İrlandiya iş vizası necə alınır?

Məşhur amerikalı yazıçı, şair və alim Konrad Arensberg İrlandiya haqqında bu sözləri söyləyib: "İrlandiya mistik və tarixi diyardır. Bura Kelt Alaqaranlığının, Syngenin, Yeytsin və Stephensin ölkəsidir. Bir zamanlar məşhur olmuş Kelt mədəniyyətinin qalıqları olan qədim tarixə sahib ənənənin təməlidir. "

Şübhəsiz ki, İrlandiya zəngin bir tarixə malikdir və dünyanın müxtəlif bölgələrindən milyonlarla səyahətçi bu ölkəyə tarixin şahidi olmaq və ondan zövq almaq üçün gəlir. Ancaq ölkəyə səfər etmək üçün başqa bir çox səbəblər də var və bunlardan biri də işdir. Minlərlə insanın İrlandiyada işləmək xəyalları var. Bunu nəzərə alaraq, İrlandiya iş vizasına müraciət prosesi haqqında danışmağa qərar verdik. Bu bloqda bu suallara cavab alacaqsınız: İrlandiya təhsil sonrası iş vizası nədir? İrlandiya iş vizası tələbləri nələrdir? İrlandiya iş vizasına baxılma müddəti nə qədərdir? İrlandiya iş vizası necə alınır? İrlandiya iş vizası üçün ödəniləcək rüsum nə qədərdir?

İrlandiya viza siyasəti

Əgər şəxs vizadan imtina edən ölkələrdən birindən deyilsə, o zaman viza almalıdır. Müraciətçilərin ziyarət səbəbləri, qalma müddəti ilə bağlı müxtəlif növ vizalar mövcuddur. Onları aşağıdakı kateqoriyalara bölmək olar:

• C vizaları. Qısamüddətli səfərlər üçündür və bu alt kateqoriyalara malikdir: turizm vizası, biznes vizası, ailə və ya dostları ziyarət vizası, konfrans və ya tədbir vizası, təcrübəçi vizası, tibbi müalicə vizası, Performans və ya Turnir (Mədəniyyət/İdman) vizası, Təlim vizası, evlilik vizası və "Gəmiyə Qoşulma" vizası.

• D vizaları. İrlandiyada uzun müddət qalmağı planlayırsınızsa, bu viza növü sizin üçündür və aşağıdakı alt kateqoriyalara malikdir: təhsil vizası, iş vizası, ailə birləşməsi vizası, tədqiqatçı vizası, könüllü vizası və din naziri vizası.

• Tranzit viza.

İrlandiya iş vizası

Mənim İrlandiyada işləmək üçün vizaya ehtiyacım var? Hər hansı bir İrlanda şirkətində iş tapsanız, İrlandiyaya iş vizası almalısınız. Bunun üçün isə bəzi sənədlər, təfərrüatlar təqdim etməli və digər tələblərə cavab verməlisiniz. Bu viza ölkədə 90 gündən çox qalmağınıza imkan verəcəkdir. İrlandiyada orta aylıq əmək haqqı nə qədərdir? İrlandiyada orta aylıq əmək haqqı 3350 avrodur.

İrlandiya iş vizası tələbləri

İrlandiyada işləmək qərarına gəldikdən sonra lazım olan sənədlər siyahısı hazırlamalısınız. Bu, İrlandiya iş vizasına müraciət müddətində sizə çox kömək edəcək. Bütün müraciətçilər viza müraciətləri zamanı kifayət qədər diqqətli olmalıdırlar, çünki kiçik səhvlər rədd cavabı ilə nəticələnə bilər. İrlandiya iş vizası almaq üçün aşağıdakı sənədləri təqdim etməlisiniz:

• Müraciət forması. Bütün müraciətçi şəxslər formanı ingilis dilində tam şəkildə doldurmalı, imza atmalı və tarix yazmalıdır.

• Pasport. Son on ildə verilmiş pasport İrlandiyadan çıxma tarixindən sonra altı ay boyunca etibarlılığa, ən azı iki boş səhifəyə sahib olmalıdır.

• İki foto. Son 6 ayda çəkilmiş, ölçüsü 3,5x4,5 olan ağ fonlu şəkillər. Fotoşəklin 70-80% (32-26mm) hissəsini üzün ön hissəsi təşkil etməlidir.

• Şəxsiyyət vəsiqəsinin surəti. Qüvvədə olma müddəti İrlandiyadan çıxış tarixinizdən sonra minimum üç ay olmalıdır.

• Yaşayış icazəsi/vizası surəti. Şəxsiyyət vəsiqəsindəki kimi, etibarlılıq İrlandiyadan çıxış tarixinizdən ən azı üç ay boyunca olmalıdır (Yaşayış yeri və vətəndaşlığı fərqli olan insanlar üçün).

• Çap sənədləri. Müraciət edən şəxslər pasportlarının əsas səhifəsinin və əvvəlki vizalarının surətlərini təqdim edəcəklər.

• İş yerindən arayış. Ərizəçi yerli işəgötürəndən məktub təqdim etməlidir. Ərizəçilər işəgötürənin və ya şirkətin məlumatlarını (adı, poçt ünvanı və telefon nömrəsi) verməlidirlər. Bir şəxs şirkətin sahibidirsə, etibarlı iş lisenziyasının surəti, şirkətin mülkiyyət sənədləri təqdim edilməlidir. Bundan əlavə, əmək haqqı, iş saatı, vəzifə və iş barədə digər detallar da qeyd edilməlidir.

• Maddi imkanların sübutu. İrlandiyaya səyahət edərkən xərcləri ödəmək üçün kifayət qədər vəsaitiniz olmalıdır. Bunun üçün maddi imkanlarınızı sübut etməlisiniz. Bu məqsədlə baş vura biləcəyiniz şəxsi bank çıxarışı, kredit kartı, nağd pul, iş yerinin sübutu və s. kimi bir neçə yol var.

• Səyahət marşrutu. Uçuş biletlərinin və qonaqlama yerinin bronlarının sübutunu göstərməlisiniz. Qonaqlama yeri (otel, hostel və s.) haqqında bronlarda ad, küçə, şəhər, poçt kodu, əlaqə məlumatı kimi bütün detallar göstərilməlidir.

• Əmək müqaviləsi.

• Bacarıqların və əvvəlki iş təcrübələrinin sübutu. Bu məqsədlə CV-nizi təqdim edə bilərsiniz. Bütün bacarıqlarınızı, təhsilinizi, təcrübənizi, sertifikatlarınızı və digər keyfiyyətlərinizi qeyd etməyə çalışın.

• Məşğulluq, Müəssisə və İnnovasiya Departamentindən məşğulluq izni. Müraciət edənlər bunlardan birini göstəməlidir:

- Kritik Bacarıqların Məşğulluq İzni

- Ümumi Məşğulluq İzni

- Şirkətdaxili Transfer Məşğulluq İzni

- Xidmət Məşğulluq İzni 

- Mübadilə Müqaviləsi İş İzni

- Təcrübə Məşğulluq İzni

- İdman və Mədəni Məşğulluq İzni

• Yaşayış yeri barədə sənəd. Kirayələnmiş evdə, mənzildə və ya başqa bir yerdə qalmağı planlaşdırırsınızsa, detalları təqdim etməli və müqaviləni göstərməlisiniz.

• Tibbi sığorta. İrlandiyada etibarlı olmalı və planlaşdırılan bütün qalma müddətini əhatə etməlidir.

• Bəzi əlavə sənədlər.

İrlandiya təhsil sonrası iş vizası

Dünyanın müxtəlif yerlərindən çox sayda tələbə fərqli universitet dərəcələri üçün təhsillərini İrlandiyada davam etdirir. O tələbələrdən bəziləri burada qalmaq və iş axtarmaq şansı axtarır. İrlandiya təhsil sonrası iş vizası onlara bu şansı verir. Bu viza şəxsin CV-sini gücləndirməsinə və təcrübə qazanmasına kömək edəcəkdir. İrlandiya sertifikatlı dərəcəsi ilə əyani tələbə kimi qeydiyyata düşmüş və viza möhürünə sahib şəxslər “Third Level Graduate Scheme” üçün haqq qazana bilərlər. Viza haqqında bəzi qeydlər:

• Yenilənə bilməyən vizadır.

• Etibarlılıq kurs bitdikdən sonra iki il davam edir.

• Müvafiq iş tapdıqdan sonra yaşıl kart və ya iş icazəsi üçün müraciət edə bilərsiniz

İrlandiya iş vizası rüsumu

Müvafiq sənədləri və təfərrüatları təqdim edildikdən sonra digər bir tələb viza ödənişidir. Vizanın giriş saylarına görə ödəcəyiniz rüsum dəyişə bilir. Təkgirişli viza üçün rüsum 60 avro, çoxgirişli viza üçün isə 100 avrodur. Hər iki qiymət müraciət etdiyiniz ölkədən asılı olaraq dəyişə bilər. Müraciətçilər viza müraciət mərkəzi haqqı, kuryer xərcləri və s. kimi bəzi digər ödənişləri də ödəməli ola bilərlər. Digər tərəfdən, aşağıda sadalanan ölkələrin vətəndaşları rüsumdan azad ediliblər:

• Bosniya

• Kotdivuar

• Ekvador

• İndoneziya

• Yamayka

• Kosovo

• Qırğızıstan

• Monteneqro

• Mərakeş

• Şimali Makedoniya

• Peru

• Serbiya

• Şri-Lanka

• Tunis

• Uqanda

• Zambiya

İrlandiya iş vizasına baxılma müddəti

Bir çox insan üçün viza müraciət müddətinin ən təşvişli hissəsi olan – proses müddətindən danışmağın vaxtı gəldi. İrlandiya iş vizasının ortalama proses müddəti 25-65 təqvim günüdür. Bu, sənədləri təqdim etdiyiniz ölkəyə görə dəyişə bilər.

İrlandiya iş vizası necə alınır?

Standart (kağız əsaslı) müraciət etməniz gərəklidir. Harada müraciət edə bilərəm? İş vizası müraciətlərini yaşadığınız ölkədəki viza müraciətlərini qəbul edən qurumlardan birində - viza müraciət mərkəzlərində, səfirliklərdə və ya konsulluqlarda həyata keçirə bilərsiniz. Bunlardan heç biri ölkənizdə yoxdursa, qonşu ölkələrdən birindəki ən yaxın səfirliyə və ya konsulluğa müraciət etməlisiniz.

Hansı ölkələrdən daha çox müraciət edilir?

Yuxarıda dediyimiz kimi, minlərlə insan İrlandiyada yaşamaq və işləmək istəyir, amma hansı millətlər daha çox müraciət edir? Müraciət sayına görə Hindistan liderdir. 2016-cı ildə Hindistandan 1465 nəfər iş vizası üçün müraciət etmişdir. Həmin ilin datalarına görə ilk 5-likdəki digər ölkələr bunlardır:

• Pakistan

• Amerika Birləşmiş Ştatları

• Braziliya

• Sudan

Hansı iş daha məşhurdur?

Hansı işlər daha çox insanı cəlb edir? Haqqında axtarış etdiyimizdə səhiyyə və texnologiya ilə əlaqəli işlərin xarici müraciətçilər arasında daha məşhur olduğunu görə bilərik. Bunun bir neçə səbəbi var. Hər şeydən əvvəl, maaş ən güclü səbəbdir. Səhiyyə və texnologiya sektorlarında çalışan insanlar demək olar ki, dünyanın hər yerində yaxşı pul qazanırlar. Müraciətçilərin çoxluğunda bir digər səbəb beynəlxalq firmalardır. İrlandiyada bir çox beynəlxalq şirkətin filialı var.

Vizadan rədd səbəbləri

İş vizası üçün müraciət zamanı bütün müraciətçilər diqqətli olmalıdırlar. Hər il minlərlə insan İrlandiyada işləmək üçün müraciət edir. Hamısının təsdiq ala bilməməsi yəqin ki, sirr deyil. İş vizası üçün müraciətlərinin sonunda rədd cavabı alan bir çox insan var. Niyə insanlar müraciətlərinin sonunda rədd cavabı alır? Bunun müxtəlif səbəbləri ola bilər.

• Maliyyə imkanları. Bütün müraciətçilərin yemək, qonaqlama, alış-veriş və s. kimi xərclərini rahatlıqla ödəyəcək qədər vəsaiti olmalıdır.

• Məhkumsuzluq. Cinayət arxivi olan şəxslərin viza müraciəti müddətində şanslarının az olması təəccüblü deyil. Buna görə illeqal fəaliyyətlərdən uzaq durmağa çalışın.

• Yanlış sənəd və ya sənəd çatışmazlığı. Bütün sənədləri təqdim etməli və onların hər birinin gerçəyi yansıtdığına əmin olmalısınız.

• Pasportun etibarlılıq müddətinin kifayət qədər olmaması.