Happy tourist girl with map travels in Dubai city

Dubay ziyarətçi vizası üçün necə müraciət etmək olar?

Kənan İsazadə Kənan İsazadə 31 iyul 2021
31 baxış 6 dəq. oxu

Dünyanın ən sürətlisi, dünyanın ən böyüyü, dünyanın ən uzunu və daha bir çox şey bir yerdə bir araya gəlir. Buranın hara olduğunu bilirsinizmi? Bəli, biz bu gün Dubay haqqında danışacağıq. Yəqin ki, bəziləriniz ancaq Bürc Xəlifəni (dünyanın ən hündür binası) bilirsiniz, amma Dubayda bundan daha çox şey var. Dünyanın müxtəlif yerlərində yaşayan insanlar Dubay haqqında nəsə eşidiblər. Təbii ki, aralarında yanlış məlumatlar da çoxdur. Məsələn, bəziləri Dubayın Birləşmiş Ərəb Əmirliklərinin paytaxtı olduğunu düşünür. Ancaq Dubay yeddi əmirlikdən yalnız biridir və ölkənin paytaxtı Əbu-Dabidir.

Hər il minlərlə insan Dubayın bütün sirlərini və gözəlliklərini kəşf etmək və zövq almaq üçün Dubaya səyahət edir. Biz də bunu nəzərə alaraq, Dubay ziyarətçi vizası haqqında danışmaq qərarına gəldik. Bu bloqda bu suallara cavab alacaqsınız: Dubay ziyarətçi vizasını necə əldə etmək olar? Dubay ziyarətçi vizası tələbləri nələrdir? Dubay ziyarətçi vizası üçün necə müraciət etmək olar? Dubay ziyarətçi vizasının rüsumu nə qədərdir?

Viza siyasəti

Əvvəla, Dubaya səyahət etmək istəyən şəxs vizasız ölkələrin birindən deyilsə, mütləq şəkildə viza almalıdır. Səfərin məqsədindən və qalma müddətindən asılı olaraq müxtəlif viza növləri mövcuddur.

• Turist təkgirişli - gəliş tarixindən etibarən 30 gün etibarlılıq müddəti var (qısamüddətli)

• Turist çoxgirişli - gəliş tarixindən etibarən 30 gün etibarlılıq müddəti var (qısamüddətli)

• Turist təkgirişi - gəliş tarixindən etibarən 90 gün etibarlılıq müddəti var (uzunmüddətli)

• Turist çoxgirişli - gəliş tarixindən etibarən 90 gün etibarlılıq müddəti var (uzunmüddətli)

• Tranzit - gəliş tarixindən etibarən 48 saat ərzində etibarlıdır

• Tranzit - gəliş tarixindən etibarən 96 saat ərzində etibarlıdır

Viza müraciətinizi onlayn olaraq həyata keçirə biləcəksiniz. Dubaya çatdıqdan sonra bəzi viza növləri uzadıla bilər, bəziləri isə yox. İlk dörd növün etibarlılığını artıra bilərsiniz, lakin son iki növ viza uzadılmır. Viza müraciət prosesi (müraciət zamanı təqdim etməli olduğunuz sənədlər və detallar) demək olar ki, bütün növlərdə eynidir. Səfərin məqsədindən asılı olaraq bəzi əlavə tələblər də görə bilərsiniz. Rüsumlara gəldikdə, bu da viza növünə və qalma müddətinə görə dəyişir. Bundan başqa, vizanızın etibarlılıq müddətini uzatmaq istəsəniz əlavə rüsum ödəyəcəksiniz.

Dubay ziyarətçi vizasını necə əldə etmək olar?

uae customs border control

Cavab verəcəyim ilk vacib sual budur: Dubay ziyarətçi vizası üçün necə müraciət etmək olar? Digər Dubay vizalarında olduğu kimi, Dubay ziyarətçi vizasını əldə etmək üçün bəzi addımları tamamlamalı və müəyyən şərtlərə cavab verməlisiniz. Addımlar bunlardır:

• Sponsor tapmaq. Bu, ən vacib hissələrdən biridir. Sponsor olmadan müraciətə davam edə bilməyəcəksiniz.

Turist vizası üçün lazım olan sənədləri toplamaq

• Rüsumu ödəmək

• Müraciəti sponsora göndərmək

• Proses müddətini gözləmək

Dubay ziyarətçi vizası

macro image of dubai visa

Ziyarətçi və ya turist vizası sərhəddə viza və ya vizasız giriş üçün uyğun olmayan xarici vətəndaşlar üçündür. Qeyd edək ki, 25 yaşdan aşağı qadınlar valideynləri ilə səyahət etmədikləri təqdirdə Dubay vizası üçün müraciət edə bilməzlər. Bəzi insanlara qəribə görünə bilər, amma bu qaydadır. Ziyarətçi vizalarının iki versiyası var: təkgirişli və çoxgirişli. Onların hər ikisi qısamüddətlidir və ölkədə ən çoxu 30 gün qalmağa imkan verir. Qısamüddətli vizalardan başqa, 90 gün boyunca etibarlı olan uzunmüddətli turist vizasıda mövcuddur. Dubay ziyarətçi vizasının uzadılması mümkündürmü? Bəli, Dubay ziyarətçi vizasının uzadılması mümkündür. Ərizəçilər uzunmüddətli vizalarını daha 90 gün müddətində uzada bilərlər. Üstəlik Dubay ziyarətçi vizasına onlayn müraciət də mövcuddur. Bu sizə müraciət prosesini evdən çıxmadan həyata keçirmə şansı verəcək. Xüsusilə pandemiya dövründə əla seçimdir.

Dubay ziyarətçi vizası tələbləri

giving passport and ticket

Dubay vizası üçün müraciət etmək istəyən şəxslər bütün tələblərə uyğun olmalıdırlar. Viza almağa uyğun olduğunuzu göstərmək üçün bəzi sənədləri və detalları təqdim etməlisiniz. Bəs hansı sənədlər tələb olunur? Əksər ölkə vizaları ilə müqayisədə tələb olunan sənədlər siyahısının kifayət qədər qısa olduğunu deyə bilərik. Həmin sənədlər bunlardır:

• Pasport. BƏƏ ərazisindən çıxış tarixinizdən sonra ən azı altı ay etibarlılıq müddəti olan, son 10 il ərzində verilmiş, ən azı iki boş səhifəyə sahib pasport.

• Şəkil. Altı ay ərzində çəkilmiş, üzün ön hissəsinin şəklin 70-80%-ini (32-26 mm) əhatə etdiyi, 3x4 ölçüsündə, ağ fonda və üzün aydın xüsusiyyətləri ilə.

• Tibbi sığorta. Birləşmiş Ərəb Əmirliklərində qalacağınız bütün müddət ərzində etibarlı olmalıdır.

• Birləşmiş Ərəb Əmirliklərinə çatdığınız zaman bu sənədləri təqdim edəcəksiniz: çap olunmuş elektron viza və səyahət sığortası.

• Vətəndaşlığınızdan asılı olaraq, bəzi əlavə sənədlər göstərməyiniz lazım ola bilər.

Dubay ziyarətçi vizası rüsumu

dollars

Müraciətin başqa bir mərhələsi rüsumun ödənilməsidir. Yuxarıda qeyd etdiyimiz kimi, giriş sayından asılı olaraq, qısamüddətli ziyarətçi vizasının iki növü var: tək və çoxgirişli. Bu səbəbdən iki fərqli rüsum tətbiq edilir. Təkgirişli Dubay vizasının qiyməti 100 ABŞ dollarıdır.

Eyni viza ilə Dubaya bir neçə dəfə giriş etmək istəyən şəxslər 310 ABŞ dolları ödəməli olacaqlar. Bəs viza uzadılması rüsumu haqqında nə demək olar? Vizanı 30 gün müddətinə uzatmaq istəyirsinizsə, 350 ABŞ dolları ödəyəcəksiniz. Vizanın 90 günlük uzadılması xərci isə 725 ABŞ dollarıdır.

Dubay ziyarətçi vizasının proses müddəti

businesswoman signing

Yuxarıdakı bütün mərhələləri bitirdim. Sıradakı nədir? Növbəti addım vizaya baxılma müddətini gözləməkdir. Bu ən həyəcanverici mərhələdir. Bu dövrdə beynimizdə bir çox neqativ ssenarilər canlanır. Bütün bu fikirləri “blok” etməyə çalışın. Bəs bu proses müddəti nə qədər çəkir? Ziyarətçi vizası kimi elektron vizalar üçün ortalama proses müddəti 2-3 iş günüdür. Ölkə daxili viza uzadılması isə təxminən 4-5 iş günü çəkəcəkdir.

Dubay vizasına harada müraciət etmək olar?

empty dubai airport

Onlayn müraciət səbəbilə heç bir viza müraciət mərkəzinə və ya səfirliyə getməyiniz lazım olmayacaq. Sadəcə veb saytımızı ziyarət edin və viza siyasəti bölməsinə klikləyin. Burada Birləşmiş Ərəb Əmirliklərini tapmalısınız. Bu bölmədə Birləşmiş Ərəb Əmirlikləri vizaları haqqında ətraflı məlumat ala, eyni zamanda müraciətinizi bizimlə etmək üçün əlaqə vasitələri tapa bilərsiniz.

Dubay elektron viza

dubai visitor visa

Birləşmiş Ərəb Əmirlikləri bizə viza müraciətlərimizi onlayn həyata keçirmə şansı verir. Ancaq bu bütün ölkə vətəndaşları üçün keçərlidirmi? Xeyr. Siyahıda 119 ölkə var və bu ölkələrdən bəziləri bunlardır:

• Antiqua və Barbuda

• Azərbaycan

• Bosniya və Herseqovina

• Ekvatorial Qvineya

• Marşall adaları

• Şimali Koreya (KXDR)

• Kot-d'İvuar (Fildişi Sahili)

• Kamerun

• Kolumbiya

• Dominikan Respublikası

• Şimali Makedoniya

• Cənubi Afrika Respublikası

• Burkina-Faso

• San-Tome və Prinsipi

• Mərkəzi Afrika Respublikası

• Sent-Kits və Nevis

• Cənubi Sudan

• Timor-Leste (Şərqi Timor)

Bundan əlavə, bəzi millətlər sərhəddə viza ala bilərlər. Bu siyahıda 21 ölkə var. Onlardan bəziləri bunlardır:

• Andorra

Avstraliya

• Bruney

• Yeni Zelandiya

• San Marino

• Amerika Birləşmiş Ştatları

Vizadan imtina səbəbləri

passport denied

Viza müraciəti ciddi bir prosesdir. Siz başqa bir ölkəyə getmək istəyən əcnəbisiniz. Bu, hökumətlərin viza ilə bağlı ciddi qaydaları və tələbləri olmasının başlıca səbəbidir. Müxtəlif ölkələrdən minlərlə insan bu heyrətamiz və möhtəşəm əmirliyi kəşf etmək üçün Dubaya səyahət etmək istəyir. Onlar vizaya müraciət edir, amma hamısı uğurlu nəticə əldə etmir. Viza müraciətindəki kiçik səhvlər bəzi xoşagəlməz nəticələrə səbəb ola bilir. Bəs bu rədd cavabının səbəbləri nə ola bilər?

• Səyyah subay qadındırsa: Dubayda 25 yaşdan kiçik qadınların valideynləri, qohumları və s. olmadan ölkəyə buraxılmaması ilə bağlı ciddi qanun var.

• Məhkumluq. Belə bir təcrübə viza almaq şansını azaldır.

• Əksik və ya saxta sənədlər. Bütün sənədləri təqdim etməli və müraciət zamanı aldatmağa çalışmamalısınız. Haqqınızdakı bütün məlumatlar diqqətlə araşdırılacaq.

• BƏƏ-yə daha öncəki səyahətində vizanın etibarlılıq müddətindən daha çox qalmış şəxslər növbəti dəfə rədd cavabı ala bilərlər.

• Əl ilə yazılmış pasportlar. Dünyanın əksər yerlərində olduğu kimi, Birləşmiş Ərəb Əmirliklərində də əlyazma pasportlar qəbul edilmir. Əgər belə bir pasportunuz varsa, zəhmət olmasa onu yeniləyin.

• Bulanıq fotoşəkillər və ya pasport nüsxələri - bu halda rədd cavabı almasanız belə, proses müddətiniz uzanacaq.

Paylaş

Kənan İsazadə

Kənan İsazadə Bakıda anadan olub və böyüyüb, amma hazırda Enerji üzrə magistr təhsili ilə bağlı Türkiyədədir. Kənan səyahəti və müxtəlif mədəniyyətlərdən, irqlərdən və inanclardan olan insanlarla tanış olmağı sevir. O, 10-dan çox şəhərə səyahət edib və bunların əksəriyyətini Türkiyədəki şəhərlər təşkil edir. Kənanın şüarı: yeni dillər öyrənmək, dünyanı gəzmək, mümkün qədər çox kitab oxumaq və başqalarını başa düşmək üçün özünü kiminsə yerinə qoymağı heç vaxt unutmamaq.

Bütün bloqlar
pickvisa.az