Səudiyyə Ərəbistanına səyahətdən əvvəl bilsəydim dediyim 16 şey

Səudiyyə Ərəbistanına səyahət az insanın yaşaya biləcəyi nadir bir təcrübədir. Səbəb isə sadədir: son zamanlara qədər bu ölkə dünyada turizm vizası verməyən yeganə ölkə idi. Bəs Səudiyyə Ərəbistanına necə getmək olar? Əvvəllər ölkəyə yalnız ekspatlar, əsgərlər, ezamiyyətə gələn mütəxəssislər və ya həcc ziyarətinə gələn müsəlmanlar qəbul edilirdi. Lakin 2019-cu ilin oktyabr ayından bu yana ölkə ziyarətçilər üçün tam açıqdır və əksər ölkələrin vətəndaşları turizm vizası üçün müraciət edə bilərlər. Hətta Səudiyyə Ərəbistanı hava yolları da turistik uçuşlara start verib. Səudiyyə Ərəbistanı haradadır? Qırmızı dəniz və Fars körfəzi boyunca uzanan Səudiyyə Ərəbistanı bu gün Ərəbistan yarımadasındakı ölkələrin ən böyüyüdür. Səudiyyə Ərəbistanına səyahət etməyin təhlükəsiz olub-olmaması ilə maraqlana bilərsiniz. Bilməlisiniz ki, krallıq Orta Şərqin ən etibarlı ölkələrindən biridir.

Səudiyyə Ərəbistanının çoxlu turistik məkanları, gözəl təbiət landşaftları, tarixi yerləri var. Siz bu bloqda Səudiyyə Ərəbistanına necə səyahət etməli və səyahət etməyin təhlükəsizliyi kimi sualların cavabları da daxil olmaqla, Səudiyyə Ərəbistanına səyahət etmək üçün 16 səbəb tapa bilərsiniz. Getdik!

1. Səudiyyə Ərəbistanı haradadır?

Səudiyyə Ərəbistanı Ərəbistan yarımadasında yerləşən ərəb ölkələrindən biridir. Səudiyyə Ərəbistanın paytaxtı Ər-Riyaddır. Səudiyyə Ərəbistanı dünyada dini idarəçiliyə sahib olan nadir ölkələrdən biridir. Bundan əlavə, xüsusilə turizm baxımından dünyanın ən maraqlı ölkələri arasındadır.

2. Səudiyyə Ərəbistanına necə səyahət etmək olar?

Daha əvvəl də qeyd etdiyimiz kimi, bir neçə il əvvələ qədər ölkəyə ziyarətçilərin gəlişi müəyyən məqsədlər xaricində qeyri-mümkün idi. Qadağa 2010-cu ildən qüvvəyə minmişdi, lakin getdikcə dünyanın bu hissəsinə aşiq olan insanların maraqlarına uyğun olaraq aradan qalxmağa başlayır. Bu gün Vəliəhd Məhəmməd ibn Salman əl-Səud Səudiyyə Ərəbistanında turizmin əsas təkamülçüsüdür. Məqsədi, ölkənin iqtisadi gəlirinin təkcə neftdən yox, başqa maliyyə mənbələrindən də asılı olmasını təmin etməkdir və o bu səbəbdən turizmi hədəf almışdır. Artıq Səudiyyə Ərəbistanına müxtəlif yollarla səyahət edə bilərsiniz. Lakin ən rahat yol uçuşlardır.

3. Səudiyyə Ərəbistanına səyahət təhlükəsizdirmi?

Səudiyyə Ərəbistanı terrorizm aktlarının və cinayət nisbətinin aşağı olduğu yerdir və bəlkə də bölgədəki ən təhlükəsiz ölkədir. Buna baxmayaraq, Səudiyyə Ərəbistanını ziyarət zamanı bəzi dini qaydalara tabe olmalı və hörmət etməlisiniz. Ölkədə alkoqollu içkilərin istifadəsi qadağandır. Geyim və ya qadınlarla, eləcə də dini qaydalarla bağlı qadağalar da nəzərə alınmalıdır. Qeyd etməliyik ki, zaman keçdikcə ölkədəki vəziyyət də yavaş-yavaş dəyişir. Məsələn, artıq qadınlar ölkədə maşın sürə bilər. Halbuki bu, 30 ildən çox bir müddət üçün qadağan idi. 

4. Qastronomiya

Səudiyyə Ərəbistanı da daxil olmaqla, ərəb mətbəxi hər zaman bütün tursitlərin sevimlisidir. Restoranların, kiçik dükanların və yeməkxanaların menyularında toyuqlu kuskus, hummus bi tahini və falafel kimi tipik ərəb yeməkləri, həm də dünya mətbəxindən ləzzətlər yer alır. Quzu və toyuq ən çox yeyilən ət növləridir. Donuz əti islam qanunları ilə qadağan olunduğundan heç vaxt istifadə olunmur. Ədviyyatların ərəb mətbəxində mühüm rol oynamasının ənənəsi, daha doğrusu uzun bir tarixi var, bu, ölkənin digər ölkələrlə uzun müddətli ticarət əlaqələri ilə sıx bağlıdır.

5. Ciddə

Ticarət limanı sayəsində, Ciddə, Səudiyyə Ərəbistanının ən izdihamlı yerlərindən biridir. Şəhər Corniche, Souq Al Alawi, Al-Tayibat Beynəlxalq Sivilizasiya Muzeyi və dünyanın ən hündür binası olmaq məqsədi ilə yenidənqurma işləri aparılan Ciddə qülləsi kimi məşhur turistik yerlərə sahibdir. Köhnə şəhər - Al Balanı kəşfə çıxmaq və dolaşıq küçələrində fərqli ləhcələrə və dillərə qulaq vermək çox maraqlıdır. Müxtəlif rəng və qoxularla dolu küçə bazarlarını da ziyarət etməyi unutmayın.

6. Cizan

Krallığın cənub-qərb küncündə, Yəmənlə sərhədin şimalında yerləşən liman şəhəri. Burada yerli sakinlər qonaqları mehribancasına qarşılayırlar. Şəhər ziyarətçiləri Afrikaya "aparan" kəndir və samandan tikilmiş yuvarlaq evlər və kabinlərə gəzinti təklif edir. Ədviyyatlı souslarla dadlandırılmış təzə balıq bölgənin tipik yerli yeməyidir.

7. Asir dağları

Səudiyyə Ərəbistanının cənub-qərbindəki dağlıq bölgə illərdir dünyanın ən təcrid olunmuş və gizli guşələrindən biri olmuşdur. Bura pavian, qartal və mavi kərtənkələ kimi vəhşi heyvanların yaşadığı və kanyonlarla dolu bir ərazidir.

8. Farasan adaları

Qırmızı dənizin şimal-qərb sahilində quraq iqlimə sahib olan adalar qrupu. Farasan adaları bir böyük (mərkəzi şəhəri Farasan olan), bir orta, iki kiçik ölçülü ada və onlarla adacığın yaratdığı arxipelaqdır. Səudiyyə Ərəbistanının ən yaxşı çimərliklərindən bəziləri Cizan sahillərinin yaxınlığında yerləşir.

9. Mədain Saleh

İordaniyadakı Petraya səyahət etmədən Nəbatilər mədəniyyətini yaşamaq istərdinizmi? Onda 111 monumental türbənin yerləşdiyi bu islamdan öncəki arxeoloji kompleksə mütləq ziyarət etməlisiniz. Ən kiçik türbə cəmi 2,7 metr hündürlüyündədir, ən böyüyü isə 21,5 metrə çatır!

10. Rub əl-Xali

"Boş meydan" olaraq da bilinən, 650.000 kvadrat kilometr sahə ilə Ərəbistan yarımadasının cənubunun üçdə bir hissəsini əhatə edən, dünyanın ən böyük və ən isti səhralarından biri. Ekskursiyalar mümkündür, ancaq orta temperaturun 50 dərəcə olduğunu unutmayın. Səudiyyə Ərəbistanına səyahət zamanı maraqlı vaxt keçirmək istəyən hər kəs səhranı ziyarət edə bilər.

11. Ər-Riyad yaxınlığındakı görməli yerlər

Səudiyyə Ərəbistanın paytaxtı - Ər-Riyad şəhərinə yaxın iki mütləq görməli yer var: "Dünyanın sonu" kimi ecazkar bir adı olan nəfəs kəsən kanyon və çiy kərpicdən tikilmiş binalarla bu gün açıq hava muzeyi olan Diriyah (Wadi Hanifa). Avtomobil kirayələməklə hər iki yerə səyahət edə və əsas hissələrini araşdıra bilərsiniz. Diqqət: Dünyanın sonuna çatmaq üçün 4WD-yə ehtiyacınız olacaq.

12. Məkkə və Mədinə

Bu iki şəhər islam dininin mərkəzləri və ən vacib ziyarət yerləridir. Ancaq qeyd etmək lazımdır ki, müsəlman olmayan səyahətçilər Məkkə və Mədinəni ziyarət edə bilməzlər. Buna baxmayaraq, bu səfər mənəviyyata gedən yolda ən böyük dəstəkçiniz olacaqdır.

13. Əhali

Səudiyyə Ərəbistanın əhalisi qonaqpərvərdir, xüsusilə də onlara qarşı təvazökarlıq göstərsəniz. Əhali əcnəbilərin krallıq haqqında düşüncələrini öyrənməyə maraqlıdır. Hər kəs danışmasa da, ingilis dilini bilmək sizə ünsiyyət qurmaqda xeyli kömək edə bilər.

14. Valyuta

Səudiyyə riyalı (SAR) rəsmi valyutadır. ABŞ dollarına sabit bir məzənnəyə sahibdir. Kraqllıqda ən kiçik məbləğlər belə American Express, Visa və Mastercard kimi ənənəvi kredit kartları vasitəsilə ödənilə bilər. Debet və kredit kartlardan istifadə edərək bankomatlardan nağd pul çəkə bilərsiniz. Səudiyyə Ərəbistanına səyahətin bahalı olduğunu düşünənlər yanılırlar. Kiçik bir büdcə ilə ölkəni təkbaşına gəzə bilərsiniz.

15. Səudiyyə Ərəbistanına səyahət üçün ən yaxşı vaxt

Səudiyyə Ərəbistanı dünyanın ən isti və ən quraq ölkələrindən biridir. Buna görə səyahətinizi və hətta yaşayacağınız yeri yaxşı planlaşdırmalı və mövsümü ağıllı seçməlisiniz. Səudiyyə Ərəbistanının səhra iqlimində daxili istilər yayda 50 ° C-yə çatır, lakin şimaldakı daha yüksək bölgələrdə qışda temperatur dondurucu olur. Səudiyyə Ərəbistanına səyahət üçün ən yaxşı vaxt noyabr-fevral ayları arasıdır. Həmin vaxt temperatur əsasən 23 ° C ilə 27 ° C arasında dəyişir.

16. Otellər

Səudiyyə Ərəbistanında otel və digər qonaqlama yeri seçimləri çox və keyfiyyətlidir. Xüsusilə Ər-Riyad, Ciddə və Dammam kimi böyük şəhərlərdə yüksək standartlara cavab verən və uyğun qiymətlərə sahib bir çox otel var. Hiltondan Pullmana, InterContinental-dan Ritz-Carlton-a qədər böyük otel zəncirlərinin yeni otelleri ölkədə göbələk kimi çoxalır və yayılırlar. Şübhə yoxdur ki, Səudiyyə Ərəbistanı otellərinin vəziyyəti gələcəkdə tam ideal olacaq.