Balkanlarda kamp üçün ən yaxşı yerlər

Kampinq və səyahət həmişə insanları və xüsusilə gənc nəsli özünə cəlb etməyi bacarıb. Bu macəra yol yoldaşınızı daha yaxşı tanımaq üçün əla bir şans ola bilər. Həmçinin özünüz və övladlarınız üçün bir çox maraqlı xatirələr toplaya bilərsiniz. Gözəl kamp yerləri dünyanın hər yerində tapıla bilər, lakin sanki bu fəaliyyət növü üçün yaradılan xüsusi bölgələr var və Balkanlar da bunlardan biridir. Balkanlar haqqında daha çox məlumat almaq istəyirsinizsə, doğru yerdəsiniz. Bu bloqda Balkanlardakı kamp yerləri barədə ətraflı məlumat verəcək və region ilə bağlı bir çox maraqlı sualları cavablandıracayıq.

Balkanlarda hansı ölkələr var?

Balkanlar Cənub-Şərqi Avropada yerləşir və tərkibində 10 ölkə var: Albaniya, Bosniya və Herseqovina, Bolqarıstan, Xorvatiya, Kosovo, Monteneqro, Şimali Makedoniya, Rumıniya, Serbiya və Sloveniya. Balkanlar 550.000 kvadrat km ərazini əhatə edir və bütün ölkələrin əhalisi birlikdə 55 milyon nəfərdir. Türkiyənin Avropa hissəsi və Yunanıstanın bir hissəsi Balkanların bir parçasıdır, lakin Balkan ölkəsi olaraq qəbul edilmirlər və bu səbəbdən bu bloqda onlar haqqında heç bir məlumat qeyd etməyəcəyik. Balkanlardakı hansı ölkə ən yüksək, hansı ölkə ən az əhali sayına sahibdir? 20 milyon əhali ilə Rumıniya siyahıya liderlik edir. Digər tərəfdən, Monteneqro 622.000 nəfərlə ən aşağı əhali sayına sahibdir.

Bölgə ilə bağlı bəzi maraqlı faktlara nəzər yetirdiyimizə görə indi Balkanlardakı ən yaxşı kamp yerləri haqqında öyrənməyin vaxtı gəldi.

Camping Rino, Ohrid Gölü, Şimali Makedoniya

Haqqında danışmaq istədiyimiz ən yaxşı kamp yerlərinin ilki Şimali Makedoniyadadır. Ohrid gölünün sahilində yerləşən yerin adı Rinodur. Rino valehedici mənzərələr və dincəlmək üçün hər şey təklif edir, hətta onların şüarları evində kimi hiss etdir. Siz burada qəhvə içə (pulsuzdur) və bu gözəllikdən zövq ala bilərsiniz.

Bundan əlavə, göldə üzə bilərsiniz. Bunun üçün xüsusi sahələr var, amma göl bəzən soyuq olur (tətil mövsümündən asılı olaraq). Əgər göldə çimmək istəyirsinizsə, buranı ziyarət etmək üçün ən yaxşı vaxt yaydır. Əlavə olaraq, münasib qiymətlərlə dadlı Makedoniya yeməklərinin dadına baxa biləcəyiniz restoran da mövcuddur (Wi-Fi ilə).

Bura böyük kamp yerlərindən biridir, amma pulsuz deyil. Hər gecə üçün 10 avro ödəməli olacaqsınız və əlavə 4 avroya paltarlarınızı da yuya bilərlər.

Autocamp Blagaj, Bosniya və Herseqovina

İndi Bosniya və Herseqovinaya gedirik. Autocamp Blagaj Mostardan (ölkənin inzibati mərkəzi) 12 km. məsafədə yerləşir. Kamp sahəsi Buna çayının sahilində yerləşir və ümumi sahəsi 2500 kvadrat kilometrdir. Bu o deməkdir ki, eyni zamanda 25-30 çadır maşını sığışa bilər. Autocamp Blagajın əla mühiti var. Burada bütün problemlərinizdən bir müddətlik də olsa qurtulacaqsınız.

Bundan əlavə, səyahətçilər üçün kanoe, stolüstü tennis və s. kimi bir çox fəaliyyət var. Çayda üzə bilərsiniz, amma bilməlisiniz ki, suyu il boyu sərin olur. Yayda belə istilik 10 dərəcə Selsi civarında olur. Təəssüf ki, bu kamp yeri də pulludur. Mövsümə görə 10-20 avro ödəyəcəksiniz.

Kamp Tura, Sloveniya

Kamp Tura əksər kamp yerlərindən daha bahalıdır, amma burada ediləcək çox şey var. Kamp Tura Vipava kəndinin yaxınlığında yerləşir, bu səbəblə yerli sakinlərlə söhbət etmək və onların mədəniyyəti ilə bağlı maraqlı faktlar öyrənmək imkanınız olacaq. Bundan əlavə, ərazidə Sloveniya yeməklərini dada biləcəyiniz bir çox restoran və kafe var. Dağlarda və meşədə gəzdikdən sonra belə yerlərdə yeməkdən ləzzət ala bilərsiniz. Daha əvvəl də qeyd etdiyimiz kimi, Kamp Tura sizə tennis, voleybol, futbol, ​​həndbol, basketbol, ​​boulinq və başqa müxtəlif fəaliyyət növləri təqdim edir. Bundan əlavə, uşaqlar üçün xüsusi bölgə mövcuddur. Uşaqlarınız oynayarkən özünüz üçün vaxt ayıra bilərsiniz. Bu fəaliyyətlərdən bəziləri pulsuzdur, lakin bəzilərinin qiyməti saatı 2-8 avro arasındadır. Gündəlik kirayə imkanı var, lakin bahalıdır (200-1000 avro arasında dəyişir). Günü 2 avroya çadır və ya günü 5 avroya karavan kirayəyə götürə bilərsiniz. Yeddi yaşdan kiçik uşaqlar üçün hər şey pulsuzdur. İsti su, Wi-Fi və dayanacaq da pulsuzdur. Nəticə etibarilə bu kamp çox bahalıdır, ancaq maddi probleminiz yoxdursa, Kamp Tura kampinq üçün ən yaxşı yerlərdən biridir.

Ethno Household Lukovic, Serbiya

İstirahət etməklə yanaşı, Wi-Fi və sosial mediadan uzaqlaşa biləcəyiniz yer axtarırsınız? Cavabınız müsbətdirsə, Ethno Household Lukovic sizi gözləyir. Bu düşərgə Serbiyada, Belqrad yolundan 10 km məsafədə yerləşir. Akmacici adlı kəndin yaxınlığında yerləşən kamp yerində "Zlatar’s log cabins" adlı kabinələrdə qalacaqsınız. Bu komalar ənənəvi Serbiya memarlığını müasir standartlarla birləşdirir. Bütün evlərdə kondisioner və hamam otağı var. Turlarda da iştirak edə bilərsiniz. Təbiətin biomüxtəlifliyi və mükəmməlliyi ilə ovsunlanacaqsınız. Hazırda burada 300-dən çox quş növü, kənd təsərrüfatı heyvanları, müxtəlif məməlilər və daha bir çox canlı yaşayır. Turlar zamanı Uvac çayını ziyarət edəcəksiniz. Kamp yerindən cəmi 20 dəqiqəlik məsafədə sahilində istirahət edə biləcəyiniz gözəl bir göl yerləşir. Orada piknik edə və Serbiya yeməklərinin dadına baxa bilərsiniz. Bəs bu kamp yerləri pulsuzdur? Təəssüf ki, bir gecə üçün 14 avro ödəməli olacaqsınız, amma bilin ki bu, belə bir kamp yeri üçün kiçik bir ödənişdir.

Camp Zlatorog Bohinj, Sloveniya

Camp Zlatorog Bohinj Ukanc kəndində, Boxinsko gölünün sahilində yerləşir. Kamp yeri çox böyükdür, təxminən 5 hektar ərazini əhatə edir. Burada A və B zonaları olmaqla, iki fərqli zona var və zonadan asılı olaraq qiymətlər də dəyişir. Məsələn,yetkinlər üçün ödəniş haqqı A zonasında (mövsümə görə) 11-16 avro, B zonasında isə 11-13.50 avro arasındadır. Uşaqlar (7-14 yaş) üçün qiymətlər isə A zonasında 7.70-11, B zonasında 7.70-9.50 avro şəklindədir. İyundan sentyabr ayına qədər B zonasının daha ucuz olduğunu deyə bilərik. Elektrik enerjisi, yuyucu/quruducu və s. üçün əlavə ödəniş tələb olunur. Bundan əlavə, digər kamp yerlərində olduğu kimi, bu kamp yerində də bir çox fəaliyyət növü ilə məşğul ola bilərsiniz. Ekskursiyalarda iştirak edə, oyun oynaya, göldə çimə, restoranda nahar edə bilərsiniz. Restoranlar hər gün işləyir, barlar isə 08:00-dan 22:00-dək açıqdır. Bu yer romantik tətil keçirmək istəyən cütlüklər üçün əla seçimdir.

Camping Legjenda, Albaniya

Tövsiyə etdiyimiz kamp yerlərinə başqa bir nümunə də Albaniyanın Şkoder şəhərindəki Camping Legjendadır. Düşərgənin sahəsi 10.000 kvadrat metrdir və burada 2.000 dayanacaq yeri və 2.000 kvadrat metrlik bir meşə var. Qiymətlərə nəzər salaq. Qiymətlər yetkinlər üçün 6-7 avro, uşaqlar üçün 3 avro, nəqliyyat vasitələri (avtomobillər, karavanlar) üçün - 3 avro təşkil edir. Üzgüçülük hovuzu, Wi-Fi, uşaqlar üçün oyun meydançası, təmiz su, valyuta mübadiləsi, voleybol, etibarlı dayanacaq, masalar, stullar, barbekü olan ictimai yerlər pulsuzdur. Bundan əlavə, müxtəlif birgünlük turlar var. Yerli və beynəlxalq mətbəxin dadına baxa biləcəyiniz restoran-bar da mövcuddur və qiymətlər 0,50 ilə 10 avro arasında dəyişir. Bu sahədə 10 illik təcrübəyə malikdirlər, buna görə yeməklərin sizi məmnun edəcəklərinə əminəm. Əgərçadırda və ya karavanda yatmaq istəmirsinizsə, burada sizə şəxsi otaqlar da təklif edilir.

Auto Camp Kod Boce, Monteneqro

Auto Camp Kod Boce Durmitor Milli Parkında yerləşir. Kod Boce yuxarıda qeyd etdiyimiz digər yerlərə nisbətən daha sərfəlidir, gecəsi 7,20 avro. Wi-Fi, kirayə kabinələr, duş və mətbəx avadanlıqları mövcuddur. Hamamların günəş enerjisi ilə işlədiyini qeyd etmək vacibdir. Tələsin, yoxsa soyuq su ilə duş almalı olacaqsınız. Hikinq və raftinq bu məkanı ən yaxşı kamp yerlərindən birinə çevirən ən cəlbedici xüsusiyyətlərdir. Dünyanın ikinci ən dərin kanyonu - Tara çayı kanyonunda raftinq etdiyinizi təsəvvür edin . Raftinq üçün üç fərqli qiymət seçimi var: yarım gün üçün adambaşına 50 avro (12 km) , bütün gün üçün adambaşına 110 avro (36 km), iki gün üçün adambaşına 200 avro (96 km).

Pulsuz kamp yerləri mövcuddur?

Təəssüf ki, demək olar ki, bütün ölkələrdə vəhşi təbiətdə kampinq etmək hökumət tərəfindən qadağan edilib. Bu cür qanunsuz fəaliyyətlər polislə problem yarada bilər. Digər tərəfdən, bəzi səyahətçilər öz təcrübələrindən danışır və bu kimi şeylərin problem yaratmadığını, polislərin kampinqə qarşı sərt reaksiyalar göstərmədiyini söyləyirlər.