevirin!

6. Lion Rock, Piha

Bura, sözün əsl mənasında ən məşhur instaqramlıq yerlərdən olmaqla yanaşı, insanların Okləndə səyahət etmələrinin səbəblərindən biridir. Arxa planda nəhəng qayaların göründüyü epik çimərlik çəkilişləri şəhərdə edə biləcəyiniz ən yaxşı şeylərdən biridir. Digəri isə hikinq edib açıq havada xoş bir gün keçirməklə, möhtəşəm İnstaqram şəkilləri üçün ən uyğun bucağı axtarmaqdır.

7. Domain Wintergardens

Domain, Oklənddəki ən qədim parkdır və 75 hektardan çox ərazini əhatə edir. Gəzmək üçün olduqca möhtəşəm bir yer kimi səslənir, elə deyilmi? Siz həmçinin burada yerləşən Müharibə Memorial muzeyini ziyarət edə bilər və ya sadəcə qış bağlarında unudulmaz fotosessiyaya sahib ola bilərsiniz. Bağın əsas xüsusiyyətləri isə çiçək açmış bitkilərin gözəlliyi və moda, həyat tərzi və ya bitki fotosessiyası üçün mükəmməl yerdə olan köhnə üslublu istixananın cazibəsidir.

8. Aotea Meydanı

Qeyri-adi formalar və gəlişigözəl materiallar çağdaş sənət əsərlərinin ümumi xüsusiyyətlərindəndir. Waharoa alaqapısını da ən yaxşı təsvir edən budur. Taxta və misdən hazırlanmış bu heykəl, ənənəvi Maori giriş qapısını xatırladır və bu mədəniyyətin əhəmiyyətli simvollarına malikdir. Meydana üz tutun və bu misilsiz heykəlin görüntüləri ilə İnstaqram izləyicilərinizi valeh edin.

9. Maori Kitchen Restoranı

Hangi barəsində eşitmisinizmi? Bu yemək hazırlamaq üçün yerli Maori üsuludur. Əsas etibarilə, yerə dərin bir çuxur qazmaq, ət və tərəvəzləri isti daşlarla yarpaqların, torpağın altına basdırmaqla bişirmək deməkdir. Son dərəcə dadlı olmasının yanında, çox orijinal İnstaqram şəkilləri üçün də inanılmaz bir fürsətdir və onu Maori Kitchen restoranına üz tutaraq əldə edə bilərsiniz.

10. Pinnakles, Koromandel

Hikinq və ya adrenalin həvəskarısınızsa, o zaman Pinnakles tam sizin üçündür. Buraya hikinq etmək Oklənddə edəcəyiniz ən həyəcanlı şeylərdən biri olacaq! Bu yer ucsuz-bucaqsız üfüqün epik şəkillərini lentə almaq üçün olduqca uyğundur. Əlavə olaraq, Pinnakles sizə bu tipli şəkilləri çəkmək üçün cəsarətinizi test edəcəyiniz yerlər təklif edir. Dürüst olaq, əksər insanlar şəklinizi bəyənəcək, amma çoxu belə macəralara addım atmağa cəsarət etməyəcək!

11. Oklənd Muzeyi

Oklənd muzeyi Cənub yarımkürəsindəki ən yaxşı muzeylərdən biri hesab olunur. Bura həmçinin Maori xalqının və Sakit okean adalarında yaşayanların orijinal mədəniyyətlərini müşahidə etmək üçün əla yerlərdən biridir. Muzeyin ən tanınmış parçası “Hotunui”-dir. Maori mədəniyyətin sizi və izləyicilərinizi ovsunlayacağını söyləmək doğru olardı.

12. Stadionda Qlampinq

Qonaqlama üçün maraqlı yerlər axtarışında olan birisinizsə, bu təklif sizin ağzınızı açıq qoyacaq. Bir stadionun ən yuxarısında yerləşən şüşə kürə təsəvvür edin. Həyəcan verici səslənir, elə deyilmi? Bura həqiqətən də Oklənddəki ən instaqramlıq yerlərdən biridir. Bu nəfəs kəsici mənzərəni gözəl bir şəkildə dizayn edilmiş “kabinetinizdən” nümayiş etdirə bilərsiniz... Və ya sadəcə azarkeşlərə qoşulub oyunlardan zövq ala bilərsiniz! Şübhəsiz ki, Eden Park qonaqlama üçün ən unikal yerlərdən biridir!

Hələ də Oklənddə nə edəcəyinizi düşünürsünüz? Ümid edirəm ki, yox! Sadəcə Okləndə səyahət qərarı alın, digərləri asandır. Oklənd möcüzələrlə doludur!