İtaliya Şengen vizası üçün müraciət etməzdən əvvəl nələri bilməlisiniz?

İtaliya ən yüksək səviyyədə işləyə, təhsil ala və istirahət edə biləcəyiniz yerdir, amma bunun üçün İtaliya Şengen vizasına sahib olmalısınız. Bu yazıda İtaliya Şengen vizası və müraciət üçün tələblər, lazım olan sənədlər haqqında məlumat əldə edəcəksiniz. Üstəlik İtaliya Şengen vizası proses müddəti, rüsumu, Şengen vizasının İtaliyada necə uzadılması barədə əhəmiyyətli məlumatlar da təmin ediləcək. Hazırsınızsa, bir qəhvə götürün və İtaliya Şengen vizası turu üçün bizə qoşulun!

İtaliya Şengen vizası

Ekonomik güc baxımından dünyada 8-ci olan İtaliya Respublikası Aralıq dənizinin mərkəzində yerləşir. Bu gün ölkə daxilində bir çox qala və saraylara, eləcə də Roman, Gotik, Manyerist, Barok və Neoklassik kimi müxtəlif memarlıq üslublarında tikilmiş çoxsaylı binalara rast gəlmək mümkündür. İtaliyanın 7600 kilometrlik sahil xətti, gözəl gölləri, nəfəs kəsən qayalıqları və çoxsaylı yam-yaşıl milli parkları var. Bu qədər təbii və süni möcüzə ilə İtaliya nəhəng bir turistik məkandır. İtaliyanı hər il 50 milyondan çox turistin ziyarət etdiyi təxmin edilir. Turizm İtaliya iqtisadiyyatı üçün vacibdir və ölkənin ümumi daxili məhsulunun 60%-dən çoxunu təşkil edir.

Koronavirus pandemiyasından ən çox təsirlənən AB ölkələrindən biri olan İtaliya keçən ilin mart ayının əvvəlində üçüncü ölkə vətəndaşlarının girişini qadağa etməklə karantin rejiminə başladı.

Bununla birlikdə, AB-də və digər yerlərdə epidemioloji vəziyyət yaxşılaşdıqca, İtaliya bir neçə üçüncü ölkə vətəndaşları və müəyyən səyahət kateqoriyaları üçün olan giriş qadağasını ləğv etdi.

İtaliya 1 iyulda sərhədlərini aşağıdakı ölkələrin vətəndaşlarına açdı: Avstraliya, Yaponiya, Yeni Zelandiya, Ruanda, Cənubi Koreya, Tayland, Sinqapur və Uruqvay (turizm daxil olmaqla).

Üçüncü ölkə vətəndaşlarının səyahət etməsinə yalnız iş, sağlıq və ya təhsil kimi xüsusi məqsədlər üçün və ya son dərəcə təcili hallarda icazə verilir.

Digər ölkələrdən olan səyahətçilərin girişinə İtaliya/AB/Şengen vətəndaşı və ya İtaliyada qanuni olaraq yaşayan şəxs ilə təsdiq edilmiş və sabit bir münasibəti olduqda və partnyorlarının evinə/yaşayış yerlərinə getdikləri təqdirdə icazə verilir.

İtaliya Şengen vizası tələbləri

İtaliyanın Şengen bölgəsinin hissəsi olması səbəbilə bütün AB/AİB vətəndaşlarının İtaliyaya daxil olmaq üçün yalnız şəxsiyyəti təsdiq edən sənədi təqdim etmələri lazımdır.

Eyni zamanda İtaliyaya, San Marinoya ya da Vatikana səyahət etmək istəyən AB/AİB vətəndaşı olmayan şəxslər ölkəyə giriş üçün qaşağıdakı sənədləri təqdim etməlidirlər:

- Pasport və ya digər etibarlı səyahət sənədi. Pasport planlaşdırılan Şengen çıxış tarixindən sonra ən azı üç ay müddətində qüvvədə qalmalı və son on ildə verilmiş olmalıdır.

- İtaliyanın viza rejiminə tabedirlərsə, vizaya da ehtiyacları olacaq.

(Britaniya vətəndaşları etibarlılıq və verilmə tarixi kimi tələblərdən azad edilmişdir.)

İtalyan ev sahibdən dəvət məktubu, İtaliyaya səyahət üçün maliyyə imkanlarını təsdiqləyən sənəd və ya gediş-dönüş bileti kimi digər sənədlər də tələb oluna bilər. Bu barədə daha çox məlumat üçün yaşadığınız yerdəki italyan konsulluq xidmətləri ilə əlaqə saxlayın.

Bundan əlavə, sərhəd zabiti sizə İtaliyaya səyahətinizlə bağlı bir neçə sual verə bilər:

- İtaliya səfərindən gözləntiləriniz nədir?

- İtaliyada nə qədər qalmağı düşünürsünüz?

- İtaliyada harada qalacaqsınız?

Unutmayın ki, İtaliya sərhəd polisi ölkəyə girişinizə icazə verilib-verilməməsi ilə bağlı son söz sahibidir. Əgər o, İtaliyaya heç bir təhlükə yaratmadığınızı müəyyən edərsə, sənədlərinizi araşdırdıqdan sonra İtaliyaya və beləliklə, Şengen bölgəsinə girişinizə icazə verəcəkdir.

İtaliyaya daxil olduqda italyan sərhəd zabitinin pasportunuzda möhür vurduğundan əmin olun. Möhür olmazsa cərimə və ya deportasiya oluna bilərsiniz.

Şengen vizası üçün tələb olunan sənədlər

Bu hissədə İtaliya Şengen vizasına müraciət üçün lazım olan 10 sənəd veriləcək. Qısamüddətli İtaliya Şengen vizası üçün müraciət edən hər kəs aşağıdakı sənədləri təqdim etməlidir:

1. İtalyan vizasının müraciət forması

Formanı doldurun və çap edin. Çap etdikdən sonra imzalayın. Bu formada təqdim etdiyiniz məlumatların digər sənədlərdəki məlumatlarla uyğunlaşdığını yoxlayın.

2. Şəkillər

Şəkillər aşağıdakı şərtləri ödəməlidir:

- Son 6 ayda çəkilmiş olmalı

- 35x45mm ölçüdə olmalı

- Rəngli olmalı

- Şəklin 70-80% hissəsini üzün ön hissəsi əhatə etməlidir.

- Ərizəçi birbaşa kameraya baxmalıdır.

- Neytral üz ifadəsi

- Arxa planla eyni rəngdə olan geyimlərdən çəkinin.

3. Pasport

Vizaya müraciət etmək üçün pasportunuzun ən azı iki boş səhifəsi olduğundan və son on ildə verildiyindən əmin olun. Bundan başqa, pasport İtaliyadan və Şengen bölgəsindən ayrılmaq istədiyiniz tarixdən sonra ən azı üç ay etibarlı olmalıdır.

4. Əvvəlki vizaların surətləri

5. Qonaqlama yerinin təsdiqi

6. Səyahət biletinin rezervasiyası

7. Səyahət sığortası

Sığorta İtaliya ilə yanaşı, bütün Şengen bölgəsi üçün də keçərli olmalıdır. Minimum 30.000 avro dəyərində xərcləri qarşılamalıdır.

8. Maliyyə mənbələrinin sübutu

İtalyan səlahiyyətliləri ölkədə qaldığınız müddət ərzində özünüzü təmin edəcək qədər maddi imkanlarınızın olduğunu göstərməyinizi istəyir. Qalma müddətindən asılı olaraq göstərməniz gərəkən imkanlar:

- 0 ilə 5 gün arası - ümumilikdə bir nəfər üçün 269,60 avro

- 6 ilə 10 gün arası - gündəlik adambaşına 44,93 avro

- 11 ilə 20 gün – Ümumi məbləğ adambaşına 51,64 avro, iki və ya daha çox adam üçün 25,82 avrodur. Gündəlik olaraq adambaşına 36,67 avro və iki və ya daha çox adam üçün 22,21 avro təşkil edir.

- 20 gündən çox - Ümumi məbləğ adambaşına 206,58 avro və ikili və ya daha çox qruplar üçün 118,79 avro, üstəgəl gündəlik adambaşına 27,89 avro və iki və ya daha çox qrup üçün 17,04 avro təşkil edir.

9. Örtük məktubu

İtaliyanı niyə ziyarət etmək istədiyinizi, nə qədər qalmağı planladığınızı, ayrılmağı planlaşdırdığınız vaxtı və digər müvafiq məlumatları izah etdiyiniz bir məktub.

10. Ailə vəziyyətinin (statusunun) təsdiqi

Bu nikah şəhadətnaməsi, həyat yoldaşının ölüm şəhadətnaməsi və s. ola bilər.

İtaliyada Şengen vizası necə uzadılır

İtalyan Şengen vizasını yalnız müstəsna hallarda, tərk edə bilməməyinizi, gec girişi, humanitar və ya fors-major səbəblər kimi kifayət qədər əsaslandırılmış xüsusi şərtləri sübut etdiyiniz təqdirdə uzada bilərsiniz.

İtaliya Şengen vizası rüsumu

Buyurun, qısamüddətli səfərlər üçün Şengen viza rüsumları:

- Yetkinlər üçün 80 avro

- 12 yaşdan kiçik uşaqlar 40 €

- 6 yaşdan kiçik uşaqlar üçün pulsuz

Lakin müraciət edən şəxsin vətəndaşlığı, ziyarətin məqsədi və digər amillərdən asılı olaraq, bəzi müraciətçilər azaldılmış rüsum ödəyə və ya ümumiyyətlə ödəməyə bilər. Məsələn, Azərbaycan vətəndaşları üçün rüsum 35 avrodur.

İtaliya Şengen vizası proses müddəti

İtaliya qısamüddətli viza müraciətinin baxılması 15 günə qədər davam edə bilər. Ancaq situasiyaya görə bu müddət 30 gün də uzadıla bilər.

İtalyan qısamüddətli vizanızın verilməsində gecikmələrin qarşısını almaq üçün ərizənizi ən qısa müddətdə, lakin İtaliyaya səyahətinizdən maksimum üç ay əvvəl verməlisiniz.

İtaliya Şengen vizasına necə müraciət etməli?

İtaliyaya qısamüddətli viza almaq üçün aşağıdakı mərhələlərdən keçməlisiniz:

1. İtaliya vizası üçün harada müraciət etməli olduğunuzu müəyyənləşdirin.

2. Hansı növ İtaliya vizasına ehtiyacınız olduğunu müəyyənləşdirin.

3. İtaliya qısamüddətli vizası üçün etibarlı müraciət formasını doldurun.

4. İtaliya vizası üçün lazımi sənədləri toplayın.

5. İtaliyanın səfirliyi/konsulluğu və ya yaşadığınız ölkədəki viza müraciət mərkəzi ilə görüş təyin edin.

6. Müsahibəyə gedin.

7. İtaliya Şengen vizanızın işlənməsini gözləyin.

İcmal

İtaliya Şengen vizası ilə əlaqəli məlumatların demək olar ki, hamısını qeyd etdik. Artıq İtaliya Şengen vizası tələblərini, eləcə də gərəkli olan 10 sənədin hansılar olduğunu bilirsiniz. 15, 30 və çox müstəsna hallarda 60 gün İtaliya Şengen vizasının proses müddətidir. Viza rüsumu isə bir neçə faktor əsasında dəyişə bilir. Ümid edirəm bu məqalə İtaliya Şengen vizası ilə bağlı araşdırmalarınız üçün faydalı oldu!