Yaren

Yarendə 12 İnstaqramlıq yer

Həqiqət Əlizadə Həqiqət Əlizadə 26 yanvar 2021
9 baxış 5 dəq. oxu

Hamımız heç bir problem olmadan rahat və dinc bir şəkildə yaşamaq istərdik, amma insanlar həyatın komfort zonadan çıxdığımız zaman başladığını deyirlər. Məsələn, əgər yüksəklikdən qorxursunuzsa, paraşütlə tullanmağın həzzini heç vaxt hiss etməyəcəksiniz. Ancaq qorxunuza qalib gələ bilsəniz, adrenalin ilə dolu fantastik bir təcrübə yaşayacaqsınız. Başqa bir nümunə verək, əgər siz üzməsəniz sudan qorxacaqsınız və dalğıclıq sizin üçün sadəcə bir arzu olaraq qalacaq. Buna görə də bəzən komfort zonanızı tərk etmək yaxşıdır. Dünyanın həqiqi cənnətlərini kəşf etmək "həyatın qızıl qaydası"-nı qəbullanmaqdan başlayır. Biz bu bloqda dünyanın ən kiçik ada ölkəsinin paytaxtı haqqında yazacağıq. Yəqin ki, bəziləriniz təxmin etdiniz, bu Yarendir! Yalnız 8 kvadrat mil əraziyə sahib olan bu şəhər Naurunun qeyri-rəsmi paytaxtıdır. Solomon adaları, Marşall adaları, Papua-Yeni Qvineya və Mikroneziya Federativ Ştatları Naurunun qonşularıdır. Ada əhalisi mikroneziyalı, polineziyalı və melaneziyalılardan törəmədir. Burada yaşayan insanlar adaya eramızdan əvvəl 1500-cü ildə Cənubi Asiya və Tayvandan gəlmişlər.

Yaren şəhəri haradadır?

nauru boat tour

Yaren Mikroneziyada yerləşən Naurunun şəhəridir və mərcan adasında yerləşir. Ölkənin iqlimi rütubətli və istidir. Ölkənin orta illik temperaturu 28 C dərəcədir. Adətən il ərzində quraqlıqlar meydana gəlir. Noyabr-fevral ayları arası isə Naurunun ən yağışlı mövsümüdür. Kokos palması, fikus, dəfnə və pandanus adanın təbii bitki örtüyünün bir hissəsidir. Naurunun faunası o qədər kasıbdır ki, ölkədə yalnız kərtənkələ, siçovul, çoxlu həşərat və quş var. Bir vaxtlar bu adaya “Pleasant” adası deyirdilər. Əgər Yarenə səyahət etmək qərarına gəlmisinizsə, bir şey bilməlisiniz. “Bu ada dünyanın ən ucqar ölkəsidir" kimi saxta hekayələrə inanmayın! Bnunla belə adaya həftədə cəmi iki reys var. Sizi xəbərdar etməliyik: Nauruya viza almaq o qədər də asan deyil. Yaren rəsmi olaraq paytaxt deyil, lakin bütün hökumət binaları burada yerləşir.

İnstaqramlıq yerləri necə tapmaq olar?

yaren

Bildiyiniz kimi səfərinizi xatırlamaq üçün ən yaxşı yol şəkil çəkməkdir. Arxa fon rəngli olduğundan burada cool şəkillər çəkmək çox asandır. "İnstaqramlıq yerləri necə tapmaq olar?" sualına cavab tapmaq istəyirsinizsə, sosial medianız üçün bu bloqu oxumağa davam edin. Ən kiçik ada-dövlət olması səbəbi ilə buraya yalnızca backpack-lə səyahət edə bilərsiniz. Yarenin hər bir nöqtəsinə piyada gedə bilərsiniz. Fantastik təbiət, geniş qumlu çimərliklər, hündür palma ağacları, bol yaşıllıq sizin üçün inanılmaz bir təcrübə olacaqdır. Dünyanın ən kiçik ada-dövlətini görmək olduqca xoşdur. İllər sonra bu səyahəti böyük məmnuniyyətlə xatırlayacaqsınız. Dediyimiz kimi, kiçik bir ölkə olması səbəbi ilə burada ziyarət etmək üçün çox yer seçimi yoxdur. Ancaq bu ölkədəki təbiəti və rəngli yerləri görməyə dəyər. Cəmi bir neçə saat ərzində bütün görməli yerləri gəzə bilərsiniz. Əgər Yaren hava limanına şərq tərəfdən gəlsəniz, uçma və enmə meydançasını gördükdə sola döndüyünüzdən əmin olun. Bunun arxasındakı səbəb odur ki, sağa dönsəniz, enmə zolağından keçə bilməyəcəksiniz. Bu yol Boe kəndinə, hətta Aiwo-ya qədər uzanır. Sonra bu kəndləri də gəzə bilərsiniz. İndi isə, əsas mövzumuza qayıdaq və Yarendəki İnstaqramlıq yerlərlə tanış olaq.

1. Bayraq Divarları

flag of nauru

İlk səyahət yerimiz Yarendəki Bayraq Divarları(Walls of Flag) olacaq. Dənizin əla fonu, qarşısında isə rəngli bayraqlarla dolu divar. Bu yerdə Yeni Zelandiya, Niue, Kuk adaları və Papua-Yeni Qvineya bayraqlarını tapa bilərsiniz. Belə ki, milli bayrağınızı oraya apara və digər bayraqlarla poz verə bilərsiniz.

2. Nauru Hökumət Binaları

nauru beautiful building

Növbəti dayanacağımız Nauru Hökumət Binalarıdır. Ən yüksəkdə Nauru bayrağı dalğalanır. Bina bütün ölkədə vacib hesab olunur. Arxa fonda qeyri-adi bir memarlıq nümunəsi olan sarı-ağ sütunlarla şəkil çəkdirmək həyəcan verici olacaq. Bu foto ən çox bəyənilən İnstaqram şəkliniz olacaq və İnstaqram səhifənizi ekzotik bir atmosferlə bəzəyəcək.

3. Nauru Parlament Evi

nauru parliament house

Digər bir İnstaqramlıq yer Nauru Parlament Evi-dir. Əgər bəxtiniz gətirsə, içəri girməyinizə icazə veriləcək. Burada bəzi maraqlı rəsm əsərləri var. Məsələn, hazırkı prezident Baron Vaqanın rəsm əsəri. Baron Vaqa 2013-cü ildən bəri Naurunun prezidentidir. Bundan əlavə, əvvəlki bütün prezidentləri və onların hökumətdəki mövqeyini göstərən taxta lövhələr var. Paltarlarınız rəngli və hörmə kreslo ilə uyğunlaşarsa, ən çox bəyəni alacaq İnstaqram şəklinizi çəkdirə bilərsiniz.

4. Nauru Müharibə Abidəsi

cemetery

Növbəti yer Nauru Müharibə Abidəsidir. Bu abidə Hökumət binasının qarşısındadır və I və II Dünya Müharibəsi qurbanlarına həsr edilmişdir. 1943-cü ildə dörd naurualı yaponlar tərəfindən qətlə yetirilmişdir. Hökumət binalarının qarşısında onların xatirə lövhələri var.

5. Yaren Kilsəsi

yaren church

Yaren kilsəsi öz sadə, spesifik arxitekturası ilə olduqca maraqlı sayıla bilər. Bu ölkə dindar xristian ölkəsidir və Nauruda on kilsə var. Bazar günləri alkoqollu içkilər qadağandır. Yaren kilsəsi adadakı İnstaqramlıq binalardan deyil, lakin Nauru xalqı üçün mühüm əhəmiyyət daşıyır. 

6. Yaren Orta Məktəbi

yaren secondary school

Bu məktəb köhnə nağıl binasına bənzəyir. Dəmir çəpərlərlə əhatə olunmuşdur, içərisində isə yaşıl ağaclar, daş binalar var. Yaşıl ağaclar, sarı və bənövşəyi rəngli çiçəklər əla bir fon olacaqdır. Yaren orta məktəbi iki böyük binadan və iki mərtəbədən ibarətdir.

7. Yaren İbtidai Məktəbi

yaren primary school

Növbəti təyinat yerimiz ən rəngli olandır. Bu məktəb 4-6 yaşlı uşaqlar üçün xidmət göstərir. Bağçada oynayan uşaqları görə bilərsiniz. Valehedici sarı masa, qonaqpərvər qırmızı masa və zərbxana şəkil çəkdirməniz üçün mükəmməl dərəcədə İnstaqramlıqdır.

8. Yaren Polis İdarəsi

polis car

Yaren Polis İdarəsi yanğınsöndürmə məntəqəsinin yaxınlığında yerləşir. Göy səma, vinteyc avtomobillər, stansiyanın ətrafındakı mavi və ağ zolaqlı divarlar 2000-ci illərin əvvəllərində çəkilmiş filmlərin atmosferini yaradır. Kifayət qədər yaradıcısınızsa, burada filmlərdəki kimi bir şəkil çəkə bilərsiniz.

9. Nauru Muzeyi

nauru museum

Nauruda görməli olduğunuz başqa bir yer bu muzeydir. Həmçinin, bu, adadakı yeganə muzeydir. Adanın tarixi, Yapon müharibəsi və Naurunun müstəqilliyi haqqında məlumat əldə edə bilərsiniz. Rahat, kiçik bir binadır. Binanın qarşısında lokomotivin sarı-qara rəngli kiçik bir hissəsi var. Yaşıl ağaclar, enli və uzun pəncərəli daş binalar, çınqıl döşəmələr qeyri-adi şəkillər üçün mükəmməldir. Muzeyin içərisində səfərlə bağlı şeylər öyrənə, Naurunun bəzi xəritələrinə, adanın tarixinə aid fotolara baxa bilərsiniz.

10. Abwan Hədiyyə Dükanı

abwans shop

Şəkillərin xatirələrin bir parçası olduğunu söylədik, ancaq səyahət edərkən özünüz üçün bir xatirə və ya hədiyyə olaraq suvenir bilərsiniz. Hədiyyələr, başqalarına verdiyiniz xatirələrdir. Tutaq ki, adadan suvenirlər almaq istəyirsiniz. Bu halda gedə biləcəyiniz üç yer var - Aiwodakı poçt şöbəsi, Capelle & Partner Supermarket-in suvenirlər bölməsi, Abwan hədiyyə dükanı. Aiwodakı poçtda marka və açıqcalar satılır. Capelle & Partner Supermarketində şirin bir suvenirlər bölməsi var. Şimali Naurudakı Ewa Beach-də yerləşir. Abwan-da isə yalnızca bəzi qəlyanaltılar, içkilər və St. AFL stikerləri satılır.

11. Ma-Vari Restoranı

ma-vari restaurant

Yaren şəhərinin mərkəzində yaxşı restoran yoxdur. Yaren kafelərindən biri olan Ma-Vari restoranı kimi yalnız bir neçə ailəvi restoran var. Burada buzlu çay, buzlu qəhvə, yemək satılır. Yemək seçimi azdır. Daha yaxşı yemək yemək istəyirsinizsə, Bay Restaurant ya da Hotel Menen-ə getməlisiniz.

12. Nauru Beynəlxalq Hava Limanı

nauru international airport

Bu hava limanı görünüşü ilə digər hava limanlarından fərqlənir. Quruluşu sadə və rahatdır. Adada bir bankomat var, o da hava limanında yerləşir. Nauruya səyahət edərkən özünüzlə nağd pul götürməyi unutmayın. Qida məhsullarının hamısı Avstraliyadan gəldiyindən qidalar ucuz deyil.

Paylaş

Həqiqət Əlizadə

Həqiqət, Milli Aviasiya Akademiyasının məzunudur. O bu seçimi gözəl mavi səmaya sevgisi ilə izah edir. Dünyada hələ kəşf etmədiyi çoxlu yerin olduğunu bilmək onda daha da maraq oyadır. Ayrıca öyrənmək və təcrübə etmək həyatının əvəzolunmaz hissələri olduğuna görə rəngli bir şəxsiyyətə sahibdir. "MSc Global Economy" məzunudur, eyni zamanda bazarda yüksək nüfuza sahib olan müxtəlif yerli şirkətlərdə rəqəmsal marketinq meneceri və maliyyə analitiki vəzifələrində çalışıb.

Bütün bloqlar
pickvisa.az