Uppsala Cathedral, Uppsala, Sweden

Uppsalada 12 İnstaqramlıq yer

Pünhan Şükürov Pünhan Şükürov 19 fevral 2021
8 baxış 5 dəq. oxu

Forbes-ə görə dünyanın ən xoşbəxt insanları Skandinaviya ölkələrində yaşayır. Möhtəşəm təbii gözəlliklər, güclü iqtisadiyyat və təmiz şəhər mühiti skandinavların həyatlarından niyə məmnun olduğunu izah edə bilər. Bu Şimali Avropa ölkələrinin iqtisadi və sosial xüsusiyyətləri əhəmiyyətli dərəcədə qlobal diqqət çəkib. Bir çox insan sakit bir tətil məqsədi ilə İsveçə və ya digər Skandinaviya ölkələrinə səyahət etmək istəyir. İsveç şəhərləri fotoqrafiya və sosial media paylaşımları üçün səyahət edənlərə qarşı müstəsna dərəcədə səxavətlidir. Minlərlə əcnəbi gözəl məkanları lentə almaq və heyranedici İnstaqram postları yaratmaq üçün Uppsalaya səyahət edir. Uppsala haradadır? Skandinaviyadakı ən qədim ali təhsil mərkəzlərindən biri olan Uppsala, İsveçin cənub hissəsindədir. Uppsala tarixi binaları, bağları, muzeyləri və təbii sərvətləri sayəsində Skandinaviya turizmində xüsusi yer tutur. Uppsalada ən çox bəyənilən İnstaqram fotonuzu çəkə biləcəyiniz bir-birindən gözəl yerlər var və biz də bu bloqda Uppsalada ziyarətə dəyər olan İnstaqramlıq yerləri sadalayacağıq.

1. Uppsala Kafedralı

uppsala cathedral

Uppsala domkyrka olaraq da bilinən kafedral, Skandinaviya ölkələrindəki ən hündür kilsədir. Bu müqəddəs Skandinav kilsəsi Vikinq dövrünə qədər uzanan qədim bir tarixə malikdir. Uppsala arxiyepiskopu olan kafedral Lüteranlıq üçün çox əhəmiyyətli bir dini yerdir. Fransız memarlar Uppsala kafedralını fransız gotik üslubunda inşa etdilər. Kafedral mənəvi dəyərdən əlavə, mühüm tarixi əhəmiyyətə malikdir. Yeni İsveç krallarının tacqoyma mərasimləri bu Lüteran kilsəsində baş tutub. Kilsə Fyris çayının sahilində yerləşdiyindən ətraf heyrətamiz dərəcədə mənzərəlidir. İsveçin paytaxtına gələn bir çox turist, bu valehedici kafedralı görmək üçün Stokholmdan Uppsalaya yola düşür. Kafedralı ziyarət edən hər kəs binanın heyrətamiz gözəlliyinə heyran qalır və fərqli aspektlərdən çoxlu fotolar çəkir. Uppsala kafedralı Uppsaladakı ən yaxşı İnstaqramlıq yer kimi məşhurdur.

2. Skokloster Qəsri

skokloster castle

17. əsrdə inşa edilmiş Skokloster qəsri, skandinaviyalı aristokrat Carl Gustaf Wrangelin iqamətgahı idi. Bu qəsr Uppsalada ziyarət edilməli ən maraqlı yerlərdən biridir. Aristokratın həyat yoldaşı Anna Margareta von Haugwitz iqamətgahın içini rəsm kolleksiyaları, sənət nümunələri və antik əşyalarla bəzədi. Şüşə və gümüş yemək dəstləri, taxtadan mebellər və zərif tekstil evin dəyərli parçaları olmuşdur. Skokloster qəsri həm də cəlbedici kitabxanaya və silah anbarına ev sahibliyi edir. Bugün Uppsala yerli hakimiyyəti qəsri möhtəşəm bir muzeyə çevirib. Minlərlə turist qalanı ziyarət edir və Nordik xalqların tarixi ilə tanış olur. Qəsr binasının ətrafında gəzinti zamanı gözəl bir şəkil çəkə bilərsiniz. Baş gicəlləndirici arxitektura, qeyri-adi dam örtüyü ilə sizi və İnstaqram izləyicilərinizi heyran edəcəkdir.

“Skokloster Castle”, İsveçdəki İnstaqramlıq yerlər arasında xüsusi yer tutur. Tarixi sevən sosial media izləyiciləriniz, “Old Silver Chamber”-dan olan orta əsr silahları və kitablarının fotolarına pərəstiş edəcəklər. Skokloster qəsrindəki Kral Salonu da ziyarətə dəyər. Qəsrin otaqlarındakı hər bir parça qədim zamanların mirasıdır. Buna görə də, muzeyi kəşfə bələdçi ilə çıxmanız tövsiyə olunandır.

3. Linnaean Bağı

linnaeus garden

Linnaean bağı olaraq bilinən bu gözəl botanika bağı Uppsala Universitetinin ərazisində yerləşir. Universitetin sahib olduğu ən qədim botanika bağçasıdır. “Linnaeus Garden”, 18-ci əsrdəki tərzini bəzi təmir və bərpa işlərindən sonra qorudu. Linnaean bağı, universitet tərəfindən qorunan bir çox bitki növünə ev sahibliyi edir. Bağçanı kəşfə çıxarkən yaşıl çalarlar arasında saysız-hesabsız rəngli çiçəklər görəcəksiniz. Tarixi məkanın təbii sərvətlərinə heyran qalarkən bir neçə İnstaqram şəkli çəkməyi də unuymayın. Botanika bağı həftə içi ziyarətçilər üçün açıqdır. Linnaeus bağının tarixi muzeyə də ev sahibliyi etdiyini qeyd etmək lazımdır. Botanika muzeyi Skandinaviya təbiətindən misilsiz nümunələri sayəsində böyük diqqət çəkib.

Üstəlik Linnaeus bağı ətrafında restoranlar və coffee shoplar da var. Səs-küylü şəhəri tərk etmək və bağ ətrafında hüzur içində vaxt keçirmək Uppsalaya səyahətinizin unudulmaz anları olacaqdır.

4. Svenska Kyrkan

svenska kyrkan

Uppsala, İsveçdə nə etməli? Qədim bir kilsədə ənənəvi dini mərasim izləmək yaxşı olardı. Svenska Krykan, dünyanın üçüncü ən böyük Lüteran icmasının evidir. İsveç kilsəsi olaraq da bilinən Svenska Kyrkan, milli Yevangelik Lüteran ibadətgahıdır. Kilsə yerli və xarici turistlər üçün açıqdır. Kilsənin ətrafında gözəl bir bağça var. Kilsə binasında gəzərkən sükut və sakitlikdən zövq alacaqsınız. Svenska Kyrkan binasının fərqli bucaqlardan çəkilmiş şəkilləri ən çox bəyənilən İnstaqram fotoları arasında ola bilər. Müxtəlif bərpa işlərindən sonra belə, orta əsr təsirlərinin necə qorunub saxlandığını hiss edə bilərsiniz. Kilsə binasının divarları və qapılarında heyrətamiz dərəcədə zərif bəzəklər yer alır. Yevangelik Lüteran mədəniyyətinin dəyərli elementlərini kəşf etməkdən zövq alacaqsınız.

5. Fyris Çayı

fyris river

Uppsalanın təbii sərvətlərindən biri, şəhərdən keçən Fyris çayıdır. Fyris çayı olduqca uzundur. İkonik Fyris çayını otel otağınızın pəncərələrindən görə bilərsiniz. Çay İsveçdə olduqca məşhurdur. Bir çox isveçli, Fyris çayı sahillərində dincəlmək üçün tez-tez Stokholmdan Uppsalaya gedir. İstirahət zamanı qonaqlar keyfiyyətli asudə vaxt keçirtmək üçün balıq ovunu sınaya bilərlər. Bənzərsiz balıq növlərini tutmaq, əyləncəli bir fəaliyyət olacaqdır. Bundan savayı, çayda qayıq səfərinə də çıxa bilərsiniz.

Üstəlik, hər il minlərlə əcnəbi bu əfsanəvi təbii gözəlliyi görmək və kameraya almaq üçün İsveçə səyahət edir. Çay mənzərəli Uppsala küçələrinin hər fotosuna heyranedici gözəllik qatacaqdır. Fyris çayının sahilində gəzərkən çəkdiyiniz şəkillərlə kifayət qədər “like” əldə edə bilərsiniz.

6. Upplands Muzeyi

uppsala museum

Upplandsmuseet olaraq da bilinən Upplands muzeyi, İsveçin mədəni tarixi və arxeologiyası üçün çox əhəmiyyətlidir. Muzeyin binası ənənəvi Skandinav memarlığı üslubundadır. Upplands muzeyi Fyris çayının sahilindədir. Uppsala məbədindən maşınla yarım saatlıq yol sizi muzeyə aparacaq. Ayrıca, muzeyə qayıqla da gedə bilərsiniz. Muzeyə qayıqla yaxınlaşarkən əla İnstaqram fotoları çəkə bilərsiniz. Skandinav arxeologiyası və mədəniyyət tarixini əks etdirən sərgilərin fotoşəkilləri tarixi sevən sosial media izləyicilərinizi heyrətləndirəcəkdir.

7. Uppsala Qəsri

uppsala castle

Bu orta əsr kraliyyət qəsri İsveç tarixində böyük rol oynayır. XVI əsrdə tikilən Uppsala qəsri bir çox tarixi hadisələrin şahidi olmuşdur. İsveç hökuməti yanğınlar və döyüşlər nəticəsində zərər görmüş qəsri təmir işləri ilə qorumağı bacarıb. Uppsala qəsri, gözəl arxitekturası və qeyri-adi dam örtüyü sayəsində İsveçdəki İnstaqramlıq məkanlar arasında xüsusi yer tutur.

8. Fyrishov

water park

Fyrishov böyük hovuzlara, əyləncə mərkəzlərinə və idman tədbirlərinə ev sahibliyi edən istirahət mərkəzidir. Restoranları, qapalı su parkları və uşaq hovuzları ilə Fyrishov, əylənmək və dincəlmək üçün mükəmməl bir məkandır. Fyrishovda ailənizlə birlikdə keyfiyyətli zaman keçirib əylənərkən mükəmməl İnstaqram fotoları çəkməyi əksik etməyin.  

9. Trilho da Uppland

trilho da uppland

İsveç vəhşi təbiətində hikinq Uppsalaya səyahətiniz zamanı həyəcan verici bir fəaliyyət olardı. Trilho da Uppland, Uppsalanın təbii xəzinələrini araşdıra biləcəyiniz maraqlı bir yerdir. Trilho da Uppland ətrafında gəzərkən onlarla İnstaqramlıq məkana rast gələcəksiniz.

10. Kungshamn Morga

lake

Kungshamn Morga, Uppsala təbiətinin gözoxşayan mənzərələrinə heyran ola biləcəyiniz mükəmməl bir yerdir. Bu vəhşi təbiət rezervinə baş çəkmək, Uppsalanın yerli flora və faunasını araşdırmaq və heyrətləndirici fotolar çəkmək üçün əla bir şansdır.

11. Uppsala İncəsənət Muzeyi

uppsala art museum

Bu muzeydə müasir İsveç rəssamlarının möhtəşəm sənət əsərlərinə rast gələcəksiniz. İncəsənət aşiqisinizsə, bu muzey, Uppsalaya səyahətinizdə mütləq ziyarət etməniz gərəkən ən İnstaqramlıq yerlərdən biridir.

12. Gamla Uppsala

uppsala landscape

Gamla Uppsala, tarixi kökləri Vikinq dövrünə qədər uzanan qədim bir kənddir. Kənd füsunkar təbiəti və arxeoloji qalıntıları ilə məşhurdur. Qaçış və hikinq Gamla Uppsalada keçirdiyiniz vaxt ərzində edə biləcəyiniz ən yaxşı fəaliyyətlərdir. Uppsala kafedralından yarım saatlıq velosiped səfəri ilə kəndə çata bilərsiniz.

Paylaş

Pünhan Şükürov

Pünhan, Azərbaycanın elmi, mədəni və iqtisadi mərkəzi olan Bakıda anadan olub. O, universitetdə Beynəlxalq Münasibətlər ixtisası üzrə təhsil almağa başladığından bəri yeni mədəniyyətlər və müxtəlif xalqların adət-ənənələri barəsində öyrənməyi çox sevir. Pünhan, Ukraynanın Kiyev şəhərindəki yay düşərgəsində uşaqlara ingilis dili öyrətmiş, bundan başqa, Yaponiyada gənclər üçün qısamüddətli mübadilə proqramına qatılmışdır. Pünhan təhsili və səyahətləri zamanı müxtəlif xalqların həyat tərzini müqayisə etmək haqqında məlumat əldə etdi. O, xüsusilə səyahət vlogları izləməkdən və mədəniyyətlə bağlı blogları oxumaqdan zövq alır.

Bütün bloqlar
pickvisa.az