Tripolidə 12 İnstaqramlıq yer

Tripoli adını eşidəndə ağlınıza nə gəlir? Tripoli Livandakı ikinci ən böyük şəhərdir və ölkənin şimal hissəsində yerləşir. Möhtəşəm memarlığı sayəsində şəhər səyahət zamanı mütləq kəşf etməniz gərəkən instaqramlıq yerlərlə doludur. Aralıq dənizinin sahillərində yerləşən böyük bir liman şəhəri olan Tripolinin əsası eramızdan əvvəl 700-cü illərdə qoyulmuşdur. Bu yazıda Tripolidəki instaqramlıq yerlərdən, ən çox bəyənilən İnstaqram fotonuzu harada çəkdirə biləcəyinizdən və ziyarət etməniz gərəkən yerlərdən yazacam.

Buyurun Tripolidəki 12 instaqramlıq yer:

1. Tripoli Qalası

Qala'at Sanjil və Qala'at Tarablus olaraq da bilinən və Tripolidə təpədə yerləşən qala şəhərin ən çox ziyarət edilən instaqramlıq yerlərindəndir. Bu Səlib qalası əvvəlcə on ikinci əsrin əvvəllərində inşa edilmişdi və odur ki, orta əsrlərin qalıqlarından zövq almaq üçün inanılmaz bir yerdir! Sosial media hesablarınızı bəzəyəcək instaqramlıq şəkillər üçün kameranızın yanınızda olduğundan əmin olun.

2. Taynal Məscidi

Taynal məscidi Tripolidə ziyarət etmək üçün əsas tarixi və ən yaxşı yerlərdən biridir. Müqəddəs yer ilk dəfə 1336-cı ildə müsəlmanlara təqdim edilmişdi. Məscid Məmlük memarlıq üslubundadır. Məscid Kadisha çayının sol sahilində yerləşir. Orta əsr səyyahları məscidin qəribə və təəccübləndirici bir memarlığa sahib olduğunu yazırdılar. Məscidin şimalındakı qara və ağ daşlarla işlənmiş giriş qapısı diqqətə layiqdir.

3. Rachid Karami Beynəlxalq Sərgisi

Rachid Karami Beynəlxalq Sərgisi Tripolinin qərb ucunda yerləşən böyük bir kompleksdir. Livanda İqtisadiyyat və Ticarət Nazirliyi yanında fəaliyyət göstərən yeganə sərgidir. Sərgi yerli, ərəb və xarici məhsulları nümayiş etdirdiyi üçün ölkə iqtisadiyyatının inkişafında böyük əhəmiyyətə sahibdir. Sərgi özü də Livanın böyüyən iqtisadiyyatını, Livan şirkətlərinin güclənməsini, xarici sərmayələrin cəlb edilməsi üçün mədəni yerləri nümayiş etdirir və Livan, ərəb və xarici müəssisələr arasında kommersiya əlaqələrini gücləndirmək və töhfə vermək məqsədi daşıyır.

4. Palm Adaları Təbiət Qoruğu

Tripolinin şimal-qərbində yerləşən Palm Adaları Təbiət Qoruğu Sanani, Ramkine və Palm adaları da daxil olmaqla təxminən beş kvadrat kilometr ərazini əhatə edir. Bu qoruğu ziyarət sizə müxtəlif təbii gözəllikləri və misilsiz heyvanları görmək üçün əla fürsət təklif edir. Palm adaları boz vağ kimi köçəri quşların yuva yeridir. Turistlər peşəkar bələdçilərin iştirakı ilə adanın nəsli kəsilməkdə olan sürünən növlərini və tısbağalarını da müşahidə edə bilərlər.

5. El Mina

Köhnə Finikiya şəhəri Tripolinin yerində olan El Mina şəhərin instaqramlıq yerlərindən biridir. Bu müstəqil sahil qəsəbəsi liman və Aralıq dənizinin harmoniyasına malikdir. Tövsiyə olunan fəaliyyətlərdən biri dənizin dərin mavi sularının müşayiəti ilə piknik etməkdir. Ayrıca kayakinqlə məşğul ola və ya gəmi ilə Dovşan adası kimi də tanınan Palm adalarına səyahət edə bilərsiniz.

6. Köhnə Bazarlar

Tripoli kimi ərəb şəhərindən gözlənildiyi kimi, burada çoxlu bazarlar var. Bu köhnə bazarlar sizi orta əsrlərə aparacaq. Əksər ziyarətçilər onları Livanın Tripoli şəhərində ziyarət etmək üçün ən yaxşı yerlərdən biri hesab edirlər. Şəhərdə Attareen və Bazerkan kimi doqquz köhnə bazar tapa bilərsiniz. Bazarlarda hansı gözəl şeylərlə qarşılaşacağınızı bilmirsiniz, bu səbəbdən yanınızda böyük bir backpack daşımaq ağıllı fikirdir.

7. Sultan Əbdül Həmid Saat Qülləsi

Tripolinin ən məşhur görməli yerlərindən biri Sultan Əbdül Həmid saat qülləsidir. Qüllə osmanlılar tərəfindən 1902-03 illərində tikilmişdir. Osmanlı imperiyasının yadigarı 1995-ci ildə təmir edilmişdir. Bu gün qüllənin mexaniki saatı çox yaxşı işləyir. Məşhur tarixi abidə Tall küçəsində yerləşir.

8. Balamand Monastırı

Tripoli haradadır? Müxtəlif mədəniyyətlərin kəsişməsində! Şəhərdə məscidlərin yanı sıra bir çox kafedral kilsələrin və monastırların olduğunu görəcəksiniz. Adını çəkə biləcəyimiz əsas nümunə Balamand monastırıdır. Monastır 17-ci əsrdən bəri Məryəm və Müqəddəs Georga həsr olunmuş Antioxiya Pravoslav Kilsəsinin mərkəzi olmuşdur.

9. Al-Abd Hammam

Hələ də fəaliyyət göstərən hamam Tripolinin canlı muzeyidir. Al-Abd Hammam öz memarlığı və günbəzi ilə sizə məmlükləri və Osmanlını anımsadacaq. Tarixçilər hamamın 17-ci əsrin sonunda inşa edildiyini söyləyirlər. Bu tarixi məkanda instaqramlıq şəkillər çəkmək mütləqdir.

10. Souk Haraj

Tripolidə ziyarət etməniz gərəkən ən yaxşı yerlərdən bir digəri də Souk Harajdır. Hadeed distriktinin ortasında yerləşən bazar təxminən iki kvadrat kilometr ərazini əhatə edir. Tarixi 14-cü əsrə dayanan Məmlük bazarı inanılmaz memarlığı ilə sizi ovsunlayır. Burada tarixçilərin Roma və Bizans strukturlarının nümayəndəsi hesab etdikləri, tavanı dəstəkləyən qranit sütunlar da mövcuddur. Tarixi şah əsər Tripoli, Livana səyahət zamanı mütləq görülməlidir.

11. Al Mansouri Məscidi

Tripolinin Ulu məscidi olaraq da bilinən məscid tarixi əhəmiyyətə malikdir. Məmlüklər bu məscidin inşasına 1294-95-ci illərdə başladılar. Tarixçilər tikintinin 1314-cü ildə bitdiyini iddia edirlər. Al Mansouri məscidi qədim İslam memarlığının ən böyük nümunələrindən biridir. Məscidin qapı və minarə kimi müəyyən elementləri erkən xristian tikililərinə çox bənzəyir.

12. Khan Al Khayyatin

Şəhərin əsas tarixi binalarından biri olan və 14-cü əsrdə xəstəxana olaraq inşa edilən Khan Al Khayattin Tripolinin məşhur ticarət mərkəzlərindən biridir. Burada qadın geyimlərində ixtisaslaşmış onlarla kiçik mağaza var. Qadın səyahətçilər buradan çadralardan tutmuş müxtəlif şalvarlara qədər, Tripolidən şirin bir xatirə olaraq qalacaq şeylər ala bilərlər.

Tripoliyə necə getmək olar?

Tripoliyə getməyin ən yaxşı yolu təyyarədir. Etihad və Qatar Airways kimi bir çox hava yolu şirkəti, digər böyük şəhərlərdən Beirut-Rafic Hariri Beynəlxalq Hava Limanına uçuşlar təşkil edir. Beyrut ilə Tripoli arasındakı məsafə təxminən 70 kilometrdir. Beyrutdakı Charles Helou avtovağzalından Tripolidəki Abdel Hamid Kərim meydanına ağ mikroavtobuslar ilə gedə bilərsiniz. Beyrutdan Tripoliyə səfər təxminən bir saat yarım çəkir. Avropanın, Şimali Amerikanın və Asiyanın əksər ölkələrinin vətəndaşları Livan vizalarını sərhəddə ala bilərlər. Bəhreyn, İordaniya, Küveyt, Oman, Qətər, Səudiyyə Ərəbistanı və BƏƏ kimi bəzi ölkələrin vətəndaşları isə Livana vizasız daxil ola bilərlər.

Tripoliyə səyahət etmək üçün ən yaxşı vaxt nədir?

Livanda hökm sürən iqlim Aralıq dənizi iqlimidir və bu səbəbdən yayların əsasən quraq olduğunu söyləyə bilərik. Livana səyahət etmək üçün ən yaxşı vaxt payız və yaz mövsümünün əvvəlləridir. Bu zaman dilimi havaların çox da quru olmadığı vaxtdır. Daha mülayim hava və temperatur turistlərə cazibədar yerlərdən zövq almağa imkan verir. Tripoliyə oktyabr-dekabr və fevral-iyun ayları arasında səyahət etməyi seçsəniz, yay günlərinin kəskin isti havasından qaça bilərsiniz. Həmçinin beləcə turistik yerlərdəki izdihamdan da qurtulmuş olacaqsınız.

Tripolini ziyarət etmək təhlükəsizdirmi?

Livanda dinclik çox da sabit deyil. Hətta Tripoli kimi böyük şəhərlərdə belə terror hücumları, zorakı soyğunlar və adam qaçırma ehtimalı yüksəkdir. Minalar və partlamamış hərbi sursatlar ola biləcəyi üçün ölkənin düzənliklərini araşdırmaqdan çəkinin. Tripolinin də yerləşdiyi ölkənin şimal hissəsi çox da etibarlı sayıla bilməz. Tripolidəki Bab al-Tabbaneh və Jabal Mohsen məhəllələrindən də uzaq durmaq yaxşı olardı. Gözlənilməz hadisələr baş verə biləcəyi üçün Tripoli ətrafındakı fələstinli qaçqın düşərgələrini ziyarət etməkdən çəkinin. LGBTQ səyahətçilər isə Livana səyahət zamanı çox ehtiyatlı olmalıdırlar.

Livana, Tripoliyə səyahətə hazırsınızmı?