Flag of Ireland in the world map

İrlandiya biznes vizası necə alınır?

Tamerlan Mehdiyev Tamerlan Mehdiyev 16 iyul 2021
4 baxış 5 dəq. oxu

İrlandiya Şimal-qərbi Avropada yaşıllıqlar və təpələrlə zəngin bir ölkədir. Bu vəhşi diyarda təkcə macərapərəst insanlar yaşayır. Tarixin başlanğıcından müasir dövrə qədər İrlandiya öz bənzərsiz xüsusiyyətləri ilə seçilir. İnsanlar İrlandiya sözünü eşidəndə tez-tez musiqi, rəqs, bayramlar, festivallar və ağızları açıq qoyan mənzərələr barədə düşünürlər. İrlandiyanı ziyarət edən insanlar Wicklow dağlarından və Macgillycuddy's Reeks-dən açılan Atlantik okeanı mənzərəsinə heyran qalırlar. Səs-küylü şəhərlərdən başqa, gözəl təbiəti də sevəcəksiniz. İrlandiya öz festivalları, rəqsləri ilə məşhurdur. İrlandiyalılar necə əylənməyi bilirlər. Hər il ölkədə müxtəlif festivallar və tədbirlər keçirilir. Bunların arasında ən məşhur olanlardan biri, İngiltərə, ABŞ, Kanada, Braziliya, Argentina, Avstraliya və Yeni Zelandiyada da qeyd olunan müqəddəs Patrik günüdür. Həmin gün insanlar irlandiyalıların irsini və mədəniyyətini qeyd edirlər - paradlar və festivallar təşkil edir, həmçinin yaşıl rəngli geyimlər geyinirlər. İrlandiyada kəşfinizi gözləyən çoxlu şeylər və yerlər var.

İrlandiya dünyada bizneslə məşğul olmaq üçün ən yaxşı yerlərdən biri hesab olunur. Avropanın ən gənc əhalisinə sahib olan İrlandiya bu sayədə işdə yeniliklərə uyğunlaşma qabiliyyətini artırır. Bu uğur bir çox iş adamının diqqətini çəkməyi bacarıb. Hal-hazırda Dublin London, Paris, Amsterdam kimi digər böyük şəhərlərlə yanaşı, bölgə üçün iqtisadi mərkəz rolunu oynayır. Bu marağı nəzərə alaraq, bugünkü məqaləmizin əsas mövzusunun “İrlandiya biznes vizası” olmağına qərar verdik. Bu bloqda İrlandiya biznes vizası tələblərinə və İrlandiya viza növlərinə baxacağıq. Ən əsası, sizə İrlandiya vizasını necə ala biləcəyiniz və viza müddəti bitdikdən sonra ölkədə nə qədər qala biləcəyiniz barədə məsləhətlər verəcəyik. Ancaq əvvəlcə İrlandiya viza siyasətinə nəzər salaq.

İrlandiya Viza Siyasəti

assortment of passports

İrlandiyanın viza siyasəti və nizamnaməsi digər ölkələrlə qarşılıqlı əlaqələrinə görə müəyyən edilir. Bu səbəbdən bəzi ölkələrin vətəndaşları heç bir viza prosedurundan keçmədən İrlandiyaya girə və bir müddət qala bilərlər. Digərləri isə viza şərtlərinə və tələblərinə cavab verməli olacaqlar. Ölkələri vizasız və viza tələb olunan olmaqla iki qrupa bölə bilərik. Vətəndaşlarının İrlandiyaya vizasız səyahət edə biləcəyi ölkələr bunlardır:

Avropa Birliyinə üzv ölkələr, Andorra, Argentina, Braziliya, Kanada, Şili, Kosta-Rika, Xorvatiya, Kipr, Çex Respublikası, Ekvador, Macarıstan, İsrail, Koreya (Rep.), Litva, Meksika, Yeni Zelandiya, Norveç, Paraqvay, Polşa , San Marino, Sinqapur, İsveçrə, Amerika Birləşmiş Ştatları, Uruqvay, Vatikan və Venesuela.

Siyahıda adı olmayan ölkələrin vətəndaşlarından viza tələb olunur.

Bəziləri Şengen vizasının İrlandiyaya səyahət etmək üçün etibarlı olacağını düşünə bilər. Ancaq bu fikir doğru deyil. Siz İrlandiya vizası üçün müraciət etməlisiniz. İrlandiya üçün viza növlərinə gəldikdə, onları qısamüddətli, uzunmüddətli və tranzit vizaları kateqoriyalarına bölə bilərik. Qısamüddətli vizalar 90 günü keçməyən səyahətlər üçün nəzərdə tutulub. Bu növ vizalar səyahət məqsədindən asılı olaraq dəyişir. Digər tərəfdən, uzunmüddətli vizalar 90 gündən çox davam edəcək səyahətlər üçün uyğundur. Hər vizanın özünəməxsus tələbləri, şərtləri və s. var. Bu məqalə üçün biz İrlandiya biznes vizası haqqında məlumat toplamışıq. Gəlin viza tələblərinin təfərrüatlarına nəzər salaq.

İrlandiya Biznes Vizası Tələbləri, Rüsumları və s.

photo of people doing handshakes

Biznes vizası nədir? İrlandiya iş vizası ilə biznes vizası arasında hansı fərqlər var? Biznes vizasını qısa şəkildə belə izah edə bilərik: sizə 90 gün ərzində İrlandiyaya girməyə və işgüzar görüşlərdə, konfranslarda iştirak etməyə, təlim keçməyə və ya iştirakçısı olmağa, daxili yoxlamalar aparmağa icazə verən viza. Digər tərəfdən, iş vizası İrlandiyaya uzun müddətli girişlər etməyə və ölkədə işləməyə imkan verən viza növüdür. Beləliklə, biznes vizası ilə işləyə bilməzsiniz, yalnız işgüzar fəaliyyətlər həyata keçirə bilərsiniz. İrlandiya biznes vizasına müraciət üçün hansı sənədlərə ehtiyac var? Buyurun:

• Viza müraciət forması - lazımi qaydada doldurulmuş və ərizəçi tərəfindən imzalanmış.

• İrlandiya ərazisini tərk etdikdən sonra ən azı altı ay müddətində qüvvədə olacaq pasport. Son on il ərzində verilmiş olması və minimum 1 və ya 2 boş səhifəyə sahib olması mütləqdir.

• Son altı ay ərzində çəkilmiş iki foto. Fotoşəklin yüzdə 70 və ya 80 (32x26 mm) hissəsi üzün ön hissəsindən ibarət olmalıdır. Uniformalı olmanız və şəklin ağ fonda çəkilməsi tövsiyə olunur. Üz ifadəsinə ehtiyac yoxdur və şəxsin ağzı bağlı, gözləri isə açıq olmalıdır. Tələb olunan ölçü: 3,5x4,5.

• Müraciət edən şəxsin vətəndaşlığı və yaşadığı ölkə fərqli olduqda, İrlandiyanı tərk etdikdən sonra 3 ay müddətində etibarlı olacaq yaşayış icazəsinin surəti.

• Şəxsiyyət vəsiqəsinin surəti.

• Pasportun əsas və işlənmiş səhifələrinin surətləri.

• Səyahət marşrutu. Uçuş rezervasiyaları və qonaqlama yeri bronu ətraflı məlumatlar (tarixləri, ünvanları və s.) ilə.

• İş yerindən arayış. Ərizəçi yerli işəgötürəndən məktub təqdim etməlidir. Ərizəçilər işəgötürənin və ya şirkətin məlumatlarını (adı, poçt ünvanı və telefon nömrəsi) verməlidirlər. Bundan əlavə, əmək haqqı, iş saatı, vəzifə və iş barədə digər detallar da qeyd edilməlidir. Səyahətin məqsədi və müddəti də göstərilməlidir. Bir şəxs şirkətin sahibidirsə, etibarlı iş lisenziyasının surətini, şirkətin mülkiyyət sənədlərini təqdim etməlidir. Tələbədirsə, univerisitetdən məktub mütləqdir.

• Müraciətçinin kifayət qədər maddi resursa sahib olduğunu sübut edən sənədlər. Bunlardan biri təqdim edilə bilər: son 6 aydakı maddi fəaliyyətlərinizi göstərən bank hesabından çıxarış, nağd pul, kredit kartı, səyahətçinin çekləri, məşğulluğa dair sübut, sponsorun xərcləri ödəməyə hazır olduğuna dair sübut və s.

• İşgüzar əlaqələrin mövcudluğu ilə yanaşı səyahətin məqsədi və xarakterini göstərən sənədlər.

• Səfərin mahiyyətini, dəqiq ünvanları, adları, tarixləri və s. göstərən müvafiq şirkət və ya təşkilatdan alınmış dəvət məktubu.

• İrlandiyada təşkil olunan tədbir/konqres/sərgi haqqında məlumat. Tədbirin tam ünvanı, müddəti və müraciətçinin iştirak səbəbi qeyd edilməlidir.

• Səyahət üçün tibbi sığorta - sığorta minimum 30 000 avro dəyərindəki xərcləri qarşılamalıdır.

• Ərizəçinin öz ölkəsinə qayıtmaq niyyətini təsdiqləyən sənədlər. Bunlar işiniz, təhsiliniz, ailəniz, əmlakınızla və s. bağlı olan sənədlər ola bilər.

Viza rüsumlarına gəldikdə, qiymətlər bir neçə amildən asılıdır. Məsələn, giriş sayından asılı olaraq, təkgirişli viza üçün rüsum 60 avro ikən çoxgirişli viza üçün isə 100 avrodur.

İrlandiya biznes vizası tələblərini öyrəndik, bəs İrlandiya vizasına baxılma müddəti nə qədərdir?

İrlandiya vizasına baxılma müddəti ortalama olaraq 15-45 gün arasında dəyişir. Bununla birlikdə, müraciət etdiyiniz ölkəyə görə də dəyişə bilər.

İrlandiya Vizası Necə Alınır?

person signing document

Əvvəlcə İrlandiyanın ölkənizdəki səfirliyini və ya konsulluğunu tapın. Ölkənizdə heç bir diplomatik nümayəndəlik yoxdursa, qonşu ölkələrin birindəki ən yaxın səfirliyə müraciət edə bilərsiniz. Bu məsələni dəqiqləşdirdikdən sonra görüş təyin edin. Səfirliyə/konsulluğa planlaşdırılan vaxtda gedin və tələb olunan sənədləri təqdim edib, rüsumu ödəyin.

"Viza müddəti bitdikdən sonra İrlandiyada nə qədər qala bilərəm?" deyə soruşa bilərsiniz. Bu bir qədər mürəkkəb məsələdir. Vizanızın etibarlılıq müddəti bitməmişdən əvvəl viza uzadılması üçün müraciət etməmisinizsə, qanuni olaraq heç bir halda İrlandiyada qala bilməyəcəksiniz. Vizanın müddəti bitdikdən sonra İrlandiyada qalmaq istəyirsinizsə, bu məqsədlə edilə biləcək ən ağıllı şey, vizanın bitmə tarixinə az qalmış viza uzadılması üçün müraciət etməkdir. Qeyd edək ki, İrlandiya biznes vizaları çox nadir hallarda uzadılır.

Nəzərə alınması lazım olan başqa bir şey isə sərhəd nəzarətidir. İrlandiyaya eniş etdikdən sonra, sərhəd zabitinə səyahət etmək üçün səbəbinizin etibarlı olduğunu sübut etməlisiniz. İrlandiya vizasına sahib olmanız İrlandiyaya səyahət üçün yetərli deyil, çünki elə ola bilər ki, sərhəd nəzarətində girişiniz rədd edilə bilər. Buna görə İrlandiyaya səyahət üçün bütün lazımi sənədlərə və səbəblərə sahib olduğunuzdan əmin olun.

Paylaş

Tamerlan Mehdiyev

Tamerlan Mehdiyev tam bir elm həvəskarıdır. Yer haqqında elmlər üzrə magistr dərəcəsi alan Tamerlan iqlim dəyişikliyi ilə bağlı araşdırma etməyi planlaşdırır. Təbiəti və Yer üzünün gözəlliklərini müşahidə etməyi sevir. Səyahətin onu müdrikləşdirəcəyinə və daxili rahatlıq tapmasına kömək edə biləcəyinə inanır. Həyat məqsədi mümkün qədər çox fərqli yerləri, mədəniyyətləri, insanları görməkdir.

Bütün bloqlar
pickvisa.az