Almaniya iş axtarma vizası üçün necə müraciət etmək olar?

Almaniya mövzunun qəsrlər və ya maşınlar olduğunda ilk ağla gələn yerlərdən biridir. Almaniyada 20000-dən çox qəsr var və keçmişə səyahət etmək istəyənlər bu ölkəyə baş çəkib onları ziyarət etməyi sevirlər. Alman avtomobilləri də dünya şöhrətinə sahibdir. Bu avtomobillər haqqında heç eşitməmiş birini tapmaq çətindir: Mercedes-Benz, Audi, BMW, Volkswagen. İnsanları Almaniyaya cəlb edən məşhur şeylər yalnız bunlardır? Əlbəttə yox. Bu aysberqin sadəcə görünən tərəfidir. Minlərlə insan iş üçün Almaniyaya gedir. Bunu nəzərə alaraq, Almaniya iş axtarma vizası barədə danışmağa qərar verdik. Bu bloqda bu suallara cavab alacaqsınız: Almaniyaya iş axtarma vizası necə alınır? Almaniya iş axtarma vizası üçün necə müraciət etmək lazımdır? Bu viza növünün baxılma müddəti və müvəffəqiyyət dərəcəsi nə qədərdir?

Viza siyasəti

Almaniyanın hansı viza növləri var? Ölkədə qalma müddətinə görə alman viza növlərini üç kateqoriyaya bölə bilərik. Bu kateqoriyalar:

• Qisamüddətli viza (Şengen vizası)

• Hava limanı tranzit viza

• Uzunmüddətli viza (Milli Viza)

Şengen vizası Almaniyanı altı ay boyunca 90 günlük ziyarət etməyə imkan verir. Qisamüddətli viza aşağıdakı alt kateqoriyalara malikdir:

• Almaniya Turist Vizası

• Almaniya Biznes/Konqres/Sərgi Ziyarət Vizası

• Almaniya Tibbi Müalicə Vizası

• Almaniya Mədəni/Elmi/İdman Tədbirləri Vizası

• Almaniya Ailə və Dostları Ziyarət Vizası

• Həyat Yoldaşı/Aİ və ya Almaniya Vətəndaşlarının Qohumları üçün Viza

• Almaniya Təhsil (Şengen) Vizası

• Almaniya İş (Şengen) Vizası

Almaniyada 90 gündən çox qalmaq istəyənlər milli viza üçün müraciət edə bilərlər. Ziyarətin məqsədindən asılı olaraq aşağıdakı alt kateqoriyalar var:

• Almaniya İş Vizası və Blue Card

• Almaniya İş Axtarma Vizası

• Almaniya Şəxsi Sahibkar Vizası

• Almaniya Təhsil (Milli) Vizası

• Almaniya Ailə Birləşməsi Vizası

• Almaniya Tibbi Müalicə Vizası

• Almaniya Au Pair Vizası

Almaniya iş axtarma vizası

Bu viza növünə kimlər müraciət edə bilər? Müxtəlif ölkələrdən (AB xaricində) universitet məzunları. Vizanın etibarlılığı nə qədər davam edir? İş axtarma vizası Almaniyada ən çox altı ay qalmağa imkan verir. Vizanı əldə etmiş şəxslər bu müddət ərzində ixtisaslarına aid iş axtarmaq şansı əldə edirlər. Təcrübə əldə etmək istəyən yeni məzunlar üçün möhtəşəm bir şans olduğunu deyə bilərik. Almaniyada hansı işlər populyardır? Almaniyanın mühəndislər cənnəti olduğu heç kimə sirr deyil. Beləliklə, mühəndislik ixtisası üzrə iş tapmaq daha faydalı ola bilər. Ən populyar mühəndislik sahələrindən bəziləri: elektronik mühəndisliyi, struktur mühəndisliyi, kompüter elmləri, mexanika və avtomobil mühəndisliyi və s.

Almaniya iş axtarma vizası tələbləri

Bəzi əsas məlumatları aldıqdan sonra tələblər barədə danışmağın vaxtı gəldi. Əlbəttə ki, hər hansı bir ölkəyə viza almağa qərar verdiyimiz zaman lazımi sənədləri toplamaq lazımdır. Bütün müraciətçilərə qısa və detallı bir tələblər siyahısı hazırlamağı məsləhət görürük. Almaniya iş axtarma vizası üçün tələb olunan sənədlər isə aşağıdakılardır:

• Ərizə forması. Müraciətçilər formu ingilis və ya alman dilində tam doldurmalı, imza atmalı və tarix yazmalıdırlar.

• Pasport. Almaniya ərazisini tərk etdiyiniz tarixdən minimum 3 ay müddətində etibarlı olmalı, ən azı iki boş səhifəyə sahib olmalıdır. Maksimum on il öncəyə aid ola biləcək pasport sahibi tərəfindən imzalanmalıdır.

• Şəkil. Son 6 ay ərzində çəkilmiş üç şəkil ağ fonda olmalı və 70-80% hissəsini (32-26mm) üzün ön hissəsi əhatə etməlidir.

• Şəxsiyyət vəsiqəsinin surəti. Etibarlılıq müddəti Almaniyadan ayrılma tarixindən üç ay sonraya qədər olmalıdır.

• Yaşayış icazəsi/vizası surəti. Etibarlılıq müddəti Almaniya ərazisini tərk etdiyiniz tarixdən minimum 3 ay müddətində olmalıdır (əgər yaşadığınız ölkə və vətəndaşlığınız fərqlidirsə).

• Fotokopiyalar. Pasportunuzun əsas səhifəsinin və əvvəlki Şengen vizalarınızın və ya Almaniyada yaşamaq üçün icazə sənədinin surəti

• İzahat Məktubu (Motivasiya məktubu). Müraciət edən şəxs hazırkı və gələcək karyera planlarını, işə düzəlmək üçün planını, işləri yaxşı getməsə b planını və s. əhatə etməlidir.

• CV (Tərcümeyi-hal): Şəxsi, əlaqə məlumatları, sertifikatlar, diplomlar, ixtisas, təcrübə və karyeranızla bağlı digər məlumatlar.

• Əvvəlki iş təcrübəsindən sertifikatlar. Ən zəruri sənədlərdən biridir. Bu gələcək iş planlarınıza təsir edəcəkdir.

• İxtisası (kvalifikasiyanı) təsdiq edən sənəd. Bunu alman universitet dipomu/dərəcəsi və ya bununla müqayisə ediləcək qədər tanınmış xarici universitet və xarici dərəcə ilə sübut edə bilərsiniz.

• Yaşayış yeri barədə sənəd. Yaşayacağınız yerin ünvanını və digər məlumatları təqdim etməlisiniz. Bir dostunuzun və ya qohumunuzun evində qalırsınızsa, rəsmi öhdəlik məktubu köməyinizə çatacaq. Alman dilində məktubun adı “Verpflichtungserklarung”-dur.

• Maddi imkanların sübutu. Almaniyada yaşayıb işləyərkən kirayə haqqı, yemək, dövlət ödənişləri və s. kimi xərclərinizi ödəmək üçün kifayət qədər pulunuz olmalıdır. Müraciət edənlər bu sənədləri sübut kimi göstərə bilərlər:

I. Almaniyada yaşayan sponsor tərəfindən “Verpflichtungserklarung” adlı rəsmi öhdəlik məktubu

II. Almaniyada bloklanmış/dondurulmuş hesab. Birinci il xərclərinizi əhatə edəcək qədər vəsaitə sahib olması gərəkən bank hesabıdır. Müraciət edənlər bir ayda blok edilmiş məbləğin on ikidə birindən çoxunu götürə bilməyəcəklər.

Almaniya iş axtarma vizası proses müddəti və rüsumu

Bütün sənədləri təqdim etdikdən sonra tələb olunan rüsumu ödəyəcək və gözləyəcəksiniz. Bəs bu gözləmə müddəti nə qədərdir? İş axtarma vizası üçün ortalama baxılma müddəti 20-90 təqvim günüdür. Rüsum nə qədərdir? Ödəniş yaşdan asılı olaraq dəyişir. İki qrup var:

1. 17 yaş və üzəri şəxslər: Bu qrup üçün ödəniş 75 avrodur.

2. 17 yaşdan kiçik şəxslər. Bu qrup üçün ödəniş standartın yarısıdır, 37,5 avro.

Ancaq deməliyik ki, rüsum və baxılma müddəti sənədlərin təqdim olunduğu ölkədən asılı olaraq dəyişə bilər.

Almaniya iş axtarma vizası üçün necə müraciət etmək olar?

Bu standart bir prosesdir. Əksər viza növlərində olduğu kimi, iş axtarma vizasına da viza müraciət mərkəzlərində, səfirliklərdə və ya konsulluqlarda müraciət edəcəksiniz. Bunlardan heç biri ölkənizdə yoxdursa, yaşadığınız ölkəyə ən yaxın səfirliyə və ya konsulluğa müraciət etməlisiniz. Ancaq əgər ölkənizdə səfirlik varsa, alman səfirliyinin rəsmi saytına daxil olmalı və görüş üçün vaxt götürməlisiniz.

Almaniya iş axtarma vizası müvəffəqiyyət nisbəti

Almaniyanın xarici işçilərə seçici yanaşması sirr deyil. Bu səbəbdən iş axtarma vizasını əldə etmək elə də asan deyil. Şansımı artırmaq üçün nə edə bilərəm? Hər il yüzlərlə insan həyatlarını dəyişdirmək üçün bu alman vizasına müraciət edirlər. Beləliklə, şansınızı artırmaq və diqqətləri cəlb etmək üçün xüsusi bacarıqlara sahib olmalısınız. Bunlar müvəffəqiyyət dərəcənizi artıra bilər:

• Alman dili sertifikatı - B2 və ya daha yüksək

• Sahənizdə təcrübəyə sahib olmaq

• Xüsusi bacarıqlara sahib olmaq

• Almaniyada peşəkar və ya fərdi əlaqəyə sahib olmaq

İş axtarma vizası uzadıla bilərmi?

Təəssüf ki, bu növ vizanın etibarlılıq müddətini uzada bilməzsiniz. Bu o deməkdir ki, altı ay ərzində iş tapmasanız ölkənizə qayıtmalı olacaqsınız. Digər tərəfdən, əgər iş tapsanız, iş vizası və ya yaşayış icazəsi üçün müraciət etməlisiniz. İş axtarma vizası ilə işləyə bilərəm? Xeyr, iş tapsanız belə işləyə bilməzsiniz.

Almaniyaya gəldikdən sonra bunları edin

Bəli, viza sizə Almaniyaya səyahət etməyə imkan verəcəkdir. Ancaq səyahətiniz burada bitmir. Siz daha çox şey etməlisiniz.

• Qeydiyyata alma idarəsində ünvan qeydiyyatı: bu, Almaniyaya gəldikdən sonra etməyiniz lazım olan ilk şeylərdən biridir. Qalmağı planlaşdırdığınız yer vacib deyil. Mənzil, otel, hostel və s. ola bilər. Almaniyaya girişdən sonrakı iki həftə ərzində ünvanınızı qeydiyyata salmalısınız. Ən yaxın qeydiyyata alma idarəsini tapın və pasport, viza və digər sənədlərinizlə birgə oraya gedin.

• Müvəqqəti yaşayış icazəsi almaq: ünvan qeydiyyatından sonra iş axtaran şəxslər üçün yaşayış icazəsinə müraciət edə bilərsiniz. Ən yaxın immiqrasiya səlahiyyətliləri ilə görüş təyin etməlisiniz. Sizi müsahibə üçün çağıracaqlar və bu müsahibə zamanı bəzi sənədləri və təfərrüatları təqdim edəcəksiniz.

Sonda bütün oxuculara uğurlar arzulayıram. Ümid edirəm burada əldə etdiyiniz məlumatlar müraciət zamanı sizə kömək edəcəkdir.