Passport and Schengen Visa message

Şengen vizası müsahibə sualları və cavabları

Ieva Miltina Ieva Miltina 17 iyul 2021
13 baxış 5 dəq. oxu

Müsahibələr dünyanın əksər ölkələrinə viza müraciətlərinin ayrılmaz hissəsidir. Bəzən belə görünə bilər ki, suallar ərizə formanızda və/və ya təqdim etdiyiniz sənədlərdə qeyd etdiklərinizlə eyni şeyləri soruşur. Ancaq həqiqət budur ki, müsahibə məlumat toplamaq metodundan daha çoxudur. Bəli, dedikləriniz müraciətinizə yaxşı və ya pis olaraq təsir edə biləcəyi üçün çox vacibdir. Ancaq rəsmilərin əsas fikir verdikləri şeylər davranış və ya görünüşünüzlə verdiyiniz fərqli ipucuları və ya qeyri-maddi məlumatlardır.

Şansınızı artırmağın ən yaxşı yolu aktual proses haqqında bilgi sahibi olmaqdır. Şengen vizası müsahibə suallarını və cavablarını bilmək bir çox müraciətçinin narahatlıqlarını dindirir. Şengen vizası müsahibəsini viza alma şansımı sabotaj etmədən necə keçə bilərəm? Bütün bunlar bu məqalədə yazdıqlarımı oxumağınız üçün əsaslı səbəblərdir! Bəzi ümumi məlumatlar və Şengen vizası müsahibə tövsiyələri ilə başlayacağıq. Şengen vizasını almaq üçün müsahibədən nə qədər keçməlidir? Oxumağa davam edirsinizsə, bunu açıqlamaq üzrəyəm. Ancaq daha da əhəmiyyətlisi, sizə müsahibədə rastlaşa biləcəyiniz suallardan da bəhs edəcəm. Başlayaq?

Şengen vizası nədir və niyə müsahibədən keçmək istəyim?

person filling application form

Çox güman ki, bunu eşitməyə ehtiyacınız yoxdur, amma hər halda deyəcəyəm. AB xaricindəki bir çox ölkələrin vətəndaşları əksər Avropa Birliyi ölkələrinə girişə icazə verdiyi üçün Şengen vizası almağa can atırlar. Demək olar ki, bütün qitəyə tək viza – həqiqətən də cazibədar təklifdir.

Şengen vizası müsahibəsində kimlər iştirak etməlidir?

schengen visa interview

Bu tələb sizin vətəndaşlığınız və Şengen ölkələrinə səyahət təcrübənizdən çox asılıdır. Bəzi səfirliklərdə istisnasız olaraq hər müraciətçi ilə müsahibə tələbi ola bilər, lakin bəziləri ancaq şübhəli bildikləri şəxsləri dəvət edə bilərlər. Konkret vəziyyətinizin nə olacağını bilmək üçün müəyyən bir yol yoxdur, ancaq sizdən əvvəl eyni səfirlikdə Şengen vizası almağa çalışmış digər səyahətçilərdən bəzi məsləhətlər ala bilərsiniz. Daha çox məlumat əldə etmək üçün onlayn məqalələr oxuya və ya tanıdığınız insanlarla danışa bilərsiniz. Fərqli müraciət situasiyalarını müqayisə edə bilmək üçün tez-tez səyahət edən şəxslərlə söhbət etmək daha ağıllı fikirdir.

Şengen vizasını almaq üçün müsahibədən nə qədər keçməlidir?

young man sit

Yaxşı xəbər budur ki, proses müddəti adətən çox çəkmir. Viza müraciətinə orta hesabla təxminən 15 iş günü ərzində baxılacağını gözləmək olar. Ancaq gəlin əsas mövzuya - Şengen vizası müsahibə suallarına keçid edək.

Şengen vizası müsahibə sualları və cavabları

shengen visa from

Daha ümumi olan Şengen turist vizası müsahibə sualları ilə başlayaq. Bu suallar əksər viza növləri üçün də uyğun olacaqdır.

Birincisi, səyahətinizin texniki detalları ilə bağlı müxtəlif suallar eşitməyi gözləyə bilərsiniz.

• Səfərinizin məqsədi nədir?

• Şengen zonasında nə qədər qalmağı planlaşdırırsınız?

• Nə vaxt səyahət edəcəksiniz? Səfər niyə bu qədər uzundur? Daha qısa bir müddət qala bilməzsiniz?

• Biletlərinizi bron etmisiniz?

• Səfər zamanı harada qalmağı planlaşdırırsınız?

Bütün bu suallara verəcəyiniz cavablar məntiqli və doğru olmalıdır. Planlarınızı izah etməkdə özünüzə əmin olun və mümkünsə bəzi vacib təfərrüatları da qeyd edin. Bu rəsmilərdə planınızın olduğu təəssüratını yaradır və daha etibarlı görünməyinizə səbəb olur. Əlavə olaraq, verdiyiniz cavabların ərizə formanızda yazdıqlarınız ilə tam eyni olduğundan əmin olun, çünki bunun əksi şübhə yarada və rədd cavabı almanıza səbəb ola bilər. Mümkün olduğu təqdirdə, alınmış uçuş biletləri və ya qonaqlama yerinizin olması da yaxşı fikirdir. Əlbəttə ki, viza verilməyəcəyi təqdirdə, pulsuz geri ödəniş seçiminiz olduğundan əmin olun. “Daha qısa bir müddət qala bilməzsiniz?” kimi bəzi suallar sırf sizin reaksiyanızı görmək üçün verilir. Bu halda sakit qalmaq və niyə müraciətdə göstərilən vaxt qədər qalmağa ehtiyac duyduğunuzu izah etmək lazımdır. Lakin bunu qəbul etmədikləri təqdirdə daha qısa bir səfər fikrinə açıq qalmaq da ağıllı bir yanaşmadır.

Növbəti suallar əvvəlki Şengen və digər ölkələrə səyahət təcrübələri ilə bağlıdır.

• Heç Şengen zonası ölkələrindən hər hansı birinə səyahət etmisiniz? Orada nə etmisiniz?

• Niyə bu vizanı almalısınız?

• Vətəninizə geri qayıdacağınıza necə əmin ola bilərik?

Bu sualların əksəriyyəti vizanın etibarlılıq müddəti bitdikdən sonra həqiqətən də Şengen ərazisini tərk edəcəyinizə əmin olmaq üçün veriləcək. Viza məmurlarını ən çox narahat edən məqamlardan biri, bəzi insanların turizm vizası almaqla Avropaya qaçmaq istəməsi faktıdır. Bu suallara da həqiqətləri yansıdan cavablar verməli və vətəninizə qayıtmaq üçün kifayət qədər səbəbinizin olduğunu göstərməlisiniz. Bundan əlavə, əvvəllər dəfələrlə bu ərazidə olmuş və heç bir problem yaratmamış olsanız, daha etibarlı bir obraz yarada bilərsiniz.

İndi bəhs edəcəyim suallar qrupu ailə və dostlarınızla bağlıdır.

• Harada yaşayırsınız və həmin mülk sizə aiddirmi?

• Evlisiniz? Uşaqlarınız var?

• Ziyarət etməyi planlaşdırdığınız ölkədə/ölkələrdə qohumlarınız və ya dostlarınız var?

Vizanın etibarlılıq müddəti bitdikdən sonra geri qayıdacağınıza əmin olmaq üçün bir başqa suallar qrupu. Vətəninizdə ailənizin və uşaqlarınızın olması bu baxımdan sizə kömək edir. Əgər getdiyiniz ölkədə ziyarət etmək istədiyiniz ailəniz və ya dostlarınız varsa, səfirlik rəsmisinin gözündə etibarlılığı təmin etmək üçün onların adlarını və digər təfərrüatları əhatə edən siyahı hazırlamağınız yaxşı olardı. Bu sualları cavablandırarkən ölkəyə yalnız turizm və ziyarət üçün getdiyinizi və orada uzun müddət qalmaq fikrində olmadığınızı sübut edin.

Növbəti suallar peşəkar fəaliyyətlərinizlə əlaqədardır.

• Hal-hazırda nə ilə məşğulsunuz? Oxuyursunuz yoxsa işləyirsiniz?

• İxtisasınız nədir? Təqaüd alırsınız?

• Hər hansı bir Şengen ölkəsindəki təhsil seçimlərini araşdırmısınızmı?

• Harada işləyirsiniz və neçə müddətdir orada işləyirsiniz?

• İşəgötürəninizdən müvəqqəti məzuniyyətə dair sənədiniz var?

Bu suallarla da vətəninizə bağlılıq əlaqələriniz yoxlanır. Bir qayda olaraq, nə qədər çox əlaqəniz varsa, qayıtma şansınız o qədər çoxdur. Bunu nəzərə alın və sualları ətraflı şəkildə cavablandırın.

İndi isə keçək maliyyə vəziyyətinizlə əlaqəli suallara.

• Bu səfəri necə maliyyələşdirəcəksiniz?

• Nə qədər qazanırsınız?

• Səyahətiniz boyunca nə qədər xərcləməyi planlaşdırırsınız?

Səfirlik nümayəndəsi bu suallarla səyahətlə bağlı xərcləri təkbaşına həll edib-edə bilməyəcəyinizi anlamağa çalışır. Əgər xərclərinizi başqası ödəyirsə, sponsor haqqında ətraflı məlumat verin. “Bu nəyə görə vacibdir?” deyə soruşursunuzsa, Şengen ölkəsində qeyri-qanuni iş tapmağa çalışmayacağınızın sübutudur.

Daha öncə də qeyd etdiyim kimi, bu sualların əksəriyyəti bir çox viza növləri üçün keçərlidir. Şengen tələbə vizası müsahibə sualları daha çox təhsil müddətinin özü və gələcək planlarınız ətrafında olacaqdır. Lakin Şengen biznes vizası müsahibə sualları iş niyyətlərinizin qanuni olmasını və səyahət zamanı işə qəbul olmağı planlaşdırmadığınızdan əmin olmaq üçün veriləcək.

Yəqin ki, artıq başa düşdüyünüz kimi, ən faydalı tövsiyələrdən biri müsahibə zamanı gerçəkləri söyləmək və sakit qalmaqdır. Nə də olsa, yalnız həqiqi motivasiyanızdan bəhs edirsinizsə və Şengen bölgəsinə daxil olmaq imkanından sui-istifadə etməyi planlaşdırmırsınızsa, narahatçılığa heç bir səbəb yoxdur. Əlavə olaraq unutmayın ki, məmurların məqsədi müraciətdəki uyğunsuzluqları və şübhəli detalları tapmaqdır, odur ki, səmimi olmaq sizdən şübhə edilmə şansını azaldır. Ancaq ümumilikdə ümid edirəm ki, bu məlumatlar Şengen vizası müsahibəsini necə keçəcəyinizi anlamağınıza kömək etdi. Çünki hazır olmaq uğurun yarısıdır, elə deyilmi?

Paylaş

Ieva Miltina
Ieva Miltina Fəal və təşəbbüskar

Ieva Miltina aktivist və bir neçə sahədə təşəbbüskardır. Peşəsi marketinq və mədəniyyət tədbirlərinin layihə müdiri olsa da, o, ürəyində coşğun bir səyyah və aşpazdır, tezliklə isə konditer olacaq. İeva qeyri-formal təhsildə kök salmış, gənclərlə işə yeniyetməlik illərindən başlamışdır. O, yenilikçi yanaşmalara dərin maraq göstərir. Həmişə yeni kəşflər və sərgüzəştlər axtaran İeva dünyaya müsbət baxışını və bitməyən hekayələrini onunla yolu kəsişən insanlarla məmnuniyyətlə bölüşür. Qonaqpərvərlik və turizm menecmenti üzrə təhsilini alarkən ev aşpazları ilə bağlı yazdığı tezis, onun rahat və ürəkaçan ev restoranına sahib olmaq xəyalını alovlandırdı. Hal-hazırda məqalələr yazmaq və qida fotoqrafiyası etməklə yanaşı, başqa bir xəyalını reallaşdırmaq - yazıçı olmaq üçün çalışır.

Bütün bloqlar
pickvisa.az