Rocky mountain, Gibraltar

Cəbəli-Tariqə səyahətdən əvvəl bilsəydim dediyim 10 şey

Yeganə Vəliyeva Yeganə Vəliyeva 08 fevral 2021
13 baxış 6 dəq. oxu

Cəbəli-Tariq, İspaniyanın uğrunda münaqişə etdiyi Böyük Britaniya tabeliyindəki ərazidir. Ölkənin coğrafi mövqeyi və çoxlu hadisələrə şahidlik etmiş tarixi səbəbilə, burada müxtəlif ənənələr və mədəniyyətlərin qarışımına rast gəlinir. 6.7 kv. kmlik kiçik ərazisinə baxmayaraq, Cəbəli-Tariq dünyanın hər yerindən turistləri bir maqnit kimi cəlb edir. Bura həm də müxtəlif attraksionlar ilə zəngindir, əgər "Gibraltar attractions" deyə axtarış etsəniz inanılmaz mənzərələr ilə qarşılaşacaqsınız.

Xəritədə Cəbəli-Tariq, Aralıq dənizi ilə Atlantik okeanını birləşdirən Cəbəllütariq boğazının üzərində yer almaqdadır. Cəbəli-Tariq şimaldan İspaniya ilə sərhəd qonşusudur. Cəbəllütariq boğazı həm ölkəni, həm də onun yerləşdiyi Pireney yarımadasının sahillərini yuyur. Cəbəli-Tariqin yerləşdiyi Pireney yarımadası, Avropanın Afrika ilə qarşılaşdığı yerdir.

monkey on the ledge

Ölkədə mülayim, isti qış və çox isti yay ilə xarakterizə olunan Aralıq dənizi iqlimi hökm sürür. Orta temperatur yayda + 24 ° C, qışda + 12 ° C-dir. İl ərzində düşən yağıntı miqdarı 850 mm-ə qədərdir ki, bu da ölkənin yalnız 15-18 faizini şirin su ilə təmin edir.

Cəbəli-Tariqin rəsmi dili ingilis dilidir, ancaq eyni zamanda ispan, portuqal və italyan dilləri də geniş yayılmışdır.

Cəbəli-Tariqin xəritədə harada yerləşdiyini və digər bir sıra maraqlı məlumatları öyrəndikdən sonra, buraya səyahət etməzdən əvvəl bilməli olduğunuz 10 faktı nəzərdən keçirin. Siz bu bloqu oxumaqla Cəbəli-Tariqin görməli yerləri ilə də tanış olacaqsınız.

1. Cəbəli-Tariqə səyahət

gibraltar view

Cəbəli-Tariq o qədər də böyük bir ölkə deyil və bu səbəbdən, buraya səyahət planlaşdırarkən cəmi 1 gün belə ayıra bilərsiniz. Əgər ölkəni rahat-rahat gəzmək istəsəniz, iki gün ayıra bilərsiniz. Bu vaxt Cəbəli-Tariqin tarixi ilə tanış olmaq, onun bənzərsiz enerjisini mənimsəmək, meymunlarla birlikdə çəkilən şəkillər də daxil olmaqla, çox sayda fotoşəkil çəkmək və ardınca İspaniya, İngiltərə və ya Mərakeşə səyahətə davam etmək üçün kifayətdir.

2. Cəbəli-Tariqə necə getmək olar?

flight to gibraltar

Cəbəli-Tariqə yalnız İspaniya üzərindən səyahət edə bilərsiniz. İspaniyaya çatdıqdan sonra Cəbəli-Tariqə səyahət etmək üçün bir neçə yol var.

Təyyarə ilə. Ölkənin kiçik bir ərazisi olsa da, burada İspaniyanın müxtəlif şəhərlərinə müntəzəm uçuşlar edən hava limanı var. Cəbəli-Tariq hava limanı dünyanın ən təhlükəli hava limanlarından biridir, çünki Cəbəli-Tariq hava limanı hər iki tərəfi dənizlə məhdudlaşan çox qısa bir uçuş-enmə meydançasına sahibdir. Təyyarələrin enişi və qalxışını izləmək, vətəndaşlar və turistlər arasında ən populyar əyləncə növlərindən biridir. Cəbəli-Tariqlə İspaniyanı birləşdirən yol hal-hazırda bağlıdır. Hava limanının özündə və ya əks tərəfdəki bir kafedə müşahidə mövqeyi tutula bilər. Uçuş-enmə zolağı Moorish Castle yaxınlığındakı uçurumdan bütövlüklə görünür.

Qatar ilə. Ölkədə dəmir yolu yoxdur, buna görə də ilk öncə sərhəddəki ispan şəhəri La Lineaya və ya Algecirasa getməlisiniz. La Lineanın Madrid, Sevilya, Malaqa və İspaniyanın digər şəhərləri ilə əlaqələri var.

Avtobus ilə. Ən yaxın avtovağzal La Linea şəhərində yerləşir. Buradan davamlı olaraq Algeciras, Malaqa, Sevilya, Kadis, Jerez-ə avtobuslar yola düşür.

3. Tarix

gibraltar

Qədim dövrlərdə ölkə, əfsanəvi Herakl sütununun adını daşıyan Mons Calpe(Kalpe) kimi məşhur idi. Ancaq 711-ci ildə məşhur fateh Tariq İbn Ziyadın ərazini ələ keçirib hərbi istinadgah kimi istifadə etməyə başlamasından sonra, ölkənin adı onun şərəfinə ərəbcə "Cəbəl Tariq" və ya "Tariq Dağı" ifadəsindən götürülən indiki adı ilə dəyişdirildi. Həmin vaxtdan sonra, ölkə uzun müddət Mavrların əlində idi, lakin 1462-ci ildə İspaniyanın hakimiyyətinə keçdi. 1704-cü ildən bəri isə Böyük Britaniya hakimiyyəti altındadır.

4. Cəbəli-Tariqin turistik yerləri

mountain rock

"Cəbəli-Tariqin turistik yerləri" siyahısındakı əsas məkan, Cəbəllütariq qayası hesab olunur. Qaya, təxminən 200 milyon il əvvəl Afrika və Avrasiya tektonik plitələrinin toqquşması səbəbindən meydana gəlmişdir. Bütün bu əzəmətə şahid olmaq üçün əsas küçədən South Gate-ə tərəf getməli, daha sonra funikulyordan istifadə etməklə kabinədən görünən şəhərin möhtəşəm panoramasından zövq almalısınız. Funikulyorun köməyi ilə dəniz səviyyəsindən 426 metr yüksəklikdəki uçurumun ən yüksək nöqtəsinə qalxa və buradan Afrika və İspaniya sahillərinin ecazkar mənzərəsini görə bilərsiniz. Buraya avtobus, maşın və ya piyada şəkildə də gedə bilərsiniz. Ödənişli olan girişdə sizə parkın üzərində bütün maraqlı yerlər qeyd edilmiş xəritəsi veriləcək. Bu yerlərə misal olaraq, Moorish qəsrini, II dünya müharibəsi tunellərini, abidələri, mağaraları və meymunların yaşadığı yeri göstərmək olar. Uçurumun zirvəsində XVIII əsrə aid qala kompleksi var.

gibraltar rock

Daha əvvəldə qeyd etdiyimiz kimi, Cəbəli-Tariq attraksionları içərisində uzunluğu 50 kilometrdən çox olan yeraltı tunellər var. Onlar, əhəngdaşını təşkil edən kalsit minerallarının su ilə tədricən aşınması və zaman keçdikcə burada mağaraların meydana gəlməsi ilə ortaya çıxdılar. Bu qaya yüzlərlə oxşar mağara ilə zəngindir, ən böyüyü isə dağın qərb hissəsində yerləşən Müqəddəs Maykl(St. Michael) mağarasıdır. Burada müxtəlif səviyyələrdəki salonlarda gəzə bilərsiniz ki, onlardan ən böyüyü mütəmadi olaraq klassik musiqi konsertləri təşkil edir. Və ya əlavə bir ödəniş müqabilində, şəffaf yeraltı gölə sahib aşağı mağaralar da daxil olmaqla, sizə mağaraların bütün köşələrini göstərəcək üç saatlıq rəhbərli tura çıxa bilərsiniz.

Cəbəli-Tariqdə görməniz gərəkən başqa bir yer heyranedici arxeoloji tapıntıların şahidi olacağınız və şəhərin meydana gəlməsinin əsas mərhələləri haqqında məlumat alacağınız, Cəbəllütariq muzeyidir. Buradakı əsas eksponat 1848-ci ildə Avropada tapılmış Neandertal kəllədir. Ayrıca burada XVIII-XIX əsrin əvvəllərinə aid silah kolleksiyaları da vardır. Muzey 1865-ci ildən bəri ölkənin genişmiqyaslı bir modelinə ev sahibliyi edir.

5. Flora və fauna

lilies lily pond bird

Gözəl təbiətə və görməli yerlərə əlavə olaraq, burada bütün Avropa qitəsindəki yeganə vəhşi meymun koloniyasını – Barbary makakalarını müşahidə edə bilərsiniz. Onlar əsasən təbiət parkında, isti və çox isti olmayan günlərdə gəzmək üçün əla bir yer olan Apes Den-də yaşayırlar. Cəbəllütariq qayasının zirvəsində yerləşən qoruqda bu meymunların təxminən 250-si yaşayır. Meymunların populyasiyası Cəbəllütariq əhalisinin yüzdə 1-i qədərdir, buna görə də meymunlar haqlı olaraq özlərini bu qoruğun ağası hesab edirlər. 1855-ci ildən bəri bu heyvanlar İngilis Donanmasının rəsmi himayəsi altındadır. Milli əfsanəyə görə, ən azı bir belə meymun olduğu müddətcə Cəbəli-Tariq Böyük Britaniyaya aid olacaqdır. Bu meymunlar milli beş qəpiklik sikkədə də təsvir edilmişdir. Bu meymunlar qonaqlardan çəkinmir və onların şəkillərini çəkməyinizə imkan verir, lakin buna baxmayaraq onların ətrafında ehtiyyatı əldən verməməlisiniz. Ayrıca, onları yemləməyin qadağan olunduğunu da unutmayın. Bunu göstərən işarələri, hər yerdə görəcəksiniz. Əgər qidalandırsanız nə olacağını göstərən illüstrasiyalara da rast gəlmək mümkündür. Bu bənzərsiz meymunlara əlavə olaraq, qoruq müxtəlif nadir quş növlərinə və çox sayda nadir bitkiyə ev sahibliyi edir.

6. Mətbəx

breakfast

Milli Cəbəli-Tariq mətbəxi çox çeşidli deyil. Bişmiş tərəvəz, ət və bitkilərin qarışığı olan tortilla ləzzətli bir yerli yemək hesab olunur. İngiltərəyə xas olan səhər yeməyi də burada çox yayğındır: bekon və ya kolbasa. Alman sosiskaları da populyardır. Həmçinin ölkə, soğan və göyərti ilə birlikdə təqdim edilən balıq və digər dəniz məhsullarından hazırlanan orijinal yeməklərlə xarakterizə olunur.

7. Kurortlar

cloudy day

Cəbəli-Tariq öz kurortları ilə də tanınır. Burada sahildə gözəl qumlu çimərliklər var. Sandy Bay, Blick Beach, Camp Bay, Eastern Beach, Catalan Bay və Little Bay olduqca məşhurdur. Hər il minlərlə təcrübəli dalğıc özlərini çətin şərtlərdə sınamaq üçün buraya gəlirlər. Yaxın gələcəkdə, Cəbəli-Tariq sahilləri inkişaf etmiş turizm infrastrukturuna sahib olan uzun, baxımlı tək bir çimərliyə çevriləcək, çünki dövlət turizmin inkişafı üçün belə bir proqramı təsdiqləyib.

8. Nəbatat bağı

garden

Ölkədəki ən maraqlı yerlərdən biri, ümumi sahəsi altı hektar olan və girişi pulsuz olan, 1816-cı ildə qurulmuş Cəbəllütariq Nəbatat Bağı-dır. Bağda iki yüz ildən çox yaşı olan təxminən iki min müxtəlif tropik bitki növü var. Bu bağ sahəsi Yay Teatrına, bənzərsiz flora və faunaya sahib Vəhşi Yaşam Parkına, şəlalələri olan İtalyan bağına və Cəbəli-Tariqin ən böyük şirin su anbarı olan kiçik bir gölməçəyə malikdir.

Cəbəli-Tariqin İngilis Qubernatoru General George Don, 1816-cı ildə bu bağın inşasını əmr etdi. İstəyi qaladakı hərbçilərin istirahət edə biləcəkləri və təbii gözəlliklərdən zövq alacaqları bir yerlərinin olması idi. Həm də yaxşı vaxt keçirmək, təmiz hava almaq və istidən qorunmaq üçün şans əldə edəcək olan ümumi əhalini də nəzərdə tuturdu. Bağın tikintisi üçün vəsait könüllü yardımlar idi.

9. Avropa burnu

sea

Heyranedici ölkənin ən cənub nöqtəsi Cəbəllütariq boğazı, Aralıq dənizi və Afrika sahillərinin möhtəşəm və bənzərsiz mənzərələrini görə biləcəyiniz Avropa burnudur. Buradan Mərakeş dağlarını və Afrika materikindəki ispan şəhərciyi - Seutanı izləyə bilərsiniz. Burada Səudiyyə Ərəbistanı Kralı tərəfindən ölkəyə hədiyyə edilən gözəl İbrahim-əl-İbrahim məscidi də var.

10. Sualtı dünya

diving

Sualtı gözəllik biliciləri də ölkədə maraqlı bir şey tapacaqlar. Buradakı üç dalğıc məktəbi var ki, həm yeni başlayanları, həm də professionalları qəbul edir. İnsanlar buraya fantastik təbiətdən zövq almaq, ecazkar yerləri görməklə yanaşı alış-veriş etmək üçün də gəlirlər. Cəbəli-Tariq dəniz zonası olduğundan buradakı mallarının əksəriyyəti digər Avropa ölkələrindən olduqca ucuzdur

Paylaş

Yeganə Vəliyeva

Yegana səyahət etməyi və yeni yerlər tanımağı, yeni insanlar və onların mədəniyyətləri ilə tanış olmağı sevir. Hər səyahətindən sonra dayana bilməyib bütün yaşadığı duyğulardan hamıya bəhs etdiyi üçün İbn Bətutənin "Səyahət etmək sizi susqunlaşdırır və daha sonra bir hekayətçiyə çevirir" sözləri ilə razılaşır. O, bir çox məqalənin müəllifidir. Ən çox iqtisadiyyat və səyahət haqqında yazmağı sevir. Bu həyatda hər şeyin öyrənilə biləcəyinə inanır, bunun üçün lazım olan tək şey güclü bir istək və bilik və təcrübələrini bölüşmək istəyən insanlardır. O da öz növbəsində, bildiklərini başqaları ilə bölüşərək, onların dünyasını bir az daha həyəcan verici etməyə və gözəlləşdirməyə çalışır.

Bütün bloqlar
pickvisa.az