Zaqrebdə 12 İnstaqramlıq yer

Xorvatiya, gözəl Xorvatiya! İnsanları möhtəşəm yeməkləri, gözəl təbiəti və mədəniyyəti ilə qarşılayan valehedici Aralıq dənizi incilərindən biri. Sahil xəttinin olmaması səbəbindən çoxlarının nəzərdən qaçırdığı Zaqreb, bu ölkənin paytaxtıdır. Sizə bir şey deyim, bütün əyləncəli şeylərə əlavə olaraq, Zaqrebdə çoxlu İnstaqramlıq yer var! Bildiyiniz kimi, İnstaqram bəyəniləri müasir dünyamızın valyutasıdır. Buna görə də, Zaqrebdə ziyarət üçün ən cəlbedici yerləri bilmək pis olmaz. Buyurun, biz bu bloqda Zaqrebdəki İnstaqramlıq yerlərdən bəhs edəcəyik.

Zaqreb haradadır?

Zaqreb Xorvatiyanın paytaxtıdır və ölkənin şimal-qərb hissəsində yerləşir. Xorvatiyanın daha populyar yerləri ilə müqayisədə, buranın dənizə birbaşa çıxışı yoxdur. Dəniz, adalar və çimərliklər əslində insanların Xorvatiyaya səyahət etmələrinin əsas səbəblərindəndir. Ancaq sizə bir şey deyə bilərəm ki, Zaqrebə səyahət etsəniz, dəniz çatışmazlığı digər möhtəşəm şeylər ilə tarazlaşacaq.

Zaqrebə səyahət

Düzü, Zaqrebin coğrafi mövqeyi o qədər yaxşıdır ki, Avropanın qalan hissələriilə əlaqələrinin olmamasından şikayət etmək axmaqlıq olardı. Paytaxt şəhərlərdən birbaşa uçuşların yanı sıra, bura avtobus, qatar və ya dəniz yolu ilə asanlıqla çatmaq olar. Möhtəşəm İnstaqram şəkilləri arzusu ilə daha uzun bir səfərə çıxsanız, Lyublyana, Budapeşt və ya hətta Vyanadasınızsa, Zaqrebə səyahət barəsində düşünə bilərsiniz. Bütün bu paytaxtlar bir-birləri ilə sadəcə bir neçə saatlıq məsafədədir və bu klassik gözəlliklərə Zaqrebi əlavə etmək əla fikirdir!

Zaqrebdə nə etməli?

Bir turist olaraq bu şəhər sizi məyus etməyəcək. Zaqrebdə görülməli çox möhtəşəm yerlər var! Zaqrebdə nə etməli? İnsanların çoxu tarixi məkanları ziyarət etməyi və ya Plitviçka Göllərinə qısa səfəri seçəcəklər. Ancaq daha çoxu mümkündür! Aşağıda, Xorvatiyanın paytaxtının xüsusi ilə gözəl yerlərinin qısa bir siyahısı verilmişdir. Bəlkə də bu yerlərdə İnstaqram səhifənizdəki ən gözəl və ən çox "like" alan şəkli çəkə biləcəksiniz.

1. Dolac Market

Getdiyim hər yerdə etməyi ən sevdiyim şeylərdən biri də bazarlara baş çəkməkdir. Bu səbəblə çox dəyərli bir məsləhət verəcəyəm. Zaqrebdə nə edəcəyinizdən əmin deyilsinizsə, dərhal Dolac Market-ə yönəlin! Yerli sakinləri təbii habitatlarında müşahidə edə biləcəksiniz. Bundan başqa, kameranız bütün təzə yerli məhsullardan və qırmızı çətirlərdən məmnun olacaq. Bu ziyarəti əbədiləşdirmək üçün çiçək və ürək şəklində suvenirlər almağı unutmayın!

2. Müqəddəs Mark Kilsəsi

Bu bina doğurdan da məxsusidir. Zaqrebin ən qədim binalarından biri olan, kilsə, rəngarəng kirəmitli damı ilə tanınır. Bunu heç nə ilə qarışdıra bilməzsiniz! Bina İnstaqramınıza da rəng qatacaq. Sadəcə rənglərin ekstravaqant qarışığına uyğun geyimlər seçin. Budur, möhtəşəm şəkillər üçün, möhtəşəm zəmin!

3. Mirogoj Qəbiristanlığı

Qəbiristanlığın bu siyahıda olması biraz qəribə görünə bilər, ancaq bura Zaqrebdə ziyarət ediləsi yerlərdən biridir. Tez-tez Avropanın ən məşhur məzarlıqlarından biri olaraq xarakterizə edilən bu yer, bir çox şair və bəstəkarın dəfn yeridir. Bəs Mirogoj-u cəlbedici edən nədir? Sarmaşıqlarla örtülü nağıllardakı kimi görünən kirəmitli arkada istirahət və növbəti çəkilişinizi etmək üçün əla bir yer olacaqdır!

4. Botanicar

Yemək və dizaynsevər izləyicilərinizi valeh etmək üçün İnstaqramlıq yerlər axtarırsınızsa, budur! Kamera obyektivi qədər göz üçün də “cənnət” olan bu şirin yer, yaxınlıqdakı botanika bağlarından ilhamlanıb. Bir çox fərqli bitki ilə doldurulmuş yaşıl məxmər divanlar və bunlara görə hazırlanan kokteylləri olan bu İnstaqramlıq məkanı ziyarət sizə zövq verəcəkdir! İstəyinizə əsasən çəkiliş aspektini seçə bilərsiniz. Kafe çəkimi, dizayn çəkimi, yoxsa hansısa tədbirdən qısa bir an? Hər şey sizin əlinizdədir!

5. Oktogon

Zaqrebdəki ən populyar keçidlərdən biri, gözəl şüşə damının adını almışdır. Təəccübləndirici deyil ki, səkkizbucaq formalı obyekt, İnstaqram şəkillərinizdə inanılmaz bir özəllik olacaq. Sadəcə Ilica və Floral meydanlarını birləşdirən keçiddə başınızı qaldırın və… Həndəsi mükəmməllik!

6. Gric Tunnel

Bura İnstaqramlıq yerlərin bəzi xüsusiyyətlərinə malikdir. Qəribə, orijinal və fotogenik Gric Tuneli, tədbirlər və sənət sərgiləri zamanı xüsusilə əla bir yerdir. Onu daha da maraqlı edən, II Dünya müharibəsi dövründə insanları hava hücumlarından qorumaq üçün inşa edilməsidir. 2016-cı ildə yenidən açılan məkan, Xorvatiyanın paytaxtı Zaqrebdə ən tanınmış yerlərdən birinə çevrildi.

7. Zaqreb 360 °

Bütün turistlərin ən sevdiyi şeylərdən biri də şəhəri yuxarıdan görmək imkanıdır. Buna görə də, indi haqqında danışacağımız yerin niyə Zaqrebdə ən çox ziyarət edilən turistik yer olması tamamilə məntiqlidir. "Zagreb Skyscraper"-in 16-cı mərtəbəsinə çıxın və şəhərin ən yüksək müşahidə göyərtəsindən ətrafa nəzər salın. Üfüq şəkillərini sevənlərdənsinizsə, buranın Zaqrebdəki ən yaxşı yerlərdən biri olduğunu söyləməyə ehtiyac yoxdur!

8. Maksimir Park

Gəzintilər və sakit bir gün üçün inanılmaz bir park olmasının yanı sıra, burada heyranedici beş göl var. Şəhərin ortasında sakit və yaşıl bir ada! Parkda göz oxşayan şəkillər çəkmək üçün hər şərait mövcuddur, ancaq vurğulamaq istədiyim xüsusi bir yer var. Viewpoint Cafe və ya Vidikovac, dostlarınızla qəhvə içmək və bu arada əla İnstaqram şəkilləri çəkmək üçün inanılmaz bir yerdir. Parkda zoopark da var və yay aylarında müxtəlif tədbirlərə (açıq hava kinoteatrı kimi) ev sahibliyi edir. Çox yaxşı səslənir, elə deyilmi?

9. Plitviçka Gölləri

Texniki cəhətdən Zaqrebdə gediləcək yerlərdən biri olmasa belə, bu təbii gözəllik kifayət qədər yaxınlıqdadır. Odur ki, ziyarət etdiyinizdən əmin olun. Zaqrebin yaxınlığında yerləşən bu yer, Xorvatiyanın qonaqları arasında ən populyar yerlərdən biridir. Bu ölkənin ilk milli parkı olan Plitviçka Gölləri bir-birinə bağlı 16 gölün heyranedici gözəlliyinə malikdir, lakin bu son deyil. Yam-yaşıl meşələr, vəhşi heyvanlar, şəlalələr ... Bir sözlə, təbiətdə möhtəşəm bir fotosessiya üçün lazım olan hər şey

10. Art Pavilion

19-cu əsrə aid bu fərqli tikilinin həm daxili, həm də xarici tamamilə İnstaqramlıqdır. Bu gözəl memarlıq kadrlarına başqa bir rəng qatmaq üçün, məkanı bəzi böyük sənət sərgiləri və ya tədbirləri zamanı ziyarət edin!

11. Gradec Plateau

Üfüq şəkillərini sevənlər üçün başqa bir yer daha. Bura həmçinin Zaqrebin ən romantik yerlərindən biridir. Yerli sakinlər bunun Zaqrebdə ediləcək ən yaxşı şeylərdən biri olduğunu söyləyəcəklər: şərab götürün və günəş batanda sevdiyiniz biri ilə canlı şəhərin gözəlliyindən zövq alın. Buradan çəkilmiş fotolar kafedralı və şəhərin ən tanınmış başqa yerlərini də əhatə edəcək!

12. Flower square

Dolac Market-dən cəmi bir neçə dəqiqəlik məsafədə yerləşən bu meydan çiçək satanlarla dolu gözəl bir yer olmaqla yanaşı, Spica-nın dadını çıxarmaq üçün ən yaxşı yerlərdən biridir. Daha dəqiq desək: yerli sakinlər bəzənib-düzənir, şənbə günündə səhər qəhvəsini içmək üçün dostları ilə görüşür və kafelərdən birində söhbət edirlər. Kütləyə qarışıb #instacoffee anınızı doya-doya yaşayın.

Gözəl deyillər? Və ya başlığımıza uyğun olaraq desək İnstaqramlıq? Sadəcə bir bilet alın və möhtəşəm şəkillər çəkmək, daha əsası isə, əla vaxt keçirmək üçün Zaqrebə üz tutun. Ən azından bunu İnstaqram izləyicilərinizin az tanınan yerlərə marağını artırmaq üçün edin...