Moldovaya səyahətdən əvvəl bilsəydim dediyim 10 şey

Aytən Axundova 24 dekabr 2021 0 baxış 5 dəq. oxu

Moldovaya səyahət planlaşdırırsınız? Avropanın təqribən şərq kənarında, Ukrayna ilə Rumıniya arasında yerləşən Moldova, qitənin ən az tanınan ölkələrindən biridir.

Moldova üçün olan turist statistikasına nəzər yetirsəniz görərsiniz ki, rəqəmlər müxtəlifdir. Bununla belə, Business Intelligence-nin Cənub-Şərqi Avropa üçün olan məlumatlarına əsasən, Moldova 2016-cı ildə böyük əksəriyyəti Rumıniya, Ukrayna və Rusiyadan olan 306.307 turist qəbul etmişdi.

Bu o deməkdir ki, qonşu ölkələr xaricində başqa ölkələrdən gələn ziyarətçilərin sayı azdır.

Möhtəşəm Avropa arxitekturasını və UNESCO-nun Ümumdünya irsi yerlərini görməyi istəyirsinizsə, təbii ki, Moldovaya getməyəcəksiniz. Ancaq bununla birlikdə, mədəniyyəti daha dərindən araşdırmaq, Sovet tarixinə qapılmaq və Avropanın ən ənənəvi ölkəsinə səyahət etmək istəyirsinizsə, Moldova tam sizin üçündür.

Bu məqalədə Moldova Respublikası və onun görməli yerləri haqqında əsas məlumatlar paylaşılacaqdır.

Moldovanın coğrafi mövqeyi

Moldova xalqının üçdə ikisi rumın mənşəlidir və hər iki ölkə ortaq mədəni irsə sahibdir.

Dnestrdən şərqdə, Dnestryanı bölgə olaraq bilinən sənaye bölgəsi, Sovet İttifaqının Bessarabiya ilə birgə Moldova Sovet Sosialist Respublikasını qurduğu 1940-cı ilə qədər Ukrayna daxilində formal muxtar bölgə idi.

Bu ərazidə əsasən rus və ukrayna dilində danışan sakinlər yaşayır. Sovet İttifaqının son illərində insanlar Rumıniya ilə daha yaxın əlaqələrin qurulmasından getdikcə daha çox narahat olduqları üçün, Dnestryanı 1990-cı ildə təktərəfli qaydada Moldovadan müstəqilliyini elan etdi.

1. Moldovanı ziyarət etmək üçün ən yaxşı vaxt

park in moldova

Moldovanı hikinq səbəbilə ziyarət etmək üçün ən yaxşı vaxt sentyabrın ortası - oktyabrın ortasıdır. Bəs nəyə görə?  Bu vaxt məhsul yığımı mövsümüdür və Moldovanın üzümləri bu ölkəyə səyahətin əsas səbəblərindən biridir. Onların necə şərab istehsal etdiklərini görə bilərsiniz. Üstəlik Moldova şərab festivalı oktyabr ayının ilk həftəsində keçirilir.

Qış (noyabr-fevral) – Təbii ki, səyahət etmək də azadsınız, ancaq qarşılaşacağınız şey çox soyuq hava və çox az fəaliyyət olacaqdır.

Yaz (mart-iyun) - Düşünürəm ki, yay Moldovaya səyahət etmək üçün ikinci ən yaxşı mövsümdür, belə ki, hava xoş keçəcək və bütün mənzərə çiçəklərlə örtüləcəkdir.

Yay (iyul-avqust) – Çox isti olmasına baxmayaraq, məncə yenə də səyahət etmək olar. Məhz bu vaxtda ölkədə daha çox turist müşahidə olunur.

2. Moldovaya necə getmək olar

flight to moldova

Moldovaya getmək üçün müxtəlif yollar var:

Təyyarə ilə getmək üçün: Kişinyov Beynəlxalq Hava Limanından Varşava, Münhen, Kiyev və Buxarest kimi müxtəlif Avropa şəhərlərinə uçuşlar mövcuddur. Skyscanner-i məsləhət görürəm, ancaq Moldavia Air veb saytına da baxa bilərsiniz.

Quru sərhədi ilə getmək üçün: Moldova həm Ukrayna, həm də Rumıniya ilə ortaq sərhədi və sonsuz giriş məntəqələrini bölüşür:

Ukrayna: Odessadan Kişinyova ya qatarla, ya da avtobusla gedə bilərsiniz, ancaq qatar daha sürətli olacaqdır. Ukrayna Dəmir Yolunun rəsmi saytında bilet sifariş edə bilərsiniz, lakin şəhərin adını Kishineu olaraq yazmağı unutmayın.

Rumıniya: Ukraynada olduğu kimi burdan da Moldovaya keçid etmək üçün kifayər qədər giriş məntəqəsi var, lakin əksər səyahətçilər Buxarestdən Moldovanın paytaxtı Kişinyova gedən gecə qatarına üstünlük verirlər.

3. Moldovanlar

moldova historic center

Yerli Moldova xalqının sevgisini qazanmaq üçün bir az səy tələb oluna bilər, amma sonunda bunu bacaracaqsınız. Bunun səbəbini tarixlə əlaqələndirə bilərsiniz. Əvvəllər Bessarabiya olaraq bilinən bu ərazi tarix boyu Osmanlı və Rus imperatorluqları da daxil olmaqla çoxsaylı imperatorluqlar tərəfindən idarə edilmişdir. Bir nöqtədə Rumıniya və daha sonra Sovet Sosialist Respublikası ərazisi idi. 1991-ci ildə müstəqilliyini elan etdikdən sonra Rusiya ilə çətin münasibətlərlə üzləşdi və ölkə sərhədləri daxilində separatçı bir bölgə - Dnestryanı var.

Yəni moldovalılar əvvəlcə məsafəli ola bilər, ancaq bir fincan sərt qəhvə və ya bir qədəh yerli konyak içərək söhbət etdikdən sonra (gənc nəsil ingilis dilində danışır), ömürlük bir dostunuz olacaq. Həm planlaşdırılmış fəaliyyətlər həm də asudə vaxtın bol olduğu bu tətil, bar taburetlərində oturan və ya açıq hava kafelərində vaxt keçirən Moldova sakinləri ilə tanış olmaq üçün geniş imkanlar yaradır.

4. Moldova şərabı

red wine

Moldova dünyanın ən böyük şərab anbarıdır. Turistlər Moldovada qırmızı şərabdan şirin ağ rislinqə qədər bol şərab növü tapacaqlar. Moldova şərabları Şərqi Avropa və Rusiya xaricində digər ölkələrə yeni-yeni ixrac edilməyə başlasa da, Avropadakı ən yaxşılardan biridir. Restoran menyusunda 10 dollara qədər olan qiymətlərlə keyfiyyətli bir şüşə şərab tapa bilər və ya onu ərzaq mağazasında restorandakı qiymətin yarısına ala bilərsiniz.

vineyard

Şərabları dadmaq üçün ən yaxşı yerlərdən biri, dünyanın ən böyük şərab kolleksiyasına ev sahibliyi edən və 120 millik yeraltı tunelləri olan Milestii Mici Şərabçılıqdır. Bura Moldovanın ziyarət etməli olduğunuz yerlərindəndir və buna görə də tarixi əsrlər öncəyə dayanan dadma otağında yerli üzüm bağlarının məhsullarından hazırlanan qırmızı, ağ və köpüklü şərablardan dadmaq üçün vaxt ayırdığınızdan əmin olun.

Şərab zavodu o qədər böyükdür ki, turistlər gəzmək əvəzinə xüsusi maşınlardan istifadə edirlər.

5. Avroviziyanın finalisti ilə birlikdə oxuyun və rəqs edin

Bu kiçik ölkənin mədəniyyətini kiçimsəməyin. 2005-ci ildə Moldovanın sevimli təbilçi nənəsi Lidia Bejenaru "Zdob şi Zdub" rok / funk qrupunun bir hissəsi olaraq Avroviziya səhnəsinə çıxdı.

Bu performans hər il təşkil olunan Avropa musiqi şousunda altıncı sırada yer aldı. Münsiflər nənənin ənənəvi geyimlərdəki enerjili performansına istinad edirlər ki, o, Sheila E-nin 60-lıq versiyasıdır.

Lidia bu gün də mədəni festivallar və toylar da daxil olmaqla müxtəlif mərasimlərdə həyat yoldaşı ilə birgə tipik Moldova xalq mahnılarını ifa edir. Yemək və yerli şərabla dolu "home-made" axşam yeməyində ikili ilə mahnı oxumaq və rəqs etmək fürsətiniz olacaq.

6. Şərqi Avropa kafe mədəniyyətinin təcrübəsi

cafe in moldova

Moldovanın paytaxtı Kişinyovdakı kafe, restoran və mağazalar, 31 Avqust 1989-cu il bulvarını(Moldova Respublikasının Müstəqillik Günü-nün adı verilən izdihamlı küçə) və Kafedral parkı əhatə edən yollarda yer alıb. Türk qəhvəsinə bənzər tünd qəhvədən yudumlayın və "puff pastry" və ya tort tərzi şirniyyatlardan zövq alın.

İçki, dondurma və şirniyyat təklif edən səyyar mağazaların birindən aldığı espresso ilə Kafedral parkdakı skamyalarda əyləşən yerli sakinlərlə birlikdə təmiz havada istirahət edə bilərsiniz.

7. Kişinyovu bir yerli kimi kəşf edin

Kişinyov digər Avropa paytaxtlarından daha kiçik olmasına baxmayaraq, həftə sonu tətili üçün kifayət qədər yaxşıdır. Parkda istirahət etməklə yanaşı, Piata Centrala ətrafında gəzin. Bura, meyvə, ət, geyim və daha çox şey satılan şəhərin əsas açıq səmt bazarıdır.

Bələdçinizdən Moldova ticarət etiket qaydalarına dair təlimat əldə edin və da sonra Souvenir Bazaar-da öz bazarlıq bacarıqlarınızı göstərin. Burada antik əşyalar, suvenirlər, əl işləri və kommunist dövrünün bir çox yadigarını tapa bilərsiniz. Nəzakətlə soruşsanız, yerli musiqiçidən pulsuz kaval (ənənəvi fleyta) dərsi də ala bilərsiniz.

Təsirli freskaları və yenidən qurulmuş zəng qülləsi ilə şəhərin əsas Ortodoks kilsəsi olan Metropolitan Cathedral of the Nativity of Christ-i ziyarət etmək üçün də vaxt ayırın (əsli II Dünya Müharibəsi əsnasında məhv edilib).

Trolleybuslara minməkdən çəkinməyin. Marşrutlar genişdir və gediş haqqı təxminən 0,15 dollardır. Asan naviqasiya üçün səyahətdən əvvəl interaktiv xəritə yükləyin.

8. Günəbaxan tarlaları

sunflower field

Moldovaya yaz aylarında edilən səyahətlərin heç bir günəbaxanların qoxusunu almadan tamamlanmaz. Əksər avtomobil gəzintiləri zamanı üfüqdən uzaqlara doğru uzanan parlaq sarı rəngli çiçək tarlalarını keçəcəksiniz.

İnstaqramlıq şəkil çəkmək üçün dayanın, ancaq çiçəklərin dekorasiyadan daha vacib səbəbləri olduğunu bilin. Onlar Moldovanın əsas ixracat məhsullarının əsasını təşkil edirlər.

Avtomobil səyahətində sizi nə təəccübləndirəcək? Yol kənarındakı dayanacaqlarda və yanacaqdoldurma məntəqələrində geniş yayılmış, günəbaxan tumları və qoz-fındıqdan hazırlanan sağlıq üçün faydalı məzələr.

9. Moldova mətbəxi

Harada yerli şərabla birlikdə 10 dollardan az bir qiymətə 3 növ yemək yeyə bilərsiniz? Moldovada! Komratdakı adi yerlərdən tutmuş Kişinyovda ənənəvi və ya dünya mətbəxindən yeməklər təqdim edən restoranlara qədər hər yer ucuzdur!

Ölkə vegetaryan və ətli yeməkləri ilə tanınır. Ətli və ya ətsiz sifariş edilə bilən Moldova borşunu sınadığınızdan əmin olun.

Placinta, duzlu pendirlər və ya ət daxil olmaqla müxtəlif ərzaqlarla hazırlanan ləzzətli xəmir yeməyidir. Əgər yoldasınızsa və nə yeyəcəyinizi bilmirsinizsə, Andy's Pizza-nı axtarın. Bura pizza, Moldova yeməkləri, salatlar və kokteyllər təqdim edən yerli restoran zəncirdir.

Qeyd: Restoran xidməti Qərbi Avropaya nisbətən daha yavaşdır. Sizi görməzdən gəlmirlər, sadəcə temp belədir. Əgər çatmanız gərəkən qatar və ya avtobus varsa, nəzərə almağı unutmayın.

10. Gizli monastırları kəşf edin

old monastery

Qədim mağara monastırını ziyarət etmək üçün təpənin zirvəsinə qalxmaq ediləcək işlər siyahınızda yoxdursa, elə indi əlavə edin. Orhei Vechi monastırı mənzərəsi Reut çayına açılan bir təpənin üzərində yerləşir. Struktur 13-cü əsrdə Ortodoks rahibləri tərəfindən qazılmış, ancaq 18-ci əsrdə tərk edilmişdir və hal-hazırda yenidən bir neçə rahibin evidir.

Uçurumun üzərinə çıxın və uğur üçün təbii əhəngdaşı quruluşuna qəpik qoyun. Yalnız yüksəkdən qorxursunuzsa, aşağıya baxmayın!

Moldovanın dünyadakı digər səyahətçilər tərəfindən kəşf olunmasını gözləməyin. Bu orijinal və ecazkar diyara - Moldovaya elə indi səyahət edin!

Oxşar yazılar:

Dünyanın ən bahalı 10 restoranı

Dünyanın ən bahalı 10 restoranı

Müasir dövrümüzdə restoranlara olan tələb günü gündən artır. Ad günləri və xüsusi ailəvi tədbirlər zamanı, görüşlər keçirərkən, işdən sonra və ya sadəcə həftəsonunu dostlarla xoş və maraqlı keçirmək üçün ağlımıza ilk gələn yaxşı bir restoran tapmaq olur. Bəs biz bunu hansı kriteriyalara əsasən seçirik? Yerləşdiyi yer, populyarlığı, yeməkləri, dizaynı və ən əsas da qiymətləri. Hər birimiz çalışırıq […]

Torontonun 10 ən dadlı restoranı

Torontonun 10 ən dadlı restoranı

Ən yaxşı restoran siyahısının yaradılmasının subyektiv olduğunu tam qəbul edirik. Zövqlər və rənglər mübahisə edilməz olduğu kimi, ağız dadlarımız da belədir. Kanadada, daha dəqiqliklə desək Torontoda iki nəfərin eyni sevilən restoranları seçməyəcəyi də olduqca aydındır. Buna görə siyahımız bir çox fərqli mətbəxi özündə birləşdirməyə çalışır. Əsas odur ki, biz təqdim edək. Hansını seçəcəyinizə siz özünüz qərar […]

Nərmin Aydınqızı 24 dekabr 2021
BUNYOLU QIRMIZIYA ÇEVİRƏN SAAT

BUNYOLU QIRMIZIYA ÇEVİRƏN SAAT

Hər il avqust ayında İspaniyanın Valensiya şəhərindən 38 km aralıda, Bunyol qəsəbəsində 20.000 insan su eynəyi geyinir. Məqsəd dənizdə, çayda üzmək deyil. Məqsəd 150 ton pomidorun yaratdığı qırmızı dalğaları ram etməkdir. Pomidor Festivalı Sakit həyata öyrəşmiş Bunyol qəsəbəsinin sakinləri ildə bir dəfə, bütün qapılarını, pəncərələrini bağlayır. Ticarət mərkəzlərinin divarlarını xüsusi örtüklə müdafiə etməyə çalışır. Qəsəbəyə iri yük […]

Coşqun Kərimov 24 dekabr 2021
TƏKRAROLUNMAZ VENESİYA

TƏKRAROLUNMAZ VENESİYA

Dünyanın ən qeyri-adi və gözəl şəhərlərindən biri olan, təkrarolunmaz Venesiyanın mütləq görməsi gərəkən 6 yerini təqdim edirik: 1. Müqəddəs Mark Meydanı Venesiyanın ürəyi. Dənizə açılan möhtəşəm meydan Pyatsetta və Pyatsa hissələrinə bölünür.  2. Müqəddəs Mark Kafedralı Tarixin bir çox izlərini öz xəzinəsində saxlayan Mark kafedralı, Bizans, Roma və təbii ki, Venesiya arxitektura elementlərini özündə birləşdirir. […]

Elnur Həmidli 24 dekabr 2021
San Marino macəralarım

San Marino macəralarım

San Marino haradadır? Sizə İtaliya ilə əhatə olunmuş kiçik bir dağlıq əyalətdən – San Marinodan danışmaq istərdim. İlk dəfə 2016-cı ildə İtaliyanın şəhərlərinə səyahətim zamanı bu ölkəni ziyarət etdim. San Marino dünyanın ən kiçik və Avropanın ən qədim ölkələrindən biridir. Bura qədim memarlıq abidələri, təmiz dağ havası və əlbəttə ki, şopinq imkanları ilə məşhurdur. Hər […]

Səbinə Aslanova 24 dekabr 2021
Oksfordda uçan akula

Oksfordda uçan akula

“Akula” 9 Avqust 1986-cı ildə Oksford şəhərinin New High küçəsindəki bir evin damına enəndən bəri bu ev Hedinqtonun (Headington), eləcə də dünyanın ən əsrarəngiz məkanına çevrilib. Headinqtonun Akulası  Başsız Akula ilə bu qeyri-adi ev dünyanın maraq dairəsinin mərkəzinə çevrilib. Belə ki, başsız heykəl 1945-ci ildə Naqasakiyə atılan atom bombasının 41-ci il dönümü münasibəti ilə, 1986-cı ildə […]

Niderland iş vizasını necə əldə etmək olar?

Niderland iş vizasını necə əldə etmək olar?

Köhnə bir deyim var: "Dünyanı Tanrı, Hollandiyanı hollandlar yaratdı". Bunu niyə deyirəm? Çünki onların hansı dərəcədə bacarıqlı olduğunu ifadə etməyə çalışıram. Bu kiçik ölkədən olan insanlar tarixə çox böyük təsir göstərmiş, onun istiqamətini dəfələrlə dəyişmişlər. Qərbi Avropada yerləşən Hollandiya bir çox cəhətdən ən bənzərsiz ölkələrdən biridir. 1700-cü ildə Hollandiya imperiyası bütün dünyaya yayılmış torpaqlara sahib […]

Tamerlan Mehdiyev 24 dekabr 2021
İspaniya üçün turist vizası necə alınır?

İspaniya üçün turist vizası necə alınır?

Avropanın cənub-qərbində yerləşən İspaniya hər zaman diqqət çəkməyi bacaran bir ölkədir. İspaniyanın dünyanın ən misilsiz ölkələrindən biri olduğunu desəydim, qətiliklə yanılmazdım. Yeməklərin, şərabların, mənzərələrin, şəhərlərin və adətlərin çoxlu çeşidləri var. Demək olar ki, hər bir şəhər digərlərindən fərqlənir. Ölkənin hər yerində müxtəlif fəaliyyətlər var. Təmiz çimərliklərdə günəş vannası qəbul edib Aralıq dənizinin təmiz suyundan həzz […]

Tamerlan Mehdiyev 24 dekabr 2021
Almaniya ziyarətçi vizası üçün necə müraciət etmək olar?

Almaniya ziyarətçi vizası üçün necə müraciət etmək olar?

"Hətta büdrəmən üçün yoluna qoyulmuş daşlardan belə gözəl bir şey tikə bilərsən." – məşhur yazıçı Göte. Bu, Almaniyadan sevdiyim sitatlardan biridir. Yeni və gözəl bir şey yaratmaq tamamilə özümüzdən asılıdır. Hər kəsin “ölməzdən əvvəl ediləcək işlər” siyahısı var. Sizin siyahınızda nə olduğunu bilmirəm, amma mənim siyahımdakı hədəflərdən biri Almaniyanı ziyarət etməkdir. Almaniyaya ildə 38 milyondan […]

Kənan İsazadə 24 dekabr 2021
Fransa ziyarətçi vizası üçün necə müraciət etmək olar?

Fransa ziyarətçi vizası üçün necə müraciət etmək olar?

246 növ pendirə sahib ölkəni ziyarət etməyi kim rədd edə bilər? Əlbəttə, Fransanı səyahət etməyə dəyər edən tək şey pendir deyil. Fransa ləzzətli mətbəx, sənət və romantika ölkəsidir. Ölkənin füsunkar şəhərləri hər il milyonlarla insanı cəlb edir. Dünyanın ən çox ziyarət edilən ölkəsi olmaq Fransa üçün qeyri-adi bir şey deyil. Hər il 89 milyondan çox […]

Kənan İsazadə 24 dekabr 2021